Գյուլբուդաղյանցը պարզաբանել է՝ արդյոք 3 ֆուտբոլիստներն անհարգալից են եղել հավաքականի նկատմամբ, թե՝ ոչ

ՀՀ ֆուտբոլի ազգային հավաքականի գլխավոր մարզիչ Արմեն Գյուլբուդաղյանցը բացատրել է 3 ֆուտբոլիստների՝ Նորբերտո Բրիասկո Բալեկյանի, Կալիզիրի ու Աարգիս Ադամյանի բացակայությունը: Նրանք թիմի հետ չեն ու չեն մասնակցելու վաղը՝ հունիսի 8-ին, Երեւանում կայանալիք Լիխտենշտեյնի ու հունիսի 11-ին կայանալիք Հունաստանի դեմ խաղերին: Այսօր տեղի ունեցած նախախաղյա մամուլի ասուլիսի ընթացքում մարզչը խոսեց նրանց եւ այլ հարցերի շուրջ:

- Թե Բալեկյանի, եւ թե Ադամյանի պատճառաբանություններն արդյո՞ք լիովին ընդունելի են Ձեզ համար, եւ արդո՞ք դա վատ վերաբերմունք չէ հավաքականի նկատմամբ: Նաեւ Անդրե Չալըշրի (Կալիզիրին) քայլն արդյո՞ք չեք համարում անհարգալից վերաբերմունք հավաքականի նկատմամբ:

- Ադամյանի դեպքում չեմ կարծում, որ անհարգալից վերաբերմունք է ցույց տվել, որովհետեւ նա վնասվածք ունի, պետք է բուժել: Եթե հիմա ավելի վնաս տանք, գնա այնտեղ, չխաղա, դա ավելի մեծ վնաս կլինի ֆուտբոլիստի եւ մեր ազգային հավաքականի համար: Ինչ վերաբերում է Կալիզիրին ու Բալեկյանին, այո՛, համաձայն եմ Ձեզ հետ: Սա փորձ կլինի մնացածի համար: Կալիզիրը 1 տարի առաջ ծրագրել էր ամուսնությունը, չկարողացավ հետաձգել: Մնացածի համար մեծ փորձ կլինի, որ նման սխալներ նորից թույլ չտան: Եթե Հայաստանում ֆուտբոլիստների միջեւ մրցակցություն լինի, ազատ կլինենք մեր որոշումներում: Չնայած դա նշանակություն չունի, կարգապահությունը պետք է մնա կարգապահություն:

Պարո՛ն Գյուլբուդաղյանց, կա՞ն ֆուտբոլիստներ, որոնք վնասվածքներ ունեն: Եվ ի՞նչ կասեք Արմեն Համբարձումյանի մասին:

–Համբարձումյանը նախորդ հավաքի ժամանակ էլ կար ընդլայնված ցանկում: Հետեւել ենք նրան: Նա մեծ առաջընթաց է գրանցել: Տեխնիկապես լավ պատրաստված, խելացի ֆուտբոլիստ է, դրա համար էլ հրավիրել ենք: Վնասվածք ունեցող ֆուտբոլիստներն արդեն հավաքականում չեն: Մի քանիսի դեպքում փոքր խնդիրներ կան, նրանք մինչեւ հանդիպումը պատրաստ կլինեն:

Լիխտենշտեյնի դեմ բարդ հանդիպումներ ենք անցկացրել: Նրանցից ի՞նչ խաղ եք ակնկալում:

 – Գիտենք, որ նրանց մոտ մարզիչ է փոխվել, խաղաոճն ու մարտավարությունն է փոխվել: Նայել ենք Իտալիայի ու Հունաստանի դեմ նրանց խաղերը: Լավ կազմակերպված թիմի տպավորություն են թողել: Պայքարում են մինչեւ վերջ:

 – Միշտ սպասում ենք, որ երիտասարդներին հնարավորություն կտաք: Այս խաղի մեկնարկային կազմում կտեսնե՞նք երիտասարդ ֆուտբոլիստներին:

– Էլի կրկնեմ, որ այո՛, եթե նայեք իմ անցած ճանապարհին, ես երիտասարդներին մեծ տեղ եմ տալիս, բայց միշտ ասել եմ, որ դա չպետք է արհեստական լինի: Հասունացել են 2-3 ֆուտբոլիստներ, որոնք արդեն կարող են ընդգրկվել հավաքականում: Կազմի հարցում կկողմնորոշվենք վաղը:

- Չե՞ք կարծում, որ հավաքականն այլեւս սխալվելու հնարավորություն չունի:

- Նախ պետք է չվախենալ: Եթե նման մտածելակերպով մտնես խաղադաշտ, որ սխալվելու իրավունք չունեմ, դու արդեն սխալվել ես: Ճիշտ է՝ ազատության հետ մեկտեղ պետք է լինի նաեւ պատասխանատվության զգացում, բայց պետք է ազատ լինես որոշումներիդ մեջ, որ կարողանաս հասնես դրական արդյունքի:

-  Ի՞նչ մարզավիճակում Արազ Օզբիլիսը. նա առանց ակումբի էր մնացել: Պատրա՞ստ է հավաքականի խաղին:

- Երբ նա մնաց առանց թիմի, այդ օրվանից անհատական ծրագրով մարզվում է եւ մեծ ցանկությամբ ու նվիրվածությամբ ուզում է օգնել ազգային հավաքականին: Մեր ֆիզպատրաստականության մարզիչը նույնիսկ մի քանի ավելի ծրագիր էր տվել նրան, որպեսզի լավ մարզավիճակում լինի, եւ հուսով եմ՝ նա օգտակար կլինի հավաքականին: Նշեմ, որ Օզբիլիսն այնխաղացողնեից է, որի կողքին պետք է մեր երիտասարդ ֆուտբոլիստները մարզվեն, որպեսզի նրանից շատ բան սովորեն:

- Առանց ակումբի են նաեւ Գեւորգ Ղազարյանը եւ Յուրա Մովսիսյանը, որն այս օրերին հավաքականի հետ չէ: Ի՞նչ տեղեկություններ ունեք, նորություններ կա՞ն նոր ակումբների մասին:

- Մովսիսյանը բուժվում էր Լեհաստանում: Նա հրավերներ ունի 2 տեղից: Ղազարյանը նույնպես մի քանի հրավերներ ունի, բայց ավելի շատ ուզում է խաղալ Պորտուգալիայում: Պետք է քննարկի:

- Մարկոս Պիզելին այս օրերին հավաքականի հետ է: Ե՞րբ նա պատրաստ կլինի:

- Նա Հայաստանում է իր ֆիզիոթերապեւտի հետ եւ օրը 2 մարզում է անցկացնում՝ վերականգնողական մարզումներ: Մեծ նվիրվածությամբ քրտնաջան աշխատանք է կատարում, որպեսզի շուտ բուժվի: Մոտավորապես հասկացանք, որ օգոստոս-սեպտեմբերի ամիսներին կվերադառնա ընդհանուր խումբ:

- Ինչո՞ւ են բացակայում Նորբերտո Բրիասկո Բալեկյանը եւ Սարգիս Ադամյանը:

-  Նորբերտոյի մասին անցյալ անգալ էլ ասացի, որ խնդիրներ ենք ունենում լատինաամերիկյան երկրների ֆուտբոլիստների հետ: Մայիսի 15-ին նա վերջին խաղը խաղաց: Մենք ամսի 24-ին հրավեր ուղարկեցինք ու կապ հաստատեցինք, ասացինք, որ այն ֆուտբոլիստները, որոնց առաջնությունները շուտ են վերջացնում, խնդրում ենք ավելի շուտ գալ Հայաստան: Հրավեր ուղարկեցինք, որ ամսի 25-ին այստեղ լինի, 27-ից մարզումներ սկսենք: Պատասխանեց, որ հունիսի 4-ից շուտ գալու հնարավորություն չունի: Առաջարկեցինք, որ մեր ֆիզպատրաստականության մարզիչը ծրագիրն ուղարկի, դրանով մարզվի գոնե մինչեւ ամսի 4-ը, նոր գա: Ասաց, որ հիմա այնպիսի տեղում եմ, որ հնարավորություն չունեմ մարզվելու: Հասկացանք, ինքն էլ ասաց, որ լավ մարզավիճակում չի լինի, եթե գա:  Հասկացանք, որ այս փուլում ավելի լավ է՝ չհրավիրենք:

Ինչ վերաբերում է Սարգիս Ադամյանին, շնորհավորում եմ բարձր նվաճման համար: Հույս ունեմ, որ այդտեղից (խմբ. «Հոֆենհայմից») ավելի բարձր ակումբ է գնալու: Գիտեք, որ վերջին խաղերը վնասվածքներով էր խաղում , եւ հիմա խնդրեցին, որ ավելի լավ է, որ ապաքինվի, որ նոր թիմում կարողանա ամբողջ ուժով մարզվել:

- Ուկրաինայում հանդես է գալիս ԱՐթուր Ավագիմյանը: Արդյո՞ք նա կա Ձեր տեսադաշտում:

-  Այո՛, կա հետեւում ենք, նայում ենք: Կարծեմ, 9 խաղոմ 2 գոլ է խփել: Ոչ միայն նրան, Բելառուսում հանդես եկող Աղեկյանին էլ ենք հետեւում: Մեզ հարձակվողներ, գոլահար հարձակվողներ շատ են պետք, մանավանդ երիտասրդներ:

- Քանի որ հարձակվողներից խոսք գնաց, ի՞նչն է խանգարում Գեղամ Հարությունյանին հավաքականից հրավերի արժանանալու:

-Նա նույնպես մեր ընդլայնված ցանկում կար: Վերձին խաղում էլ 4 գոլ խփեց, բայց այս անգամ որոշեցինք հրավիրել Միրանյան Արթուրին, որ, իմ կարծիքով, ավելի ստաբիլ է խաղում:

- Մի շարք ֆուտբոլիստներ կան, որ վերջին շրջանում հավաքական չեն հրավիրվում, բայց մինչեւ այդ հավաքականի ֆուտբոլիստներ էին համարվում:, օրինակ, Արթուր Սարկիսովը, Դավիթ Մանոյանը, Գեղամ Ղադիմյանը: Նրանց կարգավիճակի մասին ի՞նչ կասեք: Ալեւս չե՞ն հրավիրվելու:

- Բոլորին էլ մեր տեսադաշտում են, ուղղակի համարում ենք, որ այս ժամանակահատվածում այս ֆուտբոլիստներին պետք է հրավիրենք: Սարկիսովը վնասվածք է ստացել: Հրավեր ուղարկել էինք, ինչ-որ խնդիրներ կային, չեկավ:

- Էդգար Մանուչարյանը նույնպես վաղուց չի հրավիրվել: Այլեւս չի՞ հրավիրվի: Եթե ո՛չ, հնարավոր՞ր է՝ հրաժեշտի ծաղ կազմակերպվի:

- Այդպիսի ֆուտբոլիստ չկա, որ վերջ այլեւս չենք հրավիրելու: Ով կլինի լավ մարզավիճակում, կգտնենք կարող է մեծ օգուտ տալ հավաքականին, հրավիրվելու, նաեւ նույն Մանուչարյանը:

- Գիտեք, որ Լիխտենշտեյնի հավաքականի գլխավոր մարզիչը փոխվել է, եւ դա նոր շարժառիթ կլինի: Տեղյա՞կ եք ինչ փոփոխություններ կան թմում:

- Եթե նայենք մեր, Իտալիայի ու Հունաստանի դեմ հանդիպումները, հիմնական կազմից մոտավորապես 8 ֆուտբոլիստ չեն փոխվել: Ընդգծված առաջատարները խաղում են: Լավ ուսումնասիրել ենք: Նրանք ավելի շատ հակագրողներով են խաղում, կփորձենք թույլ չտալ վտանգավոր հակագրոհները:

Հ.գ. Ադամյանին վերաբերող հարցի պատասխանը լրացրեց ՀՖՖ մամուլի քարտուղարը. «Հրավերն Ադամյանին ուղարկվել էր, երբ նա դեռ հանդես էր գալիս «Յան Ռեգենսբուրգում», և հենց այդ ակումբից նամակ էր եկել ՀՖՖ, որտեղ մանրասմասն գրված էր, որ վնասվածք ունի և ինչ կուրսեր պետք է անցնի»,- ասաց նա:

Տպել
1653 դիտում

ԱՄՆ պետքարտուղարության պաշտոնյան մեկնել է Իսրայել, շարունակվող հրթիռակոծությանը զուգահեռ, սահմանին բողոքի ցույցեր էին

ՄԻՊ-ն առաջարկում է առաջ տանել Սյունիքի և Գեղարքունիքի շուրջ անվտանգության գոտի ստեղծելու հայեցակարգը

Ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել. Նիկոլ Փաշինյան

ԱՄՆ պետդեպարտամենտը սադրանք է համարում Հայաստանի սահմանին Ադրբեջանի գործողությունները

Պիկասոյի «Պատուհանի մոտ նստած կինը» կտավը վաճառվել է 103 մլն դոլարով (լուսանկար)

ԱՍՀ նախարարությունում կայացել է միջգերատեսչական հանձնաժողովի նիստ

Արտաքին ագրեսիվ գործողության դեպքում ներքին քաղաքականությունը պետք է մեռնի, առաջարկում եմ ձևավորել կոնսենսուս. Ռուբինյան

Հայ-ադրբեջանական սահմանի իրավիճակի հարցով ՀԱՊԿ-ում առաջիկա օրերին քննարկումներ կլինեն

Ազգային ժողովն Ադրբեջանի գործողությունները դատապարտող հայտարարություն ընդունեց

ԱԻՆ փրկարարները ձեռք են բերել զինվորական հմտություններ. ռազմական համալսարանում նրանց հավաստագրեր են հանձնվել

Քաղաքացիական հասարակության կազմակերպությունների հայտարարությունը Հայաստանի տարածքային ամբողջականության խախտման մասին

Զինծառայողը երեկ ինքնակամ թողել էր զորամասի տարածքը և վերադարձել տուն, հաջորդ օրը ավտոտնակում հայտնաբերել են նրա դին. ՔԿ

Կարեն Գիլոյանը Լոռու մարզպետի ուղեկցությամբ ծանոթանում է մարզական ոլորտի խնդիրներին և զարգացման հնարավորություններին

Փոխանակ թշնամու ուղղությամբ լինեն ձեր կրակոցները,իշխանության ուղղությամբ են կրակոցները լինում. Սիմոնյանը՝ ընդդիմությանը

Ավելի քան վստահ եմ, որ Ամերիաբանկի առաջնային հրապարակային տեղաբաշխումը մեծ հաջողություն կունենա. Սաբինե Գաբեր

Այսօր թուրքը եկել, հասել է Սյունիք, հելել իրար ենք քննադատում. Սասուն Միքայելյան

Մհեր Գրիգորյանը և Քուբադ Թալաբանին քննարկել են տարբեր ոլորտներում փոխգործակցության զարգացման հնարավորությունները

Կախված իրավիճակից հնարավոր է ՀԱՊԿ խորհրդի նիստ կայանա. Արմեն Գրիգորյան

Կան տեղեր, որտեղ ադրբեջանական ԶՈՒ-ն լքել է հայկական տարածքները. Փաշինյանը բացատրեց՝ ինչու երեկ չի դիմել Պուտինին

Բունդեսթագի «Դաշինք 90/Կանաչներ» խմբակցությունը դատապարտել է Հայաստանի սահմանին Ադրբեջանի ապօրինի գործողությունները

Տիկին Զոհրաբյան, Զանգեզուրը իշխանությունները չեն հանձնել, չեն էլ հանձնելու. Անդրանիկ Քոչարյանը՝ Նաիրա Զոհրաբյանին

Նախընտրական քարոզչության հետ ասոցացվող ճանաչված պաստառները ենթակա են վերացման․ ԿԸՀ

Այսօր բանակցություններին միացել է Ռուսաստանի 102-րդ ռազմաբազայի ներկայացուցիչը իրենց աշխատանքային քարտեզներով. Փաշինյան

ՀԱՊԿ խորհրդի գործող նախագահ Էմոմալի Ռահմոնի կողմից արդեն իսկ տրվել են համապատասխան կարգադրություններ

Բուհերի վերաբերյալ Կառավարության նոր որոշումը Մանկավարժական համալսարանի ռեկտորը փիլիսոփայական է համարում

Հայկ Չոբանյանը ընդունել է Իրաքյան Քուրդիստանի փոխվարչապետին

Եթե ռուսները կանգնած չլինեին սահմանին, ինչքա՞ն ադրբեջանցիները կգային առաջ. Արման Աբովյան

Նիկոլ Փաշինյանն Ազգային ժողովում Սյունիքի հարցով արտահերթ ելույթ է ունենում

ՀՀ ոստիկանության պետն ընդունել է Հայաստանում Ճապոնիայի արտակարգ և լիազոր դեսպանին (տեսանյութ)

Զինված ուժերի մի շարք զորամասերում իրականացվել է մարտական հերթապահության հերթափոխ

Ինչո՞ւ կարևոր գերատեսչությունները, որոնց հարցեր ունենք, չեն մասնակցում նիստին. Թագուհի Թովմասյան

Հայտնաբերվել է ժամկետային զինծառայողի դի՝ կախված վիճակում

Ֆիլիպ Ռիքերն ու Ջեյհուն Բայրամովն անդրադարձել են հայ-ադրբեջանական սահմանին առկա իրավիճակին. «Արմենպրես»

Սիսիանում հայտնաբերվել է աղիքային վարակի ախտանշաններով ևս 32 բնակիչ․ ընդհանուր 402 դեպքից 373-ը մինչև 18 տարեկան են

ԱԺ արտահերթ նիստը մեկնարկեց. Արման Աբովյանը ներկայացրեց ԱԺ հայտարարության նախագիծը

Շիրակը մեծ ներուժ ունի, այն բացահայտել և օգտագործել է պետք. Շիրակի մարզպետն ընդունել է Ջոն Պատրիկ Գալագերին

Հաղթելու շանսերը հավասար են․ հետաքրքիր փաստեր՝ Հայաստանի գավաթի եզրափակչին ընդառաջ

Արտահերթ ընտրությունների չեղարկման հարցը դեռեւս չի քննարկվում. Ալեն Սիմոնյան

Հետաքրքրություն ներկայացնող համարանիշերը գրեթե սպառվել են. առաջարկվում է թույլատրել բոլոր տառերի օգտագործումը

ՊՆ նախարարը Ստանիսլավ Զասին ներկայացրել է Սյունիքում ստեղծված իրադրությունը և հայկական կողմի ձեռնարկած գործողությունները