Արգենտինայի հավաքականում մեծ հույսեր կային ԱԱ-ի հետ կապված. արգենտինացի լրագրողը՝ ՀԺ-ին

Ռուսաստանում ընթացող աշխարհի 2018 թ. առաջնությունը կարող է ողբերգությամբ ավարտվել Արգենտինայի ֆուտբոլի ազգային հավաքականի համար: Խորխե Սամպաոլիի գլխավորած թիմը մոտ է խմբային փուլը չհաղթահարելուն: D խմբի առաջին 2 հանդիպումներից հետո ունի ընդամենը 1 միավոր եւ եզրափակում է մրցաշարային աղյուսակը: Առաջին խաղում ոչ-ոքի է խաղացել Իսլանդիայի հետ (1:1), իսկ 2-րդում խոշոր հաշվով պարտվել է կրել Խորվաթիային (0:3): Միայն այսօր՝ հունիսի 26-ին, կայանալիք D խմբի 3-րդ տուրում հաղթելով հաջորդ փուլի ուղեգիր կնվաճի:

Հատկապես 2-րդ խաղից հետո բազմաթիվ քննադատություններ հնչեցին ֆուտբոլիստների, մարզչի հասցեին: Միջազգային մամուլը գրում էր, որ ֆուտբոլիստների ու մարզչի հարաբերությունները շատ վատ են, այն աստիճան, որ խմբային փուլի վերջին տուրում խաղացողներն իրենք են ընտրելու կազմը, իսկ Սամպաոլիի ներկայությունը ձեւական բնույթ է կրելու: «Հայկական ժամանակ»-ը, որն այն օրերին ԱԱ-ն լուսաբանում է Սանկտ Պետերբուրգից, բազմաթիվ հայ ֆուտբոլասերների հետաքրքրող Արգենտինայի հավաքականի շուրջ ստեղծված իրավիճակի մասին զրուցել է արգենտինական  Diario Clarin պարբերականի լրագրող Նաուել Լանսիյոտայի հետ:

- Ի՞նչ գիտես հանդերձարանում տիրող իրավիճակի մասին:

- Առաջին 2 խաղերի արդյունքները գոհացուցիչ չէին, եւ ֆուտբոլային ցուցանիշների պատճառով ակնհայտորեն լարվածություն կա: Միշտ էլ չհաղթելը այն էլ այնպիսի թիմի դեպքում, ինչպիսին հաղթանակներին սովոր Արգենտինան է, լարվածություն, դժգոհություններ է առաջացնում: Բացի այդ՝ մեծ հույսեր կային աշխարհի այս առաջնության հետ կապված, քանի որ բազմաթիվ փորձառու խաղացողների համար սա աշխարհի վերջին ԱԱ-ն է: Նրանցից է, օրինակ, Խավիեր Մասկերանոն, շատերը նույնն ասում են նաեւ Լիոնել Մեսսի մասին, թեպետ նրա դեպքում հնարավոր չէ վստահ լինել. հաշվի առնելով նրա տարիքը (խմբ. 31)՝ դեռ էլի կարող է խաղալ ԱԱ-ում: Շատ էին պատրաստվել: Ունեին նպատակ, որը չիրականացավ: Բախվեցին իրականությանը, եւ դա հարված էր:

- Որքանո՞վ է ճիշտ, որ գլխավոր մարզիչ Խորխե Սամպաոլիի ու խաղացողների հարաբերությունները վատ են:

- Այդպես չէ: Ինչ-որ բան կա, իհարկե: Խորվաթիայի դեմ խաղում ծանր պարտություն կրելուց հետո (խմբ. 0:3) ժողով է եղել խաղացողների հետ: Մթնոլորտը թեժ է եղել, խաղացողները շատ վատ տրամադրություն են ունեցել եւ մարզչին հայտնել են, որ խաղադաշտում իրենց գործողությունների հետ կապված հարցեր կան, որ ինչ-որ բաներ լավ չեն հասկանում: Գուցե հանդիպման ընթացքում մարզչի կատարած փոփոխությունները վատ անդրադարձան ընթացի վրա... ամեն դեպքում խոսել են իրար հետ, ասել են իրար երեսի այն, ինչ պետք է ասեին: Ակնհայտ է, որ ամեն ինչ կարգին չէ, բայց ոչ էլ կարելի է ասել որ հարաբերությունները վատ են:

- Ի՞նչ ես կարծում, Սամպաոլին է մեղավոր, որ թիմը վատ է խաղում, թե՞ պարզապես աշխարհի այս առաջնությունում այսպես դասավորեց:

- Իհարկե, մարզչի դերն այս հարցում շատ մեծ է: Սամպաոլին մարզիչ է, որը մի խաղից մյուսը երբեք չի կրկնում մարտավարությունը, եւ սա կարող է շփոթեցնել շատ խաղացողների, մանավանդ, երբ մի խաղից մյուսը նախապատրաստվելու քիչ ժամանակ կա, եւ ֆուտբոլիստները խաղադաշտում կարող են սխալներ թույլ տալ, ինչպես եղավ անցած խաղում: Հետեւաբար՝ մարզչի մեղքը այստեղ կա՝ հաշվի առնելով, թե ինչպես է կազմակերպում խաղը խաղադաշտում, ինչ փոփոխություններ է անում: Բայց կա նաեւ խաղացողների պատասխանատվությունը: Օրինակ, որքան էլ տարօրինակ լինի, հարցեր կա Լիոնել Մեսսիի տրամադրվածության հետ կապված. Արգենտինան պարտվում է, իսկ խաղադաշտում նրա արձագանքը չկա:

- Նրան հայրենիքում շատ են քննադատում: Ի՞նչ կասես այդ մասին: Արդարացի՞ են:

- Իհարկե, ո՛չ: Ո՛չ, որովհետեւ աշխարհի լավագույն խաղացողն է, որովհետեւ նա միշտ պատրաստ է եղել Արգենտինայի հավաքականի համար: Հանգիստ կարող էր խաղալ Իսպանիայի հավաքականում, քանի որ այդ երկիր է տեղափոխվել շատ փոքր տարիքում եւ որպես ֆուտբոլիստ աճել է այնտեղ: Նա ընտրել է իր երկիրը, միշտ հարգել է այն: ԶԼՄ-ների մի մասը՝ ոչ բոլորը, ինչպես նաեւ երկրպագուների մի մասը, նրան քննադատում են, բայց նա միշտ հարգալից է եղել բոլորի նկատմամբ, երբեք ոչ ոքի մասին վատը չի խոսել: Ճիշտ է՝ 1 անգամ բախում ունեցավ, երբ Ամերիկայի գավաթում՝ Ամերիկայի ֆուտբոլային միության հիմնադրման եւ այս մայրցամաքի առաջին առաջնության 100-ամյակին նվիրված արտահերթ մրցաշարի («Copa America Centenario») եզրափակչում պարտվեց: Հայտարարեց, որ հեռանում է հավաքականից: Դա իհարկե տաք գլխով էր ասել, զղջաց ու վերադարձավ: Ու հիմա կրկին... իմ կարծիքով՝ արդար չեն: Արդար է, երբ կառուցողական քննադատություն կա, երբ դժգոհում են, քանի որ վատ է ելույթ ունենում, օրինակ, ինչպես վերջին խաղում: Իհարկե, պետք է գիտակցել նաեւ, որ նա մարդ է, մեքենա չէ: Պելեն էլ վատ խաղեր ունեցել է, Կրիշտիանու Ռոնալդուն էլ:

- Նրանից սպասելիքները շատ են:

- Որովհետեւ նա լավագույնն է: Լավագույնից միշտ լավագույնն են պահանջում, եւ երբ դա չի անում, շատ վտանգավոր է իրավիճակ է ստեղծվում նրա համար:

- Արգենտինան 1/8 եզրափակիչ դուրս գալու ի՞նչ հնարավորություններ ունի:

- Տեսնում եմ, որ հնարավորություններ ունի խաղացողների անհատական որակների հաշվին: Կան խաղացողներ, օրինակ Մեսսին, Սերխիո Գուերոն, Գոնսալո Իգուաինը, Անխել դի Մարիան, որոնք ունեն այնպիսի անհատական որակներ, որ խաղադաշտում մեծ ուժ է: Արգենտինան թիմ չէ, չի խաղում որպես մեկ թիմ, շատ թերություններ ունի այդ առումով: Մարզիչը ճիշտ խաղաոճը չի գտել, որը կարող է աշխատել, անընդհատ փոփոխություններ է անում. 3 պաշտպան, 4 պաշտպան.... Կարծում եմ՝ շատ բարդ է: Լավատեսություն այնքան էլ չկա, հատկապես հաշվի առնելով այն, ինչ տեսել ենք առաջին 2 խաղերում: Բայց մյուս կողմից էլ Արգենտինան կարող է հաղթել Նիգերիային: Եվ, եթե հաղթեն, ուսերից ծանր բեռ կընկնի, եւ դրանից հետո կարող է ամեն ինչ շատ ավելի լավ ընթացք ունենալ: Օրինակ, կարող է՝ մրցակիցը Ֆրանսիան լինի, եւ հավասար խաղ լինի նրանց միջեւ, բայց դա արդեն այլ պատմություն է: Արգենտինան դեռ պետք է որակավորվի, ծանր բեռը գցի ուսերից եւ փոխի թիմի ներսում տիրող մթնոլորտը:

- Ի՞նչ մրցակից կուզեիր 1/8 եզրափակչում:

- Ֆրանսիան կարող է գեղեցիկ մրցակից լինել: Մեծ խաղացողներ ունի: Արգենտինայի համար հիանալի միջոց կլինի, որպեսզի իմանա, որ իսկապես որակավորվում է հաջորդ փուլին, ինչին իրոք ունակ է:

Տպել
1869 դիտում

Սփյուռքը լուռ էր, երբ խորհրդարանում գնդակահարում էին պետության գլուխներին, սպանում՝ խաղաղ ցուցարարներին. Բաբաջանյան

Շոյգուն Պուտինին զեկուցել է ուկրաինացի զինյալներից «Ազովստալ»-ը և Մարիուպոլը ամբողջությամբ ազատագրելու մասին

Միրզոյանը հանդիպում է ունեցել Սերբիայի ԱԳ նախարար Նիկոլա Սելակովիչի հետ. քննարկվել են տարածաշրջանային հարցեր (տեսանյութ)

Դեսպան Հովակիմյանը Չեխիայի խորհրդարանի Սենատի նախագահին է ներկայացրել տարածաշրջանում վերջին զարգացումները

Արարատ Միրզոյանը շնորհավորել է Ֆրանսիայի նոր արտգործնախարարին

Բրյուսելում Փաշինյան-Միշել-Ալիև եռակողմ հանդիպմանը որևէ փաստաթղթի ստորագրում նախատեսված չէ․ Արմեն Գրիգորյան

«Գազպրոմ»-ը դադարեցրել է ռուսական գազի մատակարարումը Ֆինլանդիա՝ ռուբլով չվճարելու պատճառով

Պարոնայք գեներալներ, որտե՞ղ էիք, երբ բռնություններ էին գործադրվում տարբեր լեգենդար հրամանատարների նկատմամբ. Գաբրիելյան

Ծիծեռնակաբերդի խճուղին փլուզման հետևանքով երկկողմանի փակ է

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել (լուսանկարներ)

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման հայկական կողմի դիրքորոշումը (տեսանյութ)

Այսքան բացահայտ իրար ուտու՞մ են. Ստյոպա Սաֆարյանը Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի