Ռազմիկ Աբրահամյանի ձերբակալման որոշումը ճանաչվեց ոչ իրավաչափ

Նորածինների ապօրինի որդեգրման գործով կասկածյալ Ռազմիկ Աբրահամյանի ձերբակալման որոշումը ճանաչվեց ոչ իրավաչափ:

Երեւանի ընդհանուր իրավասության դատարանի Շենգավիթի նստավայրում դատավոր Դավիթ Բալայանը, վերադառնալով խորհրդակցական սենյակից, քիչ առաջ հրապարակեց այս որոշումը՝ այդպիսով բավարարելով Աբրահամյանի պաշտպանի՝ ձերբակալման որոշման դեմ ավելի վաղ ներկայացրած բողոքը։

«Հայկական ժամանակ»-ի հետ զրույցում Ռազմիկ Աբրահամյանի պաշտպան Սամվել Դիլբանդյանը տեղեկացրեց, որ իր պաշտպանյալը կասկածանքը չի ընդունում, քանի որ, ըստ նրա, այն շինծու է. «Որեւէ փաստական տվյալ չկա այդ կասկածանքը հիմնավորելու համար, այն հիմնված է մեկ-երկու անձանց ցուցմունքների վրա, որոնց ես չեմ ճանաչում, այդ ցուցմունքների բովանդակությունն էլ ինձ հայտնի չէ, բացի այդ, նախաքննություն է, ես չեմ կարող այս մասին խոսել»։ Մեր ճշտող հարցին, այսինքն՝ քրեական գործում Ռազմիկ Աբրահամյանի դեմ ցուցմունքներ կա՞ն, պաշտպանը պատասխանեց. «Գործում շատ ապացույցներ կան, որ նաեւ իր օգտին են, բայց կան նաեւ ցուցմունքներ, որոնք, ըստ իս, արժանահավատ չեն, հակասում են գործում եղած տվյալներին, եւ փարատում են հիմնավոր կասկածն ամբողջությամբ»։

Թե որոնք են Աբրահամյանի օգտին եղած ապացույցները, պաշտպանն ասաց, որ չի կարող նշել։ Մեր դիտարկմանը, որ օրեր առաջ լրագրողների հետ զրույցում Աբրահամյանը հերքել էր իր առնչությունը՝ երեխաների ապօրինի որդեգրման դեպքին, սակայն նախաքննական մարմինը, փաստորեն, կասկածներ, ամեն դեպքում, գտավ, պաշտպանն արձագանքեց. «Որդեգրումն ընդհանրապես իրականացվում է այլ մարմինների կողմից, դրա համար գոյություն ունի դատարան, Արդարադատության նախարարություն, Սոցապ նախարարություն եւ այլ հաստատություններ, որոնք որ իրականացնում են այդ գործընթացները»։

Սամվել Դիլբանդյանի խոսքով՝ այս գործի շրջանակներում իր պաշտպանյալը մինչեւ երեկ ընդհանրապես որեւէ կարգավիճակ չուներ, եւ որեւէ քննչական գործողություն նրա մասնակցությամբ չէր իրականացվել. «Նույնիսկ որպես վկա բացատրություն, ցուցմունք տալ չի եղել, երեկ հայտարարել են ձերբակալման մասին, ինչից հետո ցանկացել են որպես կասկածյալ հարցաքննել, իհարկե, նա հրաժարվել է ցուցմունք տալուց՝ օգտվելով իր լռելու իրավունքից՝ միաժամանակ դիրքորոշում արտահայտելով կասկածանքի վերաբերյալ»։

Դիլբանդյանը նշեց, որ Աբրահամյանին ձերբակալել են շատ անսովոր պայմաններում. «Գալիս են նրա աշխատասենյակ, խուզարկում են, որեւէ բան չեն գտնում, հետո քննիչը հայտարարում է, որ նա ձերբակալված է, բայց խուզարկության արդյունքում որեւէ հետք չի հայտնաբերվել»։ Մեր ճշտող հարցին՝ աշխատասենյակից առգրավումներ եղե՞լ են, պաշտպանը պատասխանեց. «Եղել են, ծննդկանների փաստաթղթերն են առգրավել, բայց այդ նյութերը ԱԱԾ-ի մոտ վաղուց եղել են, եւ խուզարկության անհրաժեշտություն չկար»։։

Հարցին՝ խուզարկության համար դատարանի թույլտվություն եղե՞լ է արդյոք, պաշտպանը դրական պատասխան տվեց։ Նա նաեւ նշեց, որ ձերբակալման որոշումը բողոքարկել էր դրա հիմքերի, նպատակների մասով, ինչպես նաեւ՝ Քրեական դատավարության օրենսգրքի 129-րդ հոդվածի խախտումների համար (ձերբակալումը հանցանք կատարելու մեջ անմիջականորեն ծագած կասկածանքի հիման վրա):

Հարցին, թե այժմ ի՞նչ գործողություններ պետք է անեն, պաշտպանը պատասխանեց, որ պետք է գնան, իր վստահորդին ազատ արձակեն, բայց ազատ արձակելու խնդիր չկա, որովհետեւ նա ծանր վիճակում գտնվում է «Արմենիա» ԲԿ-ի վերակենդանացման բաժանմունքում:

Պաշտպանն այսօր ավելի վաղ «ՀԺ»-ի հետ զրույցում ասաց, որ Ռազմիկ Աբրահամյանին ծայրահեղ ծանր վիճակով տեղափոխել են «Արմենիա» ԲԿ:

 

 

Տպել
3832 դիտում

Վերաքննիչ քրեական դատարանի որոշմամբ Արա Սաղաթելյանը ազատ արձակվեց

Գորիսի տարածաշրջանի ավտոճանապարհներին և Մեղրիի լեռնանցքում մառախուղ է, տեսանելիությունը՝ 50-100 մետր

Ապառիկ վարկերի ակցիա գարնանային տոների նախօրեին

Վահագն Թեւոսյանն ու Վահրամ Մարտիրոսյանը նշանակվել են Հանրային հեռարձակողի խորհրդի անդամներ

Ամերիաբանկ. 2021 թ. լավագույն ներդրումային բանկը Հայաստանում ` ըստ «Global Finance» հեղինակավոր ամսագրի

Տեղի է ունեցել «Մեղրի-2» և «Որոտան-1» էլեկտրատեղակայանքներում համակարգային վթարի վերաբերյալ հանձնաժողովի նիստ

8 օր, 8% cashback «Մերի» խանութ-սրահներում IDBank-ի Visa քարտերով

Պարզվել է թմրամիջոցների ապօրինի շրջանառությամբ զբաղվող խմբի անդամների ինքնությունը. մեղադրանք է առաջադրվել ևս 5 անձի

Արթուր Վանեցյանն անկեղծ չէ, գերիների հարցը երկու օրվա լուծելու չէ. Քոչարյան

ԳՇ հայտարարությունը հայտարարություն էր, այն քաղաքական հայտարարություն չէր. Գալուստ Սահակյան

Անցած չորս օրում արձանագրված 26 դեպքով հաշվարկվել է 67.231.184 ՀՀ դրամի չափով շրջակա միջավայրին հասցված վնաս. ԲԸՏՄ

Եթե Կենտրոնական բանկի որոշումը լինի, թոշակառուները իրենց գումարը նորից կստանան կանխիկ՝ փոստից

Հայաստանի առաջարկը՝ Թուրքիան հանել ԵԱՏՄ սակագնային արտոնություններից օգտվող երկրների ցանկից, ընդունվել է

Վերականգնողական վարժություններ COVID-19 երկարատև հիվանդությունից հետո

Առաջարկվում է կորոնավիրուսի ԱԺ քննիչ հանձնաժողովի լիազորությունների ժամկետը 6 ամսով երկարաձգել

Հայաստանն այս տարի չի մասնակցի «Եվրատեսիլ» երգի միջազգային մրցույթին

Աշխատող ուսանողների ուսման վարձը կփոխհատուցվի եկամտային հարկից. դիմումները կընդունվեն ուստարվա ավարտից հետո

Ադրբեջանի նախագահը ԼՂ խաղաղ գործընթացի վերաբերյալ իր հայտարարություններով հակադրվում է միջազգային հանրությանը. Նաղդալյան

Նոր նախագիծ՝ պարտադիր զինվորական ծառայությունից ազատման վերաբերյալ

2020 թ-ին ՀՀ-ն 2 միավորով առաջ է անցել քաղաքական իրավունքների ու քաղաքացիական ազատությունների ոլորտում. Freedom House

Նախագահի հրամանագրով՝ մի խումբ զինծառայողների հետմահու շնորհվել են պետական պարգևներ

Հարցը բարդ է, կան շատ գործոններ, որոնք ազդում են կողմերի դիրքորոշման վրա. Գրիգորյանը՝ Փաշինյան-Մարուքյան հանդիպման մասին

Էրդողանի հայտարարության թիրախը ՀՀ վարչապետին հարվածելն է. պատգամավոր

Երեւանի մետրոն 2019 թվականին 21 միլիոն ուղեւոր է տեղափոխել, 2020-ին՝ 11 միլիոն. Մետրոպոլիտենը 40 տարեկան է

Նիկոլ Փաշինյանը ծաղիկներ է խոնարհել սպարապետ Վազգեն Սարգսյանի հուշարձանին (տեսանյութ)

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

2 վթար է գրանցվել Ասկերան-Ստեփանակերտ ճանապարհին. կան տուժածներ

Ֆինանսների նախարարությունն առաջարկում է սահմանափակել ինտերնետային շահումով խաղերի և տոտալիզատորների գովազդը

Դագաղներ, ծաղկեպսակներ քաղաքական կիզակետում ի հայտ են եկել 2008-ից՝ ներկայիս ընդդիմադիրների կողմից. պատգամավոր

Այսօր վերաբացվել է շուրջ 250 մահճակալ հզորությամբ Սուրբ Աստվածամայր ԲԿ ինֆեկցիոն մասնաճյուղը

Ադրբեջանի ԶՈՒ-ն շարունակում է կրակոցներ արձակել Սյունիքի մարզի գյուղերի հարևանությամբ․ ՄԻՊ

3 նոր ՈՒԱԶ ֆուրգոն մակնիշի մեքենա՝ Սյունիքի պահպանվող տարածքների պահպանությունը իրականացնելու համար

Ըստ պատգամավորի՝ դատավորների կենսաթոշակի վերաբերյալ նախագիծը առաջիկա քառօրյային կքննարկվի և կընդունվի

ԲՀԿ-ն չունի որոշում արտահերթ ընտրություններ անցկացնելու վերաբերյալ

Նախագահի անունից ծաղիկներ են դրվել Վազգեն Սարգսյանի շիրիմին և նրա հիշատակը հավերժացնող հուշարձանին

Սարգիս Քլոյանը դատի է տվել Սայաթ Շիրինյանին

Արցախում հաստատվել է կորոնավիրուսային հիվանդության 4 դեպք

Եթե գործադիր իշխանությունը քննադատում է դատական իշխանությանը, ուրեմն դատական իշխանությունը լավ է աշխատել. Մարուքյան

Գերեվարված զինվորների ծնողները փակել են Շիրակի մարզպետարանի մուտքը. աշխատակիցներին թույլ չեն տվել ներս մտնել

Եթե Փաշինյանի հետ համաձայնություն լիներ, կասեի՝ լրագրողներ, եկեք, գնանք նշենք. Մարուքյան