Այն հակաֆուտբոլային ու անհասկացողների խումբը վերջապես դուրս է այդ ամենից. Պաչաջյան

Հայաստանի ֆուտբոլի ազգային հավաքականի նախկին կիսապաշտպան Լեւոն Պաչաջյանը պլանավորում է 3 տարի անց՝ այս ամառ, այցելել հայրենիք: Նրա թիմի՝ շվեդական «Լինշոպինգի» համար 1-ամսյա արձակուրդ է սկսվում, եւ 35-ամյա ֆուտբոլիստը որոշել է օգտվել առիթից, թեեւ դեռ կոնկրետ չգիտի՝ երբ է գալու ու որքան է մնալու: «Հայկական ժամանակ»-ի հետ զրույցում նա խոսեց պլանների մասին ընդգծելով, որ շատ ոգեւորված է:

«Ուղիղ 3 տարի է՝ չեմ եղել Հայաստանում, ու գալիս եմ հանգստի նպատակով, ցավոք, շատ կարճ, բայց ամեն դեպքում մեծ ոգեւորությամբ: Շատ բաներ կան, որոնք փոխվել են այս ընթացքում»,- ասաց նա:

Փոփոխություններ ասելով Պաչաջյանն առաջին հերթին նկատի ունի 2018 թ. Թավշյա հեղափոխությունը: Ֆուտբոլիստը մշտապես հետեւում է ոչ միայն հայկական ֆուտբոլին, այլեւ ընդհանրապես երկրի կյանքին: Նա դրական է գնահատում փոփոխություններն ու ընդգծում, որ դրանք ազդեցություն են ունեցել նաեւ ֆուտբոլի վրա:

«Անցած տարվա դրական փոփոխությունները ազդել են բոլորի վրա: Ու իհարկե ֆուտբոլը դրանից զերծ չի մնացել: Այս տարվա՝ մեկը մյուսի հետեւից բացվող նոր ակումբները, տրանսֆերային շուկայում հայկական ակումբների ակտիվությունը եւ ինչո՞ւ չէ նաեւ հավաքականի հաղթանակը ուղիղ կապ ունեն այդ փոփոխության հետ: Բոլորը ոգեւորված են, որ այն հակաֆուտբոլային ու անհասկացողների խումբը, որը հայկական ֆուտբոլը քարուքանդ էր անում տարիներ շարունակ, վերջապես դուրս է այդ ամենից, եւ մարդիկ վերջապես կարող են ազատ շունչ քաշել ու նորմալ պայմաներում աշխատել ու զարգանալ»,- ասաց նա՝ ավելացնելով, որ ֆուտբոլային ներկայիս ղեկավարները այլ արժեհամակարգի մարդիկ են, որոնք, բացի լավ մասնագետ լինելուց, շատ լավ ու դրական մարդիկ են, ինչը մեծ հիմք է բնագավառը զարգացնելու համար:

Ֆուտբոլիստը խոսեց նաեւ ՀՀ Բարձրագույն խմբի առաջնության ձեւաչափի փոփոխությունների ու Առաջին խմբում թիմերի քանակը 18-ի հասնելու մասին: 2019-20 մրցաշրջանում Բարձրագույն խմբի 10 թիմերը նախ խաղալու են 2 շրջան: Հետո եւս 2 շրջանով առաջին 6 թիմերը պայքարելու են մրցանակային տեղերի համար, իսկ մյուս 4-ը որոշելու են այն միակ անհաջողակին, որը հաջորդ մրցաշրջանում տեղափոխվելու է Առաջին խումբ:

«Դրանք, կարծում եմ, փորձեր են այս պահին առաջնության ընթացքը ինչ-որ կերպ օպտիմալացնելու համար: Համոզված եմ՝ ժամանակի ընթացքում էլի կլինեն նման փոփոխություններ, որովհետեւ, եթե այս զարգացման տեմպը պահպանվի, ապա շուտով կլինեն ավելի մեծաքական թիմեր, ու էլի անհրաժեշտ կլինի փոփոխություններ կատարել: Միայն անձամբ ես կուզեի, որ ՀՖՖ-ն, բացի այլ փոփոխություններից, նաեւ վերանայեր աշուն-գարունը ձեւաչափը՝ հետ բերելով գարուն-աշունը: Այն, կարծում եմ, ավելի օգտակար կլիներ թիմերի համար. մասնավորապես եվրագավաթներում խաղակցվածությունը ավելի բարձր կլիներ ու նաեւ կազդեր թիմերի ծախսերի վրա. պատրաստականության 2 ծրագրի փոխարեն կլիներ 1-ը:

ՀՖՖ որոշմամբ՝ սահմանափակում կա նաեւ լեգեոներիների քանակի վերաբերյալ: Յուրաքանչյուր թիմ պետք է պարտադիր 7 հայ ունենա իր կազմում: Պաչաջյանը կողմ է ավելի խիստ սահմանափակումների, սակայն կարծում է, որ պետք է հաշվի առնել նաեւ նորաստեղծ ակումբների շահերը:   

«Հայ ֆուտբոլիստների պահանջարկի աճով պայմանավորված ՀՖՖ-ն կարող է ժամանակի ընթացքում նորից այդ հարցին անրադառնալ: Եթե ինձ մնար, էլ ավելի խիստ սահմանափակում կնախնտրեի, բայց պետք է նաեւ հաշվի առնել նորաստեղծ ակումբների շահերը, որոնք չունեն սեփական կադրեր եւ պետք է գոնե սկզբնական շրջանում մեծաթիվ լեգոներներ հրավիրեն: Սա նույնպես ժամանակի ընթացքում կլուծվի, կարեւոր է միայն վերցրած թափը պահպանել ու զարգացնել»,- ասաց նա:

Ֆուտբոլիստը խոսեց նաեւ իր ապագա պլանների մասին: Թողնել մարզիկի կարիերան դեռ չի պատրաստվում: Նշում է, որ դա կախված է իր ֆիզիկական վիճակից, եթե կարողանա, անգամ մինչեւ 50 տարեկան կխաղա: Ամեն դեպքում ապագայում իրեն տեսնում է ֆուտբոլում: Պատրաստ է կատարել այս մարզաձեւեի հետ կապված ցանկացած աշխատանք՝ ֆուտբոլիստից մարզիչ, մարզչից մենեջմենթ: Նշում է, որ ֆուտբոլում դժվար թե լինի մի մասնագիտություն, որին կասեր ոչ: Չի բացառում, որ, եթե Հայաստանում լինելու ընթացքում լինեն առաջարկներ, կարող է եւ քննարկել:

«Գիտե՞ք՝ ֆուտբոլում ես ոչինչ չեմ բացառել ու բացառում: Եթե կլինեն հետաքրքիր ծրագրեր եւ աշխատանք, պատրաստ եմ քննարկել: Ամեն դեպքում ես բաց եմ առաջարկությունների համար»,- ասաց նա՝ ավելացնելով, որ ունի փորդ եւ դրանով կիսվելու մեծ ցանկություն:

Այս տարվա սկզբին իր թիմում աշխատել է 17-19 տարեկանների հետ: Արդյունքից գոհ է, սակայն ակումբի հետ պայմանավորվածություն է ունեցել, որ առաջնության մեկնարկից հետո կենտրոնանալու է ֆուտբոլիստի կարգավիճակի վրա, ու հիմա մարզչությամբ չի զբաղվում: Հետագայում պլանավորում է լրացնել մարզչական կրթությունն ու ավելացնել փորձը:

Տպել
1129 դիտում

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա

Կարծում եմ՝ ելքը պարզ է. Ռուստամ Բադասյանը՝ Նաիրի Հունանյանի դիմումի մասին

«Եվրատեսիլ»-ի կանոնները կարող են փոխվել. կքննարկվի՝ արդյոք ժյուրի պետք է, թե՝ ոչ

Հաշվի առնելով վիրահատության հանգամանքը, Արա Բաբլոյանը հարցաքննության է կանչվել իր նախընտրած ժամին

Մեր տնտեսությունը անկողնային հիվանդ չէ. Փաշինյանը՝ Արման Բաբաջանյանին

Նախագահ Արմեն Սարգսյանը ցավակցել է անվանի թավջութակահար, մանկավարժ Վահրամ Սարաջյանի ընտանիքին