Ինչու է Ալավերդի խոշորացված համայնքը միայն 1 ծրագրով մասնակցում սուբվենցիոն ծրագրերին

Լոռու մարզի Ալավերդի խոշորացված համայնքը պետություն-համայնք համատեղ ներդրմամբ իրականացվող սուբվենցիոն ծրագրերով այս տարի նույնպես միայն 1 ծրագիր կիրականացնի՝ կնորոգվեն Ալավերդու բազմաբնակարան շենքերի տանիքները:

Խոշորացված համայնքի 2020թ-ի բյուջեն շուրջ 649 մլն դրամ է: Շուրջ 62 մլն 500 հազար դրամ արժեք ունեցող սուբվենցիոն ծրագրում համայնքի մասնաբաժինը 25 մլն դրամ է, պետության մասնաբաժինը՝ 37 մլն 500 հազար դրամ:

Նախորդ տարի եւս Ալավերդին 1 ծրագրով էր մասնակցել:

Ալավերդի խոշորացված համայնքի ղեկավար Սասուն Խեչումյանը ՀԺ-ի հետ զրույցում անդրադառնալով իրենց կողմից սուբվենցիոն ծրագրերին պասիվ մասնակցությունն ասաց, որ դա կապված է ֆոնդային բյուջեում գումար չունենալու հետ. «Ֆինանսական միջոցներով է պայմանավորված, քանի որ նման կապիտալ ծրագրերն իրականացվում են ֆոնդային բյուջեով, իսկ ֆոնդային բյուջեում որպես կանոն միշտ խնդիր ենք ունենում, քանի որ չենք կարողանում հավաքագրել գումարներ: Ֆոնդային բյուջեն ձեւավորվում է հիմնականում սեփական միջոցների օտարումներից, իսկ մենք այնպիսի միջոցներ չունենք, որի օտարումը մեծ միջոցներ կկազմի, ու որպես կանոն մենք այդ միջոցները վարչական բյուջեի տնտեսման հաշվին ենք տալիս ֆոնդայինին»:

Ալավերդի խոշորացված համայնքի կազմի մեջ մտնում է Ալավերդի քաղաքը, Կաճաճկուտ, Աքորի, Ջիլիզ, Ծաղկաշատ եւ Հաղպատ համայնքները: Մինչեւ խոշորացումն արդեն Ալավերդուն միացվել էին Սանահին, Ակներ եւ Մադան բնակավայրերը՝ ստանալով այս դեպքում թաղամասի կարգավիճակ:

Եթե նախորդ տարվա սուբվենցիոն ծրագրով, որի շրջանակներում խոշորացված համայնքի տարբեր բնակավայրերում իրականացվեցին փոսային նորոգումներ, կանգառների վերանորոգվեցին, նոր կանգառների կառուցվեցին, ինչպես նաեւ Ալավերդի քաղաքի Թումանյան փողոցի ձախակողմյան մայթն ամբողջությամբ հիմնանորոգվեց, ապա այս տարվա՝ բազմաբնակարան շենքերի տանիքների նորոգման ծրագրից կշահի միայն Ալավերդին. մյուս բնակավայրերում բազմաբնակարաններ պարզապես չկան:

«Մենք տարեկան 5-10 մլն դրամի օտարումներ մի կերպ ենք ունենում՝ ինքնակամ շենքերի օրինականացման հաշվին ու հավաքագրում: Ստացվում է մի վիճակ, որ բյուջեի այն հատվածից, որից պետք է անենք, միշտ գումարի խնդիր ենք ունենում»,- ասաց Սասուն Խեչումյանը:

Թեպետ այս տարվա սուբվենցիոն ծրագիրը միայն Ալավերդիում կիրականացվի, խոշորացված համայնքի կազմի մեջ մտնող մյուս բնակավայրերը չեն տուժի. վստահեցրեց Սասուն Խեչումյանը, նշելով, որ մյուս համայնքների խնդիրներն էլ կլուծվեն տեղական բյուջեի հաշվին:

Քաղաքապետը չի հերքում, որ թե Ալավերդում ու թե համայնքի կազմի մեջ մտնող մյուս բնակավայրերում բազմաթիվ խնդիրներ կան, որոնցից ամենամեծն առանձնացնել դժվարանում է: «Բազմաբնակարան շենքերի նույն տանիքները, շենքերի կոմունիկացիոն խնդիրները, գյուղեր ունենք, որոնց հիմնական մասում, բացառությամբ Հաղպատ, Ակներ եւ Աքորի համայնքների, ոռոգման ջրի ու ինֆրաստրուկտուրաների լուրջ խնդիրներ ունենք, ճանապարհների խնդիր ունենք… Ամեն տեղ էլ խնդիր ունենք»,- թվարկեց նա:

Սուբվենցիոն ծրագրերին մասնակցության չափորոշիչներից մեկն էլ այն է, որ եթե համայնքի բյուջեն անցնում է 500 մլն դրամը, ապա համայնքի ներդրում պետք է լինի առնվազն 25 մլն դրամ: Խեչումյանն ասում է, եթե հնարավորություն ունենար մասնակցել ոչ թե օրինակ 25 մլն դրամ ներդրմամբ, այլ 5 մլն դրամ ներդրմամբ, ապա մի քանի հատ ծրագիր կիրականացներ տարբեր համայնքներում. «Խնդրի իրավական մասին ես բազմիցս բարձրաձայնել եմ: Պետությունն էլ չի մեղավոր, գոյություն ունի ստանդնարտների միասնական մոտեցում»:

Նախորդ տարի Ալավերդի խոշորացված համայնքում սուբվենցիոն ծրագրով աշխատանքներն, ինչպես քաղաքապետը նշեց, կատարողական իմաստով ընդունվել են, ավարտական իմաստով՝ ոչ. «Աշխատանքներում որոշակի թերություններ կան, հանձնաժողովը ներկայումս ուսումնասիրություններ է անում»: Նկատենք, որ Լոռու մարզպետ Անդրեյ Ղուկասյանը քանիցս դժգոհել էր Ալավերդիում նախորդ տարվա սուբվենցիոն ծրագրերի կատարման որակից ու ժամկետներից:

Տպել
715 դիտում

Գնահահատման օբյեկտիվության խնդիր կա, բայց մենք վստահում ենք դպրոցին. ԿԳՄՍ փոխնախարար

«Քոնթուրգլոբալ հիդրոկասկադ» ՓԲԸ-ն, որը գտնվում է քաղաք Գորիս, Գր. Տաթեւացու 2 հասցեում, հայտարարում է Մրցույթ

Բարձրաստիճան պաշտոնյաների պարգեւավճարային ֆոնդը կազմում է 1 միլիարդ դրամ. կառավարությունը պարզաբանում է

ՎՏԲ – Հայաստան Բանկը կվճարի հրատապ միանվագ աջակցության գումարներ

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում