Դուք էն մարդը չեք, ով ինչը չի լուծում փողով, լուծում է ավելի մեծ փողով. Վյաչեսլավ Հարությունովը՝ դատավորին

Երեւանի ընդհանուր իրավասության դատարանի Ավան եւ Նոր Նորք նստավայրում՝ դատավոր Վարդան Գրիգորյանի նախագահությամբ, այսօր շարունակվեց ՀՀ ԱԺ պատգամավոր Գագիկ Ծառուկյանի թիկնազորի նախկին պետ, «ԲՀԿ»-ական պատգամավոր Էդուարդ Բաբայանի գործով տուժող Վյաչեսլավ Հարությունովի վերաբերյալ քրեական գործով դատական նիստը:

Հիշեցնենք՝ Հարությունովն այն անձն է, որը հաղորդում էր ներկայացրել 2018 թվականի հուլիսի 2-ին Գագիկ Ծառուկյանին պատկանող «Օլիմպավան» մարզահամալիրում Էդուարդ Բաբայանի կողմից ծեծի ենթարկվելու վերաբերյալ: Դատաքննության փուլում, սակայն, Հարությունովը պնդել էր, թե ինքն իրեն տուժող չի համարում: Այս գործով Էդուարդ Բաբայանը 2019 թվականի հունիսի 4-ին մեղավոր էր ճանաչվել ՀՀ քրեական օրենսգրքի 112-րդ հոդվածի 1-ին մասով (Դիտավորությամբ առողջությանը ծանր վնաս պատճառելը), դատապարտվել 3 տարի 6 ամիս ժամկետով ազատազրկման եւ համաներմամբ ազատ արձակվել:

Դատավճռի հրապարակումից երկու ամիս անց Հարությունովին մեղադրանք է առաջադրվել ՀՀ ՔՕ-ի 332-րդ հոդվածի 2-րդ մասի 1-ին կետով (ծանր կամ առանձնապես ծանր հանցագործության մեջ մեղադրանքի առնչությամբ սուտ ցուցմունք կամ կեղծ եզրակացություն տալը): Խոսքը հենց Էդուարդ Բաբայանի գործի մասին է:

Այսօրվա դատական նիստին ամբաստանյալ Վյաչեսլավ Հարությունովի պաշտպան Ռոման Սարգսյանը բացարկի միջնորդություն ներկայացրեց մեղադրող դատախազ Վարդգես Սարգսյանին՝ հիմքում դնելով դատախազի կողմնակալությունը եւ պնդելով, որ նա կանխակալ վերաբերմունք ունի իր պաշտպանյալի նկատմամբ.

«Էդուարդ Բաբայանի վերաբերյալ քրեական գործում առկա են մի շարք արձանագրություններ, տարբեր անձանց, այդ թվում՝ Գագիկ Ծառուկյանի եւ Էդուարդ Բաբայանի՝ տարբեր կարգավիճակներում տված հարցաքննություններ, որոնք չեն ներառվել սույն քրեական գործում, դրանից բացի, նշված եւ մի շարք այլ՝ հարցաքննվել ցանկացող անձինք չեն հարցաքննվել սույն քրեական գործի ընթացքում, մինչդեռ ես նախորդ դատական նիստին արդեն իսկ ներկայացրել եմ միջնորդություն՝ նրանց դատակոչելու եւ հարցաքննելու վերաբերյալ, որի դեմ դատախազի ներկայացրած առարկություններն օբյեկտիվ դիտորդի մոտ անաչառության հետ կապված կասկած են առաջացնում»:

Պաշտպան Ռոման Սարգսյանի խոսքով՝ դատաքննության ընթացքում ինքը նույնաբովանդակ միջնորդություն կրկին ներկայացնելու է եւ կարծում է, որ նշված անձանց հարցաքննության ընթացքում ի հայտ կգան նոր հանգամանքներ, որոնք կասկածի տակ կդնեն Էդուարդ Բաբայանի գործով օրինական ուժի մեջ մտած դատավճիռը. «Իսկ մեղադրող դատախազն իր գործողություններով արդեն իսկ ձեռնամուխ է եղել եւ փաստել, որ կրկին ձեռնամուխ կլինի իր կողմից հաստատված մեղադրական եզրակացության պահպանմանը: Փաստ է, որ մեղադրական եզրակացության հաստատումով վերջինս ուղղակի կերպով շահագրգռված է գործի ելքով, ինչն արդեն իսկ մեկ անգամ ապացուցվել է, երբ ինքն առարկել է իմ կողմից ներկայացված օբյեկտիվ միջնորդության դեմ»:

Պաշտպանը պնդեց, որ նշված հանգամանքները դատախազի մասնակցությունն այս քրեական գործին բացառող հանգամանքներ են եւ խնդրեց վարույթից հեռացնել նրան:

Ամբաստանյալ Վյաչեսլավ Հարությունովը, դիմելով դատարանին, ասաց. «Ես գիտեմ, որ դուք էն մարդը չեք, ով ինչը չի լուծում փողով, լուծում է ավելի մեծ փողով»: Դատավորն ամբաստանյալին կոչ արեց խոսել ոչ թե իր անձի, այլ միջնորդության վերաբերյալ, ինչից հետո վերջինս ասաց. «Իմ պաշտպանը ոնց ասում է, տենց էլ անենք, տեսնենք՝ սրա վերջն ինչ է լինում»:

Բացարկի միջնորդության դեմ առարկեց մեղադրող դատախազ Վարդգես Սարգսյանը՝ նշելով, որ փորձ արվեց ցույց տալ, թե ինքը կաշկանդված է, ինչն իրականում այդպես չէ. «Նախորդ անգամ ես արդեն ասել եմ, որ այստեղ՝ այս նիստի ընթացքում, քննվում է ըստ մեղադրանքի՝ Վյաչեսլավ Հարությունովի 338-րդ հոդվածով քրեական գործը, սրանով Էդուարդ Բաբայանի եւ Վյաչեսլավ Հարությունովի կամ Գագիկ Ծառուկյանի եւ Վյաչեսլավ Հարությունովի միջեւ տեղի ունեցած իրադարձությունները քննության առարկա չեն, իսկ դատաքննությունն էլ ունի իր հստակ սահմանը, որը Հարությունովին առաջադրված մեղադրանքն է»:

Դատախազի խոսքով՝ օրինական ուժի մեջ մտած դատական ակտի կասկածի տակ դնելու պնդումներն այս դատական նիստով, անգամ՝ այս գործով մեղադրական կամ արդարացման դատավճիռ կայացվելու դեպքում, չեն կարող փարատվել, դրանք պետք է քննարկվեին պատշաճ դատավարական ընթացակարգի շրջանակում՝ վերաքննիչ, վճռաբեկ բողոք տանելով, ինչը չի արվել. «Եվ ես, որպես մեղադրանքը պաշտպանող դատախազ, առերեւույթ հանցագործության հատկանիշներ եմ հայտնաբերել եւ իրականացրել եմ օրենքով վերապահված իմ լիազորությունները: Հիմա փորձ է արվում իմ լիազորություններից բխող գործողությունների իրականացումը մեկնաբանել որպես ամբաստանյալի նկատմամբ կանխակալ տրամադրվածություն ունենալ, բայց ես նման տրամադրվածություն չունեմ, մեղադրական եզրակացությունը հաստատելիս ես ներքին համոզմունք եմ ունեցել, որ նա առերեւույթ հանցանք է կատարել, հակառակ դեպքում որպես սույն գործի նկատմամբ դատավարական ղեկավարում իրականացնող անձ՝ ինքս հանցագործություն կկատարեի»:

Դատախազի կարծիքով՝ իր անկողմնակալության մասին վկայող ամենացայտուն օրինակը այն է, որ Բաբայանի գործով դատաքննության ժամանակ ինքը հանդիսացել է միակ պաշտոնատար անձը, որը պաշտպանել է մեղադրանքը, իսկ մեղադրանքի կողմում հանդես եկող անձինք, այդ թվում՝ Հարությունովը եւ նրա ներկայացուցիչը, փաստացի հանդես են եկել պաշտպանության կողմում: Դատախազը հավաստիացրեց, որ ինքը Հարությունովի, Բաբայանի, առավել եւս Ծառուկյանի կամ նրանց շրջապատից որեւէ մեկի հետ որեւէ շփում չի ունեցել եւ խնդրեց մերժել միջնորդությունն անհիմն լինելու պատճառաբանությամբ:

Լսելով կողմերին՝ նախագահող դատավոր Վարդան Գրիգորյանը տեղեկացրեց. «Եթե դատարանը հանգի հետեւության, որ Գագիկ Ծառուկյանին, Սամվել Ալեքսանյանին կամ մեկ այլ հեղինակության հարցաքննելու անհրաժեշտություն կա, միանշանակ նրանց կհրավիրի հարցաքննության՝ առանց կաշկանդվելու որեւէ բանից, եթե կգտնի, որ դրա անհրաժեշտությունը չկա, բնականաբար, չի հրավիրի»: Այնուհետեւ դատարանը հայտնեց, որ հեռանում է խորհրդակցական սենյակ՝ բացարկի միջնորդության վերաբերյալ որոշում կայացնելու: Այն կհրապարակվի փետրվարի 14-ին:

Միլենա Խաչիկյան

 

Տպել
1678 դիտում

Վերաքննիչ քրեական դատարանի որոշմամբ Արա Սաղաթելյանը ազատ արձակվեց

Գորիսի տարածաշրջանի ավտոճանապարհներին և Մեղրիի լեռնանցքում մառախուղ է, տեսանելիությունը՝ 50-100 մետր

Ապառիկ վարկերի ակցիա գարնանային տոների նախօրեին

Վահագն Թեւոսյանն ու Վահրամ Մարտիրոսյանը նշանակվել են Հանրային հեռարձակողի խորհրդի անդամներ

Ամերիաբանկ. 2021 թ. լավագույն ներդրումային բանկը Հայաստանում ` ըստ «Global Finance» հեղինակավոր ամսագրի

Տեղի է ունեցել «Մեղրի-2» և «Որոտան-1» էլեկտրատեղակայանքներում համակարգային վթարի վերաբերյալ հանձնաժողովի նիստ

8 օր, 8% cashback «Մերի» խանութ-սրահներում IDBank-ի Visa քարտերով

Պարզվել է թմրամիջոցների ապօրինի շրջանառությամբ զբաղվող խմբի անդամների ինքնությունը. մեղադրանք է առաջադրվել ևս 5 անձի

Արթուր Վանեցյանն անկեղծ չէ, գերիների հարցը երկու օրվա լուծելու չէ. Քոչարյան

ԳՇ հայտարարությունը հայտարարություն էր, այն քաղաքական հայտարարություն չէր. Գալուստ Սահակյան

Անցած չորս օրում արձանագրված 26 դեպքով հաշվարկվել է 67.231.184 ՀՀ դրամի չափով շրջակա միջավայրին հասցված վնաս. ԲԸՏՄ

Եթե Կենտրոնական բանկի որոշումը լինի, թոշակառուները իրենց գումարը նորից կստանան կանխիկ՝ փոստից

Հայաստանի առաջարկը՝ Թուրքիան հանել ԵԱՏՄ սակագնային արտոնություններից օգտվող երկրների ցանկից, ընդունվել է

Վերականգնողական վարժություններ COVID-19 երկարատև հիվանդությունից հետո

Առաջարկվում է կորոնավիրուսի ԱԺ քննիչ հանձնաժողովի լիազորությունների ժամկետը 6 ամսով երկարաձգել

Հայաստանն այս տարի չի մասնակցի «Եվրատեսիլ» երգի միջազգային մրցույթին

Աշխատող ուսանողների ուսման վարձը կփոխհատուցվի եկամտային հարկից. դիմումները կընդունվեն ուստարվա ավարտից հետո

Ադրբեջանի նախագահը ԼՂ խաղաղ գործընթացի վերաբերյալ իր հայտարարություններով հակադրվում է միջազգային հանրությանը. Նաղդալյան

Նոր նախագիծ՝ պարտադիր զինվորական ծառայությունից ազատման վերաբերյալ

2020 թ-ին ՀՀ-ն 2 միավորով առաջ է անցել քաղաքական իրավունքների ու քաղաքացիական ազատությունների ոլորտում. Freedom House

Նախագահի հրամանագրով՝ մի խումբ զինծառայողների հետմահու շնորհվել են պետական պարգևներ

Հարցը բարդ է, կան շատ գործոններ, որոնք ազդում են կողմերի դիրքորոշման վրա. Գրիգորյանը՝ Փաշինյան-Մարուքյան հանդիպման մասին

Էրդողանի հայտարարության թիրախը ՀՀ վարչապետին հարվածելն է. պատգամավոր

Երեւանի մետրոն 2019 թվականին 21 միլիոն ուղեւոր է տեղափոխել, 2020-ին՝ 11 միլիոն. Մետրոպոլիտենը 40 տարեկան է

Նիկոլ Փաշինյանը ծաղիկներ է խոնարհել սպարապետ Վազգեն Սարգսյանի հուշարձանին (տեսանյութ)

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

2 վթար է գրանցվել Ասկերան-Ստեփանակերտ ճանապարհին. կան տուժածներ

Ֆինանսների նախարարությունն առաջարկում է սահմանափակել ինտերնետային շահումով խաղերի և տոտալիզատորների գովազդը

Դագաղներ, ծաղկեպսակներ քաղաքական կիզակետում ի հայտ են եկել 2008-ից՝ ներկայիս ընդդիմադիրների կողմից. պատգամավոր

Այսօր վերաբացվել է շուրջ 250 մահճակալ հզորությամբ Սուրբ Աստվածամայր ԲԿ ինֆեկցիոն մասնաճյուղը

Ադրբեջանի ԶՈՒ-ն շարունակում է կրակոցներ արձակել Սյունիքի մարզի գյուղերի հարևանությամբ․ ՄԻՊ

3 նոր ՈՒԱԶ ֆուրգոն մակնիշի մեքենա՝ Սյունիքի պահպանվող տարածքների պահպանությունը իրականացնելու համար

Ըստ պատգամավորի՝ դատավորների կենսաթոշակի վերաբերյալ նախագիծը առաջիկա քառօրյային կքննարկվի և կընդունվի

ԲՀԿ-ն չունի որոշում արտահերթ ընտրություններ անցկացնելու վերաբերյալ

Նախագահի անունից ծաղիկներ են դրվել Վազգեն Սարգսյանի շիրիմին և նրա հիշատակը հավերժացնող հուշարձանին

Սարգիս Քլոյանը դատի է տվել Սայաթ Շիրինյանին

Արցախում հաստատվել է կորոնավիրուսային հիվանդության 4 դեպք

Եթե գործադիր իշխանությունը քննադատում է դատական իշխանությանը, ուրեմն դատական իշխանությունը լավ է աշխատել. Մարուքյան

Գերեվարված զինվորների ծնողները փակել են Շիրակի մարզպետարանի մուտքը. աշխատակիցներին թույլ չեն տվել ներս մտնել

Եթե Փաշինյանի հետ համաձայնություն լիներ, կասեի՝ լրագրողներ, եկեք, գնանք նշենք. Մարուքյան