Ս.թ. հունիսին ռուսական «Коммерсантъ» պարբերականը գրել էր, որ Հայաստանը պատրաստվում է Ռուսաստանից ձեռք բերել «առնվազն մեկ էսկադրլիա Cy-30CM կործանիչներ, որոնց վերաբերյալ պայմանագիրը երկրները կնքել էին դեռեւս 2012 թվականին: Պարբերականի տվյալներով՝ թեեւ ՀՀ ՊՆ-ն հետաձգել էր Cy-30CM-ների գնումը մինչեւ 2024 թ., սակայն այս հարցով բանակցությունները «գտնվում են բավական առաջընթացային փուլում»:

Հոկտեմբերի վերջին Regnum գործակալությունը, հղում կատարելով իր՝ «հայկական պաշտպանական գերատեսչության աղբյուրին» գրել էր, որ Շվեդիան Հայաստանին առաջարկել է գնել JAS-39 Gripen կործանիչներ: Հայաստանի պաշտպանության նախարարությունը ոչ հերքել էր, ոչ հաստատել այս տեղեկությունները:

Նոյեմբերի 12-ին ՀՀ ՊՆ մամուլի քարտուղար Արծրուն Հովհաննիսյանը 24News լրատվական կայքի հետ զրույցում հայտնել է, որ Gripen-ի ստեղծողները, ինչպես նաեւ աշխարհի այլ արտադրողներ, տարբեր ցուցահանդեսների ժամանակ Հայաստանին առաջարկել են իրենց արտադրանքը։

«Մենք շատ տարբերակներ ենք դիտարկում. ինչպես 4-րդ սերնդի ու 4+ սերնդի կործանիչներ, այնպես էլ նոր մեքենաներ՝ լինեն դրանք Gripen, Rafale, F-16, Cy-30 թե Cy-35, բայց մենք մեզ համար ամենանախընտրելի տարբերակներն ունենք, որոնց ընտրությունը կայացվում է՝ հաշվի առնելով բազում հանգամանքներ: Կործանչի ընտրությունը պարզ բան չէ»,- ասել է Հովհաննիսյանը։

Նույն օրը մամուլի ասուլիսի ընթացքում ՀՀ պաշտպանության նախարարի պաշտոնակատար Դավիթ Տոնոյանը եւս անդրադարձավ բազմաֆունկցիոնալ ավիացիա ձեռք բերելու խնդրին: Անդրադառնալով շվեդական կործանիչներին, նա նշել է, որ դրանք գնելու վերաբերյալ որոշում այս պահին չկա եւ հորդորել չկենտրոնանալ կոնկրետ առաջարկությունների վրա:

«Եկեք չկենտրոնանանք ՀՀ պաշտպանության նախարարությանը ներկայացվող որեւիցե առաջարկությանը որեւիցե զինատեսակի վերաբերյալ: Ինչպես ես առիթ եմ ունեցել մի քանի անգամ նշելու, բոլոր ստացվող առաջարկությունները ուսումնասիրվում են եւ համապատասխան գնի, որակի եւ մատակարարման ժամկետների, որոշումներ են կայացվում: Որեւիցե որոշում Gripen-ների վերաբերյալ այս պահին չկա: Առկա է այլ առաջարկ, այլ գործընկերոջ կողմից, որը շատ լուրջ ուսումնասիրվում է եւ շատ մոտ ժամանակ որոշում է կայացվելու ձեռքբերումների հետ կապված: Նորից կրկնում եմ՝ դա կապված է եւ՛ մատակարարման ժամկետների հետ, որովհետեւ մենք շատ մեծ ժամանակ չունենք թարմացնելու մեր ավիապարկը, ոչ կա անգամ մոտիկ համեմատություն գնի եւ որակի», - ասել է Տոնոյանը: 

Նա տեղեկացրել է նաեւ, որ կա այլ առաջարկ այլ գործընկերոջից, որը շատ լուրջ ուսումնասիրվում է, ու մոտ ապագայում որոշում է կայացվելու ձեռքբերումների հետ կապված: Այլ առաջարկի հետ կապված Տոնոյանը ակնարկեց, որ խոսքը, «հնարավոր է, Cy-30-ների մասին է»:

Գնային առումով Cy-30-նն ավելի շահավետ է. այն գրեթե երկու անգամ էժան է Gripen-ից: Որակի տեսանկյունից Gripen-ի եւ Cy-30-ի տարբերությունն ահռելի չէ: Gripen-ը գերազանցում է ռուսական կործանիչին առավելագույն արագության, թեթեւության եւ թռիչքի հեռավորության ցուցանիշներով, սակայն զգալիորեն զիջում է մարտական հեռահարության առումով: Խուսավարման հնարավորությունները, հաշվի առնելով Gripen-ի փոքր չափսերը, համադրելի են, թեեւ շվեդական կործանիչը մեկ շարժիչ ունի: Փոխարենը, Cy-30-ը շուրջ 2-2.5 անգամ ավելի ծանր է Gripen-ից եւ շուրջ 2 անգամ ավելի մեծ չափսերով: Ուստի, շվեդական կործանիչը ավելի շահավետ է վառելիքի օգտագործման տեսանկյունից: Gripen-ի գլխավոր առավելությունը նաեւ ինֆրակարմիր դիապազոնում աշխատող տեսատեղորոշիչ համակարգն է, ինչը զգալի օգուտ է տալիս միջին հեռահարության մարտերում:

Այսպիսով՝ երկու կործանիչները, ըստ էության, տարբեր են իրարից, ուստի որեւէ մեկին նախապատվություն տալը զուտ տեխնիկական տվյալներից ելնելով՝ բարդ է: Գնի առումով ռուսական կործանիչը ավելի ձեռնտու է, սակայն Cy-30-ների նպատահարմարությունը մեր բանակի համար բացատրվում է մի շարք այլ հանգամանքներով:

Նախ եւ առաջ դա ներկայիս ավիապարկում առկա խորհրդային եւ ռուսական ինքնաթիռների տրամաբանության շարունակականությունն ապահովելն է: Մեր օդաչուների մինչ օրս ստացած մասնագիտական պատրաստությունը կտրուկ փոփոխությունների չի ենթարկվի Cy-30-ի ձեռքբերման պարագայում, մինչդեռ եվրոպական կամ ամերիկյան ավիացիան նորություն են լինելու: Բացի դրանից՝ քաղաքական նպատակահարմարությունը պակաս կարեւոր գործոն չէ, առավել եւս, որ Gripen-ի մասին խոսակցությունները սկսեցին կապվել Բոլթոնի՝ Երեւան կատարած այցի հետ: Հենց այդ նպատակահարմարության տեսանկյունից էլ ռուսական զենքերն ավելի էժան են մեր համար:

Ինչ վերաբերվում է Gripen-ին, ապա այն կարող է լավ տարբերակ հանդիսանալ հետագայում՝ ֆինանսական բավարար միջոցների պարագայում հայկական ավիապարկի ընդլայնման եւ բազմազանության ապահովման տեսանկյունից:

Տպել
4421 դիտում

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան