Նեղ տեղից «երեսով տալու» ենթամշակույթ. ուր է Վստրեչի Ապերը

 

Նախօրեին  հայտնի դարձավ, որ մարտի 4-ի լույս 5-ի գիշերը ոստիկանական ուժերը հատուկ օպերացիա են իրականացրել «Վստրեչի Ապեր» մականունով հայտնի Արամ Վարդանյանի եւ նրա ազգականների առանձնատներում: Վարդանյանի փաստաբանները ասուլիս հրավիրեցին եւ հայտարարեցին, թե տեղյակ չեն՝ ինչ նպատակ եւ պատճառ ունեն այդ գործողությունները։ Պաշտոնապես այդ ամենը մեկնաբանեց միայն Գլխավոր դատախազի խորհրդական Գոռ Աբրահամյանը․ վերջինս հայտարարեց, որ առկա է ծանր հանցագործության շրջանակներում լայնածավալ եւ անհետաձգելի օպերատիվ-հետախուզական, քննչական գործողություններ իրականացնելու անհրաժեշտություն, որոնք իրականացվել եւ դեռեւս շարունակում են իրականացվել:

Երեկ արդեն ՀԺ-ն փաստաբան Լուսինե Սահակյանից տեղեկացավ, որ «Վստրեչի Ապեր» մականունով հայտնի Արամ Վարդանյանի եղբորորդուն՝ Արման Վարդանյանին, եւ հարեւանությամբ բնակվող անձանցից մեկին մեղադրանք է առաջադրվել՝ համապատասխանաբար առեւանգման եւ կողոպուտի համար, եւ միջնորդություն է ներկայացվել դատարան՝ նրանց կալանավորելու վերաբերյալ:

Ըստ պաշտպանի՝ Արման Վարդանյանի մեղադրանքի հիմքում դրվել է ամուսինների ցուցմունք, որոնք նշել են, որ իրենք ենթադրում են, թե Վարդանյանն իրենց որդուն առեւանգել է:

Մարտի 4-ի լույս 5-ի կեսգիշերից բացի, Արամ Վարդանյանի տանը գործողությունները շարունակվել էին նաեւ նախօրեին կեսօրին. ոստիկանները խուզարկություն էին իրականացրել Վարդանյանի բնակարանում, որի համար արդեն ներկայացրել են դատարանի թույլտվություն: Խուզարկության արդյունքում, ըստ պաշտպանի, առգրավվել է Արամ Վարդանյանի անձնական կյանքին վերաբերող ինֆորմացիա՝ լուսանկարներ, հարսանիքների, ծնունդների եւ տարբեր արարողությունների տեսաերիզներ:

Հետաքրքիր է, որ «Վստրեչի Ապերը», որն ըստ փաստաբանի՝ Հայաստանում է, ոչ ոստիկանական գործողությունների ընթացքում, ոչ փաստաբանների ասուլիսի ժամանակ իր տանը չէր (համենայնդեպս այդ մասին իմաց չտվեց), երեկ արիաբար կապի է դուրս եկել «Հրապարակի» լրագրողի հետ եւ պատմել իր ենթադրությունները, թե ինչու կարող էին ոստիկանները նման գործողություններ իրականացնել իր տանը։ Ասել է, թե վերջերս «իրեն զանգահարել է ինչ-որ «իքս» անձ եւ գործարք առաջարկել։ Գործարքը հետեւյալն է եղել՝ նրան պետք է «փռեին ասֆալտին»։ Ինքն առերեւույթ համաձայնել է եւ որոշել է մարտի 1-ին վերադառնալ Հայաստան»։ Սա պատմելուց հետո «Վստրեչի Ապերը» նաեւ ակնարկել է, թե քանի որ ինքը չի կատարել իր պայմանավորվածությունը՝ ասֆալտին փռվելու վերաբերյալ, նախօրեի գործողությամբ ոստիկանները որոշել են պատժել իրեն։

Բացի դրանից, բարկացած լինելով, որ ոստիկանական գործողությունների հետեւանքով իր թոռնիկն է վախեցել, Վստրեչի Ապերը հիշել է, թե իբր ժամանակին, երբ վարչապետ Նիկոլ Փաշինյանն ու  նախկինում «Հայկական ժամանակ»-ի լրագրող, այժմ «Իմ քայլը» խմբակցության պատգամավոր Հայկ Գեւորգյանն անազատության մեջ են եղել, լրագրող Գոհար Վեզիրյանի, ՀԱԿ-ի որոշ ներկայացուցիչների խնդրանքով օգնել է նրանց եւ նրանց ընտանիքներին՝ մասնավորապես որոշ խնդիրներ հաղթահարելու, հարազատների հետ կապ հաստատելու գործում։

Վստրեչի Ապերի խոսքերը երեկ շատ արագ հաստատեց Գոհար Վեզիրյանը՝ ֆեյսբուքի իր էջում հիշելով, թե այն տարիներին, երբ Հայաստանում քաղբանտարկյալներ կային եւ Նիկոլ Փաշինյանն առանձնակի դաժանությամբ էր թիրախավորված, հենց այդ օրերին է Ապերը պետք եկել: «Էդ հիմա է քրեական ենթամշակույթ կրող դարձել որոշների համար, իսկ էն ժամանակ նրա ծառայություններից օգտվել են: Լավ են արել: Լավ ենք արել, ու ինքն էլ՝ ճիշտ է արել: Ի դեպ, Ապերն էն ժամանակ ուրիշ «պազիվնո» ուներ. ասում էին՝ մի հատ զանգի «մեր ընկերոջը»»,- գրել է Վեզիրյանը:

Թե ով է իրեն դիմել այդ հարցով եւ ինչու, երեկ այդպես էլ հայտնի չդարձավ։ Հայկ Գեւորգյանը մեր զրույցում ասաց․ «Ես այդ անձին՝ «Վստրեչի Ապերին», երբեւէ ո՛չ տեսել եմ, ո՛չ նրա հետ շփվել: Առաջին անգամ նրա դեմքն այսօր եմ տեսել՝ մամուլում: Ես Ձերբակալվածների պահման վայրում եղել եմ ընդամենը 72 ժամ եւ այդ ընթացքում ո՛չ ես, ո՛չ էլ իմ ընտանիքը որեւէ մեկի օգնության կարիքը չենք ունեցել: «Նուբարաշենում» ինձ այցելել են միայն իմ ավագ որդին, ՄԻՊ գրասենյակի աշխատակիցը եւ իմ փաստաբան Վահե Գրիգորյանը: Որեւէ մեկի հետ հեռախոսով որեւէ խոսակցություն չեմ ունեցել «Նուբարաշենից»»:

Մեր դիտարկմանը, թե լրագրող Գոհար Վեզիրյանը հաստատել է «Վստրեչի Ապերի» հայտարարությունը, սա նշանակում է, որ ստո՞ւմ են, Գեւորգյանը պատասխանեց. «Ես ասում եմ, որ ես «Նուբարաշենից» հեռախոսով որեւէ մեկի հետ չեմ խոսել, էդ միտքը սուտ է: Այն, թե իմ ընտանիքն աջակցության կարիք է ունեցել, իմ ընտանիքը որեւէ խնդիր չի ունեցել, որեւէ մեկի աջակցության կարիքը չի ունեցել, չունի եւ չի էլ ունենա, վստահեցնում եմ»:

Անդրադառնալով հարցին, թե այդ դեպքում ինչո՞վ է պայմանավորում իր վերաբերյալ այդպիսի տեղեկությունների տարածումը, Գեւորգյանը նկատեց, թե չի հասկանում եւ չի էլ ուզում հասկանալ ինչու են իր անվան շուրջ նման կոնստրուկցիաներ կառուցում։

Նիկոլ Փաշինյանի վերաբերյալ էլ պատգամավորն ասաց, որ համենայն դեպս ինքը նման բանից տեղյակ չէ.

«Ես գիտեմ, որ մեծ աջակցություն են ցուցաբերել փաստաբանները, ընկերները, կինը՝ առաջին հերթին, բայց որեւէ այլ անձի աջակցության մասին ինձ հայտնի չէ»:

Հիշեցնենք, որ «Հայկական ժամանակ» օրաթերթի լրագրող Հայկ Գեւորգյանը ձերբակալվել էր 2012-ին եւ մեղադրվում էր մի քաղաքացու վրաերթի ենթարկելու եւ ճանապարհատրանսպորտային պատահարի վայրը թողնելու մեջ։ 3 օր կալանավայրում անցկացնելուց հետո դուրս գալով ՔԿՀ-ից՝ Գեւորգյանը հայտարարել էր, որ իր նկատմամբ հետապնդում է իրականացվում լրագրողական գործունեության համար։

Նիկոլ Փաշինյանն էլ ձերբակալվել էր 2009թ. հուլիսի 1-ին՝ ինքնակամ ՀՀ գլխավոր դատախազություն ներկայանալուց հետո: Նա 2010-ի հունվարին դատապարտվել է 7 տարվա ազատազրկման՝ 2008 թ. մարտի 1-ին զանգվածային անկարգություններ կազմակերպելու մեղադրանքով, ապա համաներմամբ ազատ արձակվել։

 

Տպել
3037 դիտում

Անկարայում բացվել է ԱԹՍ-ների սերիական արտադրության նոր գործարան

Երևանի Արմենակյան փողոցում այրվել է Volkswagen Golf մակնիշի ավտոմեքենա

Վայոց ձորում Mercedes-ը մխրճվել է երկաթե արգելապատնեշի մեջ. 5-ամյա տղան տեղում մահացել է

Երևանում և մարզերում էլեկտրաէներգիայի պլանային անջատումներ են սպասվում

Արագածոտնի, Վայոց ձորի, Շիրակի մարզերի ավտոճանապարհներին առկա է մերկասառույց

Երեկ կատարված 1953 թեստավորումից հաստատվել է կորոնավիրուսի 127 նոր դեպք

Մեկնարկեցին շախմատի Հայաստանի տղամարդկանց և կանանց 1-ին խմբի մրցաշարերը

Երևան-Երասխ ավտոճանապարհին մեքենան բախվել է բետոնե արգելապատնեշին և շրջվել դաշտամիջյան հատվածում․ կա տուժած

Ադրբեջանը վերադարձրել է 30 հայ զինծառայողի աճյուն, մարմիններն անճանաչելի են․ ԱԻՊԾ

Քաղաքական դաշտ մտնելով՝ ցույց եմ տալիս նաև, որ հավատարիմ եմ 18 թվականի հեղափոխությանը. Գնել Սարգսյան

Ազոխում դիեր են գտնվել. 80-ամյա Յուրիկը գյուղից չի հեռացել կամովին, 55-ամյա Սերժիկը նկուղում է մնացել պատահաբար

Արա Այվազյանը Դավիդ Զալկալիանիի հետ տարածաշրջանային անվտանգության, փոխկապակցվածության հարցերին է անդրադարձել(տեսանյութ)

9 մարզի 101 դպրոցում 18 առարկա չի դասավանդվում ուսուցիչների բացակայության հետևանքով

Իր գործունեությունն է սկսել «Կրթության զարգացման և նորարարության ազգային կենտրոն» հիմնադրամը

Սիսիան-«Զանգեր» ճանապարհահատվածում բուք է, Սարավանի լեռնանցքում՝ տեղ-տեղ մերկասառույց

Երկրաշարժ է գրանցվել Նախիջևանից 34 կմ հյուսիս-արևելք. ցնցումները զգացվել են Վայքում և Սյունիքում

7 մետր սահելուց հետո մեքենան հայտնվել է Արփա գետում

Մահացել է ամերիկացի լեգենդար հեռուստամեկնաբան Լարի Քինգը

Պատերազմից հետո Արցախում աշխատուժի պակաս է զգացվում

Օպերլիազորը հետախուզվողից 400 եվրո է հափշտակել. ՀՀ ոստիկանություն

Ֆրանսիայում աննախադեպ վիրահատություն է իրականացվել․ երկու ձեռքի փոխպատվաստումն արվել է հայ բժշկի գլխավորությամբ

Ես ինձ խաբված եմ զգում, մենք 20-30 տարի անզեն զինվորի ենք ոգեւորել մեր երգերով․ Համլետ Գեւորգյան

Սարավան-«Զանգեր» հատվածում, Սյունիքի մարզի ավտոճանապարհներին առկա է մերկասառույց

Դավիթ Բաբայանը Զարեհ Սինանյանի հետ քննարկել է Արցախում սփյուռքի ներուժի ներգրավվածության հնարավորությունները

Արցախն ու Հայաստանը կունենան միասնական օպերատիվ աշխատանքային օրակարգ

Հայաստան է տեղափոխվել կողոպուտի մեղադրանքով հետախուզվող

Վահան Քերոբյանն Իրանում ներկայացրել է ՀՀ տնտեսության զարգացման ընթացիկ և հեռանկարային ծրագրերը

Հունաստանի իրավապահների կողմից հետախուզվողը հայտնաբերվել է Օձունում

Արցախում փայտե բնակարաններ են կառուցվում. այս պահին կացարանի կարիք ունի 10.000 ընտանիք

Ջերմաստիճանը կբարձրանա 7-ից 10 աստիճանով

Հայաստանում COVID-19-ի համաճարակային իրավիճակը կայուն է

Լարսը փակ է միայն բեռնատար ավտոմեքենաների համար

Տեղահանված արցախցիները Հայաստանում բոլոր բուժծառայություններից օգտվում են անվճար (տեսանյութ)

Արայիկ Հարությունյանն ընդունել է Զարեհ Սինանյանի գլխավորած պատվիրակությանը. «Արմենպրես»

Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

Մարտունիում և Ասկերանում կիրականացվի չպայթած և վտանգավոր ռազմամթերքի վնասազերծում

Մեկ օրում Երևանից Ստեփանակերտ է վերադարձել 131 արցախցի

Անցած մեկ օրում ՀՀ-ում գրանցվել է ճանապարհատրանսպորտային 8 պատահար

Ոստիկանության գործավարության և գաղտնիության ռեժիմի ապահովման վարչության պետն Արագածոտնում կհանդիպի քաղաքացիների հետ

Միջպետական և հանրապետական նշանակության ավտոճանապարհները բաց են. Վարդենյաց լեռնանցքը փակ է կցորդիչով մեքենաների համար