Կաշառքի գործով դատավորը դատապարտվեց 7 տարվա, իսկ փաստաբանը՝ 2 տարվա ազատազրկման

20/11/2019 schedule13:15

Կաշառք ստանալու մեջ մեղադրվող դատավոր Գագիկ Հեբոյանը դատապարտվեց 7 տարի, իսկ կաշառք ստանալուն օժանդակելու մեջ մեղադրվող փաստաբան Վահագն Դանիելյանը՝ 2 տարվա ազատազրկման։

Երեւանի ընդհանուր իրավասության դատարանի Կենտրոնի նստավայրում դատավոր Տաթևիկ Գրիգորյանը, վերադառնալով խորհրդակցական սենյակից, քիչ առաջ հրապարակեց այս դատավճիռը։ «Դատարանը վճռեց ամբաստանյալ Գագիկ Հեբոյանին մեղավոր ճանաչել Քրեական օրենսգրքի 311-րդ հոդվածի 4-րդ մասի 2-րդ, 3-րդ կետերով նախատեսված հանցավոր արարքի կատարման մեջ և դատապարտել ազատազրկման 7 տարի ժամկետով՝ գույքի բռնագրավմամբ, սակայն ոչ ավելի, քան 1.714.160 դրամը, որը պետք է կրի Արդարադատության նախարարության համապատասխան քրեակատարողական հիմնարկում՝ պատժի սկիզբը որոշելով 2019 թվականի մարտի 28-ը»։

Նշենք, որ այդ օրվանից սկսած՝ Հեբոյանը գտնվում է կալանքի տակ։ Միաժամանակ դատավորն անփոփոխ թողեց Հեբոյանի նկատմամբ ընտրված խափանման միջոց կալանավորումը մինչ դատավճռի ուժի մեջ մտնելը։ Դատարանը վճռեց նաև ամբաստանյալ Վահագն Դանիելյանին մեղսագրված արարքը վերաորակել Քրեական օրենսգրքի 313-րդ հոդվածի 1-ին մասով (կաշառքի միջնորդություն). «Ամբաստանյալ Վահագն Դանիելյանին մեղավոր էր ճանաչել հիշյալ հոդվածով նախատեսված հանցավոր արարքի կատարման մեջ և դատապարտել ազատազրկման՝ 2 տարի ժամկետով»։ Հաշվի առնելով նախաքննության սկզբնական փուլում Դանիելյանի՝ կալանքի տակ գտնվելու շրջանը՝ ազատազրկման որպես վերջնական ժամկետ դատարանը նշանակեց 1 տարի 10 ամիս 25 օրը։

Միաժամանակ դատարանն անփոփոխ թողեց Դանիելյանի նկատմամբ այլընտրանքային խափանման միջոց գրավը մինչ դատավճռի օրինական ուժի մեջ մտնելը։ Դատավորը նշեց, որ դատավճիռը կարող է բողոքարկվել Վերաքննիչ քրեական դատարան մեկամսյա ժամկետում։ Նա պարզաբանեց նաև, որ ամբաստանյալները կարող են սահմանված կարգով դիմել ներման խնդրագրով։

Դատավճռի հրապարակումից հետո «Հայկական ժամանակ»-ի հարցին` սպասելի՞ էր արդյոք այսպիսի դատավճիռ, Գագիկ Հեբոյանը պատասխանեց. «Այս դատարանից սպասելի էր»։ Հեբոյանի պաշտպան Արմեն Նադիրյանը ևս մեր զրույցում նշեց, որ սա այն էր, ինչ իրենք ակնկալում էին. «Ես չեմ պատկերացնում, թե ապացույցների գնահատումն ինչպես է տեղի ունեցել, և, առհասարակ, մեր պաշտպանական ճառով բարձրացրած հարցադրումներն ինչպես են գնահատվել»,- ասաց պաշտպանը՝ հավելելով, որ դատավճիռն ստանալուց հետո միանշանակ կբողոքարկեն, քանի որ, իրենց համոզմամբ, պետք է կայացվեր արդարացման դատավճիռ։

Վահագն Դանիելյանը, սակայն, մեր հարցին ի պատասխան՝ նշեց, որ այս դատավճիռն իր համար սպասելի չէր. «Արդարացում պիտի լիներ»,- ասաց նա։ Դանիելյանի պաշտպան Հենրիկ Մաղաքյանը ևս շեշտեց, որ ակնկալվում էր արդարացման դատավճիռ, ուստի դատավճռի ստանալուց հետո այն կբողոքարկեն։ Հիշեցնենք, որ այս գործը դատարանում էր մայիս ամսից: Գագիկ Հեբոյանի նկատմամբ ի սկզբանե ընտրված է խափանման միջոց կալանավորումը, իսկ Վահագն Դանիելյանի նկատմամբ ընտրված կալանավորումը հետագայում փոխարինվել է գրավով:

Միլենա Խաչիկյան

Տպել
3896 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)