Պարո՛ն Մարուքյան, դուք փայլուն մանիպուլյատոր եք․ տենց փայլուն մանիպուլացնել երկրորդ քաղաքական գործչի տրված չէ․ Գրիգորյան

Այսօր պարոն Աբովյանն ասաց, որ ես փայլուն իրավաբան եմ, ես էլ շարունակեմ կոմպլիմենտները: Պարո՛ն Մարուքյան, դուք էլ փայլուն մանիպուլյատոր եք։ Այս մասին այսօր ԱԺ-ում «Ձերբակալված եւ կալանավորված անձանց պահելու մասին» ՀՀ օրենքում լրացումներ կատարելու մասին օրենքի նախագծի քննարկման ժամանակ ասաց «Իմ քայլը» խմբակցության պատգամավոր Սուրեն Գրիգորյանը։ «Երեւի տենց փայլուն մանիպուլացնել երկրորդ որեւէ քաղաքական գործչի տրված չէ»,- շարունակեց Գրիգորյանը։ Նախագիծը, որի հեղինակը «Լուսավոր Հայաստան» խմբակցությունն է, ձերբակալվածներին պահելու վայրում եւ կալանավորվածներին պահելու վայրում պահվող անձանց հետ անարգել տեսակցելու մասին է։ «Հանձնաժողովի նիստերից հետո կառավարությունը բերում է առաջարկ, ասում է՝ լավ, եղել է ժամանակին պրակտիկա, չնայած հիմա չկա, բայց եկեք օրենքում հստակ գրենք, որ պատգամավորը կարող է մտնել ցանկացած խուց, հաղորդակցվել այնտեղ գտնվող անձանց հետ։ Եթե ցանկանա մեկուսի տեսակցել դատապարտյալին, դիմի քննիչին, եւ քննիչը կարողանա դա մերժել միայն պատճառաբանված որոշմամբ»,- ներկայացրեց Գրիգորյանը։ Այս առաջարկը, սակայն, ԼՀԿ-ն չի ընդունել։

Իր ելույթում Էդմոն Մարուքյանը նշեց, որ ինչ-որ տեղ ուրախ է, որ իր գործընկերներն ուզում են մերժել այս նախագիծը․ «Որովհետեւ եթե մերժեք, այն կմնա նախկին տեսքով»,- ասաց նա։ «Ես ուզում եմ մի քիչ պատմել, թե ինչ է եղել ընդհանրապես, որ շատ տարբեր ձեւերով այստեղ խեղաթյուրվեց։ 2004 թվականից մինչեւ 2012 թվականը ես հանդիսացել եմ Արդարադատության նախարարության ՔԿՀ-ների եւ կալանավորված անձանց պահելու վայրերում դիտորդական խմբի անդամ։ 2008 թվականի մարտի 1-ի դեպքերից հետո ՀՀ ՔԿՀ-ներում, այդ թվում՝ ԱԱԾ մեկուսարանում, հայտնվեցին մեր այսօրվա գործընկերները։ Եվ դիտորդական խումբն այցելում էր բանտերում գտնվող քաղաքական գործիչներին եւ պատգամավորներին, որոնց նկատմամբ քննիչները կայացրել էին որոշում՝ տեսակցության արգելքի»,- ասաց Մարուքյանը՝ հավելելով, որ 2010 թվականին երկրում մի ահավոր բան տեղի ունեցավ. Հրայր Թովմասյանը նշանակվեց արդարադատության նախարար։ Ինչպես նշեց պատգամավորը, Թովմասյանը սկսեց մեկնաբանել այս նորմն այնպես, ինչպես հիմա մեկնաբանում են իմքայլականները, ինչպես մեկնաբանում է Արդարադատության նախարարությունը։ «Արդեն 10 տարի է՝ Հրայր Թովմասյանի նման մեկնաբանեցին նրանից հետո եկած նախարարները, հեղափոխությունից հետո՝ նաեւ գործող նախարարությունը, գործող քաղաքական մեծամասնությունը։ Այն ժամանակ ես եւ Նիկոլ Փաշինյանը գնացինք Ժիրայր Սեֆիլյանին այցելելու, արգելք կար, չթողեցին տեսնենք, Փաշինյանը բերեց նախագիծ՝ քանի որ դուք մեկնաբանում եք՝ տեսակցել գրված չէ, բերում ենք նախագիծ։ Մենք քննարկեցինք, ես Նիկոլին ասացի, որ այս դրույթը կիրառվել է, ինքն էլ գիտեր, բայց ասաց՝ չէ, բեր հստակեցման համար սա բերենք, որ ընդունվի, չկարողանան այդ մեկնաբանությունն ասեն։ Բերեցինք, մերժվեց, հիմա բերել ենք, էլի մերժվում է»,- ասաց Մարուքյանը՝ շեշտելով, որ տեսակցելու մասին չէ խոսակցությունը, պատգամավորը տեսակցող չէ։ «Պատգամավորը մտնում է ՔԿՀ, ծանոթանում է պայմաններին, խոնավությանը, տեսնում է՝ կալանավորն ինչ վիճակում է իր խցի մեջ: Այս բոլոր իրավունքները մինչեւ 2010 թվականն ունեցել ենք։ Ինչո՞ւ հիմա չունենք, որովհետեւ դուք մեկնաբանում եք այնպես, ինչպես Հրայր Թովմասյանը: Ցանկացած ոք, որ այս նորմը մեկնաբանում է այդ կերպ, ինձ համար Հրայր Թովմասյան է։ Այն ժամանակ էլ ես, Փաշինյանն ասում էինք՝ այ հարգելի հանրապետականներ, վաղը, մյուս օր իշխանափոխություն կլինի, դատական գործեր կհարուցվեն, ձեզ կնստեցնեն, դուք կարիք կունենաք, որ մենք այցելենք ձեզ, ասում էին՝ չէ, դա չի լինի։ Սա ինձ մոտ դեժավյու է առաջացնում, վաղը, մյուս օր էլի քրեական գործեր են լինելու, հնարավորություն տվեք ձեզ այցելել, այ ձեր ցավը տանեմ։ Է՞լ ինչ անենք ձեզ համար, որ չդառնաք Հրայր Թովմասյան»,- եզրափակեց իր ելույթը Մարուքյանը։

Խմբակցության անունից ելույթների ժամանակ Սուրեն Գրիգորյանն անդրադարձավ այս ելույթին։ «Ձեր խմբակցության ներկայացուցիչը՝ այս նախագծի հիմնական զեկուցողը, գալիս է փետրվարի 10-ին, առաջին ընթերցումից առաջ նախագիծը ներկայացնում ու ասում է՝ դե, մեկուսի տեսակցության մասին է նաեւ խոսքը։ Նույնը կրկնում է ապրիլի 9-ին, նույն կերպ հասկացել են «Բարգավաճ Հայաստան»-ի մեր գործընկերները, որովհետեւ նրանք էլ ասացին, որ պետք է լինի հնարավորություն առանձին, մեկուսի տեսակցելու, որովհետեւ կարող է կաշկանդվեն աշխատակցի մոտ»,- ասաց Գրիգորյանը՝ հավելելով՝ միանշանակ է, որ առաջարկվել է մեկուսի տեսակցություն։ «Հանձնաժողովի նիստերից հետո կառավարությունը բերում է առաջարկ, ասում է՝ լավ, եղել է ժամանակին պրակտիկա, չնայած հիմա չկա, բայց եկեք օրենքում հստակ գրենք, որ պատգամավորը կարող է մտնել ցանկացած խուց, հաղորդակցվել այնտեղ գտնվող անձանց հետ։ Եթե ցանկանա մեկուսի տեսակցել դատապարտյալին, դիմի քննիչին, եւ քննիչը կարողանա դա մերժել միայն պատճառաբանված որոշմամբ։ Դուք մերժեցիք այդ առաջարկը ու դրանից հետո նոր դուրս եք եկել այս ամբիոնից, ասում եք՝ տեսակցելու մասին չէ խոսքը, պատգամավորը տեսակցող չէ»,- ասաց պատգամավորը, այնուհետեւ ավելացրեց․ «Բա, եթե տեսակցության մասին չէ խոսքը, ինչո՞ւ եք տեսակցության հոդվածում փոփոխություն նախատեսող նախագիծ բերում։ Կարո՞ղ ա դուք տեղյակ չեք՝ նույն ֆրակցիայի ներսում ձեր հիմնական զեկուցողն ինչ նախագիծ ա զեկուցում եւ ինչպես»։

Պատգամավորի խոսքով՝ ԼՀԿ-ն փորձում է ներկայացնել, որ տեսեք՝ «Իմ քայլը»-ը նույն այն մեկնաբանության կրողն է, որն անում էր Հրայր Թովմասյանը։ «Մենք չէինք հասկանում, թե ինչի մերժեցիք այդ առաջարկը, հիմա հասկանում ենք։ Մերժել եք, որ այ սենց ելույթ ունենաք, որ դուրս գաք եւ մեզ մեղադրեք Հրայր Թովմասյանի վարած քաղաքականությունը շարունակելու մեջ։ Դուք չունեք նպատակ, որ լավ նախագիծ ընդունվի, դուք ունեք նպատակ սենց ելույթ ունենալու եւ իշխանությանը ներկայացնելու որպես ՀՀԿ-ի հետեւորդներ»,- եզրափակեց Գրիգրոյանը։

Տպել
1672 դիտում

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»

Գո՞հ չեք, մենք գոհ ենք․ վարչապետը՝ տրանսպորտի ոլորտում իրանացվելիք նոր ծրագրի մասին

Վախեցնում ես մեզ, որ ի՞նչ անես. մենք վաղուց ավարտել ենք. Սերգեյ Բագրատյանը՝ Նազելի Բաղդասարյանին

Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

2 անչափահաս երեխա, ամուսինն էլ՝ սահմանին. բուժքույրը հերթափոխով աշխատել չի կարող, տնօրենն էլ ասում է՝ պայմանը միայն դա է

Սիրուշոն տեսակապով խոսել է «Թղթե տունը» սերիալի երգչուհու հետ. վերջինս խոստովանել է, որ նոր եթերաշրջան է լինելու

Խախտման մասին արձանագրությունը կներկայացվի պարետատուն. ՍԱՏՄ

«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

Ունենք կորոնավիրուսի 2 օջախ․ մեկը տուն-ինտերնատն է, մյուսը՝ մանկատունը․ Արսեն Թորոսյան

ԱՆ-ն ձեռք է բերել 500 մատնային պուլսօքսիմետր. դրանք արդեն իսկ բաշխվել են մարզերի եւ Երեւանի հիվանդանոցներին

Իսպանիայում ֆուտբոլասերները գուցե կարողանան մարզադաշտ գնալ հաջորդ մրցաշրջանում