Շատ բաներ սրտին շատ մոտ է ընդունում. Մխիթարյանի հոգեբանական պատկերը՝ ըստ դիմագծերի

ՀՀ ֆուտբոլի ազգային հավաքականի եւ «Արսենալի» կիսապաշտպան Հենրիխ Մխիթարյանը լավ հասկանում է ֆինանսական հարցերից, ընտանիքի մարդ է, վստահելի ընկեր, մյուս կողմից ինքնավստահ չէ, անհամարձակ է ու քիչ շփվող: «Հայկական ժամանակ»-ի հետ զրույցում նրան ֆիզիոգնոմիկայի՝ դիմաճանաչության տեսանկյունից այսպես նկարագրեց ֆիզիոգնոմիստ Գրիշա Նուրիջանյանը: Դիմաճանաչությունն ուսմունք է, որի միջոցով մարդու հոգեբանության վերաբերյալ կարծիք են կազմում դատելով դիմագծերից՝ քթի ձեւից, շուրթերի լայնությունից եւ այլն: Սա համարվում է պսեւդոգիտություն, քանի որ մարդու բնավորության գծերի ու արտաքին հատկանիշների միջեւ կապն ապացուցված չէ: Ամեն դեպքում, պարբերաբար մեդիայում կարելի է հանդիպել հայտնի մարդկանց հոգեբանական պատկերի վերաբերյալ նման վերլուծություններ: Մխիթարյանի դիմագծերն էլ «մատնում» են նրա խառնվածքի որոշ առանձնահատկություններ:

«Քթից երեւում է, որ չի սիրում ավելորդ ծախսեր: Եթե ֆուտբոլիստ չդառնար, կարող էր ֆինանսների ոլորտում էլ աշխատել, բիզնեսով էլ կարող էր զբաղվել, որովհետեւ գիտի գումարի արժեքը: Բերանի ձեւից երեւում է, որ շատ զգուշավոր է, քանի որ շրթունքները հաստ չեն, իսկ որքան բարակ են շրթունքները, այնքան մարդիկ զգուշավոր են: Նա զգուշավոր է, հավասարակշռված: Դնչի ձեւից երեւում է, որ այդքան էլ ինքնավստահ չէ: Համարձակ չէ, բայց աշխատասեր է, նպատակասլաց: Դա դեմքի ձեւից է երեւում, դեմքը շատ լայն չէ: Լայն դեմքով մարդիկ սովորաբար ավելի համաձակ են լինում:

Ճակատի ձեւից երեւում է, որ վերլուծական միտք ունի, խելացի է, լավ հիշողություն ունի, շատ ընդունակ է հումանիտար ոլորտում ու կոնֆլիկտային չէ, ագրեսիա չունի: Այսինքն՝ իր կողակցի հետ կարող է շատ երկար, խաղաղ ապրել: Կանխատեսելի է, անկանխատեսելի քայլեր չի անում: Շատ վստահելի մարդ է, կարելի է շատ հանգիստ ընդհանուր գործեր ունենալ նրա հետ, երբեք թիկունքից չի հարվածի»,- նշում է Նուրիջանյանը:

Շփման համար, ըստ դիմաճանաչության, Մխիթարյանն այնքան էլ բաց չէ: Նա կարող է սիրալիր լինել, սակայն ամեն մարդու հետ չէ, որ կմտերմանա: Այդ պատճառով էլ, Նուրիջանյանի խոսքով, գուցե մեծ շրջապատ ունի, սակայն ընկերներ պետք է որ քիչ ունենա: Եղածների համար էլ շատ վստահելի է:

«Ականջների ձեւից երեւում է, որ այդքան էլ շփվող չէ, շատ դժվար է նրա հետ մտերմանալը, ամեն մարդու չի վստահում, բայց դիվանագիտական մոտեցում ունի, կարող է շփվել մարդկանց հետ, բայց նրանց մոտ չի թողնում: Շատ վստահելի ընկեր է: Կարող է մեծ շրջապատ ունենալ, բայց ընկերներ քիչ ունի: Ձգտւմ է իրենից տարբերվող մարդկանց հետ շփվել. օրինակ, ինքը զգույշ է, բայց ավելի համարձակ մարդկանց հետ է սիրում շփվել: Աչքերից երեւում է, որ որքան էլ հավասարակշռված է, էմոցիաներ ունի, բայց իր մեջ է պահում: Այդ պահին կարող է նրա մեջ տակնուվրա լինել, բայց դու չհասկանաս, շատ բաներ շատ սրտին մոտ է ընդունում, բայց ցույց չի տալիս: Շատ լավ, հոգատար հայր կլինի, ուշադիր, խիստ ու պահանջկոտ: Ընդհանրապես նա ընտանիքի մարդ է, դա աչքերից երեւում է»,- ասաց Նուրիջանյանը:

Մասնագետը դժվարացավ նշել այլ ֆուտբոլիստների, որոնք բնավորությամբ նման են Մխիթարյանին: Տվեց միայն 1 անուն: Նրա կարծիքով՝ դատելով դիմագծերից՝ խառնվածքով Հայաստանի հավաքականի ավագին նման է Դորտմունդի «Բորուսիայի» նրա նախկին խաղընկերներից մեկը՝ պաշտպան Մատս Հյումելսը:

Տպել
3943 դիտում

Մահվան ելքով վրաերթ Երեւանում. 63-ամյա տղամարդը գիտակցության չգալով մահացել է

Տղերքին ասել եմ՝ երգե՛ք, որ թշնամին տեսնի մենք կանք. Ռուբեն Սանամյանը՝ երգելով թշնամու դեմ դուրս գալու մասին և ոչ միայն

Թուրքիայում ձերբակալել են Կարսի քաղաքապետին

Առաջիկա օրերին սպասվում է առանց տեղումների եղանակ. ջերմաստիճանն էապես չի փոխվի

Հայկական արտադրության խելացի հաշվիչները բաժանորդին թարմ տվյալներ են տալիս սպառած էլէներգիայի մասին կես ժամ պարբերությամբ

«Զինառ»-ում իրականացվում են զինվորի կենցաղային պայմանների բարելավմանը նպաստող փոփոխություններ

Երեւանի Ագաթանգեղոսի փողոցում կին վարորդը վրաերթի է ենթարկել անձը չպարզված քաղաքացու

Մեկնարկել է Գյուղական կյանքի և ավանդույթների յոթերորդ փառատոնը․ նախարարը ծանոթացել է ներկայացված գյուղմթերքին

22-ամյա երիտասարդի մոտ զենք-զինամթերք է հայտնաբերվել

Արմավիրի մարզում բախվել է 5 մեքենա.նրանցից մեկը հայտնվել է գնացքի գծերի վրա

«Սանիթեքը» աճուրդի է դրել աղբահավաք մեքենաներն ու կոնտեյներները, այդ թվում՝ 200 հատ կոտրված կամ կիսավառվածները

ՀԴՄ կտրոն չվերցնելու համար քաղաքացիներին տուգանելու նախագիծ օրակարգում չկա․ Բաբկեն Թունյան

Երևանի Ազատության պողոտայում մեքենա է այրվել. վարորդը հոսպիտալացվել է

Ստեփանծմինդա-Լարս ավտոճանապարհը բաց է միայն ՀՀ-ից մեկնող բեռնատարների համար

Հայաստանը շարունակում է շնորհավորանքներ ստանալ. շնորհավորել է Սերբիայի նախագահ Ալեքսանդր Վուչիչը

«Արարատ-Արմենիա» - «Ցրվենա Զվեզդա» խաղը` ակադեմիայի մարզադաշտում

Կրկեսի վերածվող թեժ աշունը

Ջրամատակարարման նոր գրաֆիկը չի ենթադրում ջրամատակարարման ժամերի կրճատում․ «Վեոլիա Ջուր»-ը պարզաբանում է

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև