Ուրիշ ի՞նչ պետք է աներ Կառավարությունը. Ն․Փաշինյանն անդրադարձավ Կուտոյանի մահվան դեպքին եւ այդ թեմայով շահարկումներին

«Իհարկե, շատ ցավալի դեպք է, եւ, եթե չեմ սխալվում, Քննչական կոմիտեում քրեական գործ է հարուցված ինքնասպանության հասցնելու հոդվածով։ Սա նշանակում է, որ  հիմնական վարկածը, որ այսօր քննվում է, ինքնասպանության հասցնելն է, եւ ես կարծում եմ, որ դեպքի հանգամանքները ամբողջությամբ պարզելու գործում պետք է ամենաշատը շահագրգիռ լինեն պարոն Կուտոյանի ընտանիքի անդամները։ Եվ ես կարծում եմ, որ նրանք պետք է լիարժեք համագործակցեն նախաքննության մարմնի հետ, որպեսզի ճշմարտությունը ամբողջությամբ եւ 100 տոկոսով բացահայտվի»,- ի պատասխան «Իմ քայլը» խմբակցության պատգամավոր Տիգրան Կարապետյանի հարցի՝ անդրադառնալով ԱԱԾ նախկին տնօրեն Գեորգի Կուտոյանի մահվան դեպքին՝ ԱԺ-Կառավարություն հարցուպատասխանի ժամանակ այս մասին հայտարարեց ՀՀ վարչապետ Նիկոլ Փաշինյանը։

Վարչապետը կրկին ընդգծեց՝ երաշխավորում է, որ Կառավարությունը իր բոլոր հնարավոր լծակներից կօգտվի, որ այդ գործը, ինչպես բոլոր գործերը, մինչեւ ամենավերջին դետալը բացահայտվի։

«Բայց ես ուզում եմ ձեր ուշադրությունը հրավիրել այն փաստի վրա, որ նախորդ իշխանության որոշ ներկայացուցիչներ էսպիսի մի աղմուկ են բարձրացրել, թե Կառավարությունը պատշաճ վերաբերմունք չի ցուցաբերել Գեորգի Կուտոյանի մահվան կապակցությամբ։ Գիտե՞ք՝ ինչ, վարչապետի ենթակայությամբ ԱԱԾ պատվո պահակախումբն իր ներկայությամբ պատվել է Գեորգի Կուտոյանի հոգեհանգիստը, հուղարկավորությունը, ԱԱԾ տնօրենի պարտականությունները ժամանակավոր կատարողը եւ ԱԱԾ ողջ կազմը մասնակցել են հոգեհանգստին եւ հուղարկավորության արարողությանը։ Մասնակցել է Անվտանգության խորհրդի քարտուղարը՝ որպես նաեւ էլի Կառավարության եւ վարչապետի ներկայացուցիչ, ես, լրատվամիջոցի հարցին ի պատասխան, ցավակցություն եմ հայտնել Կուտոյանի սգակիր ընտանիքին։ Իսկ ուրիշ ի՞նչ պետք է աներ Կառավարությունը․ էլ չեմ ասում, թե ինչու այդ նույն մարդիկ չեն բարձրաձայնում, երբ որ Հայկ Հարությունյանի հետ կապված էր դեպք տեղի ունեցել։ Այսինքն՝ ի՞նչ, նրանք վերաբերմունքի տարբերությո՞ւն ունեն։ Մեզ համար նախկին պաշտոնյաներ են եղել, ընդ որում, այդ պաշտոնյաները պաշտոնավարել են բավականին առնվազն վիճահարույց շրջաններում։ Կարծում եմ՝ ինչ-որ պիտի արվեր, արվել է, եւ անիմաստ եմ համարում նույնիսկ այդ քննարկումները»,- եզրափակեց Փաշինյանը։

Հիշեցնենք, որ հունվարի 17-ին՝ ժամը 14:30-ին, ՀՀ ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել, որ Պարույր Սևակի փողոցի բնակարաններից մեկում հրազենով ինքնասպանություն է գործել Գեորգի Կուտոյանը:

Տպել
2654 դիտում

Մեր խաղաղապահն էլ ա ինքը, անկախապահն էլ, հայրենապահն էլ. Արարատ Միրզոյան

Անցած գիշեր Ադրբեջանի կողմից բոլոր հարձակողական գործողությունները ձախողվել են. Վահրամ Պողոսյան

Մենք պետք է օգտագործենք բոլոր միջոցները մեզ պաշտպանելու համար. Նիկոլ Փաշինյանը՝ The Washington Post-ին

Ադրբեջանը ռմբաավիացիոն հարվածներ է հասցնում Արցախի ՊԲ հյուսիսային ուղղությամբ. կիրառվում են հրթիռներ, ԱԹՍ-ներ. ՊՆ խոսնակ

Զորահավաքային պլանը կհաստատի Կառավարությունը. նախկինում այս լիազորությունը ՀՀ նախագահինն էր

300 մլն դրամ Միքայել և Կարեն Վարդանյանների կողմից հայոց հաղթական բանակին

Հայաստանը դիտարկում է Լեռնային Ղարաբաղի անկախությունը ճանաչելու հնարավորությունը. վարչապետ. TACC

Ադրբեջանցիները ոչնչացնելուց պակաս ոչինչ չեն անում, միայն ոչնչացնել. չգիտեմ՝ դա ախորժակից է, թե խելքից. Ա. Հովհաննիսյան

Ադրբեջանի ՊՆ-ն մեկ օրվա սեփական կորուստների թիվը շփոթել և վերագրում է հայկական ուժերին. Շ. Ստեփանյան

Ես որդուս ասել եմ՝ քեզ պաշտում եմ, բայց հայրենիքի համար զոհվելուց ավելի վեհ բան աշխարհում չկա. Աննա Հակոբյան (տեսանյութ)

ԱԻՆ-ը հումանիտար օգնություն է տանում Արցախ

ՄԻԵԴ վճռից և ՄԱԿ-ում, ԵԱՀԿ-ում քննարկումներից հետո Ադրբեջանը հարվածային ԱԹՍ-ներ է ուղարկում Ստեփանակերտ. ԱՀ ՄԻՊ

Աննա Հակոբյանը Ստեփանակերտում հանդիպել է Արցախի կին խորհրդարանականների հետ

Բացառիկ ու աննախադեպ է. փաստացի մենք վարում ենք 5-րդ սերնդի պատերազմներին բնորոշ գործողություններ. Ա. Հովհաննիսյան

Ստեփանակերտի օդային սահմանը խախտել է Harop տեսակի 3 ԱԹՍ. 2-ը հայկական ուժերը խոցել են. ՀՄՏԿ

ՄԱԿ-ի անվտանգության խորհուրդը Ղարաբաղի հարցով հանդես է եկել հայտարարությամբ

Ստեփանակերտում հակառակորդի երկու ԱԹՍ է խոցվել. այս պահին հրետանային փոխհրաձգություն է. ՊՆ խոսնակ

«Տեսա, կրակեցի ու կպա՜վ». հերթական նկարահանումները արցախյան ռազմաճակատից (տեսանյութ). «Զինուժ-Մեդիա»

Արցախի ՊԲ-ն հրապարակել է Ադրբեջանի հերթական կորուստները․ տեսանյութ (18+)

Բնակչության տարհանման որոշում չի կայացվել. Ստեփանակերտի քաղաքապետարան