Ռոբերտ Քոչարյանի մինիմում ծրագիրն ազատության մեջ մնալն է. քաղաքագետ

Ռոբերտ Քոչարյանը փորձում է ներկայանալ որպես քաղհալածյալ: Ռուսական NTV հեռուստաընկերությանը տված հարցազրույցում Քոչարյանը մի շարք հայտարարություններ էր արել, թե կարող է լուրջ կոնսոլիդացնող կենտրոն լինել այն մարդկանց համար, ովքեր տեսնում են ներկայիս խնդիրները:

Ռոբերտ Քոչարյանի՝ քաղաքականություն վերադառնալու մասին «Հայկական ժամանակ»-ը զրուցել է քաղաքագետ Արմեն Բաղդասարյանի հետ:

Պարոն Բաղդասարյան, Ռոբերտ Քոչարյանը ռուսական NTV-ին տված հարցազրույցում եւս մեկ անգամ հայտարարում է, որ Մարտի 1-ի գործը քաղաքական վենդետա է իր նկատմամբ: Նա որպես հիմնավորում նշում է այն, որ այս պահին Հայաստանում իշխանության են եկել այն մարդիկ, ովքեր 2008 թվականին զանգվածային անկարգություններ են կազմակերպել եւ հիմա իրենից վերժ են լուծում: Ինչո՞ւ է նա ցանկանում քաղհալածյալի կարգավիճակ ստանալ:

- Նա ուզում է ներկայանալ որպես քաղբանտարկյալ, որովհետեւ դա համարում է պաշտպանության լավագույն միջոցը: Նա սա ընկալում է պաշտպանական միջոց: Նա բազմաթիվ հանցանքներ է գործել, եւ հիմա պետք է կանգնի արդարադատության առաջ եւ որպես լավագույն պաշտպանություն ընտրել է այս տարբերակը՝ կարծելով, որ կշահի դրսի ուժերի համակրանքը: Սա իր մոտ չի ստացվի, որովհետեւ Ռոբերտ Քոչարյանին ինչ դերի մեջ ասես՝ կարելի է պատկերացնել, բացի քաղհալածյալից: Ծիծաղելի է, որ մարդը 10 տարի շարունակ խախտել է Սահմանադրության բոլոր հոդվածները, հալածել է իր բոլոր ընդդիմախոսներին, իսկ հիմա խոսում է քաղաքական հալածանքների մասին: Հայաստանում դա միայն ծիծաղ կառաջացնի, իսկ դրսում հիշում են նրա ղեկավարման տարիներին քաղբանտարկյալների առկայության մասին:

Ինչ վերաբերվում է Մարտի 1-ի հետ կապված խոսքերին, նրա ասածի ամենախոցելի տեղն այն է, որ նա ոչ մի բան չի ասում, թե ինչու են տեղի ունեցել այդ իրադարձությունները: Ոչինչ չի ասում բացահայտ կեղծված ընտրությունների մասին, ոչինչ չի ասում, թե ովքեր են կեղծել այդ ընտրությունները: Մարտի 1-ի իրադարձությունները հետեւանք էին այն հանցագործությունների, որոնք կատարել էին իշխանությունները:

Նա նույն հարցազրույցում հայտարարում է, որ կարող է լուրջ կոնսոլիդացնող կենտրոն լինել այն մարդկանց համար, ովքեր տեսնում են ներկայիս խնդիրները, երբ լրագրողը հետաքրքրվում է, թե ինչ ձեւաչափով է պատրաստվում ստանձնել ընդդիմության դերը: Սրան զուգահեռ էլ ՀՀԿ խոսնակ Էդուարդ Շարմազանովը նշել է, որ ՀՀԿ-ն պատրաստ է համագործակցել Քոչարյանի հետ, իսկ ՀՅԴ Բյուրոյի ներկայացուցիչ Հրանտ Մարգարյանը չի բացառել համագործակցությունն իրենց մասով: Այս երեք կողմի նմանատիպ հայտարարությունները արդյո՞ք խոսում են այն մասին, որ նրանք արդեն համագործակցության եզրեր են փնտրում:

- Նրանք փորձում են իրենց առաջնորդ Սերժ Սարգսյանին փոխարինել մեկ այլ առաջնորդով: Իրենց կարծիքով՝ ավելի վճռական առաջնորդով, որովհետեւ այդ ուժերը ներքուստ մեղադրում են Սերժ Սարգսյանին, թե ինչու նա հեշտությամբ զիջեց իշխանությունը: Նրանք Ռոբերտ Քոչարյանին կոշտ կենտրոն են տեսնում, որի միջոցով կարող են վերադարձնել իրենց կորցրած իշխանությունը: Սա չի ստացվի, որովհետեւ Ռոբերտ Քոչարյանը քաղաքական ուժ չունի, հասարակության մեջ որեւէ հենարան չունի: Նրա կարգախոսն էր՝ իմ կուսակցությունը ժողովուրդն է, բայց հիմա ակնհայտ է, որ ժողովուրդը նրա կուսակցությունը չէ: Ժողովուրդն այժմ նրան դեմ է: Նա կփորձի ստեղծել կիսաօլիգարխիկ, կիսաքրեական ինչ-որ հիբրիդային բեւեռ, բայց դա քաղաքական գործընթաց չի լինի:

- Ռոբերտ Քոչարյանը միաժամանակ մեղադրում է Սերժ Սարգսյանին՝ կառավարման խորհրդարանական համակարգին անցնելու եւ իշխանությունը 3-րդ անգամ իր ձեռքը պահելու համար, բայց նաեւ խուսափում է պատասխանել այն հարցին, թե արդյո՞ք վարչապետ դառնալու նկրտումներ ունի: Ըստ ձեզ՝ Քոչարյանը հավակնում է երկրի ղեկավարի պաշտոնի՞ն, եւ արդյո՞ք կարող է Սերժ Սարգսյանի ու Ռոբերտ Քոչարյանի միջեւ այս փուլում համագործակցություն տեղի ունենալ:

- Կարծում եմ, որ համագործակցություն տեղի ունենալ կարող է: Ռոբերտ Քոչարյանի համար վարչապետի պաշտոնը զբաղեցնելը հեռավոր, մաքսիմում ծրագիր է: Նրա մինիմում ծրագիրն ազատության մեջ մնալն է եւ իր ունեցվածքը պահպանելը, որը նա փորձում է անել քաղաքական հայտ ներկայացնելու միջոցով, ինչպես նաեւ լրատվամիջոցներ ձեռք բերելով, կիսաօլիգարխիկ շրջանակներ կոնսոլիդացնելով:

Լրատվամիջոցներից մեկը երեկ գրել էր, թե Քոչարյանը պատրաստվում է կուսակցություն ստեղծել: Քոչարյանն էլ NTV-ին տված հարցազրույցում խոսում էր կոնսոլիդացիոն կենտրոն դառնալու մասին: Նրա շուրջ կոնսոլիդացիա հնարավո՞ր է:

- Նրա մոտ կլինի աբիժնիկների կոնսոլիդացիա եւ բոլոր նրանց կոնսոլիդացիան, որոնք վախենում են արդարադատությունից: Զուտ իրավաբանորեն նա կարող է կուսակցություն ստեղծել, բայց այդ կուսակցությունը հասարակության մեջ որեւէ աջակցություն չի ունենա:

Այս ընթացքում ինֆորմացիոն արտահոսք եղավ, որ Ռոբերտ Քոչարյանը որոշ հայկական լրատվամիջոցներ է «առել»: Երեկ էլ ՆՏՎ-ով հեռարձակվեց նրա հարցազրույցը: Մինչ այդ Վաշինգտոն թայմսում էր նյութ հրապարակվել: Ինֆորմացիոն այս PR պլանը կարո՞ղ է որեւէ կերպ օգնել Քոչարյանին՝ նրա վարկը վերականգնելու եւ հետագա ծրագրերում:

- Այս ամենը ոչ մի բան չի փոխի, քանի որ մեր հասարակության հիշողությունն այդքան կարճ չէ: Մենք հիշում ենք նրա արածները  եւ նա որքան փորձի նման տարբերակով վերականգնել իր հեղինակությունը, այնքան հակառակ էֆեկտը կունենա: Եթե նրա գործունեության ինչ-որ բաներ էլ մոռացվել են, ապա հակառակ թեւը մեկ առ մեկ պետք է հիշեցնի նրա կատարած բոլոր հանցանքները: Նա իրավունք ունի իր քարոզչությունն իրականացնել, քաղաքականություն մտնել: Նա ինչքան շատ խոսի, այնքան հասարակական բացասական վերաբերմունքը նրա նկատմամբ կշատանա: 

- Մի քանի օր Երեւանում էր «պոկերի արքա» համարվող հայազգի Դեն Բիլզերյանը: Նա իր հարցազրույցներում նշել է, որ եկել է Լեւոն Քոչարյանի հայրենիքը տեսնելու: Բիլզերյանին Հայաստան եւ Արցախ բերելն, ըստ ձեզ, ի՞նչ նպատակ է հետապնդում:

- Ես նրա այցին կարեւորություն չէի տա, քանի որ Դեն Բիլզեյանը աշխարհահռչակ շոումեն է: Լավ է, որ այդպիսի մարդիկ գալիս են Հայաստան, որքան շատ գան, այդքան PR կլինի: Չկա այդպիսի բան, որ նրա այցով պայմանավորված մարդիկ իրենց կարծիքը փոխելու են Քոչարյանների նկատմամբ: Սա արհեստականորեն ուռճացված, քաղաքական նրբերանգներ տրված թեմա է: Սրա մեջ ես քաղաքական ենթատեքստեր չեմ տեսնում:

Տարօրինա՞կ չէ, որ Քոչարյանը հայտարարում է քաղաքականություն վերադառնալու մասին, բայց չի մասնակցում Երեւանի ավագանու արտահերթ ընտրություններին:

- Նա դասական իմաստով չի կարող վերադառնալ քաղաքականություն: Նա քաղաքականություն վերադառնում է՝ ողջը կամ ոչինչը տարբերակով, որովհետեւ նա չի լինելու շարքային քաղաքական կուսակցություն, նա լինելու է շարքային կալանավոր: Նա կարող է լինել կա՛մ կալանավոր, կա՛մ կարող է վերցնել իշխանությունը, միջանկյալ տարբերակը չի երեւում:

Եթե Մարտի 1-ի քրեական գործի քննությունը չակտիվանար, Քոչարյանն այս տեմպերով կակտիվանա՞ր:

- Այս տեսքով չէր ակտիվանա, բայց նա, կարծում եմ՝ քաղաքականությունից չի էլ հեռացել: Նա պասիվ վիճակում կսպասեր հարմար առիթի եւ նոր իշխանությունների թուլացման դեպքում կհայտնվեր: Հիմա նա ստիպված էր ակտիվանալ այս պահին, թեեւ կցանկանար ստվերում մնալ:

Տպել
4162 դիտում

Ռուսաստանում նոր ահաբեկչություն է կանխվել

Կան բոլոր նախադրյալները Իրանի հետ փոխգործակցությունը նոր մակարդակի հասցնելու համար․ ԲՏԱ նախարարն ընդունել է Սոբհանիին

Եթե անգամ ԵՄ-ն հետախուզական տվյալներ է հավաքում, ՌԴ-ին դա չպետք է հուզի, հերիք է քիթը խոթի մեր գործերի մեջ. Միսկարյան

Անհայտ անձը գերեզմանատանը զենք-զինամթերք է թողել

Վալերի Բրյուսովի անվան պետական համալսարանը նոր ռեկտոր ունի

Գայանե Խաչատրյանն ընտրվել է Դատավորների էթիկայի և կարգապահական հարցերի հանձնաժողովի անդամ

Ռուսաստանը բողոքի նոտա է հղել Մոլդովային․ դեսպանը կանչվել է ԱԳՆ

Աշխատել ու գերեզման գնալ չի կարելի, նոր ննջեցյալ ունեցողները պետք է ձուն ներկեն. ինչ է կարելի անել Զատկին, ինչ՝ ոչ

Կստեղծվի «Երևան» միջազգային երաժշտական ակադեմիա․ որտեղ է այն գործելու (լուսանկարներ, տեսանյութ)

16-ամյա տղաների վիճաբանությունն ավարտվել է դանակահարությամբ․ անչափահասներից մեկը հիվանդանոցում է

Սուպերմարկետի հարևանությամբ մեքենաներ են բախվել․ «Տոյոտա»-ն գլխիվայր շրջվել է

Սահմանազատման հետ կապված հարցերը դեռ քննարկումների փուլում են. «Ազատություն»

Կալանավորվել է Crocus City Hall-ի ահաբեկչության գործով անցնող 9-րդ մեղադրյալը

Լոնդոնում ներկայացվել են կոռուպցիայի դեմ պայքարում ՀՀ ՊՆ ընթացիկ ծրագրերը․ ինչ պայմանավորվածություններ են ձեռք բերվել

«BMW X6»-ը պոկված անվահեծանով մոտ 100 մետր առաջ է ընթացել․ շղթայական ավտովթար 4 մեքենայի մասնակցությամբ

Ֆրանսիական «KM Global Activity»-ի տնօրենը հետաքրքվել է, թե Հայաստանում որ ոլորտներում է հնարավոր ներդրումներ կատարել

Հայաստանն ու Ադրբեջանը ավելի քան երբևէ մոտ են խաղաղությանը․ Հաջիև

Ինչպես են փրկարարներն Արփա գետից դուրս բերում ավտոմեքենան (տեսանյութ)

Դատավորների ընդհանուր ժողովը ՍԴ դատավորի թեկնածու է ընտրել

Ադրբեջանում կարծում են, թե ԵՄ-Հայաստան-ԱՄՆ համաժողովը կարող է ՀՀ-ին «դրդել նոր «սադրանքների»

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ