«Օրենքով գող» Օշականցի Գեւորիկը, Զապը ցուցմունք են տվել իրենց դեմ մահափորձի գործով

Արմավիրի մարզի ընդհանուր իրավասության դատարանի Էջմիածնի նստավայրում այսօր սկսվեց քրեական հեղինակություն Դոն Պիպոյի (Արթուր Ասատրյան), «օրենքով գող» Օշականցի Գեւորիկի (Գեւորգ Մելիքյան), եւ Զապի (Անդրանիկ Սողոյան) սպանության նախապատրաստման գործով անդրանիկ նիստը: Նիստը նախագահում էր դատավոր Վահե Խալաթյանը:

Դատական նիստը, սակայն, մի քանի րոպե տեւեց. դատարան չէին ներկայացել ամբաստանյալներից երեքի պաշտպանները, ինչպես նաեւ՝ գործով տուժող Դոն Պիպոն եւ մյուս երկու «օրենքով գողերը»:

Դոն Պիպոյի, Օշականցի Գեւորիկի եւ Զապի դեմ նախապատրաստվող սպանության համար 2017թ. մայիսի 24-ին Էջմիածնի բնակարաններից մեկում վնասազերծվել էին Վազգեն Ղազախեցյանը, Արտակ Այվազանը, Արկադի Քոչինյանը: Նրանց սպանությունը նախապատրաստելու մեջ մեղադրվող անձինք կալանքի տակ են 2017-ի մայիսից: Համաձայն մեղադրանքի` Զոհրաբ Ղումաշյանը քննությամբ չպարզված անձի դրդչությամբ պատվիրել է Արտակ Այվազյանին մի խումբ անձանց՝ Վազգեն Ղազախեցյանի եւ Արկադի Քոչինյանի հետ նախնական համաձայնությամբ, շահադիտական դրդումներով, դիտավորությամբ ապօրինաբար կյանքից զրկել երեք անձանց՝ Արթուր Ասատրյանին, Գեւորգ Մելիքյանին եւ Անդրանիկ Սողոյանին՝ ղեկավարելով ու կազմակերպելով սպանությունների նախապատրաստությանն ուղղված գործողությունները, որոնց շրջանակում ապօրինի կեպով ձեռք է բերել, փոխադրել ու պահել հրազեն եւ ռազմամթերք։

Ամբաստանյալ Արտակ Այվազյանը չառարկեց առանց պաշտպանի շարունակել նիստը: Նրա պաշտպան Հայկ Ալումյանը միջնորդություն էր ուղարկել դատարան՝ նշելով, որ նախապես նշանակված դատական նիստ ունի, ուստի միջնորդել էր հետաձգել սույն գործով նիստը: Արկադի Քոչինյանը հայտարարեց, որ հրաժարվել է իր պաշտպան Արմինե Ֆանյանից եւ հայտարարեց, որ այլ պաշտպան չի ցանկանում ունենալ՝ նշելով, որ կարող է ինքն իրեն պաշտպանել: Քոչինյանը նաեւ խնդրեց իրեն տրամադրել գործի բոլոր նյութերը, ապա ուղղեց՝ այն ապացույցներն ու նյութերը, որոնք իմ դեմ են. «Մինչեւ հիմա չգիտեմ՝ ինչի մեջ եմ մեղադրվում»,- հավելեց նա: Նման պայմաններում դատական նիստը հետաձգվեց՝ մյուս նիստին պաշտպանների եւ տուժողների ներկայությունն ապահովելու պայմանով: Նիստը հետաձգվեց մեկ ամսով. այն տեղի կունենա հուլիսի 20-ին:

Նիստի ավարտից հետո ամբաստանյալ Զոհրաբ Ղումաշյանի պաշտպան Վահան Հովհաննիսյանը մեր զրույցում ասաց, որ նախաքննության ընթացքում սույն գործով բազմաթիվ բացթողումներ են եղել, որի վերաբերյալ իրենց կողմից պատրաստվել են միջնորդություններ եւ դատաքննության ընթացքում դրանք կներկայացվեն: Առաջադրված մեղադրանքում Ղումաշյանն իրեն մեղավոր չի ճանաչում:

Նշենք, որ սույն գործի նախաքննության ընթացքում պաշտպանական կողմը բազմիցս պնդել է, որ մեղադրյալներ Արկադի Քոչինյանին, Արտակ Այվազյանին եւ Վազգեն Ղազախեցյանին մինչ իրավապահների գտնելը առեւանգել են, 3 օր պահել, բռնության ենթարկել՝ պահանջելով խոստովանել, թե ով է պատվիրատուն: Եվ ահա այս պնդումներից մեկ տարի անց Ազգային Անվտանգության ծառայությունը հայտարարություն տարածեց այն մասին, որ առեւանգման գործի շրջանակներում խուզարկություն է իրականացվել Դոն Պիպո մականունով հայտնի Արթուր Ասատրյանին պատկանող առանձնատանը, կից շինություններում, այլ տարածքներում, ինչի արդյունքում հայտնաբերվել է ապօրինի պահվող զենք եւ ռազմամթերք: Դրանից հետո Արթուր Ասատրյանը ձերբակալվել, ապա կալանավորվել է: Արթուր Ասատրյանը մեղադրվում է Քրեական օրենսգրքի 131-րդ հոդվածի 1-ին, 2-րդ, 3-րդ  եւ 6-րդ կետերով (մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առեւանգումը) եւ 235-րդ հոդվածի 2-րդ մասով (Մի խումբ անձանց կողմից նախնական համաձայնությամբ հրազեն եւ ռազմամթերք ապօրինի կերպով ձեռք բերելը եւ պահելը) նախատեսված հանցագործություն կատարելու մեջ: Առեւանգման գործի շրջանակներում եւս 4 անձինք են ձերբակալվել, որոնք, ԱԱԾ-ի հաղորդմամբ` Ռուսաստանի Դաշնության քաղաքացիներ են:

Այս գործի վերաբերյալ ԱԱԾ-ն տարածել է նաեւ տեսանյութ, որում գործով անցնող Արտակ Այվազյանը, Վազգեն Ղազախեցյանն ու Արկադի Քոչինյանն են: Ըստ ԱԱԾ-ի տարածած հաղորդագրության՝ տեսանյութից ակնհայտ է դառնում, որ առեւանգողները, սպառնալիքներ հնչեցնելով, պահանջել են հայտնել սպանության պատվիրատուի անունը, ըստ որում՝ կադրում չերեւացող հարցադրումներ անող անձի անունը Պիպո է: Տեսանյութում որպես պատվիրատուի անուն նշվում է ոմն Արտյոմ, երևում է, որ առեւանգվածները պատասխանում են ըստ ԱԱԾ-ի՝ անձամբ Դոն Պիպոյի հարցերին:

Դոն Պիպոն հարցնում է. «Էս կողքինդ ո՞վ ա»: Առեւանգված Արտակ Այվազյանը պատասխանում է՝ Վազգենը: Մյուս հարցին՝ ինչքա՞ն փող պտի տայիք սրան, որ ինձ խփեր, առեւանգվածը պատասխանում է «Արտյոմն ասել ա՝ տաս հազար»: Ենթադրվում է, որ Արտյոմը նույն ինքը քրեական հեղինակություն Արտյոմ Կանեւսկոյն է. վերջինիս անունը պարբերաբար հայտնվել է մամուլում որպես պատվիրատու: Ավելին՝ մեզ հայտնի դարձավ, որ Կանեւսկոյը մի քանի անգամ ԱԱԾ-ում սույն գործով ցուցմունք է տվել:

Մեղադրյալ Զոհրաբ Ղումաշյանի պաշտպան Վահան Հովհաննիսյանն ասաց, որ ԱԱԾ-ի տարածած այս տեսանյութն ի սկզբանե եղել է քրեական գործի նյութերում. «Քրեական գործում տեսանյութը եղել է, սակայն պաշտպանական կողմին չի տրամադրվել, տեսանյութի վերաբերյալ բոլոր փաստաթղթերը քրեական գործից հանված են: Բազմիցս դիմել ենք, քանի որ դրա վերաբերյալ որոշակի ապացույցներ կան գործում, սակայն մեզ համար տարակուսելի պատճառով տեսանյութը մեզ չի տրամադրվել, մենք հնարավորություն չենք ունեցել դրան ծանոթանալ»,- ասաց պաշտպանը: Նա նշեց, որ հնարավորություն չեն ունեցել քրեական գործի նյութերին ծանոթնալու, եւ որ քննչական գործողությունները արվել են իշխանփոխությունից հետո: Նա նաեւ ասաց, որ մեղադրյալների նկատմամբ ճնշումներ են եղել, որի վերաբերյալ ապացույցները գործում բազմաթիվ են. «ճնշումները իրականացվել են ինչպես անմիջականորեն (Խոսքը Դոն Պիպոյի կողից ենթադրյալ ճնշում գործադրելու մասին է,-հեղ.), այնպես էլ միջնորդավորված»:

Մեր հարցին, թե նախաքննության ընթացքում Դոն Պիպոն, Զապը եւ Օշականցի Գեւորիկը հարցաքննվե՞լ են, Հովհաննիսյանը դրական պատասխան տվեց, սակայն այդ մասով այլ մանրամասներ չհայտնեց: Պաշտպանն ասաց, որ անհրաժեշտություն է եղել առերեսում կատարել իր պաշտպանյալի եւ Դոն Պիպոյի, Օշականցի Գեւորիկի եւ Զապի միջեւ, սակայն նախաքննական մարմինը դա չի արել: Պաշտպանն ասաց նաեւ, որ իր կարծիքով սույն գործով տուժողների մասնակցությունը պարտադիր է. «Ինձ հետաքրքիր էր այն, որ դատարանը հետաքրքրվեց, թե ինչու տուժողը չի ներկայացել, հետաքրքիր է, թե Դոն Պիպոն ՔԿՀ-ից ինչպե՞ս պետք է կամովին ներկայանար, անգամ գրություն չէր ուղարկվել դատարանի կողմից, որպեսզի տուժողը ներկայանա դատական նիստին»,- եզրափակեց Ղումաշյանի պաշտպանը:

Տպել
17089 դիտում

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին