Ո՞վ կփոխարինի Արա Մինասյանին. թափուր պաշտոնի մրցույթում հաղթողները երեքն են

Առողջապահության նախարարությունում դեկտեմբերի 11-ին կայացավ Երեւանի «Սուրբ Գրիգոր Լուսավորիչ» բժշկական կենտրոնի տնօրենի թափուր պաշտոնի մրցույթը: Հանձնաժողովին չհաջողվեց հավակնորդների միջեւ վերջնական ընտրություն կատարել, եւ հիմա այդ բարդ ու պատասխանատու գործը թողնված է նախարար Արսեն Թորոսյանին:

Հայտարարված մրցույթին մասնակցելու համար դիմել էր վեց անձ, բայց ներկայացել էին միայն երեքը՝ առողջապահության նախարարի տեղակալ Սերգեյ Խաչատրյանը, «Սուրբ Գրիգոր Լուսավորիչ» բժշկական կենտրոնի տնօրենի ժամանակավոր պաշտոնակատար Արման Հովակիմյանը եւ Առողջահության նախարարության աշխատակազմի նախկին պետական առողջապահական գործակալության Կոտայքի մարզային կենտրոնի պետ Աշոտ Անտոնյանը:

Մրցույթի ընթացքում, որը երեք փուլով էր (թեստային, բանավոր եւ հաստատության զարգացման ծրագրի ներկայացում) Անտոնյանը պարբերաբար մտահոգություն էր հայտնում, որ հանձնաժողովն ուղղորդված է ու նպատակ ունի իրեն հաղթող չճանաչել: «Մի փոխնախարար է մասնակցում, մի տնօրեն, ես ո՞վ եմ, որ»,- հայտարարում էր լուծարված կառույցի այսօր գործազուրկ ղեկավարը: «Տեսնելով հանձնաժողովի առանձին անդամների տրամադրվածությունը, ավելի շուտ մտածում եմ, որ հնարավոր է... Լավ, արդյունքների ամփոփումից հետո ես իմ կարծիքը կարտահայտեմ: Բայց զգացի տրամադրվածություն, որ դեմ են»,- ասաց նա: Մեր դիտարկմանը, թե եթե հանձնաժողովն իրեն հաղթող ճանաչի, ուրեմն անկողմնակալ է, հակառակ դեպքում՝ կողմնակա՞լ, թեկնածուն պատասխանեց. «Որովհետեւ իմ ծրագիրը տեսականորեն ճիշտ կազմակերպված է: Եթե ինձ հաղթող չճանաչեցին, ուրեմն հայտարարում եմ հազար անգամ՝ պատվիրված մրցույթ է անցկացվում: Հայաստանի Հանարապետությունում գործում է նույն ընթացակարգը»:

Նա նաեւ բողոքում էր, որ առողջապահության նախարարությունն իրեն չի տրամադրել անհրաժեշտ տվյալները, որոնց կարիքը կարող էր զգացվել բուժհաստատության զարգացման ծրագիրը գրելու ժամանակ: Անձնակազմի կառավարման վարչության պետ, մրցութային հանձնաժողովի անդամ Սամվել Սողոմոնյանը հակադարձեց՝ ձեզ չե՞ն ասել՝ դիմեք «Սուրբ Գրիգոր Լուսավորիչ» բժշկական կենտրոն: Պարզվեց՝ ասել են, բայց թեկնածուն այդ տարբերակը համարել է ոչ նպատակահարմար: «Կհանդիպենք դատարանում»,- ի պատասխան կրկնում էր նա: «Պիտի գնայի իմ մրցակցին ասեի՝ տվյալները տուր, ես մրցույթում հաղթեմ, դու այլեւս չաշխատե՞ս»,- նկատեց Աշոտ Անտոնյանը: «Եթե դիմեիք, անպայման կտրամադրեինք»,- վստահեցրեց բժշկական կենտոնի տնօրենի ժամանակավոր պաշտոնակատարը:

Կառավարության 2011 թվականի հուլիսի 7-ի N992-Ն որոշումը, սակայն, սահմանում է, որ թեկնածուին անհրաժեշտ տվյալների տրամադրումը լիազոր մարմնի, տվյալ դեպքում՝ առողջապահության նախարարության պարտականությունն է: «Լիազոր մարմինը մրցույթից առնվազն մեկ ամիս առաջ մրցույթին մասնակցելու համար դիմած քաղաքացիներին ապահովում է թեստային առաջադրանքներով, ինչպես նաեւ կազմակերպության զարգացման նախնական ծրագիր կազմելու համար անհրաժեշտ փաստաթղթերով (ընկերության կողմից իրականացվող բժշկական օգնության եւ սպասարկման տեսակների, մասնագիտական բաժանմունքների եւ կաբինետների, լաբորատորիաների, տեխնիկատեխնոլոգիական հագեցվածության, բժշկական անձնակազմի, ինչպես նաեւ կազմակերպության կառավարման մարմինների մասին)»,- ամրագրվում է որոշման 16-րդ կետում:

Խոսելով իր զարգացման ծրագրի մասին՝ Աշոտ Անտոնյանը նշեց. «Ամենակարեւոր նպատակն է՝ կազմակերպությունը հասցնել տարածաշրջանային եւ միջազգային ճանաչման: Այդ աստիճանի բարձրացնել բժշկական օգնության եւ սպասարկման ծառայությունների մակարդակը»:

Մյուս թեկնածուն՝ առողջապահության նախարարի տեղակալ Սերգեյ Խաչատրյանը հրաժարվեց պատասխանել մեր հարցերին ու մասնավորապես ասել, թե ինչու է որոշել մասնակցել նախարարության ենթակայությամբ գործող բուժհաստության տնօրենի թափուր պաշտոնի մրցույթին, այլեւս փոխնախարար աշխատել չի՞ ցանկանում, թե՞ իրեն առաջարկվել է հեռանալ: Ասաց, որ հետաքրքրող բոլոր հարցերին կպատասխանի նախարարի հրամանը լինելուց հետո: Հաղթող ճանաչված երեք թեկնածուներից մեկին եռօրյա ժամկետում պետք է ընտրի առողջապահության նախարար Արսեն Թորոսյանը, որն էլ կնշանակվի «Սուրբ Գրիգոր Լուսավորիչ» բժշկական կենտրոնի տնօրենի պաշտոնում: Ի դեպ, հանձնաժողովի քվեարկության արդյունքները լսելուց հետ Աշոտ Անտոնյանը սենյակից դուրս եկավ շողշողացող դեմքով եւ ասաց, որ գոհ է, հանձնաժողովն ապահովել է արդարությունը:

Վերոնշյալ բուժհաստատության տնօրենի դեռեւս պաշտոնակատար Արման Հովակիմյանը, խոսելով իր առաջարկած զարգացման ծրագրի մասին, նշեց, որ հիմնական նպատակն է «Սուրբ Գրիգոր Լուսավորիչ»-ը դարձնել Հայաստանի Հանրապետության լավագույն բազմապրոֆիլ բժշկական կենտրոնը: Դրա համար, ըստ նրա, եկամուտների կրճատման այս պայմաններում առաջին հերթին պետք է ֆինանսական ճիշտ կառավարում իրականացվի: «Բավականին պրոբլեմատիկ է նաեւ մարդկային ռեսուրսի՝ մասնավորապես բուժանձնակազմի հետ կապված հարցերը, որակյալ երիտասարդ կադրերով ապահովման խնդիր պետք է ունենանք առաջիկա տարիներին: Խոսքը ոչ  միայն քանակի մասին է, այլ որակի, եւ այնպիսի որակի, որ ունենանք բժշկին ճանաչող եւ բժշկի հետեւից հիվանդ եկող հիմնարկ: Նաեւ նոր ծառայությունների ներդրումն է շեշտվել ծրագրում՝ սրտային վիրաբուժության, ինվազիվ առիթմիալոգիայի, ինվազիվ նյարդավիրաբուժության, պալիատիվ բժշկական օգնության եւ սպասարկման: Կարեւորվել է նաեւ տեխնիկական վերազինումը, կառուցվածքային փոփոխությունները, եղած ծառայությունների զարգացումը: Ի վերջո, ամբողջ նպատակը լինելու է «Սուրբ Գրիգոր Լուսավորիչ» բժշական կենտրոնի համբավի վերականգնումը եւ մեր բոլոր շահառուների բավարարված լինելը մատուցված բուժօգնությունից եւ սպասարկումից:  

«Սուրբ Գրիգոր Լուսավորիչ» բժշկական կենտրոնի նախկին տնօրեն Արա Մինասյանը զբաղեցրած պաշտոնից ազատվել էր ամռանը՝ այնտեղ հայտնաբերված խոշոր չարաշահումներից հետո:

Տպել
4811 դիտում

Նոր Երզնկա համայնքում շչակ է գործարկվելու

Գանձաքարի բնակիչը ապօրինի հատել է 111 հատ ծառ. փայտանյութով «Զիլ»-ը տեղափոխվել է հատուկ պահպանվող տարածք

Սաակաշվիլիի առողջական վիճակը կարող է սրվել. ընդդիմադիրներն ու ՀԿ-ները պահանջներ ունեն

Այսօր լրանում է Հոկտեմբերի 27-ի ոճրագործության 22-րդ տարին

Կարևոր համաձայնություններ ձեռք բերվեցին, հստակ աշխատանքային ծրագիր հաստատվեց. ԱԺ նախագահն ամփոփում է Կիպրոս այցը

Երևանի և 6 մարզերի մի մասում հոսանքի մի քանի ժամյա անջատումներ կլինեն

Հրդեհի մասին անցած 2 օրերին ահազանգեր են եղել Երևանի, Արմավիրից ու Աբովյանից

Անցկացվել են կրակային պատրաստության պարապմունքներ (լուսանկարներ)

Վերին Գետաշեն և Ներքին Գետաշեն համայնքներում կատարվել են ասֆալտբետոնե ծածկի վերականգնման աշխատանքներ

«Հայրենականչ» թերթի գլխավոր խմբագիր Ռաֆայել Սահակյանը պարգևատրվել է մարզպետի պատվոգրով

Նախագահ Արմեն Սարգսյանը պատմական այց է կատարել Սաուդյան Արաբիա (տեսանյութ)

Եկեք պատվաստվենք․ հոկտեմբերի 31-ը պատվաստումների օր Գյումրիում

Կամերային երաժշտական թատրոնի շենքում այլևս ներկայացումներ չեն խաղալու

Բարեկարգվում են Արարատ համայնքի փողոցները

Սվերդլով գյուղում այրվել է մոտ 470 հակ անասնակեր

Անցկացվել են կրակի կառավարման վարժանքներ (լուսանկարներ)

Հրազդան քաղաքի բնակարաններից մեկում հրդեհ է բռնկվել․ բնակիչը հոսպիտալացվել է

Հակոբ Արշակյանը ղեկավարելու է մեկ միջխորհրդարանական հանձնաժողով և բարեկամական 2 խմբեր

Օրական պատվաստումների թիվը հատել է 20 հազարի շեմը․ ԱՄՆ դեսպանը խոսել է պատվաստանյութերի նվիրատվության մասին

Վահրամ Դումանյանն ընդունել է «Անուշավան և Օֆիկ Աբրահամյան» հիմնադրամի ներկայացուցիչներին

Անդրանիկ Փիլոյանն ընդունել է Լեհաստանի դեսպանին․ քննարկվել են երկկողմ հետաքրքրություն ներկայացնող հարցեր

5 տուն, 7 հողամաս, 110 հազար դոլարի պարտատոմս. ինչ ունեցվածք է հայտարարագրել Արմեն Գևորգյանը

ՀՀ-ում այս պահին փաստացի լիարժեք պատվաստվածների թիվը կազմում է մոտ 7 տոկոս, ինչը հեռու է ցանկալի ծածկույթից. Թորոսյան

Երևանում կտեղադրվեն գիտնականների և արվեստագետների հիշատակը հավերժացնող հուշատախտակներ

ՔՏՀԱ տեսչական մարմինը Կոտայքի մարզի 4 համայնքներում հայտնաբերված խախտումների հիմքով դիմել է գլխավոր դատախազություն

Զորամասի տարածքի վաճառքի հետևանքով պետությանը պատճառվել է 19 միլիոն 500 հազար դրամի վնաս (տեսանյութ)

Կայացել է Հայաստանի զարգացմանն աջակցող գործընկերների հետ համագործակցության համակարգման հարթակի շրջանակներում քննարկումը

«Կոշ» ՔԿՀ-ում դատապարտյալին տրվել է ժամկետանց դեղորայք. ՄԻՊ

ՊԵԿ պաշտոնատար 4 անձանց կողմից տնտեսվարողներից կաշառք վերցնելու վերաբերյալ քրգործն ուղարկվել է դատարան

Նոյեմբերի 8-ից ԱՄՆ-ն իր երկիր մուտք գործելու համար նոր պահանջ է դրել

Եվրոն եւ դոլարը էժանացել են․ Կենտրոնական բանկը սահմանել է նոր փոխարժեքներ

Պետության համար ներքին կայունությունը քաղաքական խաղաքարտ է․ Բաբաջանյանը՝ ընդդիմության փողոցային շարժում սկսելու մասին

Փոփոխություն է իրականացվել Հայաստանում օտարերկրացիների պատվաստման գործընթացում

Շենգավիթի ոստիկանները բացահայտել են տերմինալից արված գողությունը. մեկ անձ կալանավորվել է (տեսանյութ)

Պաշտոնական այցով Հայաստան է ժամանելու Սուրբ Աթոռի պետքարտուղարի ընդհանուր հարցերով փոխանորդ Էդգար Պենյա Պառան

Աննա Դանիբեկյանը մերժեց պաշտպանական կողմի ինքնաբացարկի միջնորդությունները

Հայկ Միրզոյանն ընտրվեց Երևանի ավագանու մշակույթի, կրթության և սոցիալական հարցերի մշտական հանձնաժողովի նախագահ

Ալեն Սիմոնյանը հանդիպել է Հայաստան-Կիպրոս համագործակցության միջխորհրդարանական հանձնաժողովի նախագահին

Երևանի ավագանին հերթական նիստի ժամանակ 4 մշակութային գործիչների շնորհել է Երևանի պատվավոր քաղաքացու կոչում

Ամերիաբանկի և HSBC Հայաստանի բանկոմատները կսպասարկեն երկու բանկերի քարտապաններին հատուկ պայմաններով