Սեպտեմբերի 25-ին ՀՀ արտաքին գործերի նախարար Զոհրաբ Մնացականյանը Նյու Յորքում հանդիպել է ԵԱՀԿ Մինսկի խմբի համանախագահներին: Ադրբեջանի իր գործընկերոջ հետ հանդիպման նախօրեին Մնացականյանը վերահաստատել է Հայաստանի Հանրապետության դիրքորոշումը՝ Լեռնային Ղարաբաղի հիմնահարցի բացառապես խաղաղ հանգուցալուծման վերաբերյալ: Հերթական անգամ շեշտվել է խաղաղությանը նպաստող միջավայրի ձեւավորման կարեւորությունը:

Արտաքին գործերի նախարարը համանախագահներին է ներկայացրել ՀՀ սահմանին եւ Արցախի հետ շփման գծում Ադրբեջանի՝ իրավիճակը լարելու վերջին փորձերը, որոնց հետեւանքով զոհվել են ՀՀ Զինված ուժերի եւ Արցախի Պաշտպանության բանակի երկու զինծառայողներ, ինչպես նաեւ թիրախավորվել է խաղաղ բնակչությունը:

Նույն օրը ՀՀ վարչապետ Նիկոլ Փաշինյանը ՄԱԿ-ի Գլխավոր ասամբլեայի 73-րդ նստաշրջանի ընդհանուր քննարկումներին հնչեցրած իր ելույթում նույնպես անդրադարձել է արցախյան հակամարտությանը՝ նշելով, որ դրա խաղաղ կարգավորումը գերակշռող տեղ ունի ՀՀ արտաքին օրակարգում: Նա նաեւ ընդգծել է բանակցային գործընթացում ՀՀ առաջնահերթությունը, այն է՝ Արցախի Հանրապետության կարգավիճակը եւ անվտանգությունը:

Անդրադառնալով Ադրբեջանին, վարչապետը նշել է, որ եթե այն իսկապես հավատարիմ է խաղաղ գործընթացին, ապա պետք է երկխոսություն սկսի այս հակամարտության հիմնական սուբյեկտի` Արցախի հետ:

«Ադրբեջանն ամեն առիթով հայտարարում է, որ Ղարաբաղը պետք է լինի իր տարածքի մի մասը: Միեւնույն ժամանակ հայտարարում է, որ չի բանակցելու Լեռնային Ղարաբաղի հետ: Խնդիրն այն է, թե ինչպես կարող է Ադրբեջանը Լեռնային Ղարաբաղի նկատմամբ հավակնություն ներկայացնել առանց նույնիսկ Լեռնային Ղարաբաղի հետ երկխոսելու», - ասել է վարչապետը:

Փաշինյանն ընդգծել է նաեւ, որ Արցախի՝ Ադրբեջանի կազմում լինելը ուղղակիորեն սպառնում է հայերի կյանքին, քանի որ «Ադրբեջանի ղեկավարությանը հետաքրքրում է ոչ թե ժողովուրդը, այլ բուն տարածքը»: Ամփոփելով իր խոսքը, Փաշինյանը հերթական անգամ ներկայացրել է Հայաստանի դիրքորոշումն առ այն, որ հակամարտությունը կարող է եւ պետք է կարգավորվի միայն կողմերի փոխադարձ զիջումների միջոցով` խաղաղության մթնոլորտում:

Գաղտնիք չէ, որ հակամարտության կարգավորման հայկական տեսակետից տրամագծորեն տարբերվում է Ադրբեջանի ղեկավարության, մասնավորապես, նախագահ Իլհամ Ալիեւի մոտեցումը հարցի վերաբերյալ: Ադրբեջանն արդեն տեւական ժամանակ է չի էլ թաքցնում, որ ռազմական լուծումը եւս դիտարկվում է իր կողմից որպես հնարավոր տարբերակ: Բացի այդ, դատելով Ադրբեջանի բարձրաստիճան պաշտոնյաների հրապարակային ելույթներից՝ Ադրբեջանը չի պատրաստվում որեւէ զիջումների գնալ: Սեպտեմբերի 21-ին ելույթ ունենալով «Ադրբեջանի խորհրդարանի 100-ամյակին» նվիրված միջոցառումներին Ալիեւը հայտարարել է, որ «Ադրբեջանը չի շեղվի իր սկզբունքային դիրքորոշումից, քանի որ Լեռնային Ղարաբաղը պատմական ադրբեջանական տարածք է եւ չի կարող որեւէ կարգավիճակ ստանալ Ադրբեջանի ինքնիշխանության սահմաններից դուրս»:

Ալիեւը չի զլացել հատուկ ուշադրություն հրավիրել նաեւ «օկուպացված տարածքներում ավերված ենթակառուցվածքների, թալանված ազգային հարստության» եւ, իհարկե, «Խոջալուի ցեղասպանության» վրա:

«Հայաստանի նոր ղեկավարությունը պետք է լուրջ շտկումներ մտցնի իր քաղաքականության մեջ», - ասել է Ալիեւը:

Անհասկանալի է, թե նման պայմաններում ինչի շուրջ կարող են բանակցել Հայաստանի եւ Ադրբեջանի ղեկավարները: Սեպտեմբերի 26-ին լրագրողների հետ ճեպազրույցի ընթացքում ՀՀ ԱԳՆ մամուլի խոսնակ Տիգրան Բալայանը, անդրադառնալով հնարավոր հանդիպմանը, նշել է, որ Հայաստանի եւ Ադրբեջանի ղեկավարների հանդիպումը չպետք է ինքնանպատակ լինի՝ այն պետք է բովանդակություն ունենա:

«Այդ հանդիպումը չպետք է լինի ինքնանպատակ, զուտ լուսանկարվելու եւ տեսագրվելու առիթ: Հանդիպումը պետք է լինի բովանդակային, եւ մենք ակնկալում ենք, որ հանդիպումը կբերի կոնկրետ արդյունքների՝ նաեւ նախորդ պայմանավորվածությունների մասով», - ասել է Բալայանը:

Նախորդ պայմանավորվածությունները 2016 թ. պատերազմից հետո կայացած գագաթնաժողովների ընթացքում ձեռք բերված պայմանավորվածություններն են, մասնավորապես, միջադեպերի հետաքննության մեխանիզմի ներդրումը եւ ԵԱՀԿ գործող նախագահի անձնական ներկայացուցչի թիմի կարողությունների եւ թվաքանակի ավելացումը: Այդ պայմանավորվածությունների իրականացումը շարունակաբար արգելակվում է Ադրբեջանի կողմից:

Ինչ վերաբերվում է արտաքին գործերի նախարարների նյույորքյան հանդիպմանը, ապա դրանից չարժե մեծ սպասելիքներ ունենալ: Հանդիպման ընթացքում խոսքն, ամենայն հավանականությամբ, գնալու է ոչ թե բուն կարգավորման, այլ Վիեննայում եւ Սանկտ-Պետերբուրգում ձեռքբերված պայմանավորվածությունների իրականացման մասին: Քանի դեռ դրանք չեն իրականացվել հետագա բանակցությունների նկատմամբ վստահություն չի կարող լինել:

Սակայն, հուսալ, որ Ադրբեջանը կփոխի իր մերժողական դիրքորոշումը պայմանավորվածությունների նկատմամբ՝ եւս ավելորդ է: Պաշտոնական Բաքուն չի կարող թույլ տալ, օրինակ, միջադեպերի հետաքննության մեխանիզմ գործարկել, քանի որ այդ պարագայում անկնհայտ կդառնա, թե ով է ապակայունացնում իրավիճակը շփման գծում:

Իսկ, ընդհանուր առմամբ բանակցային գործընթացի փակուղային վիճակը բխում է խնդրի կարգավորման եւ Արցախի ապագայի վերաբերյալ սկզբունքորեն տարբեր պատկերացումներից: Քանի դեռ Ադրբեջանում, ի հեճուկս Հայաստանի, ԵԱՀԿ Մինսկի խմբի համանախագահների եւ միջազգային հանրության՝ խնդիրը բացառապես խաղաղ ճանապարհով լուծելու տրամաբանությանը, դիտարկում են ռազմական հանգուցալուծման տարբերակը՝ փակուղային վիճակը շարունակվելու է:

Տպել
1894 դիտում

Արցախն ու Հայաստանը կունենան միասնական օպերատիվ աշխատանքային օրակարգ

Հայաստան է տեղափոխվել կողոպուտի մեղադրանքով հետախուզվող

Վահան Քերոբյանն Իրանում ներկայացրել է ՀՀ տնտեսության զարգացման ընթացիկ և հեռանկարային ծրագրերը

Հունաստանի իրավապահների կողմից հետախուզվողը հայտնաբերվել է Օձունում

Արցախում փայտե բնակարաններ են կառուցվում. այս պահին կացարանի կարիք ունի 10.000 ընտանիք

Ջերմաստիճանը կբարձրանա 7-ից 10 աստիճանով

Հայաստանում COVID-19-ի համաճարակային իրավիճակը կայուն է

Լարսը փակ է միայն բեռնատար ավտոմեքենաների համար

Տեղահանված արցախցիները Հայաստանում բոլոր բուժծառայություններից օգտվում են անվճար (տեսանյութ)

Արայիկ Հարությունյանն ընդունել է Զարեհ Սինանյանի գլխավորած պատվիրակությանը. «Արմենպրես»

Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

Մարտունիում և Ասկերանում կիրականացվի չպայթած և վտանգավոր ռազմամթերքի վնասազերծում

Մեկ օրում Երևանից Ստեփանակերտ է վերադարձել 131 արցախցի

Անցած մեկ օրում ՀՀ-ում գրանցվել է ճանապարհատրանսպորտային 8 պատահար

Ոստիկանության գործավարության և գաղտնիության ռեժիմի ապահովման վարչության պետն Արագածոտնում կհանդիպի քաղաքացիների հետ

Միջպետական և հանրապետական նշանակության ավտոճանապարհները բաց են. Վարդենյաց լեռնանցքը փակ է կցորդիչով մեքենաների համար

Հայաստանում այս տարվա հոկտեմբերին մարդահամար է անցկացվելու․ այն հետաձգվել էր մեկ տարով

Շահութահարկի նվազեցում, ԱԱՀ գումարի վերադարձի նոր մեխանիզմ. ՊԵԿ-ը բիզնեսի համար սպասված նորություններ է հրապարակել

Բաղրամյան պողոտայում մեքենաներ են բախվել. կան տուժածներ

Հաստատվել է կորոնավիրուսի 198 նոր դեպք. առողջացել է 276, մահացել՝ 4 մարդ

Լարսը փակ է. ռուսական կողմում 760 բեռնատար է կուտակված

ՊԲ-ն հրապարակել է զոհված 72 զինծառայողի անուն

Լուսադեմին Աշոցքում ունեցել ենք մինչև -35 աստիճան սառնամանիք. Գագիկ Սուրենյան

Գյումրիում ավտոմեքենա է այրվել. 25-ամյա վարորդը մահացել է

Որոնողական աշխատանքների ընթացքում ևս 5 զինծառայողի աճյուն է գտնվել

ՀՀ տարածքում կան փակ ավտոճանապարհներ

Իսակովի պողոտայում մեքենան բախվել է էլեկտրական սյանը. կան տուժածներ

«Հայփոստը» եռակի թանկացրել է միջազգային առաքման սակագները․ ընկերությունից պարզաբանում են՝ նախկինում վնասով են աշխատել

Մարտահրավերներին դիմագրավելու համար պետք է հզորանալ, ինչն անհնար է պատկերացնել առանց մրցունակ կրթական համակարգի

Տարեկան ավելի քան 39 միլիոն դրամի խնայողություն. Կադաստրի կոմիտեն հրաժարվում է վարձակալած տարածքներից

Թող ձեռ քաշեն աստղադիտարանից. Բյուրականի աստղադիտարանի  շուրջ տարաձայնությունները շարունակվում են

Շրջակա միջավայրի նախարարը Անդրեա Վիկտորինին ներկայացրել է առաջնային լուծում պահանջող 3 կարևոր հիմնախնդիրները

Զորամասերից մեկի մարտական հերթապահության նախապատրաստական ավանում անցկացվել է ցուցադրական գործնական պարապմունք

Անցած գիշերվա նման ցուրտ գիշեր վերջին անգամ եղել է երեք տարի առաջ

Տիխանովսկայան կոչ է արել Բելառուսի հարցն ընդգրկել ՄԱԿ-ի օրակարգ

Հայաստանի և Վրաստանի արտգործնախարարները քննարկել են երկկողմ հետաքրքրություն ներկայացնող հարցերի լայն շրջանակ

Սպառնացել են կտրել մատները, վնասել ընտանիքի անդամներին. 1մլն 500 հազար դրամ պահանջած անձինք ձերբակալվել են (տեսանյութ)

Փետրվարի 1-ից Վրաստանում կվերականգնվեն կանոնավոր չվերթները․ Ալիք մեդիա

Կոտայքի ծննդատներում 2020 թվականին գրանցված ծնունդների թիվը 115-ով ավելացել է

Ադրբեջանի հետ սահմանների որոշման գործընթացն իրականացվում է ՀՀ ողջ բնակչությանն ուղղված պատերազմի սպառնալիքով. ՄԻՊ