Հայաստանի ֆուտբոլի ազգային հավաքականի ավագ Հենրիխ Մխիթարյանը «Ռոմայում» հենց առաջին հանդիպումից հետո նվաճել է երկրպագուների սրտերը: Դա, իհարկե, հենց այնպես տեղի չի ունեցել: Երեկ՝ սեպտեմբերի 15-ին, իր նորամուտի խաղում կիսապաշտպանը գոլի հեղինակ դարձավ: Ա Սերիայի 3-րդ տուրի «Սասուոլոյի» դեմ խաղում աչքի ընկավ 22-րդ րոպեին:

Թվիթերում «Ռոմայի» երկրպագուները բազմաթիվ գովեստի խոսքեր են ուղղել նրան: Ակումբին էլ խնդրել են ամբողջությամբ գնել ֆուտբոլիստի տրանսֆերը: Նրանցից մեկը ՀՀ ընտրանու ավագին նույնիսկ համեմատել է Կրիշտիանու Ռոնալդուի հետ:

«Դուք ունեք հայկական Ռոնալդուին: Ես 40 մլն կասեի... հիմա դուք պետք է որոշեք»,- գրել է մի օգտատեր»:

«Խնդրում եմ՝ ամբողջությամբ գնեք նրա տրանսֆեր»-ը,- գրել է եւս մեկը:

«Արսենալ»-ի մի երկրպագու նշել է, որ ցավում է՝ «զինագործներ»-ը բաց են թողել Մխիթարյանին:

«Անկեղծ, նա այնքան լավ խաղացող է: Հավատս չի գալիս, որ նրան վարձավճարով ձեզ ենք տվել»,- գրել է նա:

Սոցիալական ցանցերում նաեւ զվարճալի գրառումներ են եղել: Երբ Մխիթարյանը գոլ է խփել «Սասուոլոյին», «Smokey» անունով մի օգտատեր գրառում է կատարել զուգահեռաբար ընթացող «Արսենալ»-«Ուոթֆորդ» խաղի մասին:

«Մենք այս պահին հաղթում ենք 2:0, պահեք նրան»,- գրել է նա:

Երբ «Ուոթֆորդը» հավասարեցրել է հաշիվը, օգտատերը կրկին գրառում է կատարել:

«Ոչ այսօր, առա՛ջ, «Արսենա՛լ»,- գրել է նա:

Վերջում «Ռոման» հավաքել է գրառումները, ինչպես նաեւ լոնդոնյան թիմի հանդիպման հաշիվը (2:2) ու նույնպես գրառում կատարել:

«Ոչ այսօր, «Smokey», ոչ այսօր»,- գրել է «գայլերի» մամուլի ծառայությունը թվիթերում:

Ակումբը թվիթերում նաեւ մեկնաբանել է Մխիթարյանի գոլը:

«Առաջին հայը, որը խաղում է «Ռոմայում», գոլ է խփում «Ռոմայի» համար, գոլ է խփում Ս Սերիայում»:

Հանդիպումից հետո Մխիթարյանին գովել է նրա նոր թիմակից Էդին Ջեկոն, ընդգծել, որ վստահ է՝ հայ ֆուտբոլիստն օգնելու է թիմին: Նաեւ բացահայտել է՝ ինչ է Մխիթարյանի հետ խոսել Եվրո 2020-ի ընտրական փուլի Հայաստան-Բոսնիա եւ Հերցեգովիա հանդիպումից հետո, որում իր թիմը պարտվեց 2:4 հաշվով:

«100%-ով վստահ եմ, որ նա մեզ շատ է օգնելու: Շատ ուրախ եմ, որ նրա տրանսֆերը կայացավ: Երբ մեր հավաքականները խաղացին եւ նա 2 գոլ խփեց մեր դարպասը, ես նրան ասացի. «Ընկե՛րս, մյուս խաղերում դու «Ռոմայի» համար էլ պետք է գոլեր խփես»,- նրա խոսքերն է փոխանցում goal.com-ը:

«Սասուոլոյի» դեմ խաղում Մխիթարյանը խաղադաշտ է դուրս եկել մեկնարկային կազմում: Նա 1 հարված է կատարել դարպասին, որն էլ ավարտվել է գոլով: Փոխանցումների արդյունավետությունը եղել է 82.2%:

Մխիթարյանն «Արսենալից» «Ռոմա» է տեղափոխվել 1 տարի վարձավճարով: 2019-20 մրցաշրջանի ավարտից հետո հռոմեական ակումբը կարող է ամբողջությամբ գնել նրա տրանսֆերը:

Տպել
2155 դիտում

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն