Առաջին օրը պապիլոմավիրուսի դեմ պատվաստում է ստացել ընդամենը 6 երեխա. մեծ մասը՝ մարզերում

Երեկ՝ դեկտեմբերի 11-ին, այսինքն՝ պապիլոմավիրուսային վարակի դեմ պատվաստումների ծրագրի մեկնարկի առաջին օրը, պատվաստում ստանալու նպատակով պոլիկլինիկա այցելած երեխաների քանակը չափազանց փոքր է:

ՀՀ առողջապահության նախարարարության իմունականխարգելման ազգային ծրագրի ղեկավար Գայանե Սահակյանից տեղեկացանք, որ այդ օրն Արմավիրի մարզում կատարվել է 4 պատվաստում, Գյումրիում՝ 1, ու եւս 1-ը՝ Երեւանում: Այսպիսով, ընդհանուր առմամբ, հայտնի է, որ ամբողջ Հայաստանում պապիլոմավիրուսի դեմ պատվաստվել է 6 աղջիկ:

«Այո, ծրագրի մեկնարկը տրվել է երեկ՝ դեկտեմբերի 11-ին, բայց դա չի նշանակում, որ հենց նույն օրը բոլոր աղջիկները պետք է պատվաստվեին: Մանկաբույժները եւ ընտանեկան բժիշկները ճշգրտում են իրենց սպասարկման տարածքում պատվաստման ենթակա աղջիկների թիվը, պլանավորում են ըստ օրերի, խոսում են ծնողների հետ եւ համաձայնեցնում են ամսաթվերը: Ժամկետները կախված են ծնողների ազատ ժամանակից, երեխաների դասերից: Մեծ մասը գերադասում է դեկտեմբերի վերջին պատվաստվել: Միշտ էլ նոր պատվաստումների ներդրման առաջին օրերին մարդիկ չեն շտապում, ավելի շատ սպասողական են: Բոլոր դեպքերում երեկ որոշ պոլիկլինիկաներում արդեն պատվաստումներ են արվել: Այս պահին տեղեկատվությունը դեռեւս հավաքվում է»,- պատվաստված երեխաների փոքր թվի առնչությամբ ասաց Գայանե Սահակյանը:

Նրանից նաեւ հետաքրքրվեցինք, թե ինչ նպատակի է ուղղվելու ԳԱՎԻ-ից (Պատվաստումների եւ պատվաստանյութերի գլոբալ դաշինք) Հայաստանի ստացած 178 000 դոլարը: Ավելի վաղ հայտարարվել էր, որ դա տրամադրվել է պատվաստումների ներդրման նպատակով: Իսկ իմունականխարգելման ազգային ծրագրի ղեկավարն օրերս մի առիթով ասել էր, որ այդ գումարից ոչ մի դրամ դեռ չի ծախսվել: Այնինչ՝ ծրագիրը, փաստորեն, ներդրվել ու մեկնարկել է, տպագրվել են այդ թեմայով բուկլետներ ու պաստառներ:

«ԳԱՎԻ-ի դրամաշնորհը նախատեսված է մարդու պապիլոմավիրուսի ներդրման նախապատրաստական միջոցառումների նպատակով՝ երկու տարվա համար: Մինչ ներդրումը միջոցառումներն օժանդակվել են հիմնականում Առողջապահության համաշխարհային կազմակերպության կողմից, բայց հետագայում իրազեկման եւ կրթական միջոցառումների համար կօգտագործվեն հենց ԳԱՎԻ-ի միջոցները: ԳԱՎԻ-ի միջոցները նախատեսված են նաեւ գիտելիքների գնահատման, գործընթացի մշտադիտարկման, պատվաստումներում ընդգրկվածության ուսումնասիրությունների համար»,- պատասխանեց իմունականխարգելման ազգային ծրագրի ղեկավարը:

Հայաստանում պատվաստումների ազգային օրացույցում պապիլոմավիրուսային վարակի դեմ պատվաստումն ընդգրկվել է այս տարի: Պետությունն անվճար պատվաստումներ է նախատեսում 13 տարեկան աղջիկների համար, որպեսզի հետագայում նրանք պաշտպանված լինեն արգանդի վզիկի քաղցկեղից: Հանրության շրջանում, սակայն կա հակազդեցություն եւ պատվաստանյութի նկատմամբ անվստահություն ու կասկածներ:

Առաջին փուլում պատվաստման ենթակա երեխաների թիվը 16 հազար է: 

Տպել
2464 դիտում

Ինձ որևէ զենք կրող մարդ չի ուղեկցում և չի ուղեկցել. Հակոբ Արշակյանը՝ լուսանկարների զինված քաղաքացու մասին

Դատական համակարգում առկա խնդիրը օր առաջ լուծման անհրաժեշտություն ունի. Ալեն Սիմոնյան

Երեկ գիշեր դանակահարություն է տեղի ունեցել Երեւանում. հարուցվել է քրգործ. ձերբակալվել է տուժողի եղբայրը

Բելառուսի նախագահը նոր վարչապետ է նշանակել

Պացիենտից վարակված բժիշկն այսօր դուրս է գրվել

Բակո Սահակյանը պատասխանել է Ապրիլյան պատերազմի քննիչ հանձնաժողովի հարցերին. հանձնաժողովի աշխատանքի ժամկետը սպառվեց

ԱԺ-ն չընդունեց մեկուսացման նպաստ սահմանող նախագիծը. այն ուղարկվեց առաջարկների ստացման փուլ

«Մշակութային ժառանգություն» դարձած կրպակը ապամոնտաժվեց տնտեսվարողի հետ բանակացությունների արդյունքում. Կուբատյան

Պաշտպանության նախարարությունը հրավիրում է դիմել «1991 ստորաբաժանման» շրջանակում անցկացվող դասընթացներին

Արմավիրի մարզում հաստատվել է կորոնավիրուսով վարակման 717 դեպք, առողջացել՝ 287-ը

Վրաստանում անցած 1 օրում կորոնավիրուսով վարակման 1 դեպք է արձանագրվել

Բանկերն ու վարկային կազմակերպությունները վարկային արձակուրդ են տրամադրել 550 հազար ֆիզիկական անձանց․ վարչապետ

Պարող կինը դպրոցի տնօրենն է. վարչապետը հրապարակել է դպրոցներից մեկում «Վերջին զանգ»-ի տեսանյութը

Բյուջետային ծրագրերի ֆինանսավորման համար ԱՄՀ-ից 315 մլն դոլար վարկային միջոցներ կներգրավվեն․ Ջանջուղազյան

Ընդդիմությունը մեզ հետ խրամատ փորելու փոխարեն պահանջում է Արսեն Թորոսյանի հրաժարականը․ Հրաչյա Հակոբյան

ՀՀ նախագահի 2020թ. մրցանակակիրների անունները հայտարարելու գործընթացը հետաձգվում է

8-րդ միջոցառման շահառուների շրջանակն ընդլայնվեց եւս 9 ոլորտով․ 9171 քաղաքացի օժանդակություն կստանա

«Իմ քայլը» խմբակցությունն առաջարկում է հետ տանել իր առաջարկած օրենքի նախագիծը, ընդդիմությունը դեմ է

Տպավորություն է, թե վարակը քաղաքական-կուսակցական հարց է, այնինչ բոլորիս առողջությունը քաղաքական հարց չէ. Լ. Նազարյան

10 տոկոս կանխավճարով եւ մինչեւ 20 տարի մարման ժամկետով բնակարաններ կվաճառվի հանրային ծառայողներին․ Ղուլարյան