Երևան
15 °C
Երեւանի քաղաքապետի արտահերթ ընտրությունների օրը շարունակում է անհայտ մնալ: Ընտրության օրը որոշելու է ՀՀ կառավարությունը՝ «Երեւան քաղաքում տեղական ինքնակառավարման մասին» ՀՀ օրենքի համաձայն: Սակայն կառավարությունը դեռ պետք է դադարեցնի գործող ավագանու լիազորությունները, քանի որ Տարոն Մարգարյանի հրաժարականից հետո առաջադրված մեկ թեկնածուն չի հավաքել անհրաժեշտ թվով ձայներ:
«Քանի դեռ կառավարությունը որոշում չի կայացրել, ուրեմն տեղի չի ունեցել ավագանու լիազորությունների դադարեցում: Օրենքը չի պարտադրում, որ կառավարությունն այս ստեղծված իրավիճակում ինչ ժամկետում պետք է որոշում կայացնի: Ըստ էության՝ կառավարությունն ազատ է»,- «Հայկական ժամանակ»-ի հետ զրույցում ասաց Քաղաքացիական պայմանագիր կուսակցության վարչության անդամ, փորձագետ Վահագն Հովակիմյանը:
Ընտրության օրվա անորոշ լինելուն զուգահեռ քաղաքական ուժերն ու գործիչներն են ակտիվացել: Մասնավորապես, իշխող Քաղաքացիական պայմանագիր կուսակցությունում միանգամից 5 թեկնածուի անուն է շրջանառվում: Այստեղ ոմանք արդեն նախընտրական քարոզարշավ են սկսել: Հավանական քաղաքապետացուներն են ԱԺ պատգամավոր Ալեն Սիմոնյանը, կրթության եւ գիտության նախարար Արայիկ Հարությունյանը, վարչապետի խորհրդական Սրբուհի Ղազարյանը, սոցապ փոխնախարար Զարուհի Բաթոյանը եւ հեռուստաէկրաններից ու կատակերգական ֆիլմերից հայտնի դերասան Հայկ Մարությանը (Կարգին Հայկո): Որոշ տեղեկությունների համաձայն՝ Մարությանը հենց քաղաքապետ դառնալու հույսերով է տեղավորվել վարչապետի կուսակցությունում: ՔՊ-ի նշյալ թեկնածուներից ակտիվ է նաեւ Ալեն Սիմոնյանը: Նա ակտիվորեն այցելում է մայրաքաղաքի տարբեր վայրեր եւ ֆեյսբուքյան ուղիղ եթերների միջոցով հայտարարում է, թե այս կամ այն խնդիրն է լուծել:
ՔՊ-ում դեռ քննարկում են՝ առանձի՞ն, թե՞ դաշինքով ընտրությունների գնալու հարցը: Սակայն, մի բան հստակեցված է՝ եթե ԵԼՔ դաշինքով մասնակցեն, ապա ցուցակի առաջին երեք համարները լինելու են ՔՊ-ականները: Դաշինքի «փլուզման» դեպքում էլ Լուսավոր Հայաստանը միայնակ կմասնակցի ընտրություններին: Շրջանառվող տեղեկությունների համաձայն՝ ցուցակն այս դեպքում կգլխավորի սոցապնախարար Մանե Թանդիլյանը:
ԲՀԿ-ն եւս որոշել է մասնակցել ՏԻՄ ընտրություններին: ԱԺ պատգամավոր Նաիրա Զոհրաբյանը ՀԺ-ի հետ զրույցում նշեց, որ այս պահին ԲՀԿ-ն մեկ քաղաքական որոշում ունի՝ մասնակցելու են Երեւանի ՏԻՄ ընտրություններին, իսկ թե ինչ ցուցակով՝ քննարկման փուլում է:
«Ցուցակում լինելու են մարդիկ, որոնց մասին հանրության եւ երեւանցիների շրջանում հարցականներ չեն լինելու, մութ պատմություններ չեն լինելու: Ցուցակում լինելու են մարդիկ, ովքեր պատկերացնում են Երեւանի խնդիրները եւ դրանց լուծման համար առաջարկում են կարճ ժամկետներ: Առաջիկա օրերին պարզ կլինի, թե ովքեր են գլխավորում ԲՀԿ-ի ցուցակը»,- ասաց Նաիրա Զոհրաբյանը:
ԲՀԿ-ում դաշինքով ընտրություններին մասնակցելու տարբերակներ չեն քննարկվել: Նաիրա Զոհրաբյանն էլ մեր զրույցում փոխանցեց, որ ԲՀԿ-ն այս պահի տրամադրվածությամբ Երեւանի ընտրություններին կմասնակցի միայնակ: ԲՀԿ-ում հակված են առանձին մասնակցել ընտրություններին:
ԲՀԿ-ամերձ աղբյուրներից ՀԺ-ին փոխանցեցին, որ ԲՀԿ-ի ցուցակի առաջին եռյակում լինելու են ԱԺ պատգամավոր Նաիրա Զոհրաբյանը, «Կենտրոն» ՀԸ-ի «Ուրվագիծ» հաղորդման հեղինակ Պետրոսյան Ղազարյանը: ԲՀԿ-ի թեկնածուների ցուցակը համալրելու նպատակով կուսակցությունը նախաձեռնել է սոցհարցում: Երեւանի փողոցներում հարցում են անում՝ Նաիրա Զոհրաբյանից, Գեւորգ Պետրոսյանից, Ռուբեն Գեւորգյանից (Ծաղիկ Ռուբո), Արարատ Զուրաբյանից, Վահե Էնֆիաջյանից կամ Հրաչյա Ռոստոմյանից որ մեկին են ցանկանում տեսնել որպես Երեւանի քաղաքապետ:
ՕԵԿ-ից Հեղինե Բիշարյանը ՀԺ-ի հետ զրույցում տեղեկացրեց, որ քննարկում են Երեւանի ավագանու ընտրություններին մասնակցելու հարցը: Ըստ նրա՝ ՕԵԿ-ը, ամենայն հավանականությամբ, կմասնակցի Երեւանի ՏԻՄ ընտրություններին: Այս օրերին էլ հստակեցվում է թեկնածուների հարցը: Բիշարյանը մեր հարցին ի պատասխան փոխանցեց, որ ցուցակում ինքը եւ Արթուր Բաղդասարյանը չեն լինելու: Նրա խոսքով՝ ՕԵԿ-ի ցուցակում լինելու են հանրությանը ոչ հայտնի մարդիկ եւ միաժամանակ չբացառեց Մհեր Շահգելդյանի թեկնածությունը:
«Ես եւ պարոն Բաղդասարյանը չենք լինելու: Սա ընդամենը Երեւան քաղաքի ավագանու ընտրություններ են: Մենք չենք ուզում ծանրացնել այն աստիճան, որ մասնակցությունը պետք է լինի կուսակցության ղեկավար մարմնի դեմքերով: Մենք մտածում ենք, որ տարբեր մասնագիտություններ եւ մտածողություններ ունեցողներ լինեն ցուցակում, որոնք հանրությանը հայտնի չեն»,- ասաց Հեղինե Բիշարյանը:
ՀԱԿ-ից Արամ Մանուկյանն էլ նշեց՝ իսկ քաղաքապետի ընտրությունների օրը նշանակվա՞ծ է, որ մենք էլ մասնակցության մասին խոսենք: «Սպասենք, կառավարության որոշումը լինի, նոր դրա մասին կխոսենք»,- մասնավորապես, ասաց նա եւ նշեց, որ ՀԱԿ-ում քաղաքապետի հավանական թեկնածուների անուններ էլ չեն քննարկել:
Հիմնադիր խորհրդարանի անդամ Կարո Եղնուկյանը վերջերս հայտարարել էր, որ Հիմնադիր խորհրդարանը եւս մասնակցելու է Երեւանի ավագանու ընտրություններին: Հիմնադիր խորհրդարանի մամուլի խոսնակ Սյուզան Սիմոնյանը «Հայկական ժամանակ»-ի հետ զրույցում նշեց, որ ոչ հարյուր տոկոսով կարող է հաստատել, ոչ էլ հերքել կուսակցության մասնակցության մասին տեղեկությունները: Նրա փոխանցմամբ՝ ընթանում են քննարկումներ: Մեր հարցին՝ հնարավո՞ր է Ժիրայր Սեֆիլյանը գլխավորի ցուցակը, Սիմոնյանը նշեց, որ այս մասով եւս ոչինչ չի կարող ասել:
Դաշնակցությունը եւս հստակ որոշել է մասնակցել Երեւանի ավագանու ընտրություններին: Թեկնածուների անունների հստակեցումը քննարկման փուլում է: Այս մասին ՀԺ-ին փոխանցեց ՀՅԴ ԳՄ ներկայացուցիչ Արսեն Համբարձումյանը: Մեր հարցին ի պատասխան նա նշեց, որ ՀՅԴ-ն դաշինքով մասնակցել չի պատրաստվում:
Միակ քաղաքական ուժը, որը հրապարակել է իր թեկնածուի անունը՝ Երկիր Ծիրանի կուսակցությունն է: ԵԾ ցուցակը գլխավորելու է Զարուհի Փոստանջյանը:
Այս պայքարում խաղից դուրս է մնում ՀՀԿ-ն: Թեեւ կուսակցությունը պաշտոնապես հայտարարում է, որ քաղաքական այս գործընթացների մասով քննարկումներ են ընթանում, սակայն ՀՀԿ-ի մեր աղբյուրները փոխանցում են, որ կուսակցությունը Երեւանի ավագանու ընտրություններին չի մասնակցելու:
Այս օրերին, երբ կառավարության կողմից չի դադարեցվել գործող ավագանու գործունեությունը եւ չի նշանակվել ընտրության օր, «Հայկական ժամանակ»-ը փորձագետ Վահագն Հովակիմյանից հետաքրքրվեց՝ արդյո՞ք հնարավոր է, որ մինչեւ կառավարության կողմից ավագանու լիազորությունների դադարեցումը ավագանու կազմը փորձի մեկ կամ մի քանի անգամ նիստ գումարել ու փորձել նոր քաղաքապետ ընտրել: Հովակիմյանը պատասխանեց. «Երեւան քաղաքում տեղական ինքնակառավարման մասին» օրենքը նման կարգավորում թույլ չի տալիս:
Առևտրով զբաղվող անհատ ձեռնարկատերը պետությանը պատճառված վնասից պետբյուջե է վերականգնել 135 միլիոն դրամ
Ավտոբուսը ընկել է բաց դիտահորը, տեղի է ունեցել վառելիքի արտահոսք
Գուցե ոմանց երազանքն է, որ ՔՊ-ն չմասնակցի առաջիկա ընտրություններին, բայց նման հաճույք չենք պատճառի. Կոնջորյան
Գագիկ Ղազինյանը հրավիրվել է դատախազության ապօրինի գույքի բռնագանձման վարչություն
Ինչ զիջումների մասին է խոսվում Ջո Բայդենի՝ Նիկոլ Փաշինյանին ուղղված նամակում. Կոնջորյանը մանրամասնել է
Ինչ են քննարկել ԲՐԻԿՍ-ի առաջնորդներն ընթրիքի ժամանակ. Պուտինն անհատապես հանդիպել է գրեթե բոլորի հետ
ԱՄՆ-ն մշտապես աջակցություն է հայտնել խաղաղության գործընթացին. Հայկ Կոնջորյան
Ես ձեզ զգուշացնում եմ՝ ինձ հետ սպառնալիքով մի՛ խոսեք, դա չի աշխատելու. Սիմոնյանը՝ Մինասյանին
ՊՊԾ պետն ու ոչ զինվորական տեղակալը զենք կրելու, պահելու և կիրառելու լիազորություն կստանան. Առաքելյան
Համաշխարհային առաջնորդների ամենամեծ հանդիպումներից մեկը. ովքեր են ժամանել Կազան, և ինչ է սպասվում առաջիկա օրերին
Ալիևը ժամանել է Կազան. օդանավակայանում նա կծել է չակ-չակն ու տվել իր պատվիրակության անդամին (տեսանյութ)
Երևանի աղբահանության և սանմաքրման համայնքային հիմնարկի հավաքակայանը համալրվել է աղբատար 14 նոր մեքենայով
20 օր արգելվում է կենդանիների արածեցումը. սկսվել են մկնասպան թունանյութի բաշխման աշխատանքներ
Մանդատ դնել-չդնելու մասին դեռ լուր չկա. թիվ 31 ՏԸՀ-ն «Բալասանյան» դաշինքի ընտրացուցակից դուրս գալու դիմումներ է ստացել
Ավետ Պողոսյանն ընտրվել է Հեռուստատեսության և ռադիոյի հանձնաժողովի անդամ
ՔՊ խմբակցության ղեկավարն անդրադարձել է ՀՀ արդարադատության նախարարի պաշտոնը թափուր մնալու հետ կապված հարցին
Ամենամեծ ռևանշիզմն այն է, ինչ հիմա անում է Բաքուն․ Ալեն Սիմոնյան
Արդարադատության նախարարի թեկնածու չունենք, պետք է դիտարկենք նաև կուսակցության անդամ չհանդիսացող մասնագետների․ Սիմոնյան
Դանակահարված երիտասարդը հիվանդանոցում հայտնել է՝ ընկել է ամրանի վրա. ինչ է եղել իրականում
Վստահ եմ՝ Խաղաղության պայմանագրի կնքումից հետո Ադրբեջանը հետ կքաշվի այն մասերից, որտեղ ինքն առաջ է․ Ալեն Սիմոնյան
Լեռնային Ղարաբաղում կրկին ադրբեջանցի զինծառայող է մահացել
Տավուշում երկու եռանկյունի կա, Ադրբեջանինը գտնվում է մեր տիրապետության տակ, իսկ մերը՝ իրենց․ Սիմոնյան
«Միսս Տիեզերք» մրցույթը Հայաստանի մասնակցության մասին հայտարարություն է տարածել և կոչ արել նոր մասնակից ընտրել
Արարատյան դաշտում առաջիկա օրերին սպասվում է -1-ից -5 աստիճան ցուրտ, կանխատեսվում են տեղումեր
Նախատեսվում է Հայաստանին տրամադրել 75 մլն եվրո բյուջետային աջակցության վարկ․ ֆինանսների նախարար
Սուրեն Պապիկյանն ու Հայաստանում Վրաստանի դեսպանը քննարկել են պաշտպանության բնագավառում համագործակցության ընթացքը
Կազանում մեկնարկել է ԲՐԻԿՍ-ի գագաթնաժողովի նեղ կազմով նիստը. նախագահում է Պուտինը
Մոպեդների մասնակցությամբ ՃՏՊ-ների կանխման նպատակով միջնորդագրեր են հղվել պատկան մարմիններին. ՔԿ
Հօգուտ Հայաստանի կբռնագանձվի շուրջ 850 հազար դոլար. դատարանը բավարարել է Դատախազության հայցադիմումը
Ռազմական դրության ժամանակ ոստիկանության գվարդիան կարող է ստանալ հատուկ առաջադրանքներ․ ՆԳՆ փոխնախարար
«Նոա»-ն մեկնել է Վիեննա․ Կոնֆերենցիաների Լիգայի երկրորդ փուլում նրանք կմրցեն «Ռապիդի» հետ
ՊԵԿ-ը 21 ավտոգազալցակայանում հայտնաբերել է ապրանքային մնացորդի պակասորդ. առաջադրվել է 4,8 մլրդ դրամ տուգանք
Տավուշի բնակավայրերից մեկում իրականացվելու են պայթեցման աշխատանքներ. ՊՆ
Վանաձոր-Սպիտակ մայրուղում գործող հանրային սննդի կետի գործունեությունը կասեցվել է
Մեսսին՝ MLS-ի հոկտեմբերի լավագույն ֆուտբոլիստ
Բաքվում սպանվել են ռուսական դրամատիկական թատրոնի դերասանն ու նրա կինը
Օտարերկրացիների մոտ հայտնաբերվել է թմրամիջոցի 34 փաթեթ. նրանք ձերբակալվել են (տեսանյութ)
Ֆրանսիայի ԱԳ նախարարը դատապարտել է Ադրբեջանի կողմից միջազգային իրավունքի խախտումները․ Բաքվում ջղաձգվել են
Ազգային ժողովը վավերացրեց Հայաստանի և Ադրբեջանի սահմանազատման հանձնաժողովների Կանոնակարգը
Թուրքիայի նախագահը 6 տարվա ընդմիջումից հետո մասնակցելու է ԲՐԻԿՍ-ի գագաթնաժողովին. նա կմեկնի Կազան
