«Ապուշ ուրբաթ», «կեղծ զեղչեր», «սուտ հայտարարություններ». «Սեւ ուրբաթը» քաղաքացիներին բավականաչափ հուսախաբ է արել

Առավոտից Երեւանի խանութներում եռուզեռ է: Մարդիկ իրար հերթ չտալով խանութից խանութ են անցնում, ժպիտով գնումներ կատարում: Մի պահ, եթե մոռանանք, որ սա այն նույն հասարակությունն է, որը տարիներ շարունակ աղաղակել է սոցիալապես անպահով լինելու եւ գոյության կռիվ տալով ապրելու փաստի մասին, կարելի է մտածել, որ մարդիկ Հայաստանում, հատկապես Երեւանում այնքան էլ վատ չեն ապրում: Մայրաքաղաքի մի շարք խանութներում եւ մոլերում զեղչեր են, որը պայմանավորված է «Black Friday»–ը կամ «Սեւ ուրբաթ» մեծ զեղչերի օրով:

Նոյեմբերի 29-ից մեկնարկած «Սեւ ուրբաթ»-ը շարունակվելու է մինչեւ դեկտեմբերի 1-ը ներառյալ: Հայաստանի որոշ խանութներում, հատկապես մոլերում գործող զեղչերը սկսվում են 20 տոկոսից: Դրանք երբեմն հասնում են 30-40 տոկոսի:

Ակցիաներ անելու այս ավանդույթը սկզբնավորվել է ԱՄՆ-ում, որով էլ մեկնարկում է սուրբծննդյան ավանդական զեղչերի շրջանը առեւտրի կենտրոններում եւ խանութներում։ Վերջին մի քանի տարիներին «Սեւ ուրբաթին» միացել է նաեւ Հայաստանը: Մեզ մոտ էլ դրա նախաշեմին որոշ խանութներ եւ ապրանքանիշներ հաղորդագրություններ են ուղարկում քաղաքացիներին, հայտնում, որ միանում են ակցիային եւ զգալի զեղչեր առաջարկում սպառողին: Այս տարի «Սև ուրբաթ»-ի օրը որոշ բանկերում մեկնարկել է նաեւ ապառիկ վարկավորման նախատոնական ակցիա:

Եվ ինչպես ընդունված է ասել, «Սեւ ուրբաթ»-ը ԱՄՆ-ում վերածվել է ազգային խրախճանքի, քանի որ այնտեղ խանութներն առաջարկում են չլսված ցածր գներ, առաջարկվող ապրանքների զեղչերը կարող են հասնել մինչեւ 90 տոկոսի: Հայաստանում այդ օրը զեղչերը 50 տոկոսից (այն էլ հատուկենտ ապրանքների դեպքում) դեռ չեն անցնում:

«Հայկական ժամանակ»-ը շրջայց կատարեց առաջին պատահած հագուստի եւ տեխնիկայի խանութներում, այդ թվում եւ մոլերում: Պարզվեց, մեր քաղաքացիներին բավականին ոգեշնչել էր «Սեւ ուրբաթ» կոչվածը: Դա, սակայն, չէր վերաբերում տարեցներին: Թոշակառուներից շատերը տեղյակ էլ չէին, թե «Սեւ ուրբաթն» ինչ է, նրանք ուշադրությամբ լսեցին, թերեւս մտքում հույս ունենալով, որ մի լավ բան կարող է սպասվել ամանորյա տոներին ընդառաջ:

Տարեց մի տատիկ, որը որոշ ուտելիքներ վերցրած դուրս էր գալիս սննդամթերքի խանութից, առաջին անգամ մեզնից լսեց «Սեւ ուրբաթի» մասին: Եվ առաջին հարցը, որը հետաքրքրեց թոշակառու տիկնոջը, սա էր՝ իսկ սննդի վրա դա գործու՞մ է: Բացասական պատասխան լսելուց հետո տատիկը հայտնեց, որ 30 հազար դրամ թոշակ է ստանում եւ երկկողմանի որբ թոռանն է պահում, հագուստի կամ տեխնիկայի մասին մտածել իրեն չի կարող թույլ տալ:

Մեր հարցվածներից շատերը տեխիկայի խանութներից գնել էին իրենց անհարժեշտ ապրանքատեսակները, անգամ այնպիսիսք, որոնց վրա զեղչային համակարգը չէր տարածվել: «Հեռախոս ու հեռուստացույց էինք ուզում, մեր ուզած տեսականին չէր զեղչվել, բայց վերցրել ենք»,- ասաց մի կին: Նա նաեւ հայտնեց, որ տեխնիկայի որոշ տեսականու  վրա ձեւական է գրված եղել զեղչ, իրականում գինը նույնն է եղել, ինչ մի քանի օր առաջ էր:

Իսկ մոլի հաճախորդներից շատերը դժգոհեցին, որ զեղչը հատուկ են գրել, սակայն չնչին ապրանքատեսակների վրա է գործում:

Ինչեւէ մոլերում մարդկանց բազմություն էր տիրում, սովորականից կրկնակի շատ էին հաճախորդները: Օրինակ հայկական արտադրության կոշիկի սրահում 30 տոկոս զեղչ էր բոլոր տեսականիների համար, խանութում ասեղ գցելու տեղ չկար: Մեր հարցվածների մեծ մասը գոհունակություն հայտնեցին հաշված խանութներից, որտեղ 40 տոկոս զեղչային համակարգ է գործում բոլոր տեսակի հագուստների համար: Իսկ տեխնիկայի խանութներից մեծիմասամբ դժգոհ էին: Հայտնեցին, որ չնայած 40 տոկոս զեղչ փակցված լինելուն, այնտեղ ապրանքների մեծ մասը 20 տոկոսից ավելի չէր էլ զեղչվում, ապրանքներ կան, որոնց վրա զեղչային համակարգն ընդհանրապես չի տարածվում:

Իսկ այն մարդիկ որոնք չէին կարողացել գտնել մատչելի ապրանք կամ իրենց ուզած ապրանքատեսակի վրա ճկուն զեղչերը չէին տարածվել, «Սեւ ուրբաթ»-ը որակեցին «ապուշ ուրբաթ», «կեղծ զեղչեր», «սուտ հայտարարություններ» եւ այլն: Մեր հարցվածների մեծ մասը հագուստ ու տեխնիկա էին գնել:

«Իրազեկ եւ պաշտպանված սպառող» ՀԿ նախագահ Բաբկեն Պիպոյանը քաղաքացիներին հորդորում է այս օրերին կամայական ապրանք ձեռք բերելիս փորձել հասկանալ՝ այն գինը, որը տալիս են, արդարացվա՞ծ է, թե՞ մոլորեցնող: Այսինքն ապրանքի իրական գնի մասին պատկերացում ունեն, թե չունեն:

Պիպոյանը նաեւ չբացառեց այն, որ որոշ խանութներ օգտվելով «Սեւ ուրբաթ» ակցիայից, կարող են ապրանքի գինը նվազեցնելու փոխարեն բարձրացնել: «Նախկինում նման բան եղել է, քաղաքացին գնացել եւ տեսել է ապրանքի գին, որը այդ օրերին ավելի թանկ է դրված, քան ժամանակին տեսել էր: Արդյոք այս տարի էլ կարձանագրվի նման դեպք դժվարանում եմ ասել»,- նկատեց նա:

Բաբկեն Պիպոյանը ասաց, որ այսօր կարելի է հանդիպել քաղաքացիների, որոնք գնումներ են կատարել եւ իսկապես զեղչի են հանդիպել: «Մենք ունենք դեպքեր, երբ հայտարարված զեղչն իսկապես համապատասխանում է իրականությանը եւ քաղաքացիները վայելում են Սեւ ուրբաթի տված բերկրանքը: Դրան զուգահեռ, եթե ասենք, որ Հայաստանում իսկապես կա «Սեւ ուրբաթ», կգտնվեն քաղաքացիներ, որոնք գնացել են եւ ակնհայտ տեսել, որ գործ ունեն, իսկապես մոլորեցնող հայտարարությունների հետ եւ դարձել են գովազդի զոհ»,- ասաց նա:

Նա նաեւ շեշտեց, որ զեղչերի մասին մենք բոլորս հիշում ենք արտառոց օրերին: Սակայն այս տարին պետք է դարձնել մոնիթորինգի եւ ուսումնասիրության տարի եւ պարզել, թե ինչ ծավալի խախտումների հետ գործ ունենք: Պետությունը քայլ է ձեռնարկելու եւ այս ոլորտում առկա խնդիրների դեպքում էլ պիտի կատարվեն իրավակարգավորումներ, եթե հաջորդ տարի կկրկնվի նույն խնդիրը, հարկավոր է գնալ համապատասխան սանկցիաների հետեւից:

«Փորձը ցույց է տվել, որ երբ պետությունը չի միջամտում նման գործընթացներին, դրանք իրենցով լուծումներ չեն գտնում: Հետեւաբար պետք է մշակել համակարգ, որ հաջորդ տարի նույն խնդիրների մասին նույն տոնայնությամբ չխոսենք»,- եզրափակեց Պիպոյանը:

Տպել
39367 դիտում

Կայացել է «Բնակչության պաշտպանության ուժեղացումը Հայաստանում» ԵՄ Թվինինգ ծրագրի համատեղ կոորդինացիոն հանդիպումը

Հանդիպել են Սերգեյ Կոպիրկինն ու ԲՀԿ առաջնորդ Գագիկ Ծառուկյանը

Զարիֆը վաղը կհանդիպի ՀՀ ղեկավարության հետ. ինչ է քննարկվել ավելի վաղ Բաքվում ու այսօր Մոսկվայում

Ակնկալում ենք, որ ԱԹՍ-ների տեղական արտադրություն կստեղծվի եւ տարեկան 1700-ից ավելի մասնագետ կունենանք․ Քասսարջյան

Այս տարի սիրո բարեխոս Սուրբ Սարգսի տոնը կնշվի հունվարի 30-ին

Կառավարությունն առաջարկում է Ազգային ժողովի արտահերթ նիստ հրավիրել

Արմեն Ղուլարյանը կնշանակվի քաղաքաշինության կոմիտեի նախագահ

ՀՀ տարածքում կան փակ և դժվարանցանելի ավտոճանապարհներ

Հրազդանի բնակիչը զենք-զինամթերքը է կամավոր հանձնել. նշանակվել են փորձաքննություններ (տեսանյութ)

Մեկնարկել են 2021 թվականի գյուղատնտեսական տարվա համար ապահովագրական պայմանագրերի կնքման աշխատանքները

ԱԱՏՄ աշխատակիցների հանդիպել են Կենտրոն և Դավթաշեն վարչական շրջանների մանկապարտեզների ու դպրոցների պատասխանատուների հետ

ԱՄՆ իրավապահների պատվիրակությունն այցելել է ՀՀ ոստիկանություն

Շուշիի պետական թատրոնի տնօրենն ու պրոդյուսերը աշխատանքի են անցել Գյումրու տիկնիկային թատրոնում

Ռազմիկ Գրիգորյանը նշանակվել է Հայաստանի Մ19 հավաքականի գլխավոր մարզիչ

Հայաստանի հավաքականի նախկին ֆուտբոլիստը կարող է դատի տալ ռուսաստանցի ֆուտբոլային գործչին

Վարդենյաց լեռնանցքը կցորդիչով տրանսպորտային միջոցների համար դժվարանցանելի է

Մհեր Գրիգորյանը Բելառուսի դեսպանի հետ քննարկել է երկկողմ հարաբերությունների խորացմանն առնչվող հարցեր

Շիրակի ոստիկաններն առանձնապես խոշոր չափի մարիխուանա են հայտնաբերել(տեսանյութ)

Ծովինար Սողոմոնյանը նշանակվել է վարչապետի աշխատակազմի ղեկավարի առաջին տեղակալ

Սեղմ ժամկետում պետք է փաստաթղթերը ներկայացնել Զինծառայողների ապահովագրության հիմնադրամ. ԱՀ ՊՆ

Հավաք-պարապմունք է անցկացվել 5-րդ զորամիավորումում

Օկուպացիայի տակ հայտնված տարածքներում հայկական մշակութային ժառանգության ամբողջական ոչնչացման իրական սպառնալիք կա. ԱՀ ԱԳՆ

Կառավարություն ներխուժած անձինք հափշտակել են նաև վարչապետի դիվանագիտական անձնագիրը. այն չեղարկվել է. «Արմենպրես»

Վարչապետ Նիկոլ Փաշինյանն ընդունել է «իԳործ» ծրագրի մասնակիցներին (լուսանկարներ)

Մանե Գեւորգյանը պատրաստվում է բողոքարկել Գագիկ Խաչատրյանի եւ նրա որդիների գործով դատարանի վճիռը

Իրանի հետ քննարկվում է Հյուսիս-հարավ միջազգային տրանսպորտային միջանցքի ձևավորման գործընթացը. ԱԳՆ

Բանակում գտնվող ուսանող զինծառայողները, եթե մասնակցել են մարտական գործողություններին, աջակցության ծրագրի շահառու են

Անպտղության բուժման արդյունքում լույս աշխարհ է եկել 49 երեխա․ ԱՆ

Վաղարշակ Հարությունյանը կարևորել է հայ-ռուսական ռազմական համագործակցության խորացման անհրաժեշտությունը (լուսանկարներ)

Արմեն Սարգսյանը շնորհավորել է Մարսելո Ռեբելո Դե Սոուսային՝ Պորտուգալիայի նախագահի պաշտոնում վերընտրվելու առթիվ

Երևանի շենքերից մեկի վրա նոր շինություն է խոյացել․ թաղապետարանը ապամոնտաժելու մասին հայտնեց, բայց լուսամուտ էլ հայտնվեց

Քանի դեռ քրեական գործը չի հանգուցալուծվել, մենք չենք կարող որեւէ դիտարկում անել․ նախարարը՝ Ամուլսարի խնդրի մասին

Արցախին հումանիտար օգնության որոշակի հատված կտրամադրվի Ռուս-հայկական մարդասիրական արձագանքման կենտրոնի միջոցով

Հրետանավորներն գործնական պարապմունք են անցկացրել

Խոսրովի արգելոցում մի քանի երթուղիներով արշավային տուրիզմի ծրագրեր են մշակվել․ նախարար

Բուհերում առկա դասապրոցեսը կվերսկսվի․ Տնտեսագիտականում մագիստրատուրայի ուսանողները դասի կհաճախեն երեկոյան ժամը 6-ից հետո

Արդարադատության փոխնախարար Քրիստիննե Գրիգորյանն ընդունել է Եվրոպայի խորհրդի գործընկերոջը

Արփայի ու Որոտանի ջրահավաք ավազանները հայտնվել են հակառակորդի վերահսկողության տակ․ Պետրոսյան

Արմեն Թռչունյանը հետմահու արժանացել է «Հայրենիքին մատուցած ծառայությունների համար» 1-ին աստիճանի մեդալի

ՀՀ պետական սահմանի հայ-ադրբեջանական շփման գծի ամբողջ երկայնքով սահմանային միջադեպեր չեն արձանագրվել