Փոխըմբռնումից հետո. այսօր Փարիզում հանդիպելու են Հայաստանի եւ Ադրբեջանի ԱԳ նախարարները

Այսօր, հունվարի 16-ին, Ֆրանսիայի մայրաքաղաք Փարիզում հանդիպելու են Հայաստանի և Ադրբեջանի արտաքին քաղաքական գերատեսչությունների ղեկավարները:

«Հունվարի 16-ին Փարիզում ԵԱՀԿ Մինսկի խմբի համանախագահների միջնորդությամբ և մասնակցությամբ կայանալու է ՀՀ ԱԳ նախարարի պաշտոնակատար Զոհրաբ Մնացականյանի հանդիպումը Ադրբեջանի ԱԳ նախարար Էլմար Մամեդյարովի հետ», - ասված է Հայաստանի արտգործնախարարության ֆեյսբուքյան էջում երեք լեզուներով՝ հայերեն, ռուսերեն և անգլերեն հրապարակված հաղորդագրությունում:

Հանդիպման մասին հաղորդել է նաև Ադրբեջանի արտգործնախարարության մամուլի ծառայությունը՝ նշելով, որ քննարկվելու է Լեռնային Ղարաբաղի հակամարտության կարգավորման բանակցային գործընթացը:

Մինչ Փարիզ մեկնելը, շաբաթ օրը Զոհրաբ Մնացականյանը հանդիպում է ունեցելԼեռնային Ղարաբաղի արտգործնախարար Մասիս Մայիլյանի հետ: Այդ հանդիպմանը Մնացականյանն ընդգծել է, որ Արցախի կարգավիճակը և անվտանգությունը Հայաստանի առաջնահերթություններն են, և վերստին շեշտել է, որ խաղաղության գործընթացում կարևոր է Արցախի որոշիչ ձայնը և ներգրավվածությունը: Այս դիրքորոշումը քաջածանոթ է հատկապես նրանց, ովքեր Հայաստանի հետ ներգրավված են հանգուցալուծման գործընթացում, ընդ որում, այս շրջանակներում վերջին ամիսներին անցկացվող հանդիպումներն արձանագրել են դրական դինամիկա, ասել է ՀՀ արտաքին քաղաքական գերատեսչության ղեկավարը:

Վերջին անգամ Հայաստանի եւ Ադրբեջանի ԱԳ նախարարները հանդիպել էին անցյալ տարվա վերջին Միլանում, որից հետո Մամեդյարովը հայտարարեց հայաստանցի գործընկերոջ հետ ԼՂ հարցում փոխըմբռնման հասնելու մասին:

ՀՀ ԱԳՆ–ից արձագանքել էին այդ հայտարարությանը նշելով, որ համաձայնություն էլ ձեռք է բերվել Հայաստանի և Ադրբեջանի արտաքին քաղաքական գերատեսչությունների ղեկավարների և ԵԱՀԿ Մինսկի խմբի համանախագահ երկրների պատվիրակությունների ղեկավարների հետ համատեղ հայտարարության վերաբերյալ:

«Նման ձևաչափով հայտարարություններ երկար ժամանակ է, ինչ չէր հաջողվում ընդունել, այնուամենայնիվ, Միլանում հնարավոր դարձավ համաձայնություն ձեռք բերել հայտարարության տեքստի շուրջ»,–ասված էր ՀՀ ԱԳՆ հայտարարության մեջ:

Անցած տարվա հուլիսից են սկսվել Ղարաբաղի հարցով Հայաստանի նոր իշխանությունների բանակցությունները Ադրբեջանի ներկայացուցիչների հետ: Հուլիսին Բրյուսելում տեղի է ունեցել Մնացականյան-Մամեդյարով առաջին հանդիպումը, այսօրվանը կլինի նրանց արդեն չորրորդ հանդիպումը:

Հանդիպումները և բանակցություններն անցկացվում են ԵԱՀԿ Մինսկի խմբի համանախագահներ՝ ռուսաստանցի Իգոր Պոպովի, ֆրանսիացի Ստեֆան Վիսկոնտիի և ամերիկացի Էնդրյու Շոֆերի աջակցությամբ և մասնակցությամբ, դրանց մասնակցում է նաև ԵԱՀԿ գործող նախագահի անձնական ներկայացուցիչ Անջեյ Կասպշիկը:

Տպել
9466 դիտում

Ետ եմ վերցնելու հրաժարականի դիմումս, պատերազմը հաղթելուց հետո համատեղ կքննարկենք անելիքս․ Գայանե Աբրահամյան

Ռուսահայ համայնքը պատրաստ է աջակցության և Հայաստան ժամանելու. դեսպան

Սա շատ կարևոր փորձություն է մեր համահայկական ներուժի համար․ Նիկոլ Փաշինյան

Հակառակորդի ևս մեկ ԱԹՍ խոցվեց. Արծրուն Հովհաննիսյան

Շիրակի զինկոմիսարիատներում կամավորների հերթեր են գոյացել. Ապրիլյան նահատակների ծնողները ևս կամավորների շարքերում են

Ես պատրաստ եմ զոհվելու հանուն մեր հայրենիքի, հայ ժողովուրդը ծնկած չի եղել և չի լինի. Նիկոլ Փաշինյան (տեսանյութ)

Պահեստազորայինները մեկնում են առաջնագիծ. ԱՀ ՊՆ (տեսանյութ)

Ադրբեջանցի հաքերներն արցախցիներին բնակավայրերը թողնելու պաշտոնական կոչ են տարածել. Մանե Գեւորգյան

Այո, Արցախի Հանրապետության անկախության ճանաչման հարց օրակարգում կա. վարչապետ

Նախնական տվյալներով՝ Արցախի Զինված ուժերում 16 զոհ եւ 100-ից ավելի վիրավոր ունենք. Արթուր Սարգսյան

Արցախը չի կարող ինքնավար մարզի կարգավիճակ ունենալ. պատգամավորները համակարծիք են վարչապետի հետ

Սիսիանի բժշկական կենտրոնն արյան կամավոր դոնորների հրատապ կարիք ունի. Սյունիքի փոխմարզպետ

Հայաստանյան առողջապահական համակարգը լիովին մոբլիզացված է եւ պատրաստ է հոգ տանել թե վարակակիրներին եւ թե վիրավորներին

Ադրբեջանական բանակն օգտագործում է իր զինանոցում եղած 300 և ավելի մեծ տրամաչափի ռեակտիվ համազարկի կայանքները.Հովհաննիսյան

Հենց նոր մերոնք խփեցին ևս մեկ անօդաչու. Արծրուն Հովհաննիսյան (տեսանյութ)

ԱԱԾ-ն հորդորում է սեփական շահը պետության անվտանգության շահերից վեր դասող անձանց՝ զերծ մնալ ապատեղեկատվություն տարածելուց

ՀՀ-ում արգելվեց հավաքների եւ գործադուլների անցկացումը․ հրապարակվել է ռազմական դրության սահմանափակումների ցանկը

Մեկնարկեց ԱԺ հատուկ նիստը. ելույթով հանդես է գալիս վարչապետը (ուղիղ)

Վերահսկել երեխաների ներկայությունը սոցցանցերում, իսկ մուտքը TikTok արգելել. Երեւանի քաղաքապետարանի հորդորը ուսուցիչներին

Արյուն հանձնել ցանկացողների հերթեր են առաջացել պրոֆ Ռ.Հ. Յոլյանի անվան արյունաբանական կենտրոնի մոտ