Մխիթարյանը վերջին պահին  է իմացել, որ «Ռոմա» է տեղափոխվում

Հայաստանի ֆուտբոլի ազգային հավաքականի ավագ Հենրիխ Մխիթարյանը վերջին պահին է իմացել, որ «Արսենալից» տեղափոխվում է «Ռոմա»: Այս մասին նա նշեց այսօր՝ սեպտեմբերի 4-ին, Եվրո 2020-ի ընտրական փուլի Իտալիայի դեմ խաղից առաջ կայացած մամուլի ասուլիսի ժամանակ: Նա «գայլերի» հետ պայմանագիր կնքեց տրանսֆերային պատուհանի վերջին օրը՝ սեպտեմբեր 2-ին: Նշում է, որ տեղափոխության մասին տեղեկացել է նախօրեին կայացած Անգլիայի Պրեմիեր լիգայի 4-րդ տուրի «Թոթենհեմի» դեմ խաղից հետո:

- Հենրի՛խ, ինչպես գիտենք, տեղափոխվեցիր «Ռոմա»: Վերջի՞ն օրն ես իմացել տեղափոխույան մասին, թե՞ ավելի վաղուց էր քննարկվում:

- Ամեն ինչ տեղի է ունեցել վերջին օրը՝ հենց «Թոթենհեմի» դեմ խաղից հետո: Զանգ ստացա գործակալիցս եւ տեղեկացա, որ մյուս օրը պետք է մեկնեմ Հռոմ եւ բուժզննւմ անցնեմ ակումբի համար եւ արդեն պայմանագիր ստորագրեմ: Կարծում եմ՝ շատ լավ հնարավորություն է ինձ համար, քանի որ «Արսենալում» շատ հանդիպումներ չէի անցկացում: Որոշեցի տեղափոխվել մի թիմ, որտեղ մարզիչն ավելի վստահ կլինի եւ ավելի շատ կօգտագործի իմ որակները: Այդ իսկ պատճառով որոշեցի տեղափոխվել Հռոմ: Շնորհակալություն կհայտնեմ, եթե… եկեք ավելի շատ կենտրոնանանք ազգային հավաքականի խաղի վրա, խաղից հետո հնարավոր կլինի պատասխանել նաեւ Հռոմ տեղափոխույան մասին հարցերին:

- Խաղացել ես Իտալիայի դեմ Հայաստանի նախորդ հանդիպումներում: Ի՞նչ փոփոխություններ ես նկատել մրցակցի մոտ եւ ի՞նչ կասես ուժեղ եւ ույլ կողմերի մասին:

- Փոփոխությունները մեծ են, իհարկե, որովհետեւ այդ հանդիպումը, եթե չեմ սխալվում, տեղի է ունեցել 2012 թ.: Կազմն է փոխվել, մարզիչն է փոխվել, խաղային փիլիսոփայությունն է փոխվել: Չեմ կարող ասել, որ այդ ժամանակվա ազգային հավաքականը նման է այսօրվանին: Այս հավաքականն ավելի շատ է սիրում գնդակով խաղալ, քան 2012 թ. հավաքականը: Կփորձենք ամեն ինչ անել, որպեսզի վերահսկենք խաղը, նրանց չթողնենք օգտագործել իրենց լավագույն կողմերը, քանի որ գիտենք, որ Իտալիայի հավաքականը կարող է ցանկացած պահի պատժել: Դրա համար կփորձենք անել առավելագույնը եւ պատվով հանդես գալ:

- Իտալիայի հավաքականը 4 հաղթանակ է տարել: Ըստ քեզ՝ J խմբի մյուս թիմերից ակնհայտ ուժե՞ղ է, թե՞ առաջին տեղի համար պայքարը դեռ շարունակվում է:

- Ճիշտ է՝ 4 խաղում 4 հաղթանակ ունեն, կարելի է ասել՝ մեր խմբի ամենաուժեղ թիմն է, չեմ կարող համեմատել մյուս հավաքականների հետ, բայց մնացախներն էլ, նույնիսկ մենք կփորձենք պայքարել 2-րդ տեղի համար՝ գիտակցելով, որ մեր խմբում հեշտ մրցակիցներ չկան: Նույնիսկ Լիխտենշտեյնը կարող է միավորներ կորզել ցանկացած հավաքականից: Կփորձենք անել առավելագույնը եւ մրցակցել այդ հավաքականների հետ:

- Ինչպե՞ս կգնահատես մարզավիճակդ:

- Կարող եմ ասել, որ վաղը ավելի լավ կերեւա: Պատրաստ եմ 100%-ով: Ֆուտբոլը չեն խաղում միայն ոտքերով, խաղում են նաեւ ուղեղով: Եթե քո գլխում ստիպես, որ պետք է խաղաս 90 րոպե եւ ավելի, ապա ամեն ինչ հնարավոր է: Պետք է անես ամեն ինչ, որպեսզի տրամադրվես խաղալ ողջ խաղը եւ պատրաստ լինես ցանկացած պարագայում: Ճիշտ է՝ անցած մի քանի խաղերում 90 րոպե չեմ անցկացրել «Արսենալի» կազմում, բայց կարող եմ ասել, որ պատրաստ եմ, քանի որ մարզվել եմ ամբողջությամբ եւ արել եմ ավելին, քան հարկավոր էր:

Տպել
2310 դիտում

Մահվան ելքով վրաերթ Երեւանում. 63-ամյա տղամարդը գիտակցության չգալով մահացել է

Տղերքին ասել եմ՝ երգե՛ք, որ թշնամին տեսնի մենք կանք. Ռուբեն Սանամյանը՝ երգելով թշնամու դեմ դուրս գալու մասին և ոչ միայն

Թուրքիայում ձերբակալել են Կարսի քաղաքապետին

Առաջիկա օրերին սպասվում է առանց տեղումների եղանակ. ջերմաստիճանն էապես չի փոխվի

Հայկական արտադրության խելացի հաշվիչները բաժանորդին թարմ տվյալներ են տալիս սպառած էլէներգիայի մասին կես ժամ պարբերությամբ

«Զինառ»-ում իրականացվում են զինվորի կենցաղային պայմանների բարելավմանը նպաստող փոփոխություններ

Երեւանի Ագաթանգեղոսի փողոցում կին վարորդը վրաերթի է ենթարկել անձը չպարզված քաղաքացու

Մեկնարկել է Գյուղական կյանքի և ավանդույթների յոթերորդ փառատոնը․ նախարարը ծանոթացել է ներկայացված գյուղմթերքին

22-ամյա երիտասարդի մոտ զենք-զինամթերք է հայտնաբերվել

Արմավիրի մարզում բախվել է 5 մեքենա.նրանցից մեկը հայտնվել է գնացքի գծերի վրա

«Սանիթեքը» աճուրդի է դրել աղբահավաք մեքենաներն ու կոնտեյներները, այդ թվում՝ 200 հատ կոտրված կամ կիսավառվածները

ՀԴՄ կտրոն չվերցնելու համար քաղաքացիներին տուգանելու նախագիծ օրակարգում չկա․ Բաբկեն Թունյան

Երևանի Ազատության պողոտայում մեքենա է այրվել. վարորդը հոսպիտալացվել է

Ստեփանծմինդա-Լարս ավտոճանապարհը բաց է միայն ՀՀ-ից մեկնող բեռնատարների համար

Հայաստանը շարունակում է շնորհավորանքներ ստանալ. շնորհավորել է Սերբիայի նախագահ Ալեքսանդր Վուչիչը

«Արարատ-Արմենիա» - «Ցրվենա Զվեզդա» խաղը` ակադեմիայի մարզադաշտում

Կրկեսի վերածվող թեժ աշունը

Ջրամատակարարման նոր գրաֆիկը չի ենթադրում ջրամատակարարման ժամերի կրճատում․ «Վեոլիա Ջուր»-ը պարզաբանում է

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև