Իմբիրը թանկացրած Մեյմանդարի շուկայի էդ մարդուն ես ի՞նչ անեմ. ՏՄՊՊՀ նախագահը՝ պատգամավորներին

ՏՄՊՊՀ-ն օրենսդրությամբ իրավասություն չունի կարգավորել գները։ Այս մասին այսօր ԱԺ տնտեսական հարցերի հանձնաժողովի նիստի ժամանակ ասաց ՏՄՊՊՀ նախագահ Գեղամ Գեւորգյանը։

«Լուսավոր Հայաստան» խմբակցության պատգամավոր Արկադի Խաչատրյանը Գեւորգյանից հետաքրքրվեց, թե արդյոք գնաճի վերաբերյալ ուսումնասիրություն արվել է, հիմնավորվածություն կա, թե ոչ:

Ի պատասխան՝ ՏՄՊՊՀ նախագահը նշեց, որ գները կարգավորելու ֆունկցիա ՀՀ-ում որեւէ մարմին չունի։ «Գնաաճի հետ եւս մենք որեւէ առնչություն չունենք եւ չենք կարող միասնական գին սահմանել կամ կիրառել»,- ասաց Գեւորգյանը՝ հավելելով, որ եթե գները բարձրանում են, ՏՄՊՊՀ-ն ոչինչ չի կարող անել, այն էլ՝ 1-2 օրվա ընթացքում, ինչպես շատ հաճախ պահանջում են։ Նա շեշտեց, որ իրենց ֆունկցիաները օրենքում հստակ նշված են։ «Մենք գերիշխող դիրք, մենաշնորհ ունեցող կամ շուկայական իշխանություն ունեցող տնտեսվարող սուբյեկտների վարքագիծը կարգավորորղ մարմին ենք»,- ասաց նա։

ՏՄՊՊՀ նախագահը հայտարարեց, որ այս արտակարգ դրության ընթացքում 44 ապրանքային շուկայում ամենօրյա ռեժիմով իրականացնում են մշտադիտարկում, նաեւ մարզպետարանի աշխատակիցների միջոցով։ «Հակառակ դեպքում անհնար կլիներ ՀՀ 10 մարզերում եւ ամեն մարզի 2-3 քաղաքի խոշոր խանութներում ամենօրյա ռեժիմով իրականացնել մշտադիտարկում»,- ասաց Գեւորգյանը։ Նրա խոսքով՝ մշտադիտարկումներ իրականացնելուց հետո հետեւում են գների դինամիկային, հարցումներ են ուղարկում ՊԵԿ։ «Բոլոր տնտեսվարող սուբյեկտների մոտ նախատեսված է 1 հոգի պատասխանատու անձ, որը մեզ տրամադրում է իրենց ձեռքբերման գները։ Եթե տեսնում ենք բացատրությունների մեջ մտահոգիչ երեւույթներ, սկսում ենք պրոցես։ Այս պահին մենք բոլոր ապրանքային շուկաներում ունենք հարուցված գործընթացներ, ուղղակի արագության մասին խոսելիս մենք չենք կարող 1-2 օրվա ընթացքում գործ անել եւ պատասխանատվության ենթարկել։ Նախ պետք է պաշտոնապես բացատրություն ստանանք, հետո հրավիրենք այդ մարդկանց, լսենք, որովհետեւ դա իրենց իրավունքն է, եւ դրանից հետո գործընթացում կարողանանք ապացուցել՝ կա արդյոք այդտեղ գերիշխող դիրք կամ արհեստական դիֆիցիտ»,- մանրամասնեց Գեւորգյանը։

Գների դինամիկայի հետ կապված, ըստ Գեւորգյանի, կան որոշակի բարձրացումներ, բայց այն փաստը, որ գները կրկնակի աճել են, գոյություն չունի։ «Պետք է հստակ ապացույց ներկայացվի՝ որտեղ, որ մենք կարողնանք նայել, որովհետեւ մենք չենք կարող այդ հայտարարության հետեւից գնալ»,- հավելեց ՏՄՊՊՀ նախագահը։

Նրա խոսքով՝ վերջին թանկացումները հիմնականում կապվում են արտարժույթի բարձրացման տրամաբանության եւ ներմուծման որոշակի թանկացումների հետ, բայց դա չի նշանակում, որ իրենք դա բացարձակ ճշմարտություն են ընդունում։ «Մենք ասում ենք՝ տնտեսվարող սուբյեկտների բացատրությունը սա է, ճիշտ կլինի՝ շատ բարի, ճիշտ չի լինի՝ հարուցած պրոցեսի ընթացքում մենք կսկսենք պատասխանատվության ենթարկել»,- վստահեցրեց Գեւորգյանը։

Նա նաեւ շեշտեց, որ այսօրվա տվյլաներով գրեթե բոլոր կետերով ապրանքների գները նվազել են։ Այսօր տեղական արտադրության բոլոր կետերում բանջարեղենի գինն իջել է, կտրուկ գնանկում է եղել, եւ Գեւորգյանի համոզմամբ շուկան շնչում է, ինքն իրեն՝ աշխատում: «Մեր գործը հետեւելն է, որն անում ենք»,- ասաց նա։

«Մեր գործընկերները հանձնաժողով դիմում են այնպիսի հարցերով, որի մասով մենք ընդհանրապես ֆունկցիա չունենք։ Իսկ դուք հենց դիմում եք, մենք պարտավոր ենք պաշտոնական գործ սկսել»,- պատգամավորներին դիմեց Գեւորգյանը՝ հավելելով, որ ստիպված հիմա իմբիրի մասով պաշտոնական գործընթաց է սկսվել։

«Արդյունքը գիտեք՝ ինչ է եղել. ներմուծողները գինը չեն թանկացրել։ Մեկը մի 200 կգ առած ընկերություն ա, մեկն էլ՝ Մեմանդարի շուկան։ Հիմա էդ մարդուն անհատականացրել, գտել ենք։ Հիմա գիտեք՝ ինչ ենք անում, որ պարապ չմնանք։ Ուզում ենք գտնել, թե էս մարդն էլ ի՞նչ ցիտրուսային մրգեր է գնել, որ արհեստական դիֆիցիտի հիմքով տանենք մի բանով պատժենք, անկեղծ, որովհետեւ 2 ամիս ժամանակ եմ ծախսել, որ դա գտնեմ։ Բայց էդ Մեմանդարի շուկայի մարդուն ես ի՞նչ անեմ»,- ասաց Գեւորգյանը։

Տպել
1466 դիտում

Միխայիլ Միշուստինը շնորհավորել է Նիկոլ Փաշինյանին ծննդյան օրվա առթիվ

Քաջարանի բնակչին առևանգելու եւ ծեծի ենթարկելու գործով 3 անձ կալանավորվել է

«Դավիթ Սանասարյանի՝ 2013 թ.-ին արած առուծախի տեղեկություններ են կցել գործին». պաշտպանն ու դատախազը բանավիճեցին

Գյումրու ինֆեկցիոն հիվանդանոցում կորոնավիրուսով 81 հիվանդ կա. 9 մահ է գրանցվել մինչ այսօր

Նիկոլ Փաշինյանին ծննդյան օրվա առթիվ շնորհավորական ուղերձ է հղել Վլադիմիր Պուտինը

Հրազդան-Ծաղկաձոր ավտոճանապարհի 1-ին կմ-ին հրդեհվել է փայտյա տնակ

«Վարչապետն ինձ թուղթ է տվել, Մարուքյանի հետ՝ սուրճ խմել․ հիմա ի՞նչ է լինելու». Տիգրան Ուրիխանյան

Վարչապետը անասթեզիոլոգ-ռեանիմատոլոգներին հորդորում է որակավորումը հավաստող տվյալները ուղարկել նշված հասցեով

Սահմանադրական փոփոխությունների հանրաքվեն չեղարկելու մասին նախագիծն ընդունվեց առաջին ընթերցմամբ

Արցախում կորոնավիրուս է հաստատվել եւս 3 անձի մոտ. ժամանել էին արտերկրից

Կորոնավիրուսի 210 նոր դեպք է հաստատվել. գրանցվել է 13 մահ, 5-ը՝ այլ հիվանդության հետեւանքով

Կորոնավիրուսով վարակված շուրջ 100 տարեց կա. ահրաժեշտ են բժիշկներ, բուժքույրեր, մայրապետներ և սանիտարներ՝ խնամքի համար

Ավստրալական «Ձայնը» նախագծում Մաշա Մնջոյանի ելույթի ժամանակ պտտվել են ժյուրիի բոլոր անդամները (տեսանյութ)

Սերժ Սարգսյանի օրոք 15 միլիարդ է տրամադրվել բանակին՝ զենք գնելու համար, այդ զենքը մինչ օրս չկա. Հ. Հակոբյան (տեսանյութ)

Մենք հաջողությամբ կկարողանանք իրականացնել համազգային ծրագրեր. Արցախի նախագահը շնորհավորել է ՀՀ վարչապետի ծննդյան օրը

Ազգային ժողովում շարունակվում է քառօրյա նիստը․ «Իմ քայլը» խմբակցությունը 20 րոպե ընդմիջում խնդրեց

Հաղարծին գյուղ տանող կամրջի հենապատը փլուզվել է

ՀՀ վարչապետն ու նրա ընտանիքը վարակվել են կորոնավիրուսով (տեսանյութ)

Աննա Հակոբյանը հեռախոսազրույց է ունեցել Լիբանանի երիտասարդության նախարար Վարդինե Օհանյան-Գևորգյանի հետ

Ոստիկանության տարբեր ծառայության ստորաբաժանումների ղեկավարներ, ոստիկանության ծառայողներ հանդիպել են (տեսանյութ)