«Նրանք երբեք ՀԴՄ կտրոն չեն տալիս, նույնիսկ, երբ գալիս եմ պատգամավորական համարանիշներով». ՊԵԿ-ն ընթացք է տվել գրառմանը

ՀՀ Ազգային ժողովի «Իմ քայլը» խմբակցության պատգամավոր Քրիստինե Պողոսյանը մի քանի օր առաջ այցելել է Երեւանի Թբիլիսյան խճուղու վերջնամասում՝ Գագիկ Ծառուկյանի տան դիմաց գտնվող «Մուլտի» բենզալցակայան, որտեղ հանդիպել է հսկիչ-դրամարկղային կտրոն չտպելու դեպքի: Այդ մասին Պողոսյանը գրառում էր կատարել ֆեյսբուքյան իր էջում՝ նշելով, որ իր մատնանշած բենզալցակայանը երբեք ՀԴՄ կտրոն չի տրամադրում եւ չի տրամադրել։

Պատգամավորը «Հայկական ժամանակ»-ի հետ զրույցում պատմեց, որ դեպքն անձամբ իր հետ է եղել. «Ինձ հետ են եղել պատգամավոր Արփի Դավոյանը եւ մեր ընկեր Վիլեն Գաբրիելյանը: Գաբրիելյանի մեքենայով էինք, 10 հազար դրամի բենզին լցրեցինք, սակայն ՀԴՄ կտրոն չտրամադրեցին»:

Հարցին՝ բենզալցակայանի աշխատակիցները չեն էլ առաջարկե՞լ կտրոն տրամադրել, Պողոսյանը պատասխանեց. «Ո՛չ առաջարկել են, ո՛չ տվել են, ո՛չ էլ արձագանքել են, անգամ մտքներով էլ չանցավ»: Պատգամավորը նշեց, որ իրենք հատուկ ՀԴՄ կտրոն չեն պահանջել, որպեսզի դրա վերաբերյալ հաղորդում ներկայացնեն ՊԵԿ:

«Ասեմ, որ սա առաջին դեպքը չէ: Ես Պտղնի գյուղում եմ ապրում՝ լինում են պահեր, որ հասնում եմ այդ տարածք, մեքենայիս մեջ բենզին չի լինում եւ իրենց բենզալցակայանից եմ լցնում: Նրանք երբեք ՀԴՄ կտրոն չեն տալիս, նույնիսկ երբ գալիս եմ պատգամավորական համարանիշներով: Ես նախազգուշացրել էի, որ իրենք ՀԴՄ տան, սակայն այդ նախազգուշացումն էլ չի ազդել»,- ասաց նա:

ՀՀ հարկային ծառայության մասին օրենքով սահմանված է, որ խախտում կարող է արձանագրել միայն հարկային մարմինը: Հետեւաբար վերոնշյալ դեպքում Պողոսյանի ահազանգը միայն հիմք կարող է հանդիսանալ, որ ՊԵԿ-ը ստուգում իրականացնի տվյալ տնտեսվարողի մոտ: Եվ եթե այդ ստուգման ժամանակ տնտեսվարողը դարձյալ կտրոն չտրամադրի, ապա այդ պարագայում ՊԵԿ-ը կարող է տուգանել տարվա ընթացքում առաջին խախտման համար 150 հազար դրամ, երկրորդ խախտման համար՝ 300 հազար դրամ: Նշենք նաեւ, որ այդ բացը լրացնելու համար վարչապետ Նիկոլ Փաշինյանը շաբաթներ առաջ ՀՀ կառավարության նիստում ՊԵԿ նախագահին առաջարկել էր համապատասխան օրենսդրական կարգավորում անել, որ քաղաքացիների տեսագրությունների հիման վրա ՊԵԿ-ը կարողանա ՀԴՄ կտրոն չտրամադրող տնտեսվարողների նկատմամբ վարույթ իրականացնել: Քանի որ, ըստ էության, առանց համապատասխան ապացույցի քաղաքացին հնարավորություն չունի ապացուցելու, որ գնում է կատարել եւ իրեն կտրոն չեն տրամադրել:

Օրենսդրական բացի վերաբերյալ մեր հարցին ի պատասխան՝ պատգամավոր Քրիստինե Պողոսյանը ասաց. «Ես պատրաստ եմ համապատասխան օրենսդրական նախագիծ բերել Ազգային ժողով եւ խնդրել ու հորդորել ընկերներիս, որպեսզի այդ օրենսդրական փոփոխությունն անեն: Եթե ՊԵԿ-ի մոտ տարիներ շարունակ խնդիր կա, իրենք դրա մասին գիտեն եւ չեն նախաձեռնում որեւէ բան՝ այդ օրենսդրական բացը լրացնելու համար, ապա թող հիմա գան օրենսդրական փաթեթով, ես անձամբ դա կտանեմ Ազգային ժողով»:

Պատգամավորի կարծիքով՝ ՊԵԿ-ը 2 տարվա մեջ բավական ժամանակ ուներ այդ բացը լրացնելու ու այդ օրենսդրական բացի փաստարկով չարդարանալու համար:

Հարցին՝ ինչո՞վ է պայմանավորում, որ այդ բենզալցակայանում ՀԴՄ կտրոն չեն տրամադրում, Պողոսյանը պատասխանեց. «Ես ինչ տեսել եմ, դա փաստել եմ: Թե ինչո՞ւ մարդիկ չեն տրամադրում ՀԴՄ կտրոն, պարզից էլ պարզ է, որպեսզի թաքցնեն եկամուտները: Իսկ ինչո՞ւ են թաքցնում, գուցե իրենց վառելիքի մեծ մասը Հայաստան է մտնում ոչ օրինական ճանապարհով, չի գրանցվում, ու հետեւաբար, եթե նրանք ընդհանուրի համար ՀԴՄ կտրոն տպեն, իրենց մոտ ավելցուկ կլինի, քանի որ ներմուծվել է ավելի քիչ, քան վաճառվել է: Սա իհարկե զուտ իմ տրամաբանությամբ է, ու կարծում եմ, որ ՊԵԿ-ն այդ ուղղությամբ պետք է աշխատի»:

Անդրադառնալով հարցին, թե ի՞նչ է ակնկալում այս պարագայում, արդյոք, եթե խախտում հայտնաբերվի ու տուգանք նշանակվի, բենզալցակայանը կսկսի՞ օրինական աշխատել, պատգամավորը պատասխանեց. «Ես չգիտեմ՝ դա կսթափեցնի նրանց, թե ոչ, բայց ուզում եմ, որ ՊԵԿ-ը ճիշտ աշխատի: Ես ուզում եմ, որ ՀՀ-ում հարկեր չթաքցվեն, քանի որ ամեն թաքցված հարկ մի բժշկի, մի ուսուցչի, մի զինվորականի աշխատավարձ է»:

ՀՀ պետական եկամուտների կոմիտեի տեղեկատվության եւ հասարակայնության հետ կապերի վարչության պետ Լուսինե Մկրտչյանը ՀԺ-ին ասաց, որ ընդունել են Պողոսյանի հրապարակային հաղորդումը՝ «Մուլտի» բենզալցակայանում ՀԴՄ կտրոն չտրամադրելու վերաբերյալ, եւ այն ուղարկվել է համապատասխան բաժնի աշխատակիցներին՝ ընթացք տալու համար:

ՀԺ-ն Մկրտչյանից հետաքրքրվեց նաեւ, թե 2019-ին վերոնշյալ բենզալցակայանում ստուգումներ անցկացվե՞լ են, ի պատասխան՝ նա նշեց. «ՀՀ օրենսդրությամբ հարկային մարմնին վերապահված իրավասությունների սահմաններում ՀՀ օրենքների եւ այլ իրավական ակտերի առանձին պահանջների կատարման ճշտությունը պարզելու նպատակով 2019 թվականի ընթացքում տվյալ տնտեսվարող սուբյեկտի մոտ երկու անգամ իրականացվել են հսկիչ-դրամարկղային մեքենաների կիրառման ճշտության ստուգումներ, որոնցից մեկի արդյունքում խախտում չի արձանագրվել, իսկ մյուսի դեպքում արձանագրվել է հսկիչ-դրամարկղային մեքենաների կիրառման ճշտության խախտում եւ առաջադրվել է տուգանք՝ 150 հազար դրամի չափով»:

ԱԺ «Բարգավաճ Հայաստան» խմբակցության ղեկավար Գագիկ Ծառուկյանի մամուլի խոսնակ Իվետա Տոնոյանը մեր զրույցում ասաց, թե ծանոթ է Պողոսյանի գրառմանը: «Ես հորդորում եմ Գագիկ Ծառուկյանի անունը շահարկելու հաշվին իրենց գրառման համար լայքեր կամ կայքերում զետեղումներ ապահովելու գործելաոճից զերծ մնալ»,- ասաց Տոնոյանը:

Անդրադառնալով «Մուլտի» գազալցակայանում ՀԴՄ կտրոն չտրամադրելու դեպքին՝ Իվետա Տոնոյանը խորհուրդ տվեց դրա համար դիմել «Մուլտի գրուպ» ընկերությանը: Նշենք, որ ՀԺ-ն մի քանի անգամ փորձեց մեկնաբանություն ստանալ նաեւ «Մուլտի գրուպ»-ի գործադիր տնօրեն Սեդրակ Առուստամյանից, սակայն մեր զանգերն անպատասխան մնացին:

Տպել
7561 դիտում

Հայ-ռուսական միջտարածաշրջանային 8-րդ համաժողովի շրջանակում այսօր անցկացվել է լիագումար նիստ

Թմրանյութ է հայտնաբերվել անչափահասի գրպանում (տեսանյութ)

Մալիշկայի համայնքապետարանը հրավիրում է համայնքային սեփականություն հանդիսացող հողամասի աճուրդ վաճառքի

Գառնիում ասֆալտապատվել են ներհամայնքային ճանապարհներ և արդիականացվել է լուսավորության համակարգը

Քովիդի դեմ պատվաստումային ցուցանիշով Հայաստանը զիջում է իր հարևաններին. վիճակագրություն

Բաքվից վերադարձած բոլոր տղաները Շիրակի մարզից են․ Նազելի Բաղդասարյանը «Մուրացան» բժշկական կենտրոնում է

«Հայաստան» համահայկական հիմնադրամը Լիբանանի հայ համայնքի կարիքների համար 1 մլն դոլար է փոխանցել

Հրդեհ է բռնկվել հեռուստաաշտարակի մոտակայքում․ հայտարարվել է հրդեհի բարդության «1 Բիս» կանչ

Հայաստան են վերադարձել 5 ռազմագերիներ, որոնք դատապարտվել էին 6 տարվա ազատազրկման. նրանց տեղափոխել են բուժզննության

Դուք ինձ համար կուռք եք եղել․ Կարեն Գիլոյանն ընդունել է Օլիմպիական չեմպիոններ Ալեքսանդր Կարելինին և Մնացական Իսկանդարյան

Արմեն Սարգսյանին հավատարմագրերն է հանձնել Հայաստանում Իռլանդիայի նորանշանակ դեսպան Մարտինա Ֆինեյը

Լոնդոնում տեղի է ունեցել Ալեքսանդր Սպենդիարյանի 150 և Առնո Բաբաջանյանի 100-ամյակներին նվիրված համերգ

Հավատարիմ ենք ժողովրդավարական բարեփոխումների քաղաքական ուղեգծին. վարչապետն ընդունել է ԵԽ պատվիրակությանը (լուսանկարներ)

Հայաստան են վերադառնում 5 հայ ռազմագերիներ. Նարեկ Ղահրամանյան

Վահան Քերոբյանը ծանոթացել է Տաշիր քաղաքում գործող «Ամպեր» մալուխների գործարանի աշխատանքներին

300 հազար դոլար, 112 հազար եվրո և 4 անշարժ գույք. ինչ ունեցվածք ունի Առուշ Առուշանյանը

Կինոյի տան և Մալյան թատրոնի մոտ ապօրինի գարեջրատուն են սարքում, որ ֆուտբոլ նայեն․ Կինեմատոգրաֆիստների միության նախագահ

Արտակ Ղուլյանը նշանակվել է Իրավական կրթության և վերականգնողական ծրագրերի իրականացման կենտրոնի տնօրեն

«10 մլն ծառ»-ի շրջանակում տարբեր կազմակերպություններ ծառատունկ կիրականացնեն․ ՇՄ նախարարը քննարկում է անցկացրել

Արման Բաբաջանյանի մեքենայի վրա կրակելու գործով նոր զարգացումներ են սպասվում

Վահրամ Դումանյանն ընդունել է ՌԴ պատվիրակությանը․ հայկական կողմը կարևորում է Հայաստանում ռուսերենի զարգացման հարցը

Արմեն Սարգսյանին հավատարմագրերն է հանձնել Հայաստանում Նորվեգիայի Թագավորության նորանշանակ դեսպանը (տեսանյութ)

2020թ. ԱԺ արտահերթ ընտրություններում ընտրակաշառքի վերաբերյալ առաջին գործով մեղադրական դատավճիռ է կայացվել

Կարեն Անդրեասյանը նոր դատավորների ընտրության և վերապատրաստման հարցեր է քննարկել Արդարադատության ակադեմիա այցի ընթացքում

«Մանչեսթեր Յունայթեդը» բանակցում է Զիդանի հետ. նախաձեռնողը Ռոնալդուն է

Ուզում ենք՝ ուսանողը Երևանում սովորի, բայց իր մարզը զարգացնի. մի խումբ ուսանողներ «Ուսանողի տուն» են հիմնել ու բնակվում

Հոկտեմբերի 20-ին Երևանի կենդանաբանական այգին փակ կլինի. անցկացվելու է «Երազանքի երեկո» միջոցառումը

Դալարում սպանված բնակչի հորեղբայրն ու հորեղբոր որդին հրկիզել են սպանության մեջ մեղադրվողի տունը. 2-ն էլ ձերբակալված են

Ուղևորներն ու վարորդները դիմակ չեն կրել. տեսչական մարմինը 81 խախտում է հայտնաբերել

Ռազմական համալսարանի զոհված շրջանավարտների հիշատակին նվիրված խաչքար-հուշակոթողի մոտ մատուցվել է հոգեհանգստյան կարգ

Քրեակատարողական համակարգում սկսում ենք բարեփոխումների նոր շրջան. Կարեն Անդրեասյան

Եռակողմ հայտարարությամբ դադարեցվեցին ռազմական գործողությունները, իսկ իրավիճակը շարունակում է մնալ անկայուն. Ռուբինյան

ՄԻՊ գրառման մեջ առկա են անճշտություններ, ադրբեջանական ԶՈՒ-ն ինժեներական ակտիվ աշխատանք չի իրականացնում. ՊՆ պարզաբանումը

Վրաերթ Շերամի փողոցում. 11-ամյա երեխան հոսպիտալացվել է

Սուրեն Պապիկյանը Իգոր Մասլովի հետ հայ-ռուսական հարաբերությունների զարգացման լայն օրակարգ է քննարկել (լուսանկարներ)

Իռլանդիայի նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալ Վահե Գևորգյանին

Հայկական կարմիր խաչի ընկերության Գյումրու խնամքի կենտրոնի շահառուներն ալկոհոլ են օգտագործել, ծեծել իրար. Դատախազություն

Այստեղ ենք՝ հասկանալու, թե ինչպես է ընթանում ԵԽ-Հայաստան ծրագիրը. նախագահը ընդունել է Մարթեն Էհնբերգին (տեսանյութ)

«Ոսկե բանալի, ժանգոտ կողպեք» մրցանակաբաշխության ժամանակ Երեւանի քաղաքապետարանն արժանացել է «Ժանգոտ կողպեքի»

Կան բազմաթիվ խնդիրներ, որոնք բարդացնում են գործընթացը. Մհեր Գրիգորյանը՝ սահմանազատման և սահմանագծման մասին