ՊԵԿ նախկին նախագահ Գագիկ Խաչատրյանը կմնա կալանքի տակ

Պետական եկամուտների կոմիտեի նախկին նախագահ Գագիկ Խաչատրյանը կմնա կալանքի տակ։

Քիչ առաջ վերադառնալով խորհրդակցական սենյակից՝ այս որոշումը հրապարակեց դատավոր Սերգեյ Մարաբյանը՝ այդպիսով մերժելով պաշտպանների վերաքննիչ բողոքը:

Պաշտպանները, հիշեցնենք, բողոքարկել էին Խաչատրյանի նկատմամբ ընտրված խափանման միջոց կալանավորման ժամկետը երկրորդ անգամ երկարաձգելու վերաբերյալ դատարանի որոշումը:

Բողոքի քննությունն ավարտվել էր փետրվարի 4-ին, եւ դատարանը հեռացել էր խորհրդակցական սենյակ՝ որոշում կայացնելու:

Նիստից հետո պաշտպան Երեմ Սարգսյանը լրագրողներին հայտնել էր, որ Խաչատրյանին առաջադրված մեղադրանքը լրացվել է, ավելացել են նոր դրվագներ: Արդյունքում Խաչատրյանի կողմից հասցված ենթադրյալ վնասի չափը հասել է մի քանի միլիարդի. «Իմանալով նրա առողջական ծանր վիճակի մասին՝ արտերկրում բնակվող հարազատները եւ ընկերները պատրաստակամություն են հայտնել այդ ենթադրյալ վնասի գումարի չափը փոխանցել դատարանի դեպոզիտ հաշվին, միայն թե անձը հայտնվի ազատության մեջ եւ բուժում ստանա՝ մինչեւ օբյեկտիվ կքննվի եւ գործի ընթացքը պարզ կդառնա»,- ասել էր պաշտպանը՝ նշելով, որ առկա առողջական խնդիրներով Գագիկ Խաչատրյանը կալանքի տակ պահվել չի կարող:

Գագիկ Խաչատրյանը կալանավորված է 2019 թվականի օգոստոսի 30-ից: Նա մեղադրվում է պաշտոնեական դիրքի չարաշահման եւ առանձնապես խոշոր չափով վատնում կատարելու համար: Քրեական գործը վերաբերում է Գագիկ Խաչատրյանի պաշտոնավարման ժամանակաշրջանում կատարված ենթադրյալ հանցագործության դեպքերին: 

Նույն քրեական գործով մեղադրյալի կարգավիճակում է նաեւ Գագիկ Խաչատրյանի եղբորորդին՝ Կարեն Խաչատրյանը, որը մեղադրվում է առանձնապես խոշոր չափով վատնում կատարելու մեջ: Հունվարի 23-ին Վերաքննիչ դատարանի որոշմամբ՝ նա ազատ արձակվեց՝ 20 միլիոն դրամ գրավի դիմաց:

Տպել
1391 դիտում

Մխիթարյանն «Արսենալի» ներկայացուցիչների հետ հեռախոսազրույցի ընթացքում հայտնել է, որ ուզում է մնալ «Ռոմայում»

Սոցիալական գործիքներից մեկով շահառուների թիվը գերազանցում է 100 հազարը․ Մհեր Գրիգորյան

ԱՀ ՍԱՊԾ-ը կորոնավիրուսի տարածումը կանխելու միջոցառումների շրջանակում այցելել է Ստեփանակերտի պարենային խանութներ

Հեռակա խորհրդածություններ «Հայելու առաջ»

Գազի գնի փոփոխություն՝ իհարկե տեղի կունենա աշխարհում․ Հայաստանը քննարկումներ կսկսի դրա վերաբերյալ․ փոխվարչապետ

Կենսաթոշակների վճարման գործընթացը կսկսվի ապրիլի 2-ից

Հեռուստաբանավեճի առաջարկվող ձևաչափը չի կարող արդյունավետ լինել. Մասիս Մայիլյանը պարզաբանել է իր բացակայությունը

Կորոնավիրուս է հայտնաբերվել եւս մեկ զինծառայողի մոտ. նա նախապես մեկուսացված է եղել

Ոստիկանները նույն թաքստոցում երեք հետախուզվողի են հայտնաբերել

Կառավարության աջակցության ծրագրերը չեն վերաբերում չգրանցված աշխատողներին․ վարչապետ

Տավուշի մարզի Ոսկևան գյուղում այրվել է խոտածածկ տարածք

Ովքեր մարտի 13-ից մինչեւ այսօր կորցրել են իրենց աշխատանքը եւ այլ աշխատանք չեն գտել, միանվագ օգնություն կստանան․ վարչապետ

Ռուսաստանում կորոնավիրուսի 302 նոր դեպք է հաստատվել. վիրուսի հետեւանքով մահացել է 8 մարդ. РИА

Արտակարգ դրության ժամանակ անձնական տվյալներին միջամտելու անհրաժեշտություն կա․ Ռուստամ Բադասյան

Հյուրանոցների, տուրիստական գործակալությունների, հանրային սննդի եւ վարսավիրանոցների աշխատակիցները օժանդակցություն կստանան

Ամենայն Հայոց կաթողիկոսը ցավակցագիր է հղել Պատրիկ Դևեջյանի ընտանիքին

Կառավարությունը միանվագ 100 հազար դրամ կտրամադրի աշխատանք չունեցող հղի կանանց․ Բաթոյան

Բակո Սահակյանը ցավակցական հեռագիր է հղել Պատրիկ Դևեջյանի ընտանիքին

Կորոնավիրուսով հիվանդներից 14-ի վիճակը ծանր է, 1 անձի վիճակը՝ ծայրահեղ ծանր. նախարար

ՈՒԵՖԱ-ի նախագահը կարծում է, որ ընթացիկ մրցաշրջանը հնարավոր է՝ չեղարկվի. BBC