«Փյունիկ»-ի խաղացողը կարմիր ստացավ, հայհոյեց երկրպագուներին նախ մարզադաշտում, հետո ինստագրամում (տեսանյութ)

«Փյունիկ»-ի ու Հայաստանի ֆուտբոլի ազգային հավաքականի կիսապաշտպան Էրիկ Վարդանյանի ոչ մարզական պահվածքն իրարանցում է առաջացրել հայկական ֆուտբոլում: Երեկ՝ հոկտեմբերի 27-ին, Վազգեն Սարգսյանի անվան «Հանրապետական» մարզադաշտում՝ ՀՀ Բարձրագույն խմբի առաջնության 12-րդ տուրի «Արարատ»-ի դեմ խաղում, նա հակահերոս դարձավ: 2-րդ խաղակեսում՝ 67-րդ րոպեին, մրցակցի ֆուտբոլիստը Վարդանյանի նկատմամբ կանոններից դուրս պայքարեց ու ինչ-որ տեղ սադրեց նրան, ինչին նա բավական էմոցիոնալ արձագանքեց: Հարվածեց ֆուտբոլիստին, ապա ագրեսիվ պահվածք դրսեւորեց գլխավոր մրցավարի նկատմամբ:

Դրվագը՝ հանդիպման 67-րդ րոպեից

Ոչ մարզական պահվածքի համար նա կարմիր քարտ ստացավ: Հեռանալիս միջնամատ ցույց տվեց «Արարատ»-ի երկրպագուներին, ինչ-որ բան էլ ասաց եզրային մրցավարի ուղղությամբ: Տեղի ունեցածը շարունակվեց տրիբունաներում: Երբ ֆուտբոլիստն արդեն հեռացել էր խաղադաշտից, արեւմտյան տրիբունայում լեզվակռիվ սկսվեց 2 թիմերի երկրպագուների միջեւ, այդ լեզվակռվին մասնակցեց նաեւ Վարդանյանի հայրը:

Բախումը տրիբունայում

Ֆուտբոլիստը ոչ մարզական պահվածքը շարունակեց համացանցում: Ինստագրամում՝ խաղի հաշվի վերաբերյալ ակումբի հրապարակման մեկնաբանություններում, նա հեռախոսահամար էր պահանջել իրեն քննադատող երկրպագուից: Հետո էլ «story» բաժնում էր հայհոյանք պարունակող գրառում կատարել ու գրել իր հեռախոսահամարը: Քիչ անց նրա գրառումները հեռացվել էին:

Հետխաղյա մամուլի ասուլիսի ընթացքում «Փյունիկ»-ի գլխավոր մարզիչ Ալեքսանդր Տարխանովին փոխարինող Սուրեն Չախալյանը, լրագրողների հարցին ի պատասխան, ասել է, որ չի գովաբանում ֆուտբոլիստի պահվածքը: Ակումբը, սակայն, պաշտոնական հայտարարությամբ դեռ հանդես չի եկել: Երկրպագուներն էլ համացանցում բաժանվել են 2 խմբի. կան նրան քննադատողներ, կան նաեւ ֆուտբոլասերներ, որոնք կարծում են, թե նրան պետք է ներել, քանի որ ֆուտբոլում նման բաներ լինում են:

21-ամյա Էրիկ Վարդանյանը, որը պատանեկան տարիքում մարզվել է «Բարսելոնա»-ի ակադեմիայում, ՀՀ հավաքականի ֆուտբոլիստ է: Նա Հայաստանի ամենատաղանդավոր ու խոստումնալից երիտասարդներից է, ընտրանու ապագա հույսերից մեկը:

Ինչ վերաբերում է «Փյունիկ»-ին, ապա անցած տարվա փոխչեմպիոնն ընթացիկ՝ 2019-20 մրցաշրջանում, լուրջ խնդիրներ ունի: Երեկվա պարտությունից հետո (2:4) 13 միավորով մնաց 7-րդ տեղում: Բավական հեռու է մրցանակային տեղերից: 3-րդ տեղում ընթացող «Արարատ-Արմենիա»-ից հետ է մնում 9 միավորով, եւ գործող չեմպիոնը դեռ 2 խաղ էլ պակաս է անցկացրել: «Արարատ»-ն ու «Շիրակ»-ը 25-ական միավոր ունեն: Երեւանյան թիմն առաջինն է լրացուցիչ ցուցանիշներով:

Տպել
4021 դիտում

Ադրբեջանցի բլոգեր ներկայացած այդ անձը պատկառելի հեռավորության վրա էր հարց տալիս, ամեն բան վերահսկելի էր․ Կարապետյան

Երեւանում խոշոր հրդեհ է բռնկվել. այրվում է «Դոլմամա» ռեստորանը, հրդեհ է նաեւ կողքի շենքի տանիքում

ՀՀ վարչապետն ու տիկինը այցելել են Միլանի կաթոլիկ տաճար (տեսանյութ)

Սեմյոնովկա գյուղի գոմում բռնկած հրդեհի հետևանքով 70 ընտանի կենդանի է սատկել

ՀՀ-ում ԱՄՆ-ի արտակարգ և լիազոր դեսպանն այցելել է Պաշտպանական ազգային հետազոտական համալսարան

Ուրիշի անվամբ ձևակերպել և ստացել է վարկ. ՔԿ-ն փնտրում է (լուսանկար)

Կոտայքի մարզի զինկոմիսարիատում քաղաքացին դանակով հարվածել է քաղծառայողի դեմքին

Երեւանի «Հակոբ Կոջոյան» կրթահամալիրը ենթակա է ապամոնտաժման. գործը ձգձգվում է (լուսանկարներ)

Ազդեցիկ ադրբեջանցին Եվգենի Պետրոսյանին ասել է, որ կարող է նրան գաղտնի Ադրբեջան տանել՝ հոր գերեզմանին

Տավուշի ոստիկանները 4 տարի առաջ կատարված ոսկե շղթայի գողություն են բացահայտել (տեսանյութ)

Արմեն Սարգսյանը Կատարի ղեկավարին հրավիրել է պաշտոնական այց կատարել Հայաստան

ՀՀ տարածքում ճանապարհներն անցանելի են. Ստեփանծմինդա-Լարս ավտոճանապարհը բաց է բոլոր տեսակի մեքենաների համար

Նոյեմբերի 28-ը կնշվի՝ որպես Հատուկ քննչական ծառայողի օր

Կենդանաբանական այգու տնօրենի ազատման դիմումը ստորագրվել է. Իրանից հրավիրված փոխտնօրենը ՀՀ քաղաքացիություն կստանա

Հեղափոխակա՞ն է 2020 թվականի բյուջեն, թե՞ ոչ. պատգամավորի կարծիքով՝ քաղաքացին իր կաշվի վրա կզգա դա

Բակո Սահակյանը ստորագրել է հրամանագիր 2020 թվականի ձմեռային զորակոչ եւ զորացրում կատարելու մասին

ՀՀ վարչապետը Միլանում հանդիպել է Լոմբարդիայի շրջանի փոխնահանգապետի հետ (տեսանյութ)

Ադրբեջանից բռնագաղթած, ժամանակավոր կացարանում փաստացի բնակվող 112 ընտանիքի համար ձեռք կբերվեն բնակարաններ

Ցմահ ազատազրկվածը կարող է ներման խնդրագիր գրել 15 տարի պատիժը կրելուց հետո

Մեկ շաբաթում Հայաստանում և Արցախում 2-3 բալ և ավելի ուժգնությամբ գրանցվել է 2 երկրաշարժ