Արյունդ չխմի, չի հանգստանա. նախկին նախարարը նպատակ է դրել զավթե՞լ Լեոյի փողոցը

Կարեն Նահապետյանը դատավարական քաշքշուկների պատճառով չի կարողանում ավարտին հասցնել 2017 թվականին սկսած շինարարական աշխատանքները:

Քաղաքացին Լեո փողոցի 48 հասցեում, «Քաղաքից դուրս» (Լեո 52) ռեստորանի կողքին դեռեւս 2015 թվականին հողամաս է գնել, ապա մեկ ու կես տարի տեւած փաստաթղթային ձեւակերպումներից եւ օրինական ձեւով տարածքը սեփականաշնորհելուց հետո, ստացել է շինաշխատանքներ իրականացնելու թույլտվություն: 

Կարեն Նահապետյանը հայտարարում է, որ ռեստորանը պատկանում է ՀՀ արդարադատության նախկին նախարար Հովհաննես Մանուկյանին: Նահապետյանի խոսքով՝ շինանարարական աշխատանքները սկսելու առաջին իսկ օրվանից հարեւանությամբ գտնվող ռեստորանի տերը՝ Հովհաննես Մանուկյանը, տարբեր խոչընդոտներ է ստեղծել աշխատանքները ձախողելու նպատակով եւ վերջապես հասել նրան, որ դատական պրոցեսներից հետո շինարարությունն անժամանակ կասեցվել է:

«Երբ շինարարական աշխատանքները նոր էինք սկսել, օգոստոս ամիսն էր, Հովհաննես Մանուկյանի վստահված անձինք զանգեցին, ցանկություն հայտնեցին ծանոթանալ աշխատանքներին եւ շենքի շահագործման մանրամասներին: Հանդիպեցինք, ներկայացրեցին, անցավ: Երբ շինարարությունն արդեն հասել էր երկրորդ հարկի մակարդակին, Մանուկյանի փաստաբանը նամակ էր բերել, հանձնել շինարարներին, որ փոխանցեն ինձ: Հայտնել էին, որ ինչքան շուտ կապ հաստատեմ իրենց հետ, այդքան լավ կլինի ինձ համար»,- պատմեց Նահապետյանը:

Կարեն Նահապետյանն ասում է՝ նախքան խնդիրը դատական կարգով պարզաբանելը, փորձել է հայցվոր կողմի հետ բանավոր զրույցի միջոցով լուծում գտնել եւ հասկանալ, թե ինչն է վերջիններիս բողոքի պատճառը: Առաջարկել է նաեւ քննարկում կազմակերպել մասնագետների հետ, սակայն վերջիններս հրաժարվել են: Իսկ հունվար ամսին արդեն վարչական դատարանում վարույթ է հարուցվել Կարեն Նահապետյանի դեմ:

Կարեն Նահապետյանն ասաց, որ իրեն որոշ «բարի կամեցողներ» խորհուրդ են տվել չմիջամտել եւ ավելորդ պայքարի մեջ չմտնել Հովհաննես Մանուկյանի հետ՝ ասելով. «Ինքը նպատակ է դրել ամբողջ Լեոյի փողոցը զավթել, մինչեւ արյունդ չխմի, չի հանգստանա, մեր խորհուրդ քեզ՝ հեռու մնա»: «Այդ ընթացքում դատավոր փոխվեց, ոչ մի նիստ չի եղել, սակայն, մեղմ ասած, տեռորի են ինձ ենթարկել՝ ձերբակալել են, քրեական գործեր հարուցել, սպառնալիքների մասին էլ չեմ խոսում: Ի վերջո, փետրվարին հայց է մտցվել դատարան եւ շինարարությունը կասեցվել»,- ասաց նա: Հովհաննես Մանուկյանի հետ կապ հաստատել եւ խնդրի շուրջ մեկնաբանություն վերցնել մեզ չհաջողվեց: Մանուկյանը տեղեկացավ, որ ՀԺ-ից են իրեն զանգում, լսեց նաեւ հարցը, այնուհետեւ, երբ արդեն պետք է պատասխաներ, ասաց, որ լավ չի լսվում: Մեր հաջորդ զանգերն անպատասխան մնացին:  

Կարեն Նահապետյանն էլ ասաց, որ շինարարությունը դադարեցնելու հետեւանքով ֆինանսական հսկայական կորուստներ է կրել: Ներդրումներ է կատարել, վարկեր ձեւակերպել, այլ երրորդ անձանց հետ պայմանավորվածություններ ձեռք բերել, որոնք դադարեցված են դեռեւս անհայտ ժամկետով. «Շինարարությունն իրականացնելու համար 500 միլիոն դրամ վարկ է վերցրել, որից 1 միլիոնն է օգտագործել, դրան գումարած վաճառած հայրական տան գումարը»:

Բանկը, որպես ֆինանսավորող մարմին, որոշ ժամանակը մեկ ստուգում է իրականացվող շինարարությունը, իսկ շինարարությունն արդեն երեք ամիս է՝ դադարեցված է: Կարեն Նահապետյանն ասաց, որ արդեն բանավոր նախազգուշացում է ստացել, վարկը ամբողջությամբ մարելու պահանջ է ներկայացրել բանկը:

Վերջինիս փաստաբան Իռա Մանուկյանը ՀԺ-ի հետ զրույցում ասաց, որ այս պահին ունեն երկու դատական գործ, առաջին հայցը գտնվում  է վարչական դատարանի վարույթում, որի պահանջն է՝ Լեոյի 48 հասցեում իրականացվող շինարարությունը անվավեր ճանաչելը: Երկրորդ հայցը գտնվում է քաղաքացիական դատարանում, պահանջն է՝ Հովհաննես Մանուկյանի տարածքի կողքին իրականացվող շինարարական աշխատանքներն իբրեւ խախտում դիտարկել եւ դադարեցնել:

«Հայցվոր կողմը միջնորդություն է ներկայացրել՝ մինչեւ դատաքննության ավարտն արգելանք դնել եւ թույլ չտալ շինարարություն իրականացնել տվյալ հասցեում: Դատարանը բավարարել է եւ շինարարությունը 3 ամիս է՝ դադարեցված է: Պատճառաբանում են, թե Նահապետյանին պատկանող նորակառույց շենքի եւ Հովհաննես Մանուկյանին պատկանող ռեստորանի միջեւ պահանջված չափով տարածություն չի թողված, բայց շինաշխատանքները սկսելուց առաջ հաշվի են առնվել պահանջվող բոլոր չափանիշները եւ շինությունների միջեւ 6 մետր հեռավորությունը»,- ասաց Իռա Մանուկյանը:

Հովհաննես Մանուկյանին պատկանող «Քաղաքից դուրս» ռեստորանի եւ նորակառույց շենքի միջեւ ընկած տարածությունը

Փաստաբան Իռա Մանուկյանը նշեց, որ իրենց կողմից ներկայացված միջնորդությունները դատարանը մերժել է՝ հիմնավորելով, որ չեն կարողանում ապացուցել, որ շինարարական աշխատանքների դադարեցմամբ կրում են վնաս. «Նրանք չեն կարողանում հասկանալ, որ բանկն ամբողջ ժամանակահատվածում իրականացնում է հսկողություն եւ անկախ նրանից՝ աշխատանք իրականացվում է, թե՝ ոչ, քաղաքացին պարտավորված է բանկին վճարում կատարել»:

Հայցվոր Հովհաննես Մանուկյանի կողմից ներկայացուցիչ, փաստաբան Դավիթ Վարդանյանը չցանկացավ գործի վերաբերյալ որեւէ տեղեկություն տրամադրել, միայն նշեց, որ գործը գտնվում է դատաքննության փուլում, սակայն չցանկացավ մանրամասնել հայցվոր կողմի պահանջն՝ ասելով. «Այլ հարցի չեմ կարող պատասխանել՝ նպատակահարմարությունից ելնելով»: Նշեց, որ վարույթների վերաբերյալ տեղեկատվություն կա Դատալեքսում, իսկ դրանից զատ հարցերի չի ցանկանում պատասխանել:

Դատական տեղեկատվական համակարգում առկա պահանջը հետեւյալն է. «Սեփականատիրոջ իրավունքների խախտման վերացման պահանջ, որը զուգորդված չէ տիրապետումից զրկելու հետ»: Նշենք, որ բիզնես ծրագիրն իրականացնում է Կարեն Նահապետյանը, շենքի շահագործման եւ հետագա վերահսկողն էլ ինքն է լինելու:

Ընդհանուր պրոյեկտը մոտ 3 միլիոն դոլար արժե՝ 7 հարկանի շինություն է լինելու, առաջին երեք հարկերում՝ ներառյալ նկուղայինները, լինելու են ցուցասրահներ, իսկ մնացած 4 հարկերում՝ բիզնես նախաձեռնությունների կենտրոն: Նախաձեռնությունն իրականացվում է եվրոպական երեք երկրների՝ Ֆրանսիայի, Իտալիայի եւ Իսպանիայի հետ համատեղ համագործակցությամբ:

Իսկ նախագծի իրականացման հիմնական ներդրողը Կարեն Նահապետյանն է եւ «Հայ-գերմանական փոքր եւ միջին զարգացման ֆոնդ»-ը: «Շենքի շահագործումը փուլ առ փուլ էր նախատեսված, առաջին փուլի հանձնումը պետք է լիներ այս տարվա հոկտեմբեր ամսին: Մայիսի 26-ին Իտալացի գործընկերներն են գալիս, չգիտեմ, թե իրենց ինչ եմ ասելու, որովհետեւ աբսուրդ է պաշտոնապես օրինական ձեւով ձեռքբերված տարածքի համար ընկնել դատավարական քաշքշուկների մեջ»,- ասաց նա:

Տպել
8303 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից