Դատ՝ առանց բողոքողների իմացության. արոտավայրերը վաճառած Չիվայի նախկին գյուղապետը 3 միլիոն տուգանք վճարելով՝ ազատվել է

Վայոց ձորի Չիվա համայնքի բնակիչների խնդիրը շարունակվում է մնալ չլուծված: Մոտ 90 հա հողատարածքը, որը նախկին գյուղապետ Նաիրի Սարգսյանը վաճառել է ՀՀ նախկին վարչապետ Կարեն Կարապետյանի խորհրդական Մհեր Տերտերյանին, այլեւս հնարավոր չէ հետ բերել: Չիվայի բնակիչները բազմիցս բողոքել են, եւ ամեն անգամ նրանց հանգստացրել են, որ գործ է հարուցվել, քննություն է ընթանում, կպարզվի, մեղավորները կպատժվեն:

Մի քանի օր առաջ գյուղացիներին Վայոց Ձորի քննչականից հայտնել են, որ քննությունը վաղուց ավարտվել է եւ հարցը փակված է: Պարզվում է՝ դատ է եղել առանց բողոքող 85 մարդու իմացության, նախկին գյուղապետ Նաիրի Սարգսյանը 3 միլիոն դրամ տուգանվել է եւ տույժը վճարելով՝ բոլոր հարցերը կարգավորել: Չիվայի բնակիչ Մամիկոն Պետրոսյանը «Հայկական ժամանակ»-ի հետ զրույցում հայտնեց, որ իրեն եւ եւս մի քանի անձանց մի քանի օր կանչել են Վայոց Ձորի հատուկ քննչականից, քննիչ Արմինե Գեւորգյանը հայտնել է, որ այլեւս ոչինչ անել հնարավոր չէ՝ արոտավայրերը սեփականատեր ունեն:

Չիվայի բնակիչները մեկ տարուց ավելի է՝ պայքարում են սեփական գյուղում անասունների արոտավայրի համար: «Մեզ ասեցին, որ միայն մի բան է մնում անել, որ նոր բողոք ներկայացնենք: Չեմ կարծում, որ գյուղատնտեսական այս բուռն աշխատանքները թողած՝ գյուղացիներից մեկը կկարողանա իր մեջ ուժ գտնել ու նորից հերթական անօգուտ քաշքշուկների մեջ ընկնել»,-մեր զրույցում ասաց Չիվայի բնակիչ Ժիրայր Գրիգորյանը:

Չիվայի նախկին գյուղապետ Նաիրի Սարգսյանը, որը 14 տարի զբաղեցրել է գյուղապետի պաշտոնը, հեռանալուց առաջ հասցրել է իր «նվերը» մատուցել գյուղացիներին: Չիվայի բնակիչները հուսահատված են: Ի դեպ, Չիվան Հայաստանի այն գյուղերից է, որտեղ մարդկանց ապրուստի միակ միջոցը անասնապահությունն է: Այժմ զրկվելով արոտավայերերից՝ նրանք զրկվում են իրենց հացից: Գյուղացիները հայտնում են, որ իրենց բոլորովին չի հետաքրքրում, թե ով ինչքան տուգանք կվճարի, իրենց խնդիրը անասունների արոտավայրերը վերադարձնելն է:

«Մեր գյուղն անասնապահական է, այգեգործությամբ շատ քիչ ենք զբաղվում, որովհետեւ այստեղ ոչ մի պտուղ չի աճում, բոլորը ցրտահարված են: Հիմա, եթե անասունները նստատեղ ու նորմալ ջուր խմելու տեղ չունենան, շոգից հազար ու մի հիվանդություն ձեռք կբերեն եւ հերթով կսատկեն»,-վրդովված հայտնեցին նրանք:

Տպել
2160 դիտում

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)