Գյումրիում հերթական կենդանուն են տանջել, կապած քարշ տվել մեքենայի հետեւից. տղամարդուն պատժելու համար օրենք դեռեւս չկա

Օրերս համացանցում տարածված տեսանյութը, թե ինչպես է քաղաքացին շանը մեքենայից կապած քարշ տալիս, քննարկումների առիթ դարձավ:

Գյումրիում հերթական կենդանին էր ենթարկվել դաժան վերաբերմունքի, սակայն այդ արարքի համար պատասխանատվության ենթարկելու մեխանիզմ դեռեւս չկա: Մի կողմից խորհրդարանը քննարկում է կենդանիների նկատմամբ դաժան վերաբերմունքը քրեականացնող օրենքի նախագիծը, մյուս կողմից համացանցում շարունակվում են հրապարակվել եւ տարածվել այդ անմարդկային վերաբերմունքի մասին վկայող լուսանկարներ ու տեսանյութեր:

Վերջին տեսանյութը հոկտեմբերի 4-ին հրապարակել էր «ԴԻՆԳՈ ԹԻՄ» հասարակական կազմակերպությունը: Դեպքը տեղի էր ունեցել Գյումրի քաղաքի Կոշտոյան փողոցում:

Կազմակերպության ղեկավար Օվսաննա Հովսեփյանի խոսքով՝ այդ օրն իրենց ՀԿ-ին անանուն նամակ են ուղարկել, որտեղ կցված է եղել տեսանյութը: Նշված անձը կապել է շանը մեքենայից եւ վարել այնքան, մինչեւ կենդանին ուժասպառ է եղել, որից հետո պարանը մեքենայի միջից բաց են թողել ու գնացել: Պարանը կենդանու վզին այնքան ձիգ է կապած եղել, որ ամբողջությամբ մտել է մսի մեջ: Տեղում քաղաքացիներից մեկն ահազանգել է «911» ծառայություն, քանի որ վիրավոր կենդանին իրեն ագրեսիվ է պահել եւ չեն կարողացել սեփական ուժերով ազատել կապանքից: Քնեցնելուց հետո փրկարարները հանել են պարանը եւ բաց թողել, սակայն շան գտնվելու վայրն այժմ հայտնի չէ:

Կենդանիների հանդեպ դաժան վերաբերմունքը քրեականացնող օրենքի նախագիծն ԱԺ պետաիրավական հարցերի մշտական հանձնաժողովում երկրորդ ընթերցմամբ դրական եզրակացություն է ստացել հոկտեմբերի 8-ին: Այն հեղինակել էին «Բարգավաճ Հայաստան» խմբակցության պատգամավորները:

Մինչեւ օրենքի ամբողջական ընդունումը, դեպքերը չեն պակասում, որոնք, սակայն, անպատիժ են մնում: Կենդանիների նկատմամբ դաժան վերաբերմունքի համար այժմ էլ տույժ է նախատեսում՝ «Վարչական իրավախախտումների վերաբերյալ» ՀՀ օրենսգրքի 92-րդ հոդվածը, որը սահմանում է տուգանք 30.000-50.000 դրամի չափով, իսկ պաշտոնատար անձանց նկատմամբ՝ 80.000-100.000-ի չափով: Հոդվածը, սակայն, փաստացի չի գործում: Այս մասին հայտնեց «ԴԻՆԳՈ ԹԻՄ»-ի ղեկավարը:

«Արդեն որերորդ դեպքն է, որ մենք այդ հոդվածով Ոստիկանություն հաղորդում ենք ուղարկում, սակայն ստանում ենք պատասխան՝ չկա այն վարչական մարմինը, որը պետք է տուգանի»,- նշեց Օվսաննա Հովսեփյանը՝ հավելելով, որ օրենքով այդ մարդուն այսօր չեն կարող պատժել:

Քանի որ ինքնադատաստան չեն կարող տեսնել, իսկ օրենքով ոչինչ անել հնարավոր չէ, կազմակերպության ղեկավարի խոսքով՝ միակ բանը, որ մնում է՝ մարդուն խայտառակ անելն է, որ իր բոլոր բարեկամները եւ հարեւանները տեսնեն. այդպիսով իրեն մի փոքր վատ կզգա:

Ոստիկանության լրատվական ծառայությունից մեր հարցին ի պատասխան նշեցին, որ դեպքի հետ կապված հաղորդում ստացել են, գործն այս պահին ուսումնասիրվում է: «Դինգո Թիմ»-ը հրապարակել էր նաեւ այդ արարքը կատարող անձի մեքենայի պետհամարանիշը՝ 35UN091, մակնիշը՝ «Opel»:

EcoNews.am բնապահպանական տեղեկատվական կայքի տվյալների համաձայն՝ «35UN091» պետհամարանիշի մեքենան պատկանում է քաղաքացի Հարություն Ալբերտի Մուրադյանին: 1976 թ.-ին ծնված տղամարդը Շիրակի մարզի Գյումրի քաղաքի բնակիչ է:

Հայաստանում կենդանիների նկատմամբ դաժան վերաբերմունքի հարցը շատ լուրջ է. այս կարծիքին է Օվսաննա Հովսեփյանը, որի խոսքով՝ անհրաժեշտ է օր առաջ ընդունել դաժան վերաբերմունքը քրեականացնող օրենքը: Ըստ նրա՝ մինչեւ այդ արարքը չդառնա լուրջ պատժելի, դեպքերը չեն պակասելու:

«Չեմ ասում՝ օրենքի ընդունումից հետո դեպքերն ամբողջովին վերանալու են, անգամ այն երկրներում, որտեղ  մարդիկ մինչեւ 10 տարի կարող են դատապարտվել՝ կենդանուն վնասելու համար, միեւնույն է, էլի հանդիպում են նման միջադեպեր, բայց հաստատ դաժան վերաբերմունքի դեպքերը կպակասեն»,- նշեց հաստատության ղեկավարը:

Քննարկվող օրենքի նախագծով կենդանու նկատմամբ դաժան վերաբերմունքի համար ընդհուպ մինչեւ երեք տարով ազատազրկում է նախատեսվում: Այդպիսի վերաբերմունք է համարվում կյանքի ընդհատումը՝ խեղելու, կախելու, մասնատման, ուժեղ հարվածի, մտրակելու, ուժեղ հրազենի, թունավորման կամ այնպիսի նյութի ներարկման միջոցով, որը հանգեցնում է դաժան կամ ցավոտ մահվան, ողջ վիճակում կենդանու մաշկահանումը, անդամահատումը, կրակի վրա նետելը, բարձրությունից կամ փոխադրամիջոցներից նետելը, կենդանիների մարտերի կազմակերպումը եւ իրականացումը, անտուն կենդանիների այնպիսի հավաքը կամ բռնումը, որը հանգեցնում է կենդանու խեղմանը կամ կյանքի ընդհատմանը, սահմանված կարգի խախտմամբ գիտաուսումնական փորձերի իրականացումը եւ այլ դաժան վերաբերմունքը: Այս արարքները պատժվում են տուգանքով՝ նվազագույն աշխատավարձի 100-ապատիկից 300-ապատիկի չափով (100.000-300.000 դրամ) կամ կալանքով՝ 1-3 ամիս ժամկետով կամ ազատազրկմամբ՝ առավելագույնը 1 տարի ժամկետով:

Նույն արարքը, որը կատարել են մի խումբ անձինք նախնական համաձայնությամբ եւ առանձին դաժանությամբ, մանկահասակի ներկայությամբ 2 եւ ավելի կենդանիների նկատմամբ, պատժվում է տուգանքով՝ նվազագույն աշխատավարձի 300-ապատկից 500-ապատիկի չափով (300.000-500.000 դրամ) կամ ազատազրկմամբ՝ 1-3 տարի ժամկետով: 

Անի Ավագյան

Տպել
2365 դիտում

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան

Ժաննա Անդրեասյանը՝ դպրոցներում երկարօրյա ծառայությունների մասին