Արցախի ընտրություններում ՀՅԴ-ն չի աջակցի նախագահի թեկնածուներից որեւէ մեկին

Արցախի նախագահական ընտրությունների երկրորդ փուլում Հ.Յ. Դաշնակցությունը չի աջակցի նախագահի թեկնածուներից որևէ մեկին:

ՀՅԴ Արցախի Կենտրոնական կոմիտեն հայտարարություն է տարածել.

«Հարգելի՛ հայրենակիցներ,

Ի գիտություն ընդունելով Արցախի Հանրապետության Կենտրոնական ընտրական հանձնաժողովի հաղորդագրությունը ս. թ. մարտի 31-ին կայացած համապետական ընտրությունների պաշտոնական արդյունքների վերաբերյալ և վերլուծելով ընտրական գործընթացին առնչվող տվյալներն ու տեղեկությունները, արձանագրում ենք.

Ընտրությունները տեղի ունեցան օրենքով սահմանված կարգով, ժամկետներում, մրցակցային, բայց անհավասար պայմաններում, սակայն ընտրություններին նախորդած զարգացումները և քվեարկության ընթացքը համադրելի են 2005 թ.-ին տեղի ունեցած ընտրախախտումների և արատավոր երևույթների հետ:

Հաշվի առնելով մեր Հանրապետության առջև ծառացած ներքին և արտաքին մարտահրավերները, գործադիր և օրենսդիր իշխանություն ձևավորելու անհրաժեշտությունը, ընդունում ենք ընտրությունների արդյունքները՝ ակնկալելով, որ հանուն ազատ, անկախ և կայուն զարգացող Արցախի՝ իշխանությունները կանեն համարժեք հետևություններ, մասնավորապես կապահովեն արձանագրված ընտրախախտումների անաչառ, համակողմանի քննությունը, իսկ առաջիկայում լրջորեն կանդրադառնան համակարգային փոփոխությունների սահմանադրական լուծումների մեր քաղաքական պահանջի իրագործման և ընտրական օրենսգրքի բարեփոխման հարցերին:

Քարոզարշավի ընթացքում անդրադարձել ենք հասարակությանը հուզող հիմնախնդիրներին և ներկայացրել դրանց լուծման մեր պատկերացումները, տուրք չտալով ամբոխավարությանը: Սակայն այս կամ այն պատճառով, ցավոք, մեր խոսքը լայնորեն չընկալվեց և խորհրդարանական ընտրությունների արդյունքում մեր կուսակցությունը ԱՀ Ազգային Ժողովում ներկայացված կլինի երեք պատգամավորներով:

Մեր դիրքորոշումների հաստատուն հենքը՝ երկրի անվտանգությանը, կայուն զարգացմանը, անհրաժեշտ բարեփոխումներին, տնտեսական զարգացմանը, սոցիալական արդարությանը եւ օրենքի գերակայության ապահովմանը միտված աշխատանքներն են:

Շնորհակալություն ենք հայտնում ազատ ու գիտակցված ընտրություն կատարած մեր բազմահազար հայրենակիցներին և այդ թվում՝ Հ.Յ. Դաշնակցության շուրջ համախմբված ընտրապայքարի բոլոր մասնակիցներին:

Ապրիլի 14-ին նախատեսված ԱՀ նախագահական ընտրությունների երկրորդ փուլին կմասնակցեն առավելագույն քվե ստացած երկու թեկնածուները:

Մեկնելով մեր նախընտրական ծրագրի հիմնադրույթներից և առկա քաղաքական զարգացումներից՝ Հ.Յ. Դաշնակցությունը չի աջակցի նախագահի թեկնածուներից որևէ մեկին:

Անկախ քաղաքական հայացքներից, մեզ բոլորիս միավորում է հայրենիքի բարօրությունն ու զարգացումն առաջ տանելու վճռականությունը»,- ասված է հայտարարության մեջ:

Տպել
848 դիտում

Տեսանյութում ներկայացված է միջադեպի միայն մի մասը. Արդարադատության նախարարի մի քանի արձանագրումները

Եթե 38 աստիճանից բարձր է ջերմում, հոսպիտալացման ցուցում է․ պոլիկլինիկայի աշխատակիցը խոսում է նոր կարգի մասին

Նախագահ Արմեն Սարգսյանն ու նախարար Արսեն Թորոսյանը հանդիպել են (տեսանյութ)

ՄԱԿ-ի պարենի համաշխարհային ծրագիրը 233 մլն դրամ կտրամադրի նպաստառու ընտանիքների 6-9 տարեկան դպրոցական երեխաներին

Առավել երկարատեւ կասեցումներ՝ կրկնախախտումների կամ առավել ռիսկային խախտումների դեպքում․ ԱԱՏՄ

Ով պայքարում է իշխանության դեմ, կամա թե ակամա դավաճանում է ազգին. Լեւոն Տեր-Պետրոսյան

Արգավանդ գյուղի մոտակայքում ավտովթար է տեղի ունեցել

ԱԱԾ տնօրենը՝ Գագիկ Խաչատրյանի որդու գտնվելու վայրի, Քյարամյանի հետ հարաբերությունների եւ կորոնավիրուսի մասին

Իրականացվող կոշտ մեթոդները՝ ուղղված համավարակի դեմ պայքարին, օրենքով նախատեսված մեթոդներով իրավաչափ է. փաստաբան

ԱԱԾ տնօրենի պաշտոնից Վանեցյանի հեռանալուց հետո ԱԱԾ-ն մի քանի միլիարդ դրամ մուտք է արել բյուջե. Մարտիրոսյան

Իրավապահների համազգեստով բեմականացում կատարելն այդքան էլ սիրուն չէ, այսօր դրա արդյունքը կտեսնեք. ԱԱԾ տնօրեն

ՀՀ ֆուտբոլի հավաքականի իսպանացի հայտնի մարզիչ Խոակին Կապառոսը Հայաստանում է. նա կարանտինում է

Երբ ուժ չենք կիրառում, ասում են՝ մեղմ եք, խաղալիք եք, թավշյա եք, երբ կիրառում ենք, դիտարկում են բռնություն. ոստիկանապետ

IDBank-ի դեբետային քարտերը կարելի է պատվիրել արդեն նաև Idram-ով

Առաջիկա օրերին սպասվում է փայտիկների մեծ խմբաքանակ, որը կբաշխվի նմուշառում իրականացնող հաստատություններին. Ա. Նիկողոսյան

«Չեմ ասել, թե սխալվել եմ. սա Շվեդիայի համար առավել հարմար ուղի է». Թեգնելը հերքել է սկանդալային լուրերը

«Զինծառայողների ապահովագրության հիմնադրամը» դատի է տվել Տիգրան Ուրիխանյանին․ պահանջում են նաեւ 1000 դրամ փոխհատուցում

ՀՊՏՀ-ի ռեկտորի թափուր պաշտոնի մրցույթը տեղի կունենա հուլիսի 17-ին․ Գալոյանն ավելի վաղ հաստատել էր իր մասնակցությունը

Եղել է մի հեղափոխական փոփոխություն, որն ուղղակի կերազեին նախկինում տեղի ունենար․ ոստիկանապետ

Կոչ ենք անում ենթարկվել հակահամաճարակային կանոններին և ոստիկանների պահանջներին. վարչապետի խոսնակ