Վաղվանից ցուցումով բոլոր բուժաշխատողներին, թոքաբորբով հիվանդ ՀՀ բոլոր քաղաքացիներին կթեստավորենք․ վարչապետ

Երեկ մենք իրականացրել ենք կորոնավիրուսի 236 թեստ, որից դրական է 28-ը։ Սա նշանակում է, որ մենք շարունակում ենք պահպանել շաբաթվա սկզբում արձանագրված զգուշավոր լավատեսությունը։ Այս մասին այսօր ՀՀ կառավարության նիստում ասաց վարչապետ Նիկոլ Փաշինյանը՝ հավելելով, որ նոր բուժվածների թիվը 24 է։

«Մենք առաջիկայում սպասում ենք բուժվածների թվի աճ, նաեւ մեկուսացումից դուրս եկած անձանց թվի աճ։ Վաղը պարետատանը կքննարկենք մեր հետագա անելիքները, թե երկուշաբթի օրվանից ինչ կարգավորումներ պիտի գործեն։ Բայց այս պահին մեր ամենամեծ մարտահրավերը հետեւյալն է, որ մենք վաղվանից արդեն պիտի ստեղծենք օրը 1000 թեստի հնարավորություն։ Այսօր արդեն խորհրդակցություն ենք ունեցել, եւ նախարարը պարզաբանել է, որ առաջին փուլում հնարավոր է, որ այդ թեստերի թիվը 1000-ի չհասնի։ Այնուամենայնիվ, քննարկումների արդյունքում եկանք այն եզրակացության, որ պետք է ցուցում լինի, ուղղակի մարդկանց հրավիրել եւ թեստավորել կլինի ժամանակի եւ ռեսուրսի անիմաստ կորուստ»,- ասաց Նիկոլ Փաշինյանը։

Նա ընդգծեց, որ վաղվանից ցուցումով բոլոր բուժաշխատողներին, թոքաբորբով հիվանդ ՀՀ բոլոր քաղաքացիներին, գուցե նաեւ այլ վիրուսային հիվանդություններ ունեցող քաղաքացիներին պարտադիր կթեստավորեն եւ պատկերացում կկազմեն ընթացիկ իրավիճակի մասին։

«Եվս մեկ ճշտում եմ ուզում անել կորոնավիրուսի հաստատված դեպքերի կապակցությամբ։ Տեղեկացնեմ, որ վերջին 1 շաբաթվա ընթացքում մենք այս թեմային վերաբերող ամբողջ տեղեկատվությունն ինտեգրել ենք եւ ստեղծել ենք թվային համակարգ, որտեղ օնլայն ռեժիմով թարմացվում են տվյալները»,- ասաց վարչապետը։

Նա նշեց, որ ճշգրտումների ընթացքում հայտնաբերել է 12 անճշտություն։

«Իհարկե, եւս մեկ անգամ կստուգվի այդ անճշտությունը։ Ընդհանուր թվի հաշվառման առումով մենք պետք է արձանագրենք, որ վարակի մեկնարկից ի վեր Հայաստանում արձանագրվել է կորոնավիրուսի 921 դեպք, առանց այդ 12-ի հաշվառման կլիներ 909 դեպք։ Այսպիսի անճշտությունները տոկոսային հարաբերությամբ հնարավոր են, որովհետեւ դա կապված է լինում երբեմն պացիենտին մի հիվանդանոցից այլ հիվանդանոց տեղափոխելու հետ, դրական ախտորոշումից հետո ախտորոշման վայրից դուրս գալու եւ դեռեւս որեւէ բուժհիմնարկում դե յուրե չգրանցվելու հետ։ Սա, իհարկե, մեծ բան չի փոխում մեր տվյալների մեջ, բայց մեր աշխատանքի թափանցիկության սկզբունքին հավատարիմ մնալով՝ եթե այսպիսի անճշտություններ լինեն, մենք ժամանակ առ ժամանակ կուղղենք»,- ասաց վարչապետը։

Տպել
8601 դիտում

Փարաքարում այսօր կորոնավիրուսից մեկ երիտասարդ մարդ է մահացել․ պատգամավոր

Դիմել եմ ՀՖՖ, ակնկալում եմ համապատասխան եւ կոշտ պատասխան «Փյունիկի» անգործության դեմ. Էդգար Մանուչարյան

Հետախուզում է հայտարարվել Գագիկ Բեգլարյանի եղբոր նկատմամբ

Խախտումների մասին տեղեկությունները դուխով հրապարակեք ձեր էջերում. վարչապետ

Հուլիսի սկզբին Հայաստանում կբացվի «Կալաշնիկով» ինքնաձիգներ արտադրող գործարանը

Մի շարք դպրոցներում եղել են խախտումներ, ԿԳՄՍ նախարարն անձամբ այցելելու է կրթական հաստատություններ

Կոշտ զրույց եմ ունեցել ոստիկանապետի հետ՝ իրավիճակը պատշաճ չզեկուցելու համար. հիվանդանոցներում տեղերը սպառվում են

Ապացուցենք, որ միասնականության շնորհիվ մենք այս անգամ էլ դուրս կգանք անելանելի թվացող իրավիճակներից. Աննա Հակոբյան

Հրայր Թովմասյանի եւ Նորայր Փանոսյանի գործով այսօրվա դատական նիստը չի կայանա

Նախարար Հակոբ Արշակյանը այցելում է «Հայփոստ»-ի բաժանմունքներ՝ ծանոթանալու իրավիճակին (տեսանյութ)

Առաջարկվում է ԱԺ-ի կողմից ընտրովի մարմինների անդամների ընտրությունը քննարկել նաև արտահերթ նիստում

Այս տարվա առաջին 4 ամիսների ՀԴՄ-ներով արտացոլված իրացման շրջանառությունը նվազել է 20 տոկոսով․ ՊԵԿ փոխնախագահ

Երևանի թիվ 132 դպրոց. վարչապետը այսօրվա լուսանկար է հրապարակել

Բնակարանային գողություն կատարած 195 մեղադրյալներից 16-ն են ունեցել աշխատանք, 24 անչափահասներից 11-ն են հաճախել դպրոց

Ռուսաստանը COVID-19-ի բուժման համար կկիրառի Ավիֆավիր դեղամիջոցը. այն անցել է փորձարկումն ու գրանցվել

«Մեյմանդարի» շուկայի մոտ կայանված մեքենան գլխիվայր շրջելու խուլիգանության համար կան ձերբակալվածներ (տեսանյութ)

Աննա Հակոբյանը եւ Հրաչյա Հակոբյանը դատի են տվել Միքայել Մինասյանին․ պահանջում են նաեւ փոխհատուցում

Ընտանեկան կարգավիճակի մասին տեղեկանքն այսուհետ հնարավոր է ստանալ նաև էլեկտրոնային տարբերակով

Մեր գործերը հիմա ավելի վատ են՝ ո՛չ պատվաստանյութ ունենք, ո՛չ էլ՝ բուժող դեղամիջոց. ԱՀԿ-ն անդրադարձել է նաեւ Հայաստանին

Մինչեւ հունիսի 15-ը դադարեցվում է ՃՈ հաշվառման-քննական ստորաբաժանումների, անձնագրային եւ վիզաների վարչության աշխատանքը