Այն մեղադրանքը, որն առաջադրվել է Դավիթ Սանասարյանին, այս պահին ամբողջությամբ հիմնավորված է. Վանեցյան

Այն մեղադրանքը, որն առաջադրվել է Դավիթ Սանասարյանին, այս պահին ամբողջությամբ հիմնավորված է: Այս մասին այսօր լրագրողների հետ զրույցում ասաց ԱԱԾ տնօրեն Արթուր Վանեցյանը:

ՀԺ-ի հարցին, թե Դավիթ Սանասարյանի պաշտպանները նշում են, որ ԱԱԾ-ն ուղղորդված եւ կանխակալ քննություն է իրականացնում, ի՞նչ խնդիրներ կան, ինչպե՞ս սա կգնահատի, Վանեցյանը պատասխանեց. «Ես չեմ ուզում նման հայտարարություններ առհասարակ մեկնաբանել»:

ՀԺ-ի դիտարկմանը, թե ԱԱԾ-ին մեղադրում են գործը կարելու մեջ, Վանեցյանն արձագանքեց. «Հայաստանի Հանրապետությունում 2018 թվականի ապրիլ ամսին տեղի ունեցած հայտնի իրադարձություններից հետո որեւէ գործ կարելու, գործ սարքելու եւ այլն՝ նման դեպքեր չեն եղել: Մենք բոլորս կառուցում ենք իրավական պետություն եւ ԱԱԾ-ն այդ գործում ունի իր առանցքային դերակատարությունը: Այն մեղադրանքը, որն առաջադրվել է Դավիթ Սանասարյանին, այս պահին ամբողջությամբ հիմնավորված է տարբեր մարդկանց ցուցմունքներով, կատարված առերեսումներով: Բայց չխախտելով պարոն Սանասարյանի անմեղության կանխավարկածը, հորդորում եմ բոլորին՝ մի քիչ համբերել, երբ գործը կուղարկվի դատարան: Դատարանում դուք բոլորդ եւ առհասարակ հանրությունը հնարավորություն կունենա ծանոթանալու այն ապացույցների հետ, որոնք ձեռք են բերվել քրեական գործերի նախաքննության ընթացքում: Լրագրողական հանրությունը եւ մնացած բոլորը կգնահատեն այդ ապացույցների իսկությունը»:

Հարցին, թե ինչպե՞ս ստացվեց, որ այդ գործով բոլոր կալանավորվածները ազատ արձակվեցին, ԱԱԾ տնօրենը պատասխանեց. «Ես գիտեի, որ նման շահարկումներ լինելու են: ԱԱԾ քննչական դեպարտամենտի քննիչը, ինչպես նաեւ գործը հսկող դատախազը բողոքարկել են որոշումը՝ Սամվել Ադյանին ազատ արձակելու մասով եւ դատարանը նպատակահարմար է գտել ազատ արձակել պարոն Ադյանին: Մենք ներկայումս բողոքարկել ենք Վերաքննիչ դատարան եւ կսպասենք որոշմանը»:

«Զորաշեն» ՍՊԸ-ի հաշվապահ Տարոն Ավետիսյանի ազատ արձակման հարցի հետ կապված ԱԱԾ տնօրենն ասաց. «Տարոն Ավետիսյանի հետ կապված գնահատվել են նախաքննության ընթացքում կատարված աշխատանքները, ստացված տվյալները: Անկեղծ եթե ասեմ, շատ մանրամասն չեմ տիրապետում քննչական ապարատի կողմից կատարված քննչական գործողություններին: Եթե նպատակահարմար են գտել ազատ արձակելու, ուրեմն, արել են: Կա դատախազությունը, որը վերահսկում է նախաքննության ընթացքը եւ եթե մենք թույլ տանք որեւէ խախտում, հավատացած եղեք՝ դատախազությունը կարձագանքի համապատասխան կերպով:

Ես մի բան եմ ուզում բոլորին ասել. ես խնդրում եմ չշահարկել առհասարակ այս գործը: Մեծ աղմուկ է ստացել պարոն Սանասարյանի նկատմամբ հարուցված քրեական գործը եւ իրեն մեղադրանք առաջադրելը: Ես ուզում եմ ասել մեկ բան, ես, որպես ԱԱԾ տնօրեն, պարտավոր եմ իրականացնել օրենքով վերապահված իմ բոլոր լիազորությունները՝ անկախ նրանից մեղադրվող անձը կլինի իմ ազգականը, ընկերը, բարեկամը, զինակիցը, ուրեմն, եթե խախտել է օրենքը, պիտի կանգնի օրենքի առջեւ եւ պատասխան տա: Եթե նախաքննության ընթացքում առհասարակ ԱԱԾ աշխատակիցները թույլ տան անօրինականություններ, նրանք եւս պետք է պատժվեն եւ նրանց պատիժը պետք է լինի առավել քան խիստ: Այսքանն եմ ուզում ասել»:

Տպել
5140 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան