Ահազանգ մամուլից. իշխանության համակիրները ճնշում են, սպառնում, մերժում եւ հայհոյում

Հեղափոխությունից հետո լրատվական ցանկացած հրապարակում արժանանում է «հալածանքների», եթե իր մեջ քննադատություն է պարունակում կառավարության որեւէ անդամի նկատմամբ: Առայժմ միայն ֆեյսբուք սոցիալական ցանցում ձեւավորվել է օգտատերերի մի խումբ, որի անդամները չտարբերակելով հիմնավորված փաստերը բամբասանքների մակարդակի խոսակցություններից՝ անտեղի քննադատում են: Մասնավորապես, «Հայկական Ժամանակ»-ի երկու հրապարակումներ՝ վարչապետի Սոչի կատարած այցի եւ կառավարական ամառանոցում շրջանավարտների ընդունելության մասին, արժանացան ֆեյսբուքահայության քննադատություններին: Սակայն, որեւէ մեկը հաշվի չնստեց վարչապետի աշխատակազմի կողմից մեզ տրամադրված պաշտոնական փաստաթղթերի գոյության հետ: Այնուհանդերձ, նշենք, որ իշխանափոխությունից հետո մամուլի կյանքում դրական փոփոխություններ եւս եղել են: Վերջին 10 տարում մամուլ-իշխանություն հարաբերություններում դժվար թե պատկերացնեինք այնպիսի իրավիճակ, երբ երկրի ղեկավարը կամ նրա լրատվական ծառայությունն այսքան հասանելի կլինեն:

Շարունակելով լրատվամիջոցներին ճնշելու որոշ անհատների անհագ ցանկության փորձերի թեման՝ նշենք, որ այլ լրատվամիջոցներ եւս արժանանում են «հալածանքների»: Չցանկանալով քննարկման առարկա դարձնել մեր գործընկերներին ուղղված մեղադրանքները՝ հրապարակումների ոչ օբյեկտիվ լինելու մասին, միայն փաստենք, թե ինչպիսի կոչեր են հնչել լրատվամիջոցների գործունեությունը դադարեցնելու համար:

Մասնավորապես, հունիսի 23-ին «Lili Minasyan» ֆեյսբուքյան օգտատերը գրառում է կատարել ֆեյսբուքում եւ նշել՝ #ՄերժիրՀրապարակին: Այնուհետ, օգտատերը կոչ է անում բոլորին «դիսլայք» անել «Հրապարակ» օրաթերթի ֆբ էջը եւ սպառնալիք հնչեցնում. «Կայքի հարցերը կլուծենք հաջորդիվ»:

Ստեղծված իրավիճակի շուրջ «Հրապարակ» օրաթերթի գլխավոր խմբագիր Արմինե Օհանյանը ՀԺ-ի հետ զրույցում նշեց՝ կարծում է, որ ֆեյսբուք սոցիալական ցանցում «Հրապարակի» մերժման գործընթացը սկսել են Քաղաքացիական պայմանագիր կուսակցության երիտասարդ անդամները եւ հեղափոխությանը մասնակցած ակտիվ ներկայացուցիչները:

«Ինձ այդքան չի անհանգստացնում հասարակության արձագանքը, որքան նոր իշխանությունների պահվածքը՝ մամուլի հետ կապված: Մենք մի քանի անգամ փորձեցինք իրենց ուշադրությունը սեւեռել այդ խնդրի վրա, որ լրագրողների համար մայիսի 8-ից հետո շատ բարդացել է աշխատանքը: Մենք ամենօրյա ճնշումներ ենք զգում մեր վրա»,- ասաց Արմինե Օհանյանը:

Նրա խոսքով՝ ճնշումները չեն վերաբերվում միայն «Հրապարակ» օրաթերթին, Օհանյանը գործընկեր-խմբագիրներից էլ է դժգոհություններ լսել: Արմինե Օհանյանին անհանգստացնում է նաեւ այն փաստը, որ վարչապետի եւ նրա տեղակալների մակարդակով խնդրին ուշադրություն չի դարձվում: «Ես անգամ արտերկրից եմ նամակներ ստանում: Ասում են՝ ինչպես օգնենք, որ խոսքի ազատությունը Հայաստանում չսահմանափակվի, իսկ մեր իշխանավորները չեն լսում, թե ինչ է կատարվում: Եթե մի քիչ ավելի հեռուն գնանք, գուցե լավ էլ տեսնում են, լսում են եւ գոհ են այդ վիճակից, գուցե ինչ-որ ձեւով ուղղորդում են այդ պրոցեսները»,- ասաց «Հրապարակի» գլխավոր խմբագիրը:

ՀԺ-ի հարցին, թե արդյո՞ք պատրաստվում են սպառնալիքների հետ կապված իրավապահ մարմիններին դիմել, Արմինե Օհանյանն ասաց. «Ես որպես կանոն իրավապահներին չեմ դիմում: Մեր գործն անում ենք անկախ նրանից, թե ով ինչպես է արձագանքում: Նյարդերի պատերազմ է գնում, բայց մենք սովոր ենք»,- ասաց Օհանյանն ու ավելացրեց, որ ընթերցողների նվազում չեն գրանցել, այս ընթացքում էլ կրկնապատկվել են:

Խնդրով մտահոգված է նաեւ «Ժուռնալիստների միության» նախագահ Սաթիկ Սեյրանյանը: Առաջիկայում խմբագիրների հավաք է լինելու: Սեյրանյանը եւս կարծում է, որ «Հրապարակի» դեմ ակցիան նախաձեռնել է ՔՊ-ականներից մեկը: Նա նաեւ ասում էր, որ այլ ԶԼՄ-ների ղեկավարներ էլ են իրեն դիմել այս խնդրով, սակայն այս փուլում անուններ տալ չի ցանկանում:

«Խմբագիրների հետ կհանդիպենք, կհասկանանք, թե ինչ քայլ ենք ձեռնարկելու այս ամեն ինչի դեմ: Սա բոլորիս անհանգստացնող փաստ է: Հասկանում ենք, որ հեղափոխությունից հետո ամեն ինչ տարբեր կերպ է ընկալվում, բայց նման դրսեւորում չի եղել մամուլի նկատմամբ»:

Սաթիկ Սեյրանյանը ՀԺ-ի հարցին ի պատասխան նշեց, որ որպես «168 ժամ» թերթի գլխավոր խմբագիր եւս զգում է հասարակության ճնշումներ, որոնք կաշկանդող են: «Նրանք չեն հասկանում, որ այդ կերպ վնասում են նաեւ նոր իշխանություններին»:

Սեյրանյանի համար մինչեւ այս անհասկանալի է մնացել նաեւ այն, թե ու՞մ էր ուղղված վարչապետի «հակապետական» հրապարակումների մասին գրառումը: Ժուռնալիստների միության նախագահն ասում է, որ եթե դա չի մասնավորեցվում, ապա բոլորն են ի գիտություն ընդունում: Նա միեւնույն ժամանակ չի բացառում, որ վարչապետի այդ գրառումը ինչ-որ չափով նաեւ ոգեւորել է լրատվամիջոցների վրա «հարձակվողներին»: Սաթիկ Սեյրանյանը միաժամանակ համակարծիք չէ, որ հասարակությունը սվին-դանակներով իշխանությանը պաշտպանում է զուտ այն բանի համար, որ այն լեգիտիմ է:

Հանրային Հեռուստաընկերության գործադիր տնօրեն Մարգարիտա Գրիգորյանն էլ ՀԺ-ի հետ զրույցում նշեց, որ ո՛չ իր, ոչ էլ լրատվական բաժնի որեւէ աշխատակցի նկատմամբ ճնշում չի զգացել: «Նախկինում չեմ կարող ասել, թե ինչ է եղել: Մոտ 10 օր է, որ ես զբաղվում եմ լրատվական բաժնի գործերով: Անընդհատ ժողովներին եմ մասնակցում, աշխատակիցներին եմ տեսնում, բայց նման դժգոհություններ չեն նկատել»:

ՀԺ-ի հարցին, թե՝ արդո՞ք հեղափոխությունից հետո ճնշումների ենթարկվում են, «Ժողովուրդ» օրաթերթի գլխավոր խմբագիր Թագուհի Թովմասյանը հետեւյալ կերպ մեկնաբանեց. «Մեր օրաթերթը իր գործունեության ողջ ընթացքում մշտապես եղել է իշխանության թիրախում: Այդ մասին են վկայում իշխանության ամենատարբեր համակիրների կողմից մեր դեմ ներկայացված դատական հայցերը, տարաբնույթ ճնշումները, որոնց մասին պարբերաբար բարձրաձայնել ենք: Բայց նման դրսեւորումները մեզ չեն կաշկանդել, չեն վախեցրել՝ բարձրաձայնելու ճշմարտությունը: Որքան էլ մեր կողմից հրապարակված նյութերը որեւէ մեկի քիմքին հաճելի չլինեն, միեւնույն է՝ մենք շարունակում ենք աշխատել մեր որդեգրած սկզբունքներով»:                

«Առավոտ» օրաթերթի գլխավոր խմբագիր Արամ Աբրահամյանն էլ ՀԺ-ին փոխանցեց, որ հեղափոխությունից հետո «Առավոտը» որեւէ ճնշման չի ենթարկվել իշխանության կողմից:

«Ոչ մի պաշտոնյա չի զանգահարել եւ ոչ մի բան չի փորձել պարտադրել: Ինչ մնում է նոր իշխանության չափից դուրս խանդավառ կողմնակիցների գրառումներին եւ մեկնաբանություններին, ապա, այո, նման դեպքեր լինում են: Երբ այդ իշխանության համար «ոչ ականջահաճո» նյութեր են լինում, նրանց արձագանքը սուր է, էմոցիոնալ: Չեմ կարծում, որ այդ արձագանքը հրահանգված է «վերեւներից» եւ համակարգված է: Երբ ավելի երիտասարդ էի, մոտս ցանկություն էր առաջանում նման արձագանքներին պատասխանել, վիճել, վիրավորվել: Այժմ այդ ամենին վերաբերվում եմ հանգիստ: «Առավոտ»-ի գոյության 24 տարիների ընթացքում հնչել են տարբեր տիպի սուր, նաեւ վիրավորական գնահատականներ: Պետք է սառնասիրտ ընդունել այդ ամենը»,- նշեց «Առավոտ»-ի խմբագիրը:

Քաղաքացիական պայմանագիր կուսակցության վարչության անդամ, ԱԺ ԵԼՔ խմբակցության պատգամավոր Ալեն Սիմոնյանը պատասխանելով հարցին, թե լրատվամիջոցների որոշ ղեկավարներ կարծում են, որ ՔՊ-ի երիտասարդները մամուլի դեմ արշավ են սկսել, ասաց. «Կուսակցության ներսում նման քննարկում չի եղել, որ պետք է նման քայլերի դիմեն: Ես պետք է ասեմ, որ թերթ փակելը ՔՊ-ի հավաքական կարծիքը չէ: Դա անընդունելի է, եղել է, կա եւ կմնա՝ որեւէ լրատվամիջոցի հետ կապված: Ես կոնկրետ ճնշում չեմ տեսել, եթե պետական, պաշտոնատար անձանց հետ կապված որեւէ փաստեր կան, ապա ես կուզենայի, որ խմբագիրները ներկայացնեին»: 

Տպել
21222 դիտում

Դոլարը, եվրոն ու ռուբլին թանկացել են․ Կենտրոնական բանկը սահմանել է նոր փոխարժեքներ

Քովիդ-19-ով պայմանավորված՝ ՀՀ տարածքում կարանտինը սահմանված է մինչև 2022 թ․-ի հունիսի 20-ը․ ճամփորդական սահմանափակումներ

Հայաստանի և Ադրբեջանի միջև վիճելի հարցերի լուծումների որոնումը շարունակում է մնալ Ռուսաստանի ուշադրության կենտրոնում

«Սև ուրբաթ»-ին գրքերի վաճառքը 3-4 անգամ ավելի է եղել. որոշ գրախանութներում զեղչերը դեռ գործում են

Ծաղկահովիտ խոշորացված համայնքի 10 բնակավայրերում արևային ֆոտովոլտային կայաններ կկառուցվեն

Հայաստանի մի քանի մարզերում ձյուն է տեղում, որոշ ավտոճանապարհներին բուք է, տեղ-տեղ՝ մերկասառույց

Անհրաժեշտ ենք համարում ՀԱՊԿ երկրների միջև ռազմական համագործակցության ձևավորումը. Հակոբ Արշակյան

«Internatiօnal IDEA» միջազգային հեղինակավոր կազմակերպությունն աջակցելու է արդարադատության նախարարությանը

Թումո կենտրոնը կտեղակայվի Կապանի կայարանի պատմական շենքում

Քամու հետևանքով վնասվել են տանիքներ, տանիքներում տեղադրած արևային ջրատաքացուցիչներ, ավտոմեքենաներ․ ԱԻՆ (լուսանկարներ)

Կայացել է Ազգային ժողովի կարողությունների ուժեղացմանն ուղղված Թվինինգ ծրագրի հանրային իրազեկման միջոցառումը

Կառավարության մոտեցումն ու ձեռագիրը գյուղական համայնքների զարգացումն ապահովելն է. Շիրակի մարզպետն այցելել է Կամո

Անցկացվել է վաշտային մարտավարական զորավարժություն

Հնարավոր եմ համարում ԵՄ-ում պարտադիր պատվաստումների հարցի քննարկումը. Եվրոպական հանձնաժողովի նախագահ

Աշոցքում ձյան առատ տեղումները ուղեկցվում են որոտով և կայծակով․ Գագիկ Սուրենյանը տեսանյութ է հրապարակել

Նիկոլ Փաշինյանն իր դիրքը նշմարել էր մինչ Սոչիի հանդիպումը, միջանցքի հարց հայկական կողմը չի քննարկում. քաղաքագետ

ՀՀ-ում կան փակ ավտոճանապարհներ. Ջաջուռի ոլորաններում ձնաբուք է

Զորամասերի նվագախմբերի, ԶՈՒ երգի, պարի համույթի համալրման նպատակով ՊՆ-ն հայտարարում է զորակոչիկների լսումներ և դիտումներ

ԿԳՄՍՆ-ում ստորագրվել է Էջմիածնի քաղաքապետարանի թիվ 13 մանկապարտեզի վերանորոգման համար դրամաշնորհային ծրագրիը

Հղիները «Քովիդ-19»-ի ծանր ընթացքի զարգացման և բարդությունների առաջացման ռիսկի խմբում են. առողջապահության նախարարություն

Միրզոյանը և Բայրամովը վաղը կհանդիպեն Շվեդիայում․ Եվրախորհրդարանում հայտարարել է Լյուկ Դիվինը

Կասեցվել են Կոտայքի մարզի Աղավնաձոր գյուղի վարչական ղեկավարի լիազորությունները

Կաշառք ստանալու համար մեղադրանք է առաջադրվել ՃՈ տեսուչին և նրան օժանդակած անձին․ խափանման միջոց է ընտրվել կալանավորումը

Փրկարարները Հրազդան գետից դուրս են բերել քաղաքացու դի

UNITY՝ «Շնորհավո՜ր Նոր Տարիֆ». UCOM-ը հանդես է եկել բոլոր ժամանակների իր լավագույն առաջարկով (տեսանյութեր)

Ապօրինի հատված ծառեր տեղափոխելու և իրավապահների նկատմամբ բռնություն գործադրելու կասկածով 3 անձ է ձերբակալվել. ՔԿ

«Քաղաքացիական պայմանագիր» կուսակցությունը Գյումրիում դե ֆակտո չի պարտվել. Հարությունյան

Նախագահը հյուրընկալել է արցախյան վերջին պատերազմում հերոսաբար զոհված զինծառայող, «Արցախի հերոս» Ալեն Մարգարյանի մորը

Կո՞ղմ են քաղաքացիները գլխավոր տոնածառի տեղադրմանը, թե՞ ոչ. (տեսանյութ)

Հայ Փոստը և Լատվիայի փոստը սկսում են նոր համագործակցություն

Վաղվանից չպատվաստված աշխատողները 7 օրը մեկ պետք է ներկայացնեն ՊՇՌ թեստի բացասական պատասխան

«Արարատցեմենտ»-ի արտադրամասում աշխատակիցն արգելափակվել է հումք տեղափոխող գլանակի արանքում և մահացել

Ստաֆիլակոկ հավի մսով և գազարով խճողակում. հայտնի են «Տաթև» կրթահամալիրի լաբորատոր փորձաքննության արդյունքները

Հաղորդակցության միջոցներն Արցախում գործում են խափանումներով, որոշ համայնքներում ընդհանրապես բացակայում է. ԱՀ ՄԻՊ

Մարգարա-Վանաձոր-Տաշիր-Վրաստանի սահման ավտոճանապարհի Գոգավան-Ստեփանավան հատվածը դժվարանցանելի է բեռնատարների համար

Մոսկվայում դեկտեմբերի 1-ին կկայանա Հայաստանի, ՌԴ-ի և Ադրբեջանի փոխվարչապետների հանդիպումը  

Քովիդի դեմ պատվաստման առաջին դեղաչափը ստանալուց հետո, եթե անձը ցանկանում է փոխել պատվաստանյութը, կպատվաստվի 4 շաբաթ անց

Անցած մեկ օրում հանցագործության 50 դեպք է բացահայտվել, արձանագրվել՝ ճանապարհատրանսպորտային 15 պատահար

Գեղարքունիքի մարզում հրդեհի հետևանքով 500 գլուխ մանր և 25 գլուխ խոշոր եղջերավորներ են անկել

Օդի ջերմաստիճանը կնվազի, առանձին շրջաններում սպասվում է քամու ուժգնացում