Դավիթ Շահնազարյանը լավ չի տիրապետում այն ամենին, ինչ կատարվում է ներկայիս ոստիկանությունում. Վալերի Օսիպյան

ՀՀԿ ցուցակով պատգամավորի թեկնածու առաջադրված Դավիթ Շահնազարյանն այսօր լրագրողներին ասել էր, թե ՀՀ ոստիկանությունը երբեւէ այսքան թույլ ու նվաստացած չի եղել իշխանության կողմից: «Այսօրվա ոստիկանապետը այս մասին պետք է մտածի, սա արժանապատվության հարց է ու կարեւորագույն խնդիրներից մեկը, ինչը ի զօրու չէ անել ներկա իշխանությունը, մենք ենք վերցնում մեր վրա, դա արժանապատվության վերականգնում է»:

ՀՀ ոստիկանապետ Վալերի Օսիպյանը Գյումրի կատարած աշխատանքային այցի ժամանակ անդրադարձել է Շահնազարյանի հայտարարությանը: Լրագրողների հարցին ի պատասխան, Օսիպյանն ասել է. «Ես հասկացել եմ, որ Դավիթ Շահնազարյանի հայտարարությունն անմիջապես ուղղորդված չէր ոստիկանությանը, թեպետ կարող եմ հակադարձել, որ պարոն Դավիթ Շահնազարյանը լավ չի տիրապետում այն ամենին, ինչը կատարվում է ներկայիս ոստիկանությունում: Իշխանությունը չի թուլացրել եւ չի նվաստացրել իր ոստիկանությանը: Ես իմ աշխատանքային տարիներին երբեւէ չեմ տեսել այնպիսի վերաբերմունք, ինչպիսին այսօր ես տեսնում եմ վարչապետի կողմից ոստիկանության նկատմամբ: Դա հոգատար ղեկավարի վերաբերմունքն է իր իրավապահ կառույցի նկատմամբ: Այն հարցերը, որոնք ես բարձրաձայնում եմ իր մոտ մեր առանձնազրույցների ընթացքում, տեսնում եմ, որ վերաբերմունքը սրտացավ է: Վստահեցնում եմ բոլորիդ: Հարգելի քաղաքացիներ, ՀՀ ոստիկանությունը երբեւիցե այսքան ուժեղ չի եղել, երբեւիցե բանիմաց չի եղել, երբեւէ պատրաստակամ չի եղել, որքան այսօր: Ինչո՞վ է պայմանավորված ոստիկանության նվաստացած լինելը, ինչո՞վ է պայմանավորված ոստիկանության թույլ լինելը, խնդրում եմ բացատրեք: Ես եւ իմ գործընկերները չենք հասկանում, թե դա ինչ է նշանակում:

7 ամիս առաջ, մայիսի 10-ին ես նշանակվեցի այս բարձր պաշտոնին: Մեր անկախության 100-ամյակի հետ կապված բոլոր միջոցառումները ոստիկանությունն իրականացրեց ամենաբարձ մակարդակով: Մենք ունեցանք ֆրանկոֆոնիայի 17-րդ գագաթաժողով: Արդյո՞ք կարող էր թույլ ոստիկանը բոլոր այս միջոցառումները կազմակերպել եւ որեւէ դեպք չարձանագրել Հայաստանում: Արդյո՞ք կարող էր թույլ ոստիկանությունը կազմակերպել Երեւանի ավագանու ընտրությունները եւ երկուշաբթի օրը ընտրություններից հետո այնպիսի տպավորություն լիներ, ասես սովորական կիրակի էր: Արդյո՞ք կարող էր թույլ ոստիկանությունը ՀՀ-ում ներկա իրավիճակում վերահսկել կրիմինալ իրավիճակը: Երբեւիցե կրիմինալը չի եղել հսկողության տակ, ոնց որ հիմա է գտնվում: Ուղղակի հարցեր կան, որոնց մասին, ելնելով օպերատիվ գործողությունից, ինձ թույլ չեմ տալիս բացել փակագծերը: Բայց մենք գիտենք՝ դա որտեղից է գալիս, մարդիկ ուղղակի ուզում են, կներեք, էժանագին հեղինակություն ստեղծեն, փորձեն ցեխ շպրտեն ոստիկանության վրա, փորձեն թիրախավորեն ոստիկանությանը: Մենք այդ մարդկանց նկատմամբ ունենք օրենքով նախատեսված բոլոր միջոցառումները եւ տիրապետում ենք, թե նրանք ով են եւ իրենցից ինչ են ներկայացնում:

Վստահեցնում եմ, որ ոստիկանությունում մայիսի 10-ից մինչեւ առ այսօր չկան կոռուպցիոն դրսեւորումներ, չկա կաշառակերություն, պաշտոնների են նշանակվում շարքայինից մինչեւ գնդապետ միայն ու միայն բարեխիղճ ծառայության համար:

Աշխատող մարդն է միայն սխալվում, եւ ես, որպես ոստիկանապետ, չեմ բացառում, որ ունենամ սխալ նշանակումներ: Բայց ես կաշխատեմ ուղղել իմ սխալները: Վստահեցնում եմ, որ ոստիկանությունը երբեւիցե այնքան ուժեղ չի եղել, ինչպես այսօր է ուժեղ: Իսկ ուժեղն ինչո՞վ է պայմանավորված, մահակով ծեծելո՞վ:

Աստված մի արասցե, դրա անհրաժեշտությունը եթե լինի՝ մահակ էլ կկիրառվի, ջրցան էլ կկիրառվի, բայց միայն հանցագործների նկատմամբ կկիրառվի, դա կկիրառվի այն խումբ-խմբավորումների նկատմամբ, որոնք ոտնձգություն կկատարեն սահմանադրական կարգի դեմ»:

Տպել
3185 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ