Մեր նպատակն է վիրուսի տարածման շղթան անմիջապես ընդհատել․ Լենա Նանուշյան

Ամբողջ աշխարհում կորոնավիրուսի վարակի թվերն աճում են։ Մարտի 16-ի դրությամբ կա 167 հազարից ավելի լաբորատոր հաստատաված դեպք, որից մոտ 3200-ը մահվան ելքով։ Այս մասին այսօր ՀՀ կառավարությունում լրագրողների հետ հանդիպմանն ասաց առողջապահության փոխնախարար Լենա Նանուշյանը:

Նա նշեց, որ որեւէ երկիր երաշխավորված չէ զերծ մնալ կորոնավիրուսի ներթափանցումից. «Երկրները, այդ թվում՝ Հայաստանը, ձեռնարկում են միջոցառումներ՝ նվազեցնելու այն դեպքերի քանակը, որ կարող է գրանցվել երկրում, եւ պատրաստվել իրականացնել այնպիսի միջոցառումներ, որպեսզի վիրուսի տարածման հակազդումը լինի արդյունավետ»։

Նանուշյանն անդրադարձավ նաեւ Երեւանի Շենգավիթ վարչական շրջանում արտադրամասերից մեկում գրանցված վարակի դեպքին. «Անկախ նրանից, թե դեպքը որտեղ է հայտնաբերվում, համաճարակաբանական հսկողության եւ կոնտակտավորների հայտնաբերման նպատակով մեր աշխատակիցների կողմից իրականացվում են աշխատանքներ: Հայտնաբերում են, թե լաբորատոր հաստատված դեպքով հիվանդն ում հետ ինչ, ինչպիսի շփումներ է ունեցել: Եվ այդ շփումների հայտնաբերման արդյունքում մարդիկ մեկուսացվում են եւ կարանտինի են ենթարկվում: Դա վերաբերում է մեր բոլոր հաստատված դեպքերին: Ցանկացած դրական դեպքերի հետ կապված շրջանակն անմիջապես հայտնաբերվում ու մեկուսացվում է 14-օրյա ռեժիմով»։

Փոխնախարարի խոսքով՝ կորոնավիրուսի վարակվածությունն այնքան բարձր չէ, ինչպես կարմրուկինը. այն համարյա թե հավասար է գրիպի վիրուսի վարակելիությանը: «Բայց ամեն դեպքում շրջանակը գծում ու մեկուսացնում ենք, դիտում ենք՝ 14 օրվա ընթացքում արդյոք իրենց մոտ կզարգանա հիվանդություն, թե ոչ: Նպատակն է վիրուսի տարածման շղթան անմիջապես ընդհատել»,- ասաց նա։

Նանուշյանն ընդգծեց՝ Առողջապահության նախարարությունը սերտ համագործակցում է տարբեր գերատեսչությունների հետ, այդ թվում՝ հասարակական եւ միջազգային կազմակերպությունների, ինչպես նաեւ կրթական հաստատությունների հետ. «Մի քանի աշխատանքներ, որ կարեւորում եմ եւ կուզենայի նշել. առաջինը՝ թեժ գծի ստեղծումն էր, որի միջոցով մենք կարողանում ենք տեղեկատվություն տրամադրել եւ իրազեկման աշխատանքներ իրականացնել մեր բնակչության համար։ Մարտի 1-ից մինչ այսօր 11 հազարից ավելի զանգ է ստացվել, սպասարկվել։ Հիմնական հարցերը եղել են հիվանդության ախտանիշների, փոխանցման ուղիների վերաբերյալ, այն երկրների վերաբերյալ, որտեղ համաճարակային առումով լարված իրավիճակ է տիրում։ Մյուս կարեւոր աշխատանքը բուժական ուղեցույցի եւ մեթոդական ուղեցույցի մշակումն է։ Այն սահմանում է, թե որն է դրական դեպքը, ինչպես պետք է իրականացնել լաբորատոր հետազոտությունը, նաեւ՝ բուժման ընթացքը։ Այն հասանելի է ԱՆ պաշտոնական էջում։ Նաեւ սերտ աշխատանքներ ենք իրականացնում բժիշկների հետ, իրականացնելու ենք թրեյնինգներ որոշակի խմբի բժիշկների համար, որոնք առավել ներգրավված են ներկայում»։

Տպել
1294 դիտում

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը

Մեր դպրոցը չկա, ցրիվ են տվել թուրքերը. արցախցի շատ աշակերտներ դեռ հաճախում են հայաստանյան դպրոցներ

ԱՀ նախագահը հանդիպել է անհետ կորած և գերության մեջ հայտնված զինծառայողների հարազատների հետ