«Իմ քայլ»-ի պատգամավորն առաջարկում է ՀՀ տարածքում տոհմային խոշոր եղջերավոր կենդանիներ վաճառողներին ազատել ԱԱՀ-ից

ՀՀ ԱԺ «Իմ քայլը» խմբակցության պատգամավոր Վարազդատ Կարապետյանը օրենսդրական նախաձեռնության կարգով «ՀՀ հարկային օրենսգրքում լրացում կատարելու մասին» ՀՀ օրենքի նախագիծ է ներկայացրել, որով առաջարկում է տոհմային խոշոր եղջերավոր կենդանիների օտարումը Հայաստանի Հանրապետության տարածքում ավելացված արժեքի հարկից ազատելու մասին դրույթ սահմանել, այսինքն՝ ավելացված արժեքի հարկից (ԱՀՀ) ազատել հանրապետության տարածքում տոհմային խոշոր եղջերավոր կենդանիներ վաճառող քաղաքացիներին։

Ըստ նախագծի հիմնավորման՝ ՀՀ գյուղատնտեսության նախարարությունը ծրագրեր է նախապատրաստել տոհմային անասնապահությունը զարգացնելու եւ տոհմային երինջների ներկրումը Հայաստանի Հանրապետություն շարունակելու ուղղությամբ, եւ ներկրված տոհմային երինջների սերունդներն ունեն մեծ պահանջարկ թե՛ Հայաստանում, թե՛ երկրի սահմաններից դուրս, հետեւաբար՝ պահանջարկի հիմնական պատճառը ոչ միայն նրանց բարձր մթերատվությունն է, այլ նաեւ այն, որ ներկրվող երինջները խիստ զգայուն են բնակլիմայական փոփոխությունների նկատմամբ, ինչն էլ հանգեցնում է սկզբնական շրջանում երինջների գլխաքանակի անկման, իսկ տեղում ստացված սերունդը արդեն հարմարվել է Հայաստանի բնակլիմայական պայմաններին։

Բացի այս՝ երկրորդ կարեւոր հանգամանքն այն է, որ անասնատերերին ձեռնտու է կենդանիները վաճառել Հայաստանի սահմաններից դուրս, քանի որ այդ դեպքում իրացումն ազատված է ԱԱՀ-ից․

«Այս դեպքում առաջանում են տոհմային խոշոր եղջերավոր կենդանիները հարեւան երկիր արտահանելու երկկողմ շահեր, ինչն էլ մեծ վնաս է հասցնում ՀՀ-ին` տոհմային անասնապահությունը զարգացնելու ծրագրի իրագործման բնականոն ընթացքն ապահովելու տեսանկյունից»,- ասված է նախագծում:

Ըստ ՀՀ գյուղատնտեսության նախարարության տվյալների՝ 2018 թվականին հանրապետություն ներկրվել է 853 գլուխ խոշոր եղջերավոր կենդանի, որից 214 գլուխն օգտագործվել է հետագա բուծման նպատակով, իսկ մնացածը իրացվել է մսի: Ըստ Հայաստանի Հանրապետության սննդամթերքի անվտանգության պետական մարմնի տվյալների՝ 2018 թվականին հանրապետությունից արտահանվել է 3122 գլուխ խոշոր եղջերավոր կենդանի, որից 83 գլուխը՝ տոհմային:

Եթե ՀՀ տարածքում տոհմային խոշոր եղջերավոր կենդանիների վաճառքն ազատվի ԱԱՀ-ից, կնվազի վաճառքի գինն առնվազն 20 տոկոսով, եւ դա շահավետ կլինի ե՛ւ վաճառողի, ե՛ւ տեղացի գնորդի համար․

«Վաճառողն այլեւս ստիպված չի լինի հավելյալ ծախսեր կատարել իր ապրանքը արտահանելու համար, տեղացի գնորդն էլ ստիպված չի լինի կենդանի ձեռք բերել դրսում, քանի որ ԽԵԿ-ների ներմուծումը նույնպես ազատված է ավելացված արժեքի հարկից»:

Այսպիսով՝ Վարազդատ Կարապետյանի առաջարկած փոփոխությունը միտված է նպաստել անասնաբուծության, հատկապես տոհմային անասնաբուծոթյան զարգացմանը, տոհմային փոքր եւ միջին տնտեսությունների զարգացմանը, ապահովել տոհմաբուծության զարգացման ծրագրի շարունակականությունը եւ արդյունավետությունը, նպաստել տավարի մսի եւ կաթի արտադրության ծավալների ավելացմանը, նպաստել շուկայում տեղական տավարաբուծական արտադրանքի մրցունակության եւ ճյուղի շահութաբերության մակարդակի բարձրացմանը, նպաստել նախիրներում տոհմային կենդանիների մասնաբաժնի ավելացմանը:

Տպել
2111 դիտում

Հայկական կողմը Լելե–Թեփեում ադրբեջանական ուղղաթիռ է խոցել, որն ընկել է Իրանի տարածքում. ՊԲ

Մեր ոգին հանձնվել չգիտի. գլենդելահայերն ԱՄՆ իշխանություններից պահանջել են դատապարտել Ադրբեջանական ագրեսիան

Հայ նախկին բարձրաստիճան զինվորականը Ադրբեջանի օգտին լրտեսություն է կատարել. ԱԱԾ բացահայտումը

Հրապարակվել են Ասկերանում խոցված ու բնակավայրը թիրախավորած ԱԹՍ-ի լուսանկարները. Արցախի ՏՇ

Ադրբեջանցի բոլոր զինվորների գրպաններում եղել են ներարկիչներ. Վահրամ Պողոսյան

ՊՆ-ն հորդորում է կամավորական խմբերին առանց համաձայնեցնելու ինքնակամ չմեկնել առաջնագիծ (տեսանյութ)

Շուշան Ստեփանյանը շուտով լավ լուր է խոստանում

Ադրբեջանի զոհերի մեծ մասը եղել են ազգային փոքրամասնությունների ներկայացուցիչներ. Վահրամ Պողոսյան

Դեն Բիլզերյանն ու ընտանիքը 250 հազար դոլար են նվիրաբերել Արցախին

Անցած գիշեր բնագծի ամբողջ երկայնքով հարաբերական անդորր է եղել. Վահրամ Պողոսյան

Ճապոնիան կոչ է արել ԼՂ շփման գծում դադարեցնել կրակը եւ նստել բանակցային սեղանի շուրջ

Բարդ ու չերեւացող աշխատանք է տարվում բոլոր պատասխանատուների կողմից. Գ. Աբրահամյանը՝ միջազգային աշխատանքի մասին

Վերջապես մեր դիվանագիտությունը խոշոր հաղթանակ տարավ. Արցախը կռվում է միջազգային ահաբեկչության դեմ. վարչապետ

ՀՀ ողջ տարածքում վերջին օրերին դիտվում է կորոնավիրուսի դեպքերի նկատելի աճ. ԱՆ-ն հորդորում է չմոռանալ համավարակի մասին

Ադրբեջանում թուրքական ԱԹՍ-ները համակարգում է լիբիական փորձով թուրք գեներալը. կիպրական աղբյուր. Razminfo

Իրանը թույլ չի տա, որ ահաբեկիչները տեղակայվեն իր հյուսիսային սահմանին հարակից տարածքներում. ԱԳՆ

Մակրոնը երեկ զանգահարել է Պուտինին. քննարկել են Ղարաբաղում տիրող իրավիճակը

Որոշ ժամանակ տրանսպորտի սակավությունը էլ ավելի զգալի է լինելու. պատճառը պարզ է. ավագանու անդամ

Մեր բժիշկների արհեստավարժության շնորհիվ տասնյակ վիրավորներ բառացիորեն փրկվում են մահվան ճիրաններից (տեսանյութ)

Կայուն լարվածությունը ճակատային գծի բոլոր ուղղություններում պահպանվում է. ի՞նչ է կատարվել գիշերը. ՊԲ-ն մանրամասնում է