Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

ՀՀ կառավարությունը հաստատել է կորոնավիրուսի հետեւանքով աշխատանքի շուկայում սոցիալական խնդիրների առաջ կանգնած հղի կնոջը միանվագ դրամական օգնություն տրամադրելու ծրագրի կարգը։

Ստորեւ ներկայացնում ենք կարգը.

«1) Սույն կարգով կարգավորում են կորոնավիրուսի տարածման հետեւանքով աշխատանքի շուկայում գոյացած դժվարությունների արդյունքում սոցիալական խնդիրների առջեւ կանգնած հղի կնոջը միանվագ դրամական օժանդակություն նշանակելուն եւ վճարելուն առնչվող հարաբերությունները։ 

2) Միանվագ դրամական օժանդակությունը նշանակվում է բժշկական կազմակերպություններով հաշվառված՝ 2020-ի մարտի 30-ի դրությամբ հղիության 12-րդ շաբաթը լրացած կնոջը, եթե՝

  • Հղին այդ օրվա դրությամբ չի հանդիսանում վարձու աշխատող կամ անհատ ձեռնարկատեր, իսկ նրա ամուսինն ազատվել է աշխատանքից 2020-ի մարտի 13-ից 30-ն ընկած ժամանակահատվածում եւ չի անցել այլ աշխատանքի։
  • Հղին այդ օրվա դրությամբ չի հանդիսանում վարձու աշխատող կամ անհատ ձեռնարկատեր եւ չունի ամուսին (ամուսնալուծված է կամ ամուսինը մահացած է)։

3) Անձը չի կարող օգտվել այս ծրագրից, եթե`

  • հանդիսանում է ՀՀ կառավարության նախաձեռնած կորոնավիրուսով պայմանավորված սոցիալ-տնտեսական իրավիճակը կարգավորելու այլ միջոցառումների շահառու։
  • Անձը չի կարող օգտվել նաեւ, եթե հղիության 34-րդ շաբաթը լրացել է մինչեւ մարտի 30-ը։

4) Միանվագ դրամական օժանդակության չափը կազմում է 100 հազար դրամ։

5) Միանվագ դրամական օժանդակությունը նշանակում եւ վճարում է ՀՀ աշխատանքի եւ սոցիալական հարցերի նախարարության սոցիալական ապահովության ծառայությունը՝ առողջապահության եւ արդարադատության նախարարություններից ստացված տվյալների հիման վրա։

6) Առողջապահության նախարարությունը Սոցիալական ապահովության ծառայությանն է տրամադրում բժշկական կազմակերպություններում հաշվառված 2020 թվականի մարտի 30-ի դրությամբ առնվազն 12 շաբաթական, սակայն ոչ ավելի քան 34 շաբաթական հղիների՝ անունը, ազգանունը, հայրանունը, անձը հաստատող փաստաթղթի սերիան ու համարը, հանրային ծառայությունների համարանիշը, իսկ առկայության դեպքում՝ նաեւ հեռախոսահամարը եւ էլեկտրոնային հասցեն։

7) Իսկ արդարադատության նախարարությունը ծառայությանն է տրամադրում քաղաքացիական կացության ակտերի (ամուսնության, ամուսնալուծության, մահվան) գրանցման վերաբերյալ տեղեկություններ։

8) Սոցապ ծառայությունը հիմք ընդունելով այդ տվյալները կազմում է շահառուների ցանկն ու վճարման ցուցակներն՝ ըստ բանկերի։

9) Վճարման ցուցակում ներառվում են բանկի անվանումը, ինչպես նաեւ հղիի անունը, ազգանունը, անձը հաստատող փաստաթղթի սերիան ու համարը, հանրային ծառայությունների համարանիշը, վճարման ենթակա գումարը։

10) Օժանդակությունը տրամադրվում է անկանխիկ եղանակով։ Ընդ որում, եթե օժանդակության գումարը բանկին փոխանցելու ամսվան հաջորդող 3 ամսվա ընթացքում անձը բանկին չի ներկայացնում գումարը ստանալու պահանջ, ապա գումարը վերադարձվում է պետական բյուջե։

11) Բանկի ընտրությունը կատարվում է պատահականության սկզբունքով՝ բոլոր շահառուներին հավասարապես բաշխելով համաձայնագիր կնքած բանկերի միջեւ։

12) Վճարման ցուցակը բանկին փոխանցելու հաջորդ օրվանից շահառուն, online.ssa.am կայքէջում մուտքագրելով հանրային ծառայությունների համարանիշը կամ անձը հաստատող փաստաթղթի տվյալները, տեղեկանում է վճարման ցուցակում ներառված լինելու կամ չլինելու մասին։

13) Միանվագ դրամական օժանդակության գումարը չի կարող արգելադրվել, բռնագանձվել կամ հաշվանցվել հաճախորդի պարտավորությունների դիմաց։

14) Միանվագ դրամական օժանադակության գումարն ընտանիքի անապահովությունը գնահատելիս ընտանիքի ամբողջական եկամտի հաշվարկի մեջ չի մտնում»։

Տպել
758 դիտում

Վարակված աշխատակիցը 1 շաբաթում վարակել է 216 աշխատակցից 94-ին. նախարարը ներկայացնում է վարակի տարածման ձեւերից մեկը

36-ամյա տղամարդը զենքը մեքենայում դնելու ժամանակ անզգուշությամբ կրակել էր իր ոտքին

Արցախում կգործի 13 նախարարություն եւ պետական կառավարման 8 այլ մարմին. նախագահը մանրամասնել է

«Այս դատական նիստին ներկա է գտնվում 30-ից ավելի անձ». Ռոբերտ Քոչարյանի պաշտպանը՝ վարակի ռիսկերի մասին

Ալավերդցի Վահագնի նկատմամբ գրավի կիրառումը ճանաչվել է անթույլատրելի. որոշումն ի կատար չի ածվում. Ե. Վարոսյան

«Որքան էլ զարմանալի է, համաձայն եմ ձեզ հետ». Խաժակյանը քննադատեց, Մարությանն ընդունեց քննադատությունը

Հաստատվել են բակալավրիատի, մագիստրատուրայի և ասպիրանտուրայի վճարովի և անվճար տեղերը

Հակոբջանյանը՝ ոստիկանապետ, Աղաջանյանը՝ ԱԱԾ տնօրեն, Սամվել Բաբայանը՝ ԱԽՔ. Արայիկ Հարությունյանը նշանակումներ կանի

Ադրբեջանը խախտել է կյանքի իրավունքն ու խտրականության արգելքը. ՄԻԵԴ-ը հրապարակեց Գուրգեն Մարգարյանի գործով վճիռը

«Լուսավոր Հայաստան»-ի վերադարձը որեւէ կերպ չի կապվել ձեր դիրքորոշման հետ․ Գորգիսյանը՝ Միրզոյանին

Գոգյանը փաստեր ունի. նա համամիտ է նախարարի հետ, որ իրավական պետություն է, ու հարցերն իրավական ճանապարհով պետք է լուծվեն

Քոչարյանի եւ մյուսների գործով նիստը հետաձգվեց. ներկա չէին մի քանի փաստաբաններ, նաեւ՝ Քոչարյանը

Սասուն Միքայելյանի թասիբը ես կպահեմ ձեր փոխարեն. Անի Խաչատրյանը դեմ է ԵԿՄ-ին տարածք տրամադրելու հարցն օրակարգից հանելուն

«Օրենքով գող» Արսեն երեւանսկին, քրեական հեղինակություն «Բասար»-ը եւ եւս 4 անձ կալանավորվել են

1991-2018-րին մարդու իրավունքների խախտումների մասին «Փաստահավաք հանձնաժողովի» փաթեթը ներկայացվե լէ հանրային քննարկման

Հայաստանի բանկերի միությունն ամփոփել է առաջին եռամսյակի ցուցանիշները. ակտիվներն ավելացել են շուրջ 102 մլրդ դրամով

Առաջին անգամ Հայաստանում անկանխիկ գործարքների քանակը գերազանցել է կանխիկով գործարքներին․ Սարգսյան

Ենթադրում եմ, որ գնահատականը բավարարել է «Լուսավոր Հայաստան»-ին․ Միրզոյանը ողջունեց ԼՀԿ-ի վերադարձը խորհրդարան

Պայթեցման աշխատանքներ իրականացնելու նպատակով Մ6 ճանապարհի՝ Նեղոցի ենթակայանից մինչև Հաղպատի խաչմերուկ փակ է լինելու

Երևանի «Սուրբ Աստվածամայր» ԲԿ-ի վերակենդանացման բաժանմունքում 5-ամյա երեխա է մահացել