Պատրաստվում եմ ՀՀ կառավարությանը հրապարակավ ներկայացնել տնտեսության զարգացման վերաբերյալ իմ առաջարկները. Հարությունյան

Երեկ իր դիմումի համաձայն աշխատանքից ազատվել է Արցախի Հանրապետության նախագահ Բակո Սահակյանի խորհրդական եւ հատուկ հանձնարարությունների գծով ներկայացուցիչ Արայիկ Հարությունյանը. մինչ այդ նա զբաղեցրել է ԱՀ պետնախարարի պաշտոնը: Հարությունյանը վերջերս հայտարարել էր, որ 2020 թվականին կայանալիք նախագահական ընտրություններում առաջադրվելու հարցում կառաջնորդվի իր հիմնադրած հարազատ «Ազատ հայրենիք» կուսակցության որոշմամբ: Նրան ԱՀ նախագահի պաշտոնում է տեսնում նաեւ Արցախի նախկին փոխվարչապետ Արթուր Աղաբեկյանը: Հարությունյանի աշխատանքից ազատվելը շատերի կարծիքով հենց սրանով է պայմանավորված:

«Արցախում առկա են բոլոր պայմանները՝ իրավական ճանապարհով, այն է՝ ընտրությունների միջոցով ստանալու ժողովրդի քվեն»,- այս մասին «Հայկական ժամանակ»-ի հետ զրույցում ասաց Արայիկ Հարությունյանը:

- Պարոն Հարությունյան, երեկ, ձեր դիմումի համաձայն, ազատվել եք ԱՀ նախագահի խորհրդականի եւ ԱՀ նախագահի հատուկ հանձնարարությունների­ գծով ներկայացուցչի պաշտոնից: Արդյո՞ք սա պայմանավորված է գալիք նախագահական ընտրություններին Ձեր հավանական մասնակցությամբ:

- Շնորհակալ եմ Ձեր արձագանքի համար: Իմ գլխավորած քաղաքական ուժն արդեն հայտարարել է, որ 2020 թվականին Արցախի Հանրապետությունում սպասվող նախագահական եւ խորհրդարանական ընտրություններին ակտիվ մասնակցություն է ունենալու, սակայն սեփական թեկնածուի հարցը մենք կքննարկենք աշնանը կայանալիք կուսակցության համագումարում: Այս պահին այլ որոշում չկա այդ մասով: Բայց նախքան այդ ես եւ մեր թիմը ակտիվորեն զբաղվում ենք կուսակցաշինությամբ:

- Հանրությանը հայտնի որոշ մարդիկ` Վիտալի Բալասանյանը, Սամվել Բաբայանը, ընդդիմադիր ուժերը, ցանկություն են հայտնել մասնակցել նախագահական ընտրություններին: Բաբայանի դեպքում անգամ սահմանադրական փոփոխությունների անհրաժեշտություն կա: Ինչպե՞ս եք վերաբերում այս մեծ մրցակցությանը, եւ ըստ ձեզ, ի՞նչ շանսեր ունեք Դուք եւ Ձեր կուսակցությունը՝ հաշվի առնելով, որ խորհրդարանական եւ նախագահական ընտրությունները նույն օրն են լինելու:

- Մենք կողմնակից ենք ազատ եւ արդար մրցապայքարի կազմակերպմանը, եւ այս առումով մեր կողմից միայն ողջունելի է թեկնածուների եւ քաղաքական ուժերի ակտիվությունը: Որպես առաջատար քաղաքական ուժ՝ ներդնելու ենք բոլոր ջանքերը՝ հանրապետությունում իրավական եւ սահմանադրական կարգի պահպանմամբ ընտրությունների կազմակերպման համար, որը պետք է մեկ քայլ առաջ լինի, քան նախորդը: Անցած տարիների ընթացքում մեզ հաջողվել է անընդմեջ առաջընթաց գրանցել ընտրական գործընթացներում, որի մասին են վկայում միջազգային եւ տեղական դիտորդների արձանագրությունները: Այս անգամ եւս մեր նպատակը նույնն է, եւ, հուսով եմ, այս գիտակցումը պաշտպանելու են նաեւ մյուս քաղաքական ուժերն ու հավանական թեկնածուները: Մենք ուղղակի իրավունք չունենք մեր ձեռքբերումների վրա քար նետելու: Ինչ վերաբերում է մեր շանսերին, ապա, կարծում եմ, դեռ վաղ է գնահատականներ հնչեցնելը: Կարող եմ միայն արձանագրել, որ 2005 թվականից մասնակցել ենք երեք խորհրդարանական ընտրությունների եւ յուրաքանչյուր անգամ նկատելի առաջընթաց ենք գրանցել արդյունքների առումով: Կգա ժամանակը, կխոսենք:

- «Սասնա ծռեր» կուսակցությունը հայտարարել է, որ գարնանը պետք է Արցախում հեղափոխություն տեղի ունենա: Արդյո՞ք Դուք տեսնում եք այդ անհրաժեշտությունը` արդեն չլինելով պաշտոնյա:

- Իհարկե, ոչ: Արցախում առկա են բոլոր պայմանները՝ իրավական ճանապարհով, այն է՝ ընտրությունների միջոցով ստանալու ժողովրդի քվեն: Այլ եղանակ անընդունելի եմ համարում:

- Ինչպիսի՞ հարաբերություններ ունեք ՀՀ գործող իշխանությունների հետ: Արդյո՞ք նրանք սատարում են Ձեզ գալիք ընտրություններում:

- ՀՀ գործող իշխանությունների հետ ունեմ շատ ջերմ եւ գործընկերային հարաբերություններ: Վարչապետ Փաշինյանի վարած քաղաքական կուրսի սատարման վերաբերյալ բազմաթիվ առիթներ եմ ունեցել տարբեր ձեւաչափերով հայտնելու: Եւ այս առումով ոչինչ չի փոխվել: Ասեմ ավելին, առաջիկա օրերին պատրաստվում եմ, որպես տնտեսագետ եւ նախկին վարչապետ, ՀՀ կառավարությանը հրապարակավ ներկայացնել տնտեսության զարգացման վերաբերյալ իմ առաջարկները: Հարցի երկրորդ մասի հետ կապված, կարծում եմ, արդեն պատասխանել եմ:

- Ի՞նչ կարծիք ունեք Արցախը որպես բանակցային կողմ ներգրավելու հարցի վերաբերյալ:

- Կփորձեմ շատ հակիրճ պատասխանել: Առանց պաշտոնական Ստեփանակերտի ներգրավման եւ հայատյացության քաղաքականության վերացման բանակցային գործընթացից մեծ սպասելիքներ չենք կարող ունենալ: Այս իրողությունը որքան շուտ հասկանան Բաքվում, այնքան ավելի հեշտ կլինի առաջընթաց արձանագրել հակամարտության կարգավորման ուղղությամբ:

Տպել
7167 դիտում

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը

Ռիո դե Ժանեյրոյի Հիսուս Ամենափրկիչ արձանը ՀՀ անկախության տոնի առթիվ լուսավորվել է հայկական դրոշի գույներով (տեսանյութ)

Մենք՝ զինվորականներս, լավ գիտակցում ենք, որ մենք ենք այսօր անկախության երաշխավորները. ԶՈՒ ԳՇ պետի շնորհավորանքը

ՀՀ նախագահը մի շարք դեսպանների դիվանագիտական աստիճան տալու մասին հրամանագրեր է ստորագրել

Աշխարհազորը ԵԿՄ-ի հետ կապ չունի, բայց հնարավոր է՝ ԵԿՄ-ն գործի դրան կից․ Սասուն Միքայելյան

Մեկտեղելու ենք ջանքերը՝ Արցախի և Հայաստանի թռիչքաձև զարգացումն ապահովելու համար. հանդիպել են ՀՀ-ի ու Արցախի նախագահները

Այսօրվա մարտահրավերները մեկ անգամ ևս վերահաստատում են մեր գործընկերության կարևորությունը. Դոնալդ Թրամփը՝ ՀՀ վարչապետին

ՌԴ նախագահ Վլադիմիր Պուտինը շնորհավորել է ՀՀ վարչապետին Անկախության տոնի առթիվ

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

Հայաստանը և Արցախը ամբողջովին հզոր են՝ պաշտպանելու իրենց. Զոհրաբ Մնացականյան

Օդուժի տոնական թռիչքը Երեւանի երկնքում. վարչապետը տեսանյութ է հրապարակել

Հայաստանում հոգևորականը կասկածվում է անչափահաս տղաների նկատմամբ անառակաբարո գործողություններ կատարելու մեջ

ԲԴԽ նախագահի խորհրդականին եւ մի շարք դատավորների պարգեւատրել է նախագահը

Ծաղիկներ՝ Վ. Սարգսյանի, Ա. Օզանյանի շիրիմներին, ծաղկեպսակ՝ զոհված ազատամարտիկների հուշահամալիրին (լուսանկարներ)