Դատարանում սկսվել է պատգամավորի գործով տուժող Վյաչեսլավ Հարությունովի վերաբերյալ նիստը

Երեւանի ընդհանուր իրավասության դատարանի Ավան եւ Նոր Նորք նստավայրում՝ դատավոր Վարդան Գրիգորյանի նախագահությամբ, քիչ առաջ սկսվեց ՀՀ ԱԺ պատգամավոր Գագիկ Ծառուկյանի թիկնազորի նախկին պետ, «ԲՀԿ»-ական պատգամավոր Էդուարդ Բաբայանի գործով տուժող ճանաչված Վյաչեսլավ Հարությունովի վերաբերյալ նոր քրեական գործի առաջին դատական նիստը:

«Հայկական ժամանակ»-ի հաղորդմամբ՝ դատարան են ներկայացել ամբաստանյալ Վյաչեսլավ Հարությունովը, նրա պաշտպան Ռոման Սարգսյանը: Գործով մեղադրող դատախազն է Վարդգես Սարգսյանը:

Հիշեցնենք՝ Հարությունովն այն անձն է, որը հաղորդում էր ներկայացրել 2018 թվականի հուլիսի 2-ին Գագիկ Ծառուկյանին պատկանող «Օլիմպավան» մարզահամալիրում Էդուարդ Բաբայանի կողմից ծեծի ենթարկվելու վերաբերյալ: Էդուարդ Բաբայանին մեղադրանք էր առաջադրվել վիճաբանության ժամանակ աշխարհի երիտասարդական առաջնության ոսկե մեդալակիր Նիկոլայ Հարությունովի հոր՝ Վյաչեսլավ Հարությունովի նկատմամբ բռնություն գործադրելու եւ ծանր մարմնական վնաս պատճառելու համար: Դատաքննության փուլում, սակայն, Հարությունովը պնդել էր, թե ինքն իրեն տուժող չի համարում: Այս գործով Էդուարդ Բաբայանը հունիսի 4-ին մեղավոր էր ճանաչել ՀՀ քրեական օրենսգրքի 112-րդ հոդվածի 1-ին մասով (Դիտավորությամբ առողջությանը ծանր վնաս պատճառելը), դատապարտվել 3 տարի 6 ամիս ժամկետով ազատազրկման եւ համաներմամբ ազատ արձակվել պատիժը կրելուց:

Դատավճռի հրապարակումից երկու ամիս անց Հարությունովին մեղադրանք էր առաջադրվել ՀՀ ՔՕ-ի 332-րդ հոդվածի 2-րդ մասի 1-ին կետով (ծանր կամ առանձնապես ծանր հանցագործության մեջ մեղադրանքի առնչությամբ սուտ ցուցմունք կամ կեղծ եզրակացություն տալը): Ըստ մեղադրական եզրակացության՝ Վյաչեսլավ Հարությունովին մեղադրանք է առաջադրվել այն բանի համար, որ նա, ծանր հանցագործության մեջ մեղադրանքի առնչությամբ քննվող քրեական գործով հանդիսանալով տուժող, նախազգուշացված լինելով սուտ ցուցմունք տալու համար ՀՀ քրեական օրենսգրքի 338-րդ հոդվածով նախատեսված քրեական պատասխանատվության մասին, գործի նախաքննության և դատաքննության ընթացքում տվել է սուտ ցուցմունք:

Խոսքը հենց Էդուարդ Բաբայանին վերաբերող հիշյալ գործի մասին է:

Այսօրվա դատական նիստին նախագահող դատավորի հարցին ի պատասխան՝ ամբաստանյալ Վյաչեսլավ Հարությունովը հայտնեց, որ ծնվել է Ադրբեջանում, ունի Ռուսաստանի Դաշնության քաղաքացիություն, մեկ ու կես տարի առաջ էլ ձեռք է բերել ՀՀ քաղաքացիություն: Ամբաստանյալը հայտնեց, որ ամուսնացած է, ունի 3 չափահաս զավակ, նախկինում դատապարտված չի եղել:

Հարությունովի պաշտպան Ռոման Սարգսյանը դատարանին ներկայացրեց ամբաստանյալի անձի վերաբերյալ նրա թաղամասում բնակվող 34 անձի կողմից տրված բնութագիր, ինչպես նաեւ՝ ԼՂՀ տարածքային զինկոմիսարիատի կողմից տրված տեղեկանք, ըստ որի՝ ամբաստանյալը մասնակցել է ԼՂՀ տարածքային ամբողջականության համար մղված մարտերին: Ամբաստանյալը նշեց, որ խոսքը 1992-93 թվականների մասին է:

Նախագահող դատավորն այս պահին ամբաստանյալին պարզաբանում է նրա իրավունքներն ու պարտականությունները:

 

Տպել
1546 դիտում

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ

Մայիսի 1-ից գազալցակայաններում այլեւս խաղային ավտոմատներ չեն լինի. վարչապետ

Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

Վարչապետ Նիկոլ Փաշինյանը նոր նշանակում է արել

ԱԺ նախկին պատգամավոր Արթուր Գեւորգյանին կալանավորելու որոշում է կայացվել. նա հետախուզվում է

Հայ Առաքելական եկեղեցին նշում է Ավագ հինգշաբթին