Ունեմ տվյալներ, որ դեբետային գումարների մի մասը վերադարձվելու է Ս․ Սարգսյանի եղբոր ընտանիքի կազմակերպություններից մեկին

Ես ունեմ տվյալներ, որ հարկ վճարողներին վերադարձվելիք ԱԱՀ դեբետային գումարների զգալի մասը՝ մոտ 1,5 մլրդ, վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին, եւ, ըստ էության, մենք ունենք հետախուզման մեջ գտնվող ընտանիքի անդամներ, որոնց կազմակերպությանը եւ վերադարձնելու ենք այդ գումարները։ Այս մասին այսօր՝ Ազգային ժողովում ՀՀ հարկային օրենսգրքում փոփոխություններ եւ լրացումներ կատարելու մասին» օրենքի նախագծի երկրորդ ընթերցման ժամանակ, ասաց ՀՀ ԱԺ «Լուսավոր Հայաստան» խմբակցության պատգամավոր Մանե Թանդիլյանը։

Ազգային ժողովն այսօր արտահերթ նիստում շարունակում է քննարկել «ՀՀ հարկային օրենսգրքում փոփոխություններ եւ լրացումներ կատարելու մասին» օրենքի նախագիծը, որով նախատեսվում է 2835 հարկ վճարողի վերադարձնել նրանց նկատմամբ պետության ունեցած 56 մլրդ դրամ դեբետային պարտքը։ Նախագիծն առաջին ընթերցմամբ ընդունվել էր անցած ուրբաթ՝ պատգամավորների 92 կողմ ձայներով։

Նախագծի հիմնական զեկուցող, ՀՀ ՊԵԿ փոխնախագահ Արթուր Մանուկյանն ԱԺ ամբիոնից հայտնեց, որ այս ընթացքում՝ առաջինից մինչեւ երկրորդ ընթերցում, պատգամավորներն առաջարկներ չեն ներկայացրել։

Մանե Թանդիլյանը մտքերի փոխանակության ժամանակ հայտարարեց, որ, ի հեճուկս այն հանգամանքի, որ անցած նիստին շատ պատգամավորներ պնդում էին հանրայնացնել այն խոշոր տնտեսվարողների ցանկը, որոնց վերադարձվելու են դեբետային գումարները, դա տեղի չունեցավ, եւ այդ ցանկը մնաց գաղտնի։ Թանդիլյանը պնդեց, որ պետք է իմանալ՝ բյուջեից ում են վերադարձնում գումարները․

«Ես ունեմ տվյալներ, որ այդ գումարների զգալի մասը՝ մոտ 1,5 մլրդ, վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին, եւ, ըստ էության, մենք ունենք հետախուզման մեջ գտնվող ընտանիքի անդամներ, որոնց կազմակերպությանը վերադարձնելու ենք այդ գումարները։ Եւ ես ունեմ տվյալ, որ սա միակը չէ։ Ես պնդում եմ, որ մենք ձեզ հետ միասին պետք է որոշում կայացնենք դադարեցնել այս քվեարկությունը, եւ առնվազն փակ ռեժիմով տեղեկացնել՝ ովքեր են այն տնտեսվարողները, որոնց վերադարձվում են այդ գումարները»,- ասաց Թանդիլյանը՝ պնդելով, որ այդ տեղեկատվությունը տրամադրվի պատգամավորներին՝ քվեարկությունից առաջ․

«Այդ տեղեկատվությունը պետք է լինի հասանելի, այլապես չենք կարող քվեարկել»,- շեշտեց պատգամավորը։

ԱԺ փոխնախագահ Ալեն Սիմոնյանը հայտարարեց նախագծի քվեարկության մասին, սակայն վարման կարգով հանդես եկավ ԼՀԿ խմբակցության ղեկավար Էդմոն Մարուքյանը՝ ԱԺ կանոնակարգ օրենքի համաձայն՝ վերցնելով 20 րոպե ընդմիջում։

Հիշեցնենք, որ այս օրինագծով առաջարկվում է ԱԱՀ-ի վերադարձման նորմը կիրառել ԱԱՀ-ի բոլոր դեբետային գումարների վրա՝ ըստ էության «հնի» եւ «նորի» որեւէ տարանջատում չդնելով: Հին դեբետային գումարները, որոնք հետ չեն վերադարձվում, կազմում են ավելի քան 56 մլրդ դրամ: Պետությունն այդ պարտավորությունն ունի շուրջ 2835 հարկ վճարողների նկատմամբ: Նրանցից 2571-ը գործող են, որոնց նկատմամբ պետության ունեցած պարտքը կազմում է 50 մլրդ 748 մլն դրամ: Պետությունը նախատեսում է մինչեւ տարեվերջ վերադարձնել այդ 2571 տնտեսվարողների՝ ԱԱՀ-ի դեբետային մնացորդները:

Տպել
1914 դիտում

«ԵՄ-Թուրքիա հարաբերություններում ցանկալի առաջընթաց չի գրանցվել». Մերկել

Ստեփանակերտի ՌԴ դաշտային հոսպիտալն ընդունել է Լեռնային Ղարաբաղից առաջին հիվանդներին

Վթար Աշտարակ-Ագարակ ճանապարհին. մեքենայից 30 մետր հեռու հայտնաբերվել է վարորդի դին

68.000 դրամ միանվագ աջակցություն կստանան Արցախում հաշվառում ունեցող բոլոր երեխաները՝ անկախ ծնողի շահառու լինելուց

ՀՀ որոշ ճանապարհների մառախուղ, մերկասառույց է. կան դժվարանցանելի ճանապարհներ

Երեւանում եւ 3 մարզում էլեկտրաէներգիայի մինչեւ 6-ժամյա անջատումներ են սպասվում

Առանձնացրել ենք 60 ռազմագերու եւ ներկալված ու անհետացած 40 քաղաքացիական անձի տվյալ. ԱՀ ՄԻՊ

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը

Մանե Թանդիլյանը տեղափոխվել է Արցախ ապրելու եւ Արցախն ապրեցնելու

Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն

Աշխատանքի միջոցով պետք է ԱՄՆ-ի կողմից ՀՀ-ին տրամադրվող հումանիտար օգնությունը 100 մլն դոլարի հասցնել. Զարեհ Սինանյան

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)