Վանաձորի քաղաքապետարանը մտադիր է գլխավոր փողոցներից վերացնել ապօրինի առեւտուրը. մինչեւ հունվարի 13-ը ժամանակ կտան

Վանաձոր քաղաքի կենտրոնական մի շարք փողոցներում տարիներ շարունակ ապօրինի ու բացօթյա առեւտուր է իրականացվում: Նժարի մի կողմում դրված է առեւտրականների սոցիալական որոշակի խնդիր լուծելու հարցը, մյուս կողմում՝ քաղաքի արտաքին տեսքը, հետիոտի՝ մայթերով անարգել երթեւեկելու եւ սննդի անվտանգության հարցը: Հատկապես տոնական օրերին վիճակն առավել քան սրված էր՝ վաճառվում էին գյուղմթերք, մսամթերք, պայթուցիկ նյութեր ու ոչ միայն: Տոներն ավարտվում են, առեւտուրը՝ ոչ:

Վանաձորի քաղաքապետ Մամիկոն Ասլանյանի մոտ երեկ խորհրդակցություն է տեղի ունեցել համայնքի տարածքում բացօթյա ապօրինի առեւտուրը կասեցնելու վերաբերյալ, որին մասնակցել են ոչ միայն քաղաքապետարանի, այլ նաեւ ոստիկանության ներկայացուցիչները:

Մամիկոն Ասլանյանը ներկայացնելով համայնքի տարածքում չնախատեսված վայրերում հատկապես տոնական օրերին իրականացվող բացօթյա ապօրինի առեւտրի հետեւանքով քաղաքի կենտրոնական հատվածներում առկա հակագեղագիտական եւ հակասանիտարական վիճակը, չթույլատրված ապրանքների, հրավառության եւ պայթուցիկ նյութերի վաճառքը՝ ասաց, որ որոշ ժամանակահատվածում իրենք կարող են զիջումների գնալ, սակայն իրավիճակն այդպես թողնել տարին 12 ամիս՝ անթույլատրելի է:

Ըստ Ասլանյանի, իրենք այսքան ժամանակ ըմբռնումով են մոտեցել նաեւ գյուղատնտեսական սեզոնին, սակայն ողջ տարին քաղաքի ամենաբանուկ փողոցները գյուղմթերքի եւ առհասարկ շուկայի վերածել այլեւս թույլ չեն տալու. «Մեր ներողամտությունը քաղաքացիների նկատմամբ որոշ դեպքերում արդեն լուրջ խնդիր է դարձել, ու որրոշ քաղաքացիների հանդեպ ցուցաբերած մեր ներողամտությունը բերում է քաղաքապետարանի ու ոստիկանության աշխատանքի նկատմամբ թերահավատության: Այս տարի պայթուցիկների վաճառքը մեծ պրոբլեմատիկ գործ դարձավ: Մենք տեսանք, թե քանի հոգի վնասվածք ստացավ պայթուցիկներից, ու քաղաքում տեխնիկական որոշ համակարգեր ունենք, օրինակ շատրվանները, որտեղ դիտավորյալ պայթուցիկներ էին գցում: Այսուհետ մենք պետք է մեր գործողությունները համատեղ իրականացնենք՝ փողոցային անօրինական առեւտրի դեմ պայքարում»,- ասաց Մամիկոն Ասլանյանը:

Քաղաքապետի խոսքով՝ առաջին հերթին պետք է մաքրել կենտրոնական այն փողոցները, որոնք բացօթյա շուկայի են վերածվել. «Այսօրվա մեր առաջնահերթ խնդիրը Տիգրան Մեծ, Մյասնիկյան, Գրիգոր Լուսավորիչ եւ Շիրվանզադե փողոցներն են… որոշ մարդիկ քիչ չէ 11 մետրանոց «բուդկաներ» ու խանութներ են վերցրել-դրել, դեռ մի այդքան էլ դիմացն են վերցրել, բացօթյա առեւտուր են անում: Դա պետք է նախ կարգավորել»:

Վանաձորի քաղաքապետարանի առեւտրի բաժնի պետ Արման Մովսիսյանի տեղեկացմամբ՝ դեռ նախորդ տարի իրենք փորձեցին հեռացնել կենտրոնական Տիգրան Մեծ պողոտայում ապօրինի առեւտուր իրականացնողներին, արձանագրություններ են կազմել, վարչական վարույթ իրականացրել, սակայն անօգուտ: «Վարչական վարույթով առեւտուր անողներին չենք կարողանում հեռացնել այդտեղից»,-ասաց բաժնի պետը, ինչին ի պատասխան քաղաքապետը հիշեցրեց, որ մեկ անգամ տուգանելուց հետո քայլերը պետք է խստացնել:

«Մենք պատրաստ ենք մեր վերակարգով աշխատել քաղաքապետարանի ներկայացուցիչների հետ, իսկ եթե անհրաժեշտություն լինի ապամոնտաժել անօրինական կրպակները, այդտեղ եւս ոստիկաններ կտրամադրենք»,- ասաց ոստիկանության Լոռու մարզային վարչության պետի տեղակալ Արմեն Մաթեւոսյանը՝ հավելելով, որ ոստիկանության նպատակը մարդկանց պատժելը չէ, դրա համար էլ նախ պետք է բացատրական աշխատանք տանել, նախազգուշացնել, նոր միայն խիստ քայլերի դիմել:

Խորհրդակցության ընթացքում որոշվեց, որ մինչեւ հունվարի 13-ը ոստիկանության ծառայողներն ու քաղաքապետարանի աշխատակիցները ապօրինի առեւտրով զբաղվող քաղաքացիներին նախազգուշացումներ կանեն, իսկ արդեն երկուշաբթի օրվանից ամենօրյա ժամանակացույցով, օրվա տարբեր ժամերի շրջայցեր կիրականացնեն, կհետեւեն ու կկասեցնեն փողոցային ապօրինի առեւտրով զբաղվելու ցանկացած փորձ:

Տպել
889 դիտում

Արցախում մեկուսացած 2 անձանցից մեկի մոտ կորոնավիրուս է հաստատվել. մեկնել էր Հայաստանից

Գնահահատման օբյեկտիվության խնդիր կա, բայց մենք վստահում ենք դպրոցին. ԿԳՄՍ փոխնախարար

«Քոնթուրգլոբալ հիդրոկասկադ» ՓԲԸ-ն, որը գտնվում է քաղաք Գորիս, Գր. Տաթեւացու 2 հասցեում, հայտարարում է Մրցույթ

Բարձրաստիճան պաշտոնյաների պարգեւավճարային ֆոնդը կազմում է 1 միլիարդ դրամ. կառավարությունը պարզաբանում է

ՎՏԲ – Հայաստան Բանկը կվճարի հրատապ միանվագ աջակցության գումարներ

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը