9-րդցիները հայոց լեզվի քննությունը կարող են վերահանձնել հուլիսի 2-8-ը եւ օգոստոսի 20-30-ը

Գնահատման եւ թեստավորման կենտրոնը (ԳԹԿ) մայիսի 26-ին անցկացրեց իր պատմության մեջ ամենամեծամասշտաբ քննությունը: Խոսքը վերաբերում է 9-րդ դասարանի «հայոց լեզու» առարկայի ավարտական կենտրոնացված քննությանը:  

Եվ եթե ավանդաբար միասնական քննություններին մասնակցում է ընդհանուր առմամբ տասնյակ հազարի չափ դիմորդ, ընդ որում՝ տարբեր առարկաներից ու տարբեր օրերի, ապա այս դեպքում հիմնական դպրոցն ավարտողների քանակը շուրջ 32 հազար է, որոնց գիտելիքները ստուգվել են մեկ օրում:

«Քննությունը տեղի է ունեցել 251 քննական կենտրոնում, որից 174-ը մարզերում եւ 77-ը՝ Երեւանում: Ամեն ինչ կարծես հարթ ընթացավ: Երեխաները քննական կենտրոն, այնուհետեւ հետ են տեղափոխվել անխոչընդոտ: Նաեւ քննության գործընթացում ներգրավված բոլոր մեծահասակների՝ քննության կազմակերպիչների, ստուգողների, ԳԹԿ ներկայացուցիչների տեղաշարժի հետ կապված խնդիրներ չեն առաջացել: Քննական կենտրոնների ղեկավարները քննական նյութերն առավոտյան ստացել են գնահատման եւ թեստավորման կենտրոնից, տարել են քննական կենտրոններ եւ քննության ավարտից ու թեստի համապատասխան հատվածը ստուգվելուց հետո, նորից բերել, հասցրել են ԳԹԿ: Մարզերում քննական նյութերը նախօրեին տարված են եղել բանկերի բունկերներ եւ այնտեղ են պահվել: Մայիսի 26-ի առավոտյան մարզային քննական կենտրոնների ղեկավարները դրանք ստացել են, եւ տարել են քննական կենտրոններ, այնուհետեւ ուշ երեկոյան բերել գնահատման եւ թեստավորման կենտրոն: Հիմա այս պահին մուտք են արվում քննական նյութերը, պատասխանի ձեւաթղթերը»,- «Հայկական ժամանակի» հետ զրույցում ասաց ԳԹԿ մամուլի պատասխանատու Խաչանուշ Գրիգորյանը:

Նրա խոսքով, եղել են միայն մանր-մունր թերություններ՝ պայմանավորված քննության գործընթացում ընդգրկված ուսուցիչների փորձի պակասով. «Միտումնավոր ինչ-որ բաներ չկան, պարզապես ասենք թեստերն ու պատասխանները միասին չեն հավաքել եւ հիմա դրանք տեսակավորելու կարիք կա, իրենք որ բերում են հանձնելու, դրանք բացում են, դնում են իրար հետ»:

Նախապես հայտարարվել էր, որ հայոց լեզվի կենտրոնացված այս քննության ավարտից հետո մինչեւ ժամը 14-ը քննական թեստերն ու պատասխանները տեղադրվելու են ԳԹԿ պաշտոնական կայքում: Դրանք, սակայն, տեւական ժամանակ հասանելի չեն դարձել, ինչը ծնողների շրջանում բողոքի ալիք էր բարձրացրել: ԳԹԿ-ից դա պայմանավորեցին կայքի մեծաթիվ այցելություններով ու ծանրաբեռնվածությամբ: Ի դեպ, մինչեւ այսօր էլ այն աշխատում է խափանումներով:

Ինչ վերաբերում է ստուգողների շրջանակից դուրս եկած այն կարծիքին, թե հայոց լեզվի կենտրոնացված ավարտական քննությունից առավելագույն միավոր ոչ ոք չի ստանալու, Խաչանուշ Գրիգորյանը հակադարձեց, որ դեռեւս թեկուզ նախնական պատկեր չկա. «Քննություն հանձնողների մակարդակի վերաբերյալ որեւէ մեկը հիմա որեւէ բան ասել օբյեկտիվորեն չի կարող: Իսկ եթե ասում է, ուրեմն ինքը ճիշտ տեղում չի հայտնվել ու դրանով գուցեեւ ԳԹԿ-ն զբաղվի, որովհետեւ նման բան պարզապես լինել չի կարող»: Հիշեցնենք, որ այս քննության արդյունքները հրապարկվելու են յոթերորդ օրը՝ հունիսի 2-ին, իսկ բողոքարկել հնարավոր կլինի հունիսի 3-ին: Վերջնական արդյունքները հայտնի են դառնալու հունիսի 10-ին:

Իսկ թե քանի սովորող չի ներկայացել հայոց լեզվի քննությանը, առայժմ հայտնի չէ: Տվյալները դեռ ամփոփված չեն: Բացակայած աշակերտները քննությունը վերահանձնելու երկու հնարավորություն կունենան: Դրանք, սակայն, ի տարբերություն հիմնական փուլի, չեն կազմակերպվի կենտրոնացված կարգով, այլ յուրաքանչյուր աշակերտ վերաքննություն կհանձնի իր դպրոցում:  

«Բացակայությունը հարգելի համարվելու, վերաքննություն հանձնելու համար որեւէ փաստաթուղթ, բժշկի որեւէ տեղեկանք իրենց պետք չէ: Պարզապես մարդը չի եկել, հնարավորություն ունի քննությունը վերահանձնելու հուլիսի 2-8-ը: Անհրաժեշտության դեպքում երկրորդ անգամ կարող է վերահանձնել օգոստոսի 20-30-ը»,- տեղեկացրեց ԳԹԿ մամուլի պատասխանատուն: Ի դեպ, քննության հիմնական փուլում Արմավիրի եւ Գեղարքունիքի մարզերում 9-րդ դասարանն ավարտող երկու աշակերտներ դուրս են հրավիրվել քննական սենյակից՝ հեռախոսի օգնությանը դիմելու պատճառով: Նրանք նույնպես կմասնակցեն վերաքննությանը:

Հիշեցնենք, որ 9-րդ դասարանի հայոց լեզվի քննությունը կենտրոնացված կարգով անցկացվող միակ քննությունն է: Ի սկզբանե նախատեսվում էր, որ սովորողների գիտելիքներն այս սկզբունքով կստուգվեն բոլոր առարկաների պարագայում: Բայց դա խուճապային տրամադրություններ առաջացրեց թե նրանց, թե ծնողների եւ թե ուսուցիչների շրջանում: Գնահատման եւ թեստավորման կենտրոնը եւս պատրաստ չէր միանգամից նման բեռի տակ մտնել: Ի վերջո որոշվեց առայժմ կենտրոնացված կարգով անցկացնել միայն 9-րդ դասարանի հայոց լեզվի քննությունը: Կրթության ոլորտի պատասխանատուներն ակնկալում են, որ սա ցույց է տալու աշակերտների գիտելիքների իրական մակարդակը:

Տպել
14534 դիտում

Տոկիո-2020. Ըմբիշ Արսեն Հարությունյանը պարտվեց առաջին գոտեմարտում (տեսանյութ)

Տոկիո-2020. Արթուր Ալեքսանյանի և Սիմոն Մարտիրոսյանի պարգևատրման արարողությունը (տեսանյութ)

Տոկիո-2020. Սիմոն Մարտիրոսյան. Հավանաբար էլ չի ստացվում քաշ գցել

Տոկիո-2020. Սիմոն Մարտիրոսյանը՝ օլիմպիական խաղերի փոխչեմպիոն (տեսանյութ)

Տոկիո-2020. Ծափահարություններ մրցավարներին. Արթուր Ալեքսանյանը՝ օլիմպիական խաղերի փոխչեմպիոն (տեսանյութ)

Տոկիո-2020. Հեռացատկորդ Լևոն Աղասյանն ավարտեց պայքարը (տեսանյութ)

Ճապոնական կարգապահությունն ու Օլիմպիական խաղերը. հայացք Տոկիոյից

Տոկիո-2020. Մրցավարներն ըմբիշ Կարեն Ասլանյանից խայտառակ կերպով խլեցին կիսաեզրափակչի ուղեգիրը (տեսանյութ)

Տոկիո-2020. Հովհաննես Բաչկովը վստահ հաղթանակ տարավ ու դուրս եկավ կիսաեզրափակիչ (տեսանյութ)

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում