Երևան
15 °C
Հայ հեղափոխական դաշնակցության՝ Արցախի նախագահական ընտրություններին մասնակցելու որոշումը բնական եմ համարում, իրենք մշտապես էլ ակտիվ են եղել Արցախում եւ ներկայիս խորհրդարանում էլ ներկայացվածություն ունեն։ Տարօրինակ կլիներ, եթե որոշեին հեռանալ քաղաքական ասպարեզից։ Այս մասին «Հայկական ժամանակ»-ի հետ զրույցում ասաց ԱԺ «Իմ քայլը» խմբակցության պատգամավոր Տաթեւիկ Հայրապետյանը՝ խոսելով Դաշնակության՝ նախօրեին արված այն հայտարարության մասին, որ իրենք որոշել են մասնակցել Արցախի նախագահական եւ խորհրդարանական ընտրություններին․
«Հաշվի առնելով այստեղ նաեւ սփյուռքի գործոնը, սփյուռքի ներգրավվածությունը Արցախի հեռ առնչվող տարբեր հարցերում, նաեւ այն հանգամանքը, որ ՀՀ-ում իրենց քաղաքական ուժը չանցավ խորհրդարան, ապա կարծում եմ, որ կարեւոր կլինի առնվազն Արցախի խորհրդարանում ներկայացված լինել: Այնպես որ՝ բնական որոշում է»,- նկատեց պատգամավորը։
Ինչ վերաբերում է տարատեսակ քննարկումներին, որ հնարավոր է՝ ՀՅԴ-ն ու ՀՀԿ-ն միասնական թեկնածու առաջադրելու ցանկություն ունեն, եւ Դաշնակցության թեկնածուն, ըստ երեւույթին, հենց Հանրապետականների ցանկացած թեկնածուն կարող է լինել, Տաթեւիկ Հայրապետյանն արձագանքեց․
«ՀՀԿ-ն որեւէ ձեւով Արցախի խորհրդարանում ներկայացված չէ, եւ, կարծում եմ, ՀՅԴ-ի հետ կապված իրավիճակը բավականին տարբերվում է Հանրապետականի հետ առնչվող իրավիճակից։ Դաշնակցությունը շատ հին կուսակցություն է, ինքն իր ներգրավվածությունն ունեցել է տարբեր հարցերում՝ թե՛ Հայաստանին, թե՛ Արցախին առնչվող գործընթացներում, նաեւ նախորդ տարիներին՝ ոչ վաղ անցյալում Դաշնակցության ներգրավվածությունը Արցախի ներքաղաքական պրոցեսներում է մշտապես առկա եղել, ինչը չես կարող ասել ՀՀԿ-ի մասին։ Չգիտեմ՝ որքանով են իրենք ինչ-որ կուլիսային բանակցություններ վարում, բայց ըստ իս՝ հաշվի առնելով իրավիճակային տարբերությունը, եթե ՀՅԴ-ն իսկապես ցանկանում է հանդես գալ որպես քաղաքական ուժ, երեւի ճիշտ կանեին հանդես գալ որպես առանձին՝ հաշվի առնելով նաեւ Արցախում քաղաքական դաշտում ունեցած իր անցյալը, իսկ ՀՀԿ-ն նման անցյալ Արցախի քաղաքական դաշտում չունի»։
Մեր դիտարկմանը, որ ՀՅԴ-ն իր որոշման հայտարարության մեջ խոսում է նաեւ Հայաստան-Արցախ հարաբերությունների լարվածության մասին, պատգամավորը պատասխանեց, որ քաղաքական պայքարը, իհարկե, քաղաքական պայքար, բայց բոլոր քաղաքական ուժերը պետք է հասկանան, որ իրենց դիվիդենտները չպետք է շահեն Հայաստան-Արցախ՝ իրականում գոյություն չունեցող խնդիրներից․
«Անկախ նրանից՝ այդ քաղաքական ուժը ՀՅԴ-ն է, թե այլ մեկը, չպետք է Արցախ-Հայաստան ինչ-որ արհեստական խնդիրներ փորձել ներկայացնել, որոնք իսկապես գոյություն չունեն։ Այն, որ կարող են ինչ-որ հարցերում տարբեր մոտեցումներ լինել, դա կարող է լինել ամենուրեք, կարող է լինել հենց մեր կուսակցության ներսում, հենց մեր խմբակցության ներսում։ Այսինքն՝ այլակարծության մեջ կամ տարբեր հարցերում դիրքորոշումների բազմազանության մեջ պետք չէ ողբերգություն տեսնել կամ փորձել դա ներկայացնել ինչ-որ ընդգծված վառ գույներով ու երանգներով»,- ընդգծեց Հայրապետյանը։
Մեր հարցին՝ թեպետ դեռ հայտնի չէ ՀՅԴ-ի թեկնածուն, բայց ընտրություններում հնարավոր հաղթանակի դեպքում ինչպե՞ս են պատկերացնում հետագա աշխատանքը, «Իմ քայլ»-ի պատգամավորը պատասխանեց․
«Այն, որ Արցախ-Հայաստան կապը ոչ թե ղեկավարների կապի մասին է, այլ խոսքը մեր անվտանգության կամ փոխկապակցված համակարգի մասին է։ Դա հարցականի տակ չի կարող դրվել, եւ չեն կարող լինել իշխանություններ, որոնք ակնհայտորեն խնդիրներ են ստեղծում այդ տեսանկյունից։ Այդ ներդաշնակ, փոխադարձ աշխատանքային արդյունավետ մթնոլորտը բացառապես բխում է թե՛ Հայաստանի, թե՛ Արցախի մեր հայրենակիցների շահերից, եւ ես կարծում եմ՝ հենց արցախցիները իրենք, որքանով ճանաչում եմ, որքանով գիտեմ, բավականին լայնախոհ են եւ իրենց ընտրությունը միշտ կատարում են հօգուտ անվտանգության, հօգուտ բարօրության եւ առաջընթացի։ Մեր խնդիրը որպես օրենսդիրներ նաեւ Արցախի հետ կապող օղակ լինելն է, որպեսզի փորձենք ապահովել հնարավորինս շատ միջազգային դիտրոդական ներկայացվածություն։ Եւ, որքանով տեղյակ եմ, ԱԺ պետաիրավական հանձնաժողովը ակտիվորեն աշխատում է Արցախի Ազգային ժողովի նույն հանձնաժողովի հետ, օրենսդրական տարբեր հարցեր են քննարկում միասին, եւ այլն։ Մեր խնդիրն է, այսպես ասած, ասած երաշխավորել այնտեղ բաց, ազատ, թափանցիկ ընտրությունների անցկացումը, դե իսկ արդեն ընտրությունը կանեն մարդիկ, այնտեղի մեր հայրենակիցները»։
Տաթեւիկ Հայրապետյանը կարծում է, որ, որպես այդպիսին, Արցախի ու Հայաստանի միջեւ առանձնապես լարվածություն չի եղել այս ամիներին, որ հիմա էլ ասենք՝ կար, նվազել է․
«Ինչ-որ հարցերում, ասում եմ, եղել են տաբեր դիրքորոշումներ, որոնք պայմանավորված են տարբեր հանգամանքներով, բայց լարվածություն, իհարկե, չկա եւ առաջիկայում արդեն քննարկումներ տեղի են ունենալու, մենք ակտիվորեն շփվում ենք, աշխատում ենք իրար հետ, կրկին այցելելու ենք։ Այսինքն խնդիր, որ մատնացույց արվի եւ ասվի՝ ա՛յ այստեղ մենք լուրջ հարցեր ունենք, նման բան գոյություն չունի, եւ, ընդհանրապես այդ դիսկուրսն ինքնին արհեստական է ու քննություն չի բռնում»։
Իսկ թե ինչու են «Իմ քայլ»-ի ընդդիմախոսները, մասնավորապես՝ ՀՅԴ-ականներն ու ՀՀԿ-ականները պարբերաբար մեր երկու երկրների միջեւ լարվածության մասին այս դիսկուրսը առաջ քաշում, Տաթեւիկ Հայրապետյանը կարծում է, որ վերջիններս այնքան տարօրինակ հարցերում են փորձում ինչ-որ մեղադրանքներ գտնել, որտեղ ընդհանրապես փաստեր չկան․
«Ինքս գիտության մարդ եմ ու սիրում եմ փաստեր․ եթե այս կամ այն փաստը գոյություն ունի, գուցե ուսումնասիրենք, հասկանանք՝ կարող է լինի խնդիր, բայց մենք չենք նկատում։ Ոչ մեկն ամենագետ չէ այստեղ նստած, բայց երբ չկա որեւէ բան, որեւէ հիմք եւ օդում պտտվող ինչ-որ տեղեկատվություններ են միայն, արդեն անհեթեթ է դառնում այդ քննադատությունը։ Այսինքն՝ ժխտել մի բան, որն ի սկզբանե կեղծ էր, սխալ էր եւ գոյություն չունե՞ր, կամ ուզում են նշել, թե իրենք երբեւիցե որեւէ հարցում տարբեր կարծիքներ չե՞ն ունեցել, ուրեմն ընդհանարապես ժողովրդավարություն գոյություն չի ունեցել կամ դիսկուրսներ չեն եղել։ Ինչպես կարող են բոլորը շարունակ նույն հարցերի մասին ունենալ միեւնույն դիրքորոշումը, եթե այդ հարցերը կարեւոր՝ ասենք՝ պետական բնույթի չեն, անվտանգային բնույթի չեն»,- ասաց մեր զրուցակիցը՝ ընգծելով, որ պետական շահը վեր է ամեն ինչից, վեր է կուսակցական հարցերից, վեր է ներկուսակցական հարցերից եւ գերատեսչական հարցերից։
«Կան հարցեր, որոնք ամեն ինչից դուրս են, եւ Արցախի հետ փոխարաբերությունները նույն անվտանգության շրջանակներում եւ նաեւ արտաքին քաղաքական հարաբերություններում հանդես գալու օրակարգը դուրս են այդ բոլոր կուսակցական խնդիրներից։ Բայց եթե դա իրենք որոշում են շահարկել՝ իրենց իրավունքն է, ցավում եմ իրենց համար, որ այնքան չեն կարողանում գտնել քննադատության իրական դաշտ, որ շարունակ պտտվում են կեղծ մանիպուլատիվ դաշտում»,- եզրափակեց «Իմ քայլը» խմբակցության պատգամավոր Տաթեւիկ Հայրապետյանը։
Հիշեցնենք, որ ՀՅԴ-ն հայտարարել էր, որ որոշել է մասնակցել Արցախի՝ 2020 թվականին կայանալիք նախագահական եւ խորհրդարանական ընտրություններին: Աշնանը հրավիրելու են Արտակարգ ժողով՝ ՀՅ Դաշնակցության կողմից ԱՀ նախագահի թեկնածու առաջադրելու օրակարգով:
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ