Անիին սահմանակից Խարկովը կդառնա հասանելի. Շիրակի մարզպետն արդեն բիզնես առաջարկներ է ստացել եւ ՀՀ-ից, եւ արտերկրից

Հայ-թուրքական սահմանում գտնվող նախկին Խարկով, ներկայիս Նորշեն մտնելու համար շատ շուտով այլեւս անցաթութղ պետք չի լինի: Այս հարցը դեռ նախորդ տարի էր քննարկվել, եւ ՀՀ վարչապետ Նիկոլ Փաշինյանի, ՏԿԵ նախարարության եւ Շիրակի մարզպետի համատեղ աշխատանքի արդյունքում որոշվել էր հասնել սահմանային ռեժիմի փոփոխության: Սա զբոսաշրջության զարգացման առումով եւս մեկ կարեւոր եւ հզոր քայլ է Շիրակի մարզի համար:

Նորշեն (Խարկով) գյուղն Անի բերդաքաղաքից բաժանվում է ընդամենը Ախուրյան գետով: Սահմանային գյուղ ազատ մտնել ներկա պահին հնարավոր չէ: Պարտադիր պետք է ստանալ սահմանապահ ուղեկալի թույլտվությունը, որը երկարատեւ, երբեմն  շուրջ մեկ ամիս տեւող գործընթաց է: Երբ այս խնդիրը վերանա, շատ տուրօպերատորների ուշադրությունը կսեւեռվի Շիրակի մարզի այս փոքրիկ գյուղի վրա:

Անին մոտիկից տեսնելու ցանկություն այսօր էլ շատերն ունեն: Ովքեր կարողանում են ձեռք բերել մուտքի անցաթուղթ, գնում, շրջում տեսնում են: Գյուղում միայն 83-ամյա Վահանդուխտ տատիկն է ապրում: Մյուս բնակիչները Խարկովը վաղուց են լքել: Սկզբում մանկահասակ երեխաներ ունեցողներն են գնացել, հետո դպրոցականներն են հեռացել ծնողների հետ: Նրանց հետեւել են միջին սերնդի ներկայացուցիչներն ու ստացվել է այնպես, որ գյուղն իր կանգուն ու ավերակ տներով, խոնարհված եկեղեցիով, սահմանից մեկ ոտք հեռու պատմական Անիով  ի պահ են հանձնել Վահանդուխտ տատիկին: Նա օրը լուսացնում ու մթնեցնում է սահմանապահների եւ երբեմն-երբեմն հյուր եկող զբոսաշրջիկների հետ: Ամեն օր նայում Անիին, հիշում երբեմնի ծաղկուն ու մարդաշատ Խարկովը: Գյուղի միակ բնակիչը հաց էլ չթխի, ամեն օր թոնիրը վառում է: Սկեսուրին խոստացել է, որ իր տան երդիկից միշտ ծուխ է դուրս գալու, լույսը վառ է մնալու, որ թուրքը տեսնի տանը մարդ կա:

Բայց տատի անդորրը շուտով կխաթարվի: Լավ իմաստով, իհարկե:  Շատ երդիկներից  է ծուխ դուրս գալու, շատ տների պատուհաններ են լուսավորվելու: Շիրակի մարզպետ Տիգրան Պետրոսյանն այսօր լրագրողների հետ զրույցում ասաց, կարեւոր լուր ունի սահմանային ռեժիմի փոփոխության հետ կապված: Գործը գլուխ է գալիս: Հասել են իրավական փաստաթղթերի հիմնավորման փուլին: Եւս մի քանի ամիս, եւ Խարկովում նոր դեմքեր կհայտնվեն եւ որպես զբոսաշրջիկներ, եւ որպես գործարարներ: Շիրակի մարզպետն արդեն ներդորումային ծրագրերի փաթեթներ է ստացել:

«Ես որպես մարզպետ, առնվազն 5-6 նման առաջարկ եմ ստացել: Սկսած սեփական տան առկայությունից մինչեւ տարբեր ծառայությունների մատուցում: Մարդիկ սպասում են ընթացակարգերի ավարտին եւ կարգավիճակի հստակեցմանը: Ուզում են հստակ իմանալ, թե այդ տարածքում ինչպես եւ ինչ ծառայություն հնարավոր կլինի իրականացնել»,-ասաց մարզպետը:

Հայտեր են ստացվել եւ Հայաստանի, եւ արտերկրի գործարարներից: Բոլորն էլ իրենց մշակած ու տեղայնացրած բիզնես-պլաններն ունեն: Մնում է սահմանային ռեժիմի փոփոխության հարցի կարգավորումը հասնի ավարտին: Սահմանային ռեժիմի փոփոխությունն, ըստ մարզպետի ենթադրում է մուտքի պարզեցում: Այսինքն, փաստաթղթային ստուգման գործընթացն այդ տարածքում պետք է ամբողջությամբ դուրս գա: «Իհարկե, վերահսկողական գործիքներ կլինեն, բայց ամեն ինչը կլինի շատ  պարզ, առանց բնականոն հոսքերին խանգարելու»,-բացատրեց մարզպետը:

Լուսանկարները՝ ՀԺ-ի. Շիրակի մարզի Խարկով գյուղն է եւ Խարկով գյուղից երեւացող Անին

Տպել
3214 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են