Անասնապահության ոլորտում աջակցություն կտրամադրվի 1000 ընտանիքի. նախատեսված գումարը 500 միլիոն դրամ է

ՀՀ աշխատանքի եւ սոցիալական հարցերի նախարարությունն այսօրվանից կշրջանառի մի նախագիծ, որով նախատեսվում է 1000 ընտանիքի ցուցաբերել սոցիալական աջակցություն: Այս մասին սեպտեմբերի 18-ին կայացած ասուլիսի ընթացքում հայտնեց նախարար Զարուհի Բաթոյանը։ Նա նշեց, որ նպատակ ունեն այս ծրագիրն իրականացնել իրենց տնտեսումների հաշվին:

«Նախագիծը, որը շրջանառելու ենք եւ որի արդյունքում ցանկություն ունենք 500 միլիոն դրամի սահմաններում աջակցություն ցուցաբերելու, իրականացնելու ենք անասնապահության ոլորտում: Մենք ունենք տվյալներ, որ ընտանեկան նպաստում ընդգրկված 29 հազար ընտանիք այս պահին արդեն զբաղվում են անասնապահությամբ, սակայն ունեն շատ ցածր եկամուտ, որը չի բավարարում: Սա նշանակում է, որ կա պոտենցիալ, կա ցանկություն, բայց այս ընտանիքներն այնուամենայնիվ որոշակի աջակցության անհրաժեշտություն ունեն՝ իրենց եկամուտներն ավելացանելու համար: Ահա, թե ինչ հիմնավորմամբ ենք ընտրել հենց այդ ընտանիքներին»,- ասաց Բաթոյանը:

Վերջինիս համոզմամբ՝ այս 1000  ընտանիքին միանգամյա աջակցության տրամադրմանը հետեւելու է նաեւ տեւական աջակցություն խորհրդատվության տեսքով, որպեսզի նրանք հնարավորինս ճիշտ կարողանան կառավարել իրենց բյուջեն: Բաթոյանի վստահեցմամբ՝ նման հմտությունների եւ նման աջակցության բացակայության պատճառով է, որ սոցիալական աջակցությունը տարիներ շարունակ երկրում իրավիճակ չի փոխել:

ՀՀ աշխատանքի եւ սոցիալական հարցերի նախարարությունը սոցիալական աջակցությունից բացի կարեւորում է առկա ծրագրերի հասցեականության բարձրացումը: Կարեւորում են դժվարին իրավիճակոմ հայտնված անձանց ոչ միայն ֆինանսական աջակցությունը այլ նաեւ կարողությունների զարգացումը, խորհրդատվությունների տրամադրումը եւ իհարկե աշխատանքի խրախուսումը՝ ներառյալ անասնապահության ոլորտ, գյուղատնտեսության ոլորտ եւ այլն:

Զարուհի Բաթոյանը ցավով փաստեց, որ սոցիալական նպաստի համակարգում աջակցություն ստացող մարդիկ տասնյակ տարիներ նույն խմբում են մնում եւ իրենց կյանքում որեւէ բան չի փոխվում:«Առաջին հերթին, պետությունը պետք է քայլեր ձեռնարկի, որպեսզի իրենց այդ վիճակից դուրս բերի: Այս իմաստով պետք է սկսենք պետական աշխատողների եւ ծառայություններ մատուցող աշխատակիցների կարողությունների զարգացմամբ»,-ասաց նախարարը: Բաթոյանը հայտնեց, որ «Վորլդ Վիժն Հայաստան»-ի հետ մշակել են ծրագիր, որի շրջանակներում էլ այս ամիս կսկսեն վերապատրաստումները զբաղվածության պետական գրասենյակի եւ սոցիալական աջակցության տարածքային մարմիննների աշխատակիցների համար, որոնք էլ հետագայում հատուկ աշխատանք կտանեն սոցիալական նպաստ ստացող անձանց հետ:

«Վորլդ Վիժն Հայաստան»-ի տնօրեն Ժիրայր Էդիլյանը նշեց, որ իրենց ընկերությունն արդեն ունի Հայաստանում աշխատելու որոշակի փորձ եւ տարիների իրենց փորձը հանգեցրել է մի պարզ ճշմարտության՝ նյութական գույք տալով՝ մարդկանց կյանքը որեւէ էական փոփոխության չի ենթարկվում: «Մեր մոտեցումը պետք էր վերանայել, քանի որ շարունակ տրամադրելով, կով կամ հավ, մենք չէինք լուծում կարիքավոր ընտանիքների բարեկեցության կամ աճի խնդիրը: Եվ 2017 թվականին որոշեցինք փորձարկել այն մեթոդաբանությունը, որն աշխարհում ապացուցել է իր կենսունակությունը, այն կոչվում է աղքատության փուլային հաղթահարում»,-նշեց Ժիրայր Էդիլյանը:

«Վորլդ Վիժն Հայաստան»-ի տնօրենը պատմեց, որ փորձարկման համար 2017 թվականին վերցրել են ծայրահեղ աղքատության շեմից ներքեւ գտնվող 90 ընտանիք: Նրանց հետ տարվել է համակարգված աշխատանք: Մեթոդաբանությունը մշակված է եղել այնպես, որ տեւի միջինում 18 ամիս: 90 ընտանիքների աջակցման միջին ծախսը եղել է 600 հազար դրամ՝ յուրաքանչյուր ընտանիքի համար, յուրաքանչյուրի հետ աշխատել են 15-ից 18 ամիս: Ընտանիքների մի մասը եղել են գյուղերում ապրող, մի մասը՝ քաղաքներում, սա եւս հատուկ ընտրված մեթոդաբանություն է եղել: Արդյունքում տեղի է ունեցել այն, որ այդ ընտանիքներն այլեւս կարիք չունեն արտաքին միջամտության կամ աջակցության: 

«Փորձը ցույց է տվել, որ նպաստը ստանում են, մի քանի օր լավ ուտում են եւ մնացած օրերին մնում են սոված: Մենք մշակում ենք նաեւ, թե ինչպես պետք է բյուջեն ճիշտ բաշխեն»,-ասաց Ժիրայր Էդիլյանը: Վերջինս նկատեց, որ սոցիալական աշխատողը յուրաքանչյուր ընտանիքի կարողության հիման վրա կազմում է անհատական զարգացման պլան: 

Վորլդ Վիժն Հայաստանը 2018 թվականին շարունակել է «Աղքատության փուլային հաղթահարում» ծրագիրը, որին միացել են «Իմ քայլը» հիմնադրամը, նաեւ աշխատանքի եւ սոցիալական հարցերի նախարարության աջակցությամբ սկսել են աշխատանքներ իրականացնել եւս 18 ծայրահեղ աղքատ ընտանիքների հետ: Աշխատանքների արդյունքում այսօր բարելավվել է այդ ընտանիքների սոցիալ-տնտեսական վիճակը, լուծվել են մի շարք առողջական եւ կենցաղային խնդիրներ:

«Որպես նորաստեղծ հիմնադրամ ինչո՞ւ որոշեցինք այս ճանապարհով գնալ։ Մենք ստանում էինք սոցիալական եւ առողջապահական հարցերով հազարավոր դիմումներ։ Հասկացանք, որ մեր ռեսուրսները չեն բավականացնի դրանց չնչին մասն անգամ բավարարելուն։ Հասկացանք, որ բարեգործության փիլիսոփայությունն աշխարհում փոխվել է եւ ապացուցվել է, որ միանվագ կամ պարբերական բնաիրային ու ֆինանսական օգնությունը երկարաժամկետ ազդեցություն չի ունենում, արագ սպառվում է եւ թույլ չի տալիս հաղթահարել ծայրահեղ աղքատությունը։ Այսպիսով՝ համագործակցության եզրեր գտանք «Վորլդ Վիժն Հայաստան»-ի հետ, որը տարիների ընթացքում փորձարկել էր տարբեր մեթոդաբանություններ եւ հանգել հենց այս մոդելին: Այս մոդելով ընտանիքների հետ աշխատանքում կիրառվում է համապարփակ գործիքակազմ եւ անհատական զարգացման ծրագիրը մշակելիս հաշվի են առնվում ընտանիքի յուրահատկություններն ու նախասիրությունները՝ թույլ տալով սակավ ռեսուրսներն ավելի արդյունավետ օգտագործել»,- ասաց «Իմ քայլը» հիմնադրամի գործադիր տնօրեն Հովհաննես Ղազարյանը։

Տպել
5284 դիտում

Պրահայում տեղի է ունեցել Նիկոլ Փաշինյանի և Կիրիակոս Միցոտակիսի հանդիպումը (լուսանկարներ)

Պրահայում տեղի է ունենում ՀՀ վարչապետ Նիկոլ Փաշինյանի և Ռեջեփ Թայիփ Էրդողանի հանդիպումը (լուսանկարներ, տեսանյութ)

Քննարկվել են Հայաստանի, Ռուսաստանի և Բելառուսի միջև սպորտի ոլորտում համագործակցության խորացման հեռանկարները

Բարդ իրավիճակից հեշտ ելք չի լինում. անգամ ԱՄՆ-ի հետ պայմանավորվածության գալը որոշակի զիջումներ է պահանջում. քաղաքագետ

2022-ին Աշոցքի 19 բնակավայրում իրականացվում է 6 սուբվենցիոն ծրագիր

«Կյանքը վերափոխող տեխնոլոգիաներ»․ Անահիտ Ավանեսյանը մասնակցել է Գլոբալ ինովացիոն ֆորումին

ԿԳՄՍ նախարար Վահրամ Դումանյանը Կիպրոսում հանդիպել է մի շարք բարձրաստիճան պաշտոնյաների հետ

Պրահայում մեկնարկել է Փաշինյան-Միշել-Մակրոն-Ալիև քառակողմ հանդիպումը (լուսանկարներ)

Շառլ Միշելը Նիկոլ Փաշինյանի հետ հանդիպումից հետո Պրահայում հանդիպել է Ադրբեջանի նախագահի հետ

Երևանում քննարկվել են Հայաստան-ԵՄ օրակարգային կարևոր հարցեր՝ ԵՄ-ում չեխական նախագահության համատեքստում

Տեղի է ունեցել «Հայաստանում Ռուսաստանի հոգևոր մշակույթի օրեր» ծրագրի պաշտոնական բացումը

Երևանը քաղաք է մարդկա՛նց համար, և քաղաքը պետք է ծառայի այդ թվում՝ երեխաներին․ Տիգրան Ավինյան

Խաղաղություն հաստատելու Մոսկվայի համապարփակ առաջարկները փոխանցվել են Բաքվին և Երևանին. Զախարովա

ԿԳՄՍ նախարար Վահրամ Դումանյանը հանդիպել է մի շարք բարձրաստիճան պաշտոնյաների հետ

Նիկոլ Փաշինյանը մասնակցել է Եվրոպական քաղաքական համայնքի գագաթնաժողովին (լուսանկարներ)

Արթուր Ղազինյանը դադարեցնում է քաղաքական գործունեությունը

Իսպանիայի Կոնգրեսն ընդունել է հայ ժողովրդին զորակցության հայտարարություն (տեսանյութ)

Ադրբեջանական ԶՈՒ-ն կրակ է բացել սահմանին ամրաշինական աշխատանքներ իրականացնող տեխնիկայի ուղղությամբ (տեսանյութ)

Դոլարն ու եվրոն էժանացել են. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը Պրահայում կարճ զրույցներ է ունեցել Մակրոնի, Էրդողանի, Ալիևի հետ (լուսանկարներ)

Օհան Դուրյանի 100-ամյակի հանդիսությունների շարքում ներկայացվել են նրա անունը կրող նամականիշը և արծաթե հուշադրամը

Նիկոլ Փաշինյանն աշխատանքային այցով կմեկնի ՌԴ

ՀՀ ՄԻՊ-ը և Հայաստանում Ֆրանսիայի դեսպան Անն Լույոն այցելել են Սյունիքի մարզ (լուսանկարներ)

Վահրամ Դումանյանը «Շրջակա միջավայր Եվրոպայի համար» իններորդ նախարարական համաժողովի շրջանակում հանդես է եկել զեկույցով

Լոռու երեք բուժհաստատությունում հայտնաբերվել են պետությունից գումարներ հափշտակելու դեպքեր. Դատախազություն

Նախագահ Վահագն Խաչատուրյանին հավատարմագրերն է հանձնել Հայաստանում Մալթայի Ինքնիշխան Ուխտի նորանշանակ դեսպանը (տեսանյութ)

Արայիկ Հարությունյանը ներկայացրել է ՔՏՀԱ տեսչական մարմնի նորանշանակ ղեկավարին

Օդի ջերմաստիճանն աստիճանաբար կնվազի. ինչ եղանակ է սպասվում առաջիկայում

Ադրբեջանցի զինծառայողների մարմիններ ադրբեջանական կողմին չեն փոխանցվել. ՀՀ ՊՆ

Կարեն Անդրեասյանը և Երանուհի Թումանյանցն ընտրվեցին Բարձրագույն դատական խորհրդի անդամներ

Պարզվել է 41-ամյա կնոջ սպանությունը կատարած անձի ինքնությունը, դեպքի առթիվ նախաձեռնվել է քրեական վարույթ. ՔԿ (տեսանյութ)

ՖԻՖԱ-ն հրապարակել է ազգային հավաքականների դասակարգման նոր աղյուսակը

Փորձում ենք Արցախին վերադարձնել բանակցությունների սեղան. ԱԺ նախագահ

Գնում եմ այս պատասխանատվությանը՝ առանց մտահոգվելու, որ իշխանությունը կարող է ճնշում գործադրել ինձ վրա. Անդրեասյան

Բարեփոխումներ Արցախից տեղահանված ընտանիքների համար բնակարանային մատչելիության ապահովման պետական աջակցության ծրագրում

Խոշոր ավտովթար Սևան-Գավառ-Մարտունի ավտոճանապարհին․ կա երկու զոհ, 2 տուժած

Պատգամավոր Աննա Մկրտչյանի հայրը՝ Արա Մկրտչյանը, 15 մլն դրամ գրավի դիմաց ազատ է արձակվել

Ինձ կուսակցական չեմ զգում եւ որեւէ պարտավորություն չունեմ այն թիմի հանդեպ, որի անդամը եղել եմ. Անդրեասյան

Տեսչական մարմինը կասեցրել է ավելի քան 2,2 տոննա մսի վաճառքը

Տավուշում 17-ամյա պատանուն դանակահարած հասակակիցն ինքնակամ ներկայացել է ոստիկանություն