ՀՀ-ում ֆուտբոլիստների իրավունքները միշտ չէ, որ պաշտպանված են. Արթուր Եդիգարյանը պատմում է իր օրինակը

Հայաստանի առաջնությունում ֆուտբոլիստների իրավունքները միշտ չէ, որ պաշտպանված են: Եթե խաղացողներն ակումբների հետ պրոֆեսիոնալ պայմանագրեր չեն ունենում, նրանցից հեշտությամբ կարող են ազատվել: Վերջերս նման դեպք է տեղի ունեցել ՀՀ հավաքականի նախկին կիսպաշտպան Արթուր Եդիգարյանի հետ: Նա տեղափոխվել էր սերբական ակումբ, սակայն ընտանեկան հարցերի պատճառով որոշել է կրկին վերադառնալ ՀՀ՝ հարազատ «Ալաշկերտ»: Ակումբի հետ պայմանագիրը նախատեսված է եղել մինչեւ 2020թ. օգոստոսի 1-ը, սակայն ընթացիկ՝ 2019-20 մրցաշրջանի աշնանային հատվածի ավարտից հետո նրան զանգահարել ու ասել են, որ գնա ու խզի այն: «Հայկական ժամանակ»-ի հետ զրույցում նա նշեց, որ բարդ իրավիճակում է հայտնվել պրոֆեսիոնալ պայմանագիր չունենալու պատճառով ու ավելացրեց, որ ՀՀ-ում ոչ պրոֆեսիոնալ պայմանագրեր կնքելու պրակտիկա կա:

«Հայաստանում շատ թիմեր կան, որտեղ ֆուտբոլիստների պայմանագրերը պրոֆեսիոնալ չեն: Եթե ֆուտբոլիստի պայմանագիրը պրոֆեսիոնալ չէ, ինչ կուզեն կանեն, երբ կուզեն, կխզեն, երբ կուզեն, քեզ կհանեն, կուզեն՝ փողերը չեն տա: Այդ պատճառով դու պաշտպանված չես: Իսկ պրոֆեսիոնալ պայմանագրով դու կարողանում ես պաշտպանել քո իրավունքները: Եթե խախտում են կանոնները, դու կարող ես դիմել փաստաբանների եւ ստանալ քո գումարը կամ ինչ-որ փոխհատուցում: Երբ ես դրսում եմ խաղացել, իմ պայմանագիրը լրիվ այլ կերպ է եղել. գոլ խփելու համար բոնուսներ ունես, փոխանցում տալու համար բոնուսներ ունես, միավոր հավաքելու համար բոնուսներ ունես... Հայաստանում շատ քիչ թիմեր են այդպիսի պայմանագրեր կնքում»,- ասաց նա:

Եդիգարյանին «Ալաշկերտից» առաջարկել են շարունակել խաղալ թիմում, սակայն՝ քիչ, նրա որակմամբ, ծիծաղելի գումարով: 32-ամյա ֆուտբոլիստը չի համաձայնվել: Ըստ ՖԻՖԱ-ի կանոնադրության էլ՝ 1 մրցաշրջանի ընթացքում ֆուտբոլիստը 2-ից ավելի տարբեր թիմերում հանդես գալու իրավունք չունի, եւ նա որոշել է ավարտել կարիերան: Եդիգարյանը խորհուրդ է տալիս ֆուտբոլիստներին ուշադիր լինել ու անպայման պրոֆեսիոնալ պայմանագիր կնքել իր վիճակում չհայտնվելու համար:

«Խորհուրդ եմ տալիս բոլոր հայ ֆուտբոլիստներին, որ կնքեն պրոֆեսիոնալ պայմանագրեր, որպեսզի հետագայում չունենան խնդիրներ, որպեսզի տրանսֆերային պատուհանը փակվելուց 3 ժամ առաջ ֆուտբոլիստին չհանեն ու ֆուտբոլիստը շիվարած չիմանա՝ ինչ անի: Խորհուրդ եմ տալիս բոլոր հայ ֆուտբոլիստներին ու մարզիչներին, որ ունենան պրոֆեսիոնալ պայմանագիր»,- ասաց նա՝ ավելացնելով, որ Հայաստանի ֆուտբոլի ֆեդերացիան պետք է զբաղվի այդ հարցով, որպեսզի հայ ֆուտբոլիստներն ու մարզիչներն ավելի պաշտպանված լինեն:

Եդիգարյանը պատրաստվում է մարզչական B արտոնագիր ստանալ, այնուհետեւ՝ A եւ ՊՐՈ: Սկսելու է հաջորդ տարվանից: Դեռ 6 ամիս աշխատանք չի ունենա: 2020թ. մայիսից հետո նոր պարզ կլինի՝ ինչ կլինի իր ճակատագիրը: Ամեն դեպքում, լավատես է, նշում է, որ աշխատանքի ու նվիրվածության արդյունքում հնարավոր է հաջողության հասնել:

Տպել
1275 դիտում

Գյումրի քաղաքում և Աշոցք գյուղում բուք է. ողջ օրվա ընթացքում սպասվում են տեղումներ թաց ձյան տեսքով

Երևանում՝ ավտոլվացման կետում, ծեծի են ենթարկել Երևանի պետական բժշկական համալսարանի դասախոսին

Երևանում և 6 մարզում այսօր սպասվում են էլեկտրաէներգիայի երկարատեւ անջատումներ

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով