Ազգերի լիգայի առաջին մրցաշրջանից առաջ Հայաստանի ֆուտբոլի ազգային հավաքականի մոտ ոգեւորությունը բավական մեծ էր: Եվրոպական նոր մրցաշարը ֆուտբոլային փոքր երկրներին խոշոր մրցաշարի՝ այն ժամանակ Եվրոպայի 2020թ. առաջնությանը (ԵԱ), մասնակցելու համար պայքարելու իրական հնարավորություն էր տվել: Հայաստանը դրանից չօգտվեց, իսկ մրցաշարի նոր՝ 2020-21 մրցաշրջանում, դրա միջոցով մեկ այլ խոշոր մրցաշարի՝ այս դեպքում աշխարհի 2022թ. առաջնությանը (ԱԱ), մասնակցելու հնարավորություն ստանալը գործնականում, եթե ոչ անհնար, ապա ծայրահեղ բարդ կլինի:

Ազգերի լիգայի 2-րդ մրցաշրջանում աշխարհի 2022թ. առաջնության ուղիղ ուղեգիր չի խաղարկվելու: 2 թիմի ուղեգրի համար պայքարելու հնարավորություն է տրվելու: Այսպես, աշխարհի առաջնության որակավորման փուլի շրջանակներում ՈՒԵՖԱ-ի 55 ասոցիացիաները բաժանվելու են 10 խմբի՝ 5-6-ական թիմերով: Հաղթողներն ԱԱ ուղեգիր են ստանալու: 2-րդ տեղերը գրաված 10 թիմերը մասնակցելու են փլեյ-օֆին: Նրանց են միանալու Ազգերի լիգայի խմբերի հաղթողներից ամենալավ ցուցանիշներն ունեցող 2 հավաքականները, որոնք աշխարհի առաջնության որակավորման փուլի ընթացքում ոչ ուղեգիր են նվաճել, ոչ էլ իրենց խմբում 2-րդ տեղն են գրավել: Այդ 12 թիմերը բաժանվելու են 3 զամբյուղի՝ 4-ական թիմով: 2-ական կիսաեզրափակիչների ու 1-ական եզրափակչի միջոցով որոշվելու են ԱԱ 2022-ի վերջին 3 ուղեգրերի տերերը:

Այսինքն Ազգերի լիգայի միջոցով ԱԱ որակավորման փլեյ-օֆին մասնակցելու հնարավորություն ստանալը շատ ավելի բարդ է լինելու, քան ԵԱ 2020-ի դեպքում էր, որի պարագայում Ազգերի լիգայի առաջին մրցաշրջանի լավագույն ցուցանիշներն ունեցող 16 թիմ 4 ուղեգրի համար է պայքարելու մարտի վերջին կայանալիք փլեյ-օֆում: Անգամ Ազգերի լիգայի իր խմբում հաղթելու դեպքում Հայաստանի հավաքականի համար ոչինչ ապահովված չի լինելու, թիմն այդ պարագայում կախված կլինի մի շարք այլ գործոններից: Եվ գուցե Աշխարհի առաջնության ընտրական փուլում խմբում 2-րդ տեղը զբաղեցնելն ու փլեյ-օֆին մասնակցելն ավելի հեշտ լինի, քանի Ազգերի լիգայի միջոցով:

Այսպիսով Ազգերի լիգայի նոր՝ 2-րդ, մրցաշրջանը Հայաստանի հավաքականի համար, ըստ էության, ընկերական հանդիպումների մրցաշար կլինի: Նոր մարզչի համար, որին Հայաստանի ֆուտբոլի ֆեդերացիան դեռ փնտրում է, կարող է լավ փորձադաշտ լինել: Նա կարող է փորձարկումներ անել, իրենց դրսեւորելու հնարավորություն տալ երիտասարդներին:

Ազգերի լիգայի 2020-21 մրցաշրջանի խմբային փուլի հանդիպումները կայանալու են այս տարվա սեպտեմբեր, հոկտեմբեր եւ նոյեմբեր ամիսներին: 4 լիգաների բոլոր խմբերի թիմերը 2-ական հանդիպում են անցկացնելու իրենց խմբում ընդգրկված յուրաքանչյուր ընտրանու հետ: A լիգայի 4 խմբերի հաղթողները 2021թ. հունիսին 2 կիսաեզրափակիչների եւ 1 եզրափակչի միջոցով որոշելու են Ազգերի լիգայի չեմպիոնին: Հունիսին տեղի է ունենալու նաեւ 3-րդ տեղի համար խաղը: B լիգայի խմբերի հաղթողները տեղափոխվելու են A, C-ի հաղթողները՝ B եւ D-ի հաղթողները՝ C լիգա: A եւ B լիգաների վերջին տեղերը գրաված թիմերը տեղափոխվելու են համապատասխանաբար 1-ական լիգա ցածր: Քանի որ C դիվիզիոնը 4 խումբ ունի, իսկ D-ն՝ 2, C լիգայից 2 թիմ կհայտնվի D-ում: Դա կորոշվի 2022թ. մարտին C խմբի 4 թիմերի միջեւ 2-ական խաղից բաղկացած փլեյ-օֆների միջոցով: Եթե C դիվիզիոնում վերջին տեղը գրաված թիմն ԱԱ 2022-ի որակավորման փուլի փլեյ-օֆ է դուրս եկել, D դիվիզիոնում կհայտնվեն Ազգերի լիգայի վարկանիշային աղյուսակում 47 եւ 48-րդ տեղերը զբաղեցող թիմերը:

ՈՒԵՖԱ-ն արդեն հաստատել է խաղացանկը, եւ ՀՀ հավաքականը, որն ընդգրկվել է C լիգայի 2-րդ խմբում, ունի հետեւյալ օրացուցային պլանը.

Տուր 1. Մակեդոնիա - Հայաստան, սեպտեմբերի 5

Տուր 2. Հայաստան - Էստոնիա, սեպտեմբերի 8

Տուր 3. Հայաստան - Վրաստան, հոկտեմբերի 8

Տուր 4. Էստոնիա - Հայաստան, հոկտեմբերի 11

Տուր 5. Վրաստան - Հայաստան, նոյեմբերի 13

Տուր 6. Հայաստան - Մակեդոնիա, նոյեմբերի 16

Տպել
723 դիտում

«Այրվածքաբանության ազգային կենտրոն»-ի այրվածքային բաժանմունքը տեղափոխվել է Ուռուցքաբանության ազգային կենտրոն

Քաղաքաշինության կոմիտեն միացել է կորոնավիրուսային հիվանդության դեմ պայքարի աջակցության ծրագրին

«Պարենային շտապ օգնություն»-ը Գյումրիում ծանրոց է հասցրել 50 ընտանիքի, 25-ը տրվել է «Թռչունյան տան» նախկին սաներին

Հետախուզման մեջ գտնվող 36-ամյա տղամարդը փորձել է հաշփտակել Հալաբյան փողոցի վճարային տերմինալներից մեկը (տեսանյութ)

ԱԳՆ մամուլի խոսնակ Աննա Նաղդալյանը մեկնաբանել է Ադրբեջանի կողմից տարածվող ապատեղեկատվությունը

Արցախն այդպիսի ընտրությունների արժանի չէ. քաղաքագետի համոզմամբ՝ խաղից դուրս մնացածներն ու 2-րդ փուլ անցածները կբանակցեն

Անցկացվել են մարտական հերթապահության նախապատրաստման գործնական պարապմունքներ մարտական հերթափոխի մեկնող զինծառայողների հետ

Հայաստանի ֆուտբոլի ազգային հավաքականի գլխավոր մարզիչ Խոակին Կապառոսը խոսել է կատարած աշխատանքի եւ ապագա ծրագրերի մասին

Վրաստանը բեռնատարների տեղաշարժի վերաբերյալ ուղեցույց է հրապարակել. ՊԵԿ

ՏՄՊՊՀ-ն ներկայացրել է կոճապղպեղի թանկացման ուսումնասիրության ընթացիկ արդյունքները

Վարչապետի գլխավորությամբ քննարկվել են տարբեր գյուղմթերքների արտադրության խթանման հետագա քայլերը

Կորոնավիրուսի հաղթահարման ֆինանսական աջակցության հաշվի մուտքերը կազմել են 864664835.7 դրամ

Սահմանափակվել է դիմակների, վիրակապերի, բամբակի եւ այլ բժշկական ապրանքների արտահանումը ՀՀ-ից․ պարետի որոշումը

Արցախում առ այսօր նոր կորոնավիրուսային վարակի (COVID-19) դեպք չի գրանցվել

Որոշ դեպքերում կարող է համարվել, որ պարապուրդը գործատուի մեղքով է, ոչ թե՝ արտակարգ իրավիճակով պայմանավորված

Դեսպանությունը մշտական կապի մեջ է Իսրայելում գտնվող ՀՀ քաղաքացի 9 ուսանողների հետ. Աննա Նաղդալյան

ԱԺ-ն 42 համակարգիչներ փոխանցեց Գեղարքունիքի մարզի 4 եւ ավելի դպրոցահասակ երեխա ունեցող ընտանիքների. Արարատ Միրզոյան

Գործնական պարապմունք է անցկացվել հրետանային զորամասում. ՊՆ

28-ամյա մասիսցու բնակարանից ու մեքենայից ապօրինի զենք-զինամթերք է հայտնաբերվել (տեսանյութ)

Վազքուղի, հանդերձարան, փողոց, մայթ , այգի․ սուբվենցիոն ծրագրով Վանաձորում իրականացվելիք ծրագրերը հաստատված են