Նախընտրական փուլում ՀՀ-ին հաղթած թիմերն այլեւս ֆուտբոլի աշխարհի առաջնությունում չեն

Աշխարհի 2018 թ. առաջնության նախընտրական փուլում Հայաստանի ֆուտբոլի ազգային հավաքականին հաղթած Դանիան ու Լեհաստանն այլեւս չեն պայքարում մրցաշարի եզրափակիչ փուլում: Երեկ՝ հուլիսի 2-ին, Մունդիալը ձախողած Լեհաստանին միացավ նաեւ Դանիան:

Դանիան 1/8 եզրափակչում դրամատիկ պայքարում զիջեց Խորվաթիային: Երեկ դանիացիները Մատիաս Յորգենսենի գոլի շնորհիվ առաջին րոպեին առաջ անցան: Ընդամենը 3 րոպե անց Խորվաթիայից հաշիվը հավասարեցրեց Մարիո Մանջուիչը: Մնացած ժամանակահատվածում գոլեր չգրանցվեցին: Լրացուցիչ ժամանակում Լուկա Մոդրիչը կարող էր հաղթանակ պարգեւել իր թիմին, սակայն չիրացրեց Անտե Ռեբիչի վաստական 11-մետրանոցը: Խաղի հիմնական ու լրացուցիչ ժամանակն ավարտվեց 1:1, իսկ 11-մետրանոց հարվածաշարում խորվաթներն ավելի դիպուկ գտնվեցին

Մինչեւ 1/8 եզրափակիչ հասնելը դանիացիներն ընդգրկված էին C խմբում: Այդտեղ նրանք 5 միավորով 2-րդ տեղը զբաղեցրեցին՝ առաջինը զիջելով Ֆրանսիային (7 միավոր): Ոչ մի պարտություն չկրեցին: Հաղթեցին Պերուին (1:0), ոչ-ոքի խաղացին Ավստրալիայի (1:1) ու Ֆրանսիայի (0:0) հետ:

Եթե Դանիան պայքարեց ու մինչեւ փլեյ-օֆ հասավ, ապա Լեհաստանն անփառունակ ելույթներ ունեցավ ԱԱ-ում: Տեսականորեն H խմբի ֆավորիտն էր, բայց զբաղեցրեց վերջին տեղը: Առաջին խաղում անակնկալ պարտվեց Սենեգալին (1:2), հետո էլ խոշոր հաշվով զիջեց Կոլումբիային (0:3):

Հաղթանակ տարավ, միայն ոչինչ չորոշող 3-րդ տուրի Ճապոնիայի դեմ խաղում (1:0), բայց վաստակած 3 միավորներն անգամ խմբի վերջին հորիզոնականը լքելու համար բավարար չեղան: Թիմի առաջատար Ռոբերտ Լեւանդովսկին էլ (լուսանկարում), որը նախընտրական 2 խաղերում ՀՀ-ին 4 գոլ էր խփել, 16 գոլով դարձել էր եվրոպական գոտու նախընտրական փուլի լավագույն ռմբարկու, ԱԱ-ում ոչ անգամ մրցակիցների դարպասը չգրավեց:

Լեհաստանը որակավորման փուլում 2016-ի հոկտեմբերին Հայաստանին հաղթել էր 2:1: 2017-ի հոկտեմբերին Երեւանի Վազգեն Սարգսյանի անվան «Հանրապետական» մարզադաշտում ջախջախել էր 6:1, Լեւանդովսկին էլ հետ-տրիկի հեղինակ էր դարձել: Դանիան 2016-ի սեպտեմբերին սեփական հարկի տակ ՀՀ-ին հաղթել էր 1:0: 2-րդ խաղում՝ 2017-ի սեպտեմբերին, ինչպես Լեհաստանը, հյուրընկալվելիս առավելության հասավ խոշոր հաշվով՝ 4:1: Այժմ այս 2 հավաքականների ֆուտբոլիստներն էլ հունիսի 14-ից հուլիսի 15-ը Ռուսաստանում ընթացող մրցաշարը կդիտեն հեռուստացույցով:

Տպել
1549 դիտում

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ