Համոզված եմ, որ հացահատիկը 10-20 տոկոս կթանկանա. գյուղատնտես

ՀՀ գյուղատնտեսության նախկին նախարարի խորհրդական, գյուղատնտես Հարություն Մնացականյանը օրերս գրել էր, որ մի քանի ամսից հացահատիկի որոշակի թանկացումներ կլինեն:

«Հայկական ժամանակ»-ի հետ զրույցում Հարություն Մնացականյանն ասաց, որ հացահատիկային բերքի պակաս ունենք, որի պատճառը եղանակն է:

- Պարոն Մնացականյան օրերս գրել էիք, որ որոշ ժամանակ հետո հացահատիկի թանկացում է սպասվում: Ո՞րն է պատճառը:

- Մեզ մոտ հատիկաընդեղենային կուլտուրաների բերքը շատ ցածր է այս տարի: Ռուսաստանում քաղը չեն սկսել, բայց լուրեր կան, որ այնտեղ էլ է սակավ: Անցած ձմեռ ռուսական ցորենի գինը մոտավորապես 20-30 տոկոսով բարձրացավ: 90 դրամից հասել էր մինչեւ 130-140 դրամի: Կարծում եմ՝ այս տարի էլ է նույնը սպասվելու: Հիմա արդեն տեղական ալրաղացները ցորենը վերցնում են 130 դրամով, անցած տարի այս ժամանակահատվածում վերցնում էին 90-100 դրամով:

- Սա ենթադրում է, որ նաեւ հացահատիկի թանկացո՞ւմ կլինի:

- Ես այսքան ժամանակ իմ կանխատեսումների մեջ չեմ սխալվել ու համոզված եմ, որ թանկացում կլինի:

- Ձեր հաշվարկներով որքա՞ն կարող է թանկանալ հացահատիկը:

- Մինչեւ 10-20 տոկոս: Բայց հաճարը հաստատ շատ է բարձրանալու: Հիմա հաճարը խանութները վերցնում են 220-240 դրամով, այն կհասնի մինչեւ 300-310 դրամի: Դրանից ավելի չի բարձրանա, քանի որ դրսից կսկսեն ներմուծել:

- Ինչո՞ւ է այս տարի Հայաստանում հատիկաընդեղենային բերքը ցածր:

- Եղանակն է հիմնական պատճառը: Անձրեւները ժամանակին չեն եկել: Մեկ եկել է այն ժամանակ, երբ պիտի փոշոտում լիներ, ինչը ահագին վնաս է հասցրել եւ նորմալ փոշոտում տեղի չի ունեցել: Հետո խիստ չորային կլիմա է եղել: Հաճարի բերքն այս տարի այնքան վատն է եղել, որ 1 հեկտարից 800 կիլոգրամ են քաղում: Անգամ իրենց ծախսերը չեն հանել մարդիկ: Ես կարծում եմ, որ այս տարի կսկսեն հաճար ներմուծել, որովհետեւ դեկտեմբերից հետո հաճար չի լինելու երկրում:

- Մինչ այժմ Հայաստանը հաճար ներմուծե՞լ է:

- Ներմուծում եղել է 2 տարի առաջ: Ռուսաստանից 100 տոննա են ներմուծել, դրանից առաջ ընդհանրապես մինչեւ անհիշելի ժամանակներ հաճարի ներմուծում չի եղել:

- Դրսից ներմուծած հաճարը տեղականի պես որակյա՞լ է:

- Ղազախական հաճարը արտակարգ բարձր որակի է: Ռուսաստանի չորային գոտու հաճարը նույնպես շատ լավ որակի է: Ուկրաինական հաճարը շատ ցածր որակի է ու բավականին զիջում է մեր տեղականին: Եթե ուկրաինական հաճար ներմուծեն ու շատ էժան էլ վաճառեն՝ չի վաճառվելու:

- Համապատասխան գերատեսչությունները գյուղացիական տնտեսությունների հետ աշխատանքներ չե՞ն տանում:

- Հաճարի դիֆիցիտը նախարարությունից կախված չէ: Դա մեր պրոպագանդայից էր կախված: Ճիշտն ասած՝ ես 2-րդ տարին է՝ արտահանում չեմ անում, քանի որ տեղական շուկան հազիվ ենք բավարարում: Իսկ մինչ 2017 թվականը արտահանում էինք իրականացնում: Հաճարի պահանջարկն անընդհատ աճում է: Հայաստանում արդեն մոտ 5 հազար տոննա հաճար է սպառվում: Կարծում եմ՝ կհասնի հնդկաձավարին, քանի որ խիստ մոդայիկ է դարձել: Մարդիկ գիտեն, որ օգտակար է՝ սկսել են շատ օգտագործել: Ծիրանի բերքն էլ է շատ ցածր, վերջում, որ վիճակագրական տվյալները հանեն՝ կտեսնեք, որ անցած տարվա համեմատ քիչ է արտահանումը եղել:

- Իսկ ծիրանն այս տարի նախորդ տարվա համեմատ ավելի լավն է, չէ՞:

- Անցյալ տարի անձրեւ շատ էր եկել, ծիրանի վրա բշտիկի պես բաներ կային: Այս տարի անձրեւ քիչ է եկել, ծիրանի բերքը քիչ է, բայց ապրանքային տեսքը շատ լավն է:

- Արտահանվող գյուղմթերքների պատճառով Հայաստանում գնի բարձրացում ունե՞նք:

- Ինչո՞ւ մեզ մոտ արտահանում նորմալ չի ստացվում. եթե որեւէ ապրանքի թեթեւ դիֆիցիտ է լինում, գինը չհիմնավորված բարձրանում է: Վառ օրինակ՝ կաղամբը, որի ինքնարժեքը 10-15 դրամ է, անցած դեկտեմբերին բարձրացավ 200 դրամ, իսկ փետրվարի վերջին հասավ մինչեւ 490 դրամի: Եթե արտահանողը արտահանում է 110-120 դրամով, պայմանագիր է կնքում սուպերմարկետի հետ այնտեղ, ու եթե գյուղացիները տեսնում են դիֆիցիտ է՝ գինը բարձրացնում են: Արդյունքում ե՛ւ արտահանողն է խիստ տուժում, որովհետեւ պայմանագիրը չի կարողանում կատարել, ե՛ւ մեր տեղական շուկան է կաթվածահար լինում: Հակառակ պրոցես է սկսում: Մեծ քանակով ներմուծումներ են լինում եւ գյուղացիների ապրանքը չի վաճառվում: Դեկտեմբերին գազարի օրինակի մասին գրեցի: Գինը բարձրացավ, ասացի, որ գյուղացիները չեն կարողանալու վաճառել՝ դրսից է ներմուծվելու: Մեզ ինչ-որ համակարգ է պետք, որ գները զսպվեն, չթողնեն այդքան թռիչքաձեւ աճ ունենան, իսկ հետո գահավիժեն: Կաղամբի օրինակը բերեմ, որ բարձրացավ 500 դրամ, ջերմատնային տնտեսություն ունեցողներն արագ անցան կաղամբ արտադրելուն: Ու մայիսի սկզբին կաղամբի գինն իջավ 60 դրամ: Ես համոզված եմ, որ ջերմատնային տնտեսությունները հազիվ զրոյի վրա են կանգնելու:

Տպել
6131 դիտում

Ո՞ր դեպքում հայկական կողմը կկիրառի «Իսկանդեր» եւ «ՍՈՒ-25» կործանիչները. պատասխանում է Արծրուն Հովհաննիսյանը

Հացի փռերում, ալրաղացներում եւ այլ ձեռնարկություններում առաջ է եկել լրացուցիչ աշխատուժի կարիք. Արցախը դիմում է օգնության

Ադրբեջանը պետք է անհապաղ դադարեցնի իր ագրեսիվ գործողությունները. Հունաստանի նախկին ԱԳՆ

Այս հակամարտությունը չունի կենսունակ ռազմական լուծում. Կանադա-Հայաստան բարեկամական խմբի ղեկավար

Զինծառայողների հետ կապի դուրս գալը կարող է վտանգել նրանց կյանքը. Արծրուն Հովհաննիսյան

Որևէ կենդանի զինվորական մեր կողմում գերության մեջ չկա․ Արծրուն Հովհաննիսյանը՝ ադրբեջանցի գեներալի գերի ընկնելու մասին

Արցախում զոհված միակ կին զինվորականը 35 տարեկան էր. նրա դին արդեն տեղափոխվել է հայրենի գյուղ

ՀՀ բջջային կապի օպերատորները չեն մեկնաբանում՝ Արցախի հետ ռոումինգը կվերացնե՞ն, թե՞ ոչ

Հեռախոսազրույց են ունեցել Մակրոնն ու Ալիեւը

Նոտարական պալատը հասանելի կլինի 24/7 ռեժիմով

Այս պահին թիրախավորված են նաև բնակավայրերը, ադրբեջանական հրետանին խփում է Մարտակերտ քաղաքին. Արծրուն Հովհաննիսյան

Այս պահին ունենք մոտ 200 վիրավոր, բոլորը պատշաճ բժշկական վերահսկողության ներքո են. Արծրուն Հովհաննիսյան

Դո՛ւրս շպրտեք Թուրքիային ՆԱՏՕ-ից. Նիդերլանդների խորհրդարանի պատգամավոր

Թրամփի վարչակազմը պետք է դադարեցնի անվտանգության ոլորտում Ադրբեջանին օգնության տրամադրումը. սենատոր Բոբ Մենենդես

Ադրբեջանի կողմից «ՏՕՍ» ծանր հրետանային համակարգերի կիրառումը եղել է անարդյունավետ․ ՊԲ

Անհրաժեշտ է ակտիվանալ «Թվիթերում». Հովհաննես Մովսիսյան

Տավուշի սահմանամերձ բնակավայրերի ուսումնական հաստատություններն անցնում են հեռավար ուսուցման

Ադրբեջանի ԶՈՒ հայտնի դարձած կորուստներն այս պահին. Razminfo

Ինչպես եւ որտեղ կարող են արյուն հանձնել մարզերի բնակիչները. տվյալներ

«Լիովին աջակցում եմ հայ ժողովրդին». ԵԽԽՎ-ում Կիպրոսի պատվիրակության ղեկավար