Ալավերդցի Վահագնի մեղադրանքը մեղմացվել է, իսկ նրա աջ ձեռքը համարվող Արկոն ազատ արձակվել

Ալավերդի քաղաքի բնակիչ Կամո Փիրուզյանի սպանությունը պատվիրելու եւ կատարելու վերաբերյալ գործով նախաքննությունն ավարտվել է։ Այդ գործով որպես մեղադրյալ են ներգրավված Ալավերդցի Վահագն Աբգարյանը եւ Վլադիմիր Դավթյանը:

Մայր գործով նախաքննությունը, սակայն շարունակվում է:

Նախաքննության ավարտ հայտարարելուց առաջ, սակայն քրեական գործի շրջանակներում մի շարք փոփոխություններ են տեղի ունեցել: Նախ, ազատ է արձակվել Վահագն Աբգարյանի «աջ ձեռքը» համարվող Արկո մականունով հայտնի Արթուր Մնացականյանը: Բացի այն, որ նա ազատ է արձակվել, նախաքննական մարմինը դադարեցրել է նրա նկատմամբ քրեական հետապնդումը: Բանն այն է, որ Վահագն Աբգարյանի մտերիմ Արկոն ցուցմունքներ է տվել Վահագնի դեմ՝ այդպիսով օգնելով քննությանը: Հենց այս պատճառով էլ, ըստ ամենայնի, Արկոն հայտնվել է ազատության մեջ:

Բացի այդ՝ նախաքննության ավարտ հայտարարելուց առաջ մեղմացվել է Ալավերդցի Վահագնի մեղադրանքը: Նրա վրայից, այսպես ասած, հանվել է հանցավոր համագործակցություն ստեղծելու եւ ղեկավարելու հոդվածը (ՀՀ ՔՕ 223-րդ հոդվածի 1-ին մաս) եւ Ալավերդի քաղաքի բնակիչ Ռոման Մոսինյանի սպանությունը պատվիրելու հոդվածը (ՀՀ քրեական օրենսգրքի 38-35-104-րդ հոդվածի 2-րդ մասի 7-րդ եւ 8-րդ կետերով): Փոխարենը, սակայն Վահագն Աբգարյանին նոր մեղադրանք է առաջադրվել ՀՀ քրեական օրենսգրքի 235 հոդվածով (ապօրինի կերպով զենք-զինամթերք ձեռք բերելը, կրելը կամ փոխադրելը) եւ ՀՀ ՔՕ 312 հոդվածով (կաշառք տալը): Այսպիսով՝ Վահագն Աբգարյանը մեղադրվում է Կամո Փիրուզյանի սպանությունը պատվիրելու, Լոռու մարզային քննչական վարչության պետ Թաթուլ Շուշանյանին եւ քննիչ Արտակ Հարությունյանին կաշառք տալու, ապօրինի կերպով զենք-զինամթերք ձեռք բերելու մեջ:

Տեղեկությունը մեր զրույցում հաստատեց Վահագն Աբգարյանի պաշտպան Հակոբ Ճարոյանը: «Առնվազն երկու ծանր հոդված՝ 15 տարի եւ ցմահ, հանվել է: Այդ հոդվածները հանելու հետ կապված արդեն իսկ ես երկու օր առաջ՝ մայիսի 15-ին, դիմել եմ Քննչական կոմիտեի նախագահին, առաջարկել եմ, որ Վահագն Աբգարյանից ներողություն խնդրեն հետեւյալ տրամաբանությամբ, որ հունվարին մարդուն (խոսքն իր պաշտպանյալի մասին է-հեղ.) վիրավորել են, պատվի ու արժանապատվության հետ խաղացել ամբողջ մամուլով՝ մեղադրելով ինչ-որ ծանր հանցագործություններ կատարելու մեջ եւ թաքուն, առանց որեւէ տեղ հայտարարելու, հանել այդ մեղադրանքները: Հետեւաբար, էդ անձի պատվի, արժանապատվության հետ խաղացել են, եւ առաջարկել եմ ներողություն խնդրել: Իմ պաշտպանյալը ոչ մի մեղադրանք չի ընդունում, եւ ես դատարանում ապացուցելու եմ, որ փնթի գործի արդյունքում արված մեղադրանքներ են՝ հիմնված Արկոյի ցուցմունքների վրա, իսկ թե ինչու է Արկոն շահագրգռված, բնականաբար, դատարանում ես հիմնավորումներ կներկայացնեմ»,- ասաց Աբգարյանի պաշտպանը:

Հարցին, թե ինչ ապօրինի զենքերի մասին է խոսքը, Ճարոյանն ասաց, որ «Մակարով» տեսակի ատրճանակը հանձնել է Արթուր Մնացականյանը (Արկոն):

Նրա խոսքով՝ ապրիլի 26-ին սույն գործով մեղադրյալ Վլադիմիր Դավթյանը նոր ցուցմունք է տվել եւ հայտարարել, որ զենքը (այդ զենքով է սպանվել Կամո Փիրուզյանը-հեղ.) իրեն տվել է Արթուր Մնացականյանը, որը նույն օրը ասել է, թե որտեղ է գտնվում Կամո Փիրուզյանը: Ըստ Ճարոյանի՝ Վլադիմիր Դավթյանը նույնը պնդել է Արթուր Մնացականյանի հետ առերեսման ժամանակ: «Այդ ուղղությամբ մանրամասն քննություն չի արվել: Արթուր Մնացականյանն ասում է, որ չգիտեմ՝ երբ, չեմ հիշում որ օրը, Վահագն Աբգարյանը ինձ տվեց «Մակարով» տեսակի ատրճանակ, ասեց՝ տար, թաքցրու, ես տարա, թաքցրի անտառում, եւ հիմա, քանի որ որոշեցի լրիվ բացահայտել, ատրճանակը ներկայացրեցի վարույթն իրականացնող մարմնին»,- նշեց Ճարոյանը: Հարցին, թե որքան կաշառք է տվել Թաթուլ Շուշանյանին՝ Հակոբ Ճարոյաննն ասաց, որ կրկին, ըստ Արթուր Մնացականյանի ցուցմունքի՝ խոսքը 6000 ԱՄՆ դոլարի մասին է: «Գաղտնալսումով իրար հետ խոսում են Վահագն ու Արկոն, կոնկրետ գումարը չեն նշում, բայց կաշառք տալ, վերցնել, նման անորոշ խոսակցություններ են»,- ասաց պաշտպանը:

Սպանված Կամո Փիրուզյանի իրավահաջորդ ներկայացուցիչ Լուսինե Սահակյանն էլ մեր զրույցում ասաց, որ դեռ մասամբ են ծանոթացել քրեական գործի նյութերին, քանի որ այն շատ ծավալուն է՝ 15 հատոր է կազմում, բացի դրանից նաեւ գաղտնալսումներ են կատարվել, որը եւս շատ մեծ ծավալ է կազմում: «Ամբողջ ժամանակահատվածում կապ է հաստատված եղել Վահագն Աբգարյանի եւ սպանություն կատարողի միջեւ, դա եւս գաղտնալսումներում առկա է, եւ Վահագն Աբգարյանն ամեն ինչ փորձել է անել, որպեսզի զերծ մնա պատասխանատվությունից: Բացի դրանից ասեմ, որ քրեական գործով գաղտնալսումներում եւ քրեական գործի նյութերում երեւում է, որ նաեւ այլ հանցագործություններ են կատարվել, եւ դա եղել է նաեւ պատճառը, որ գործից անջատվել է մաս եւ իրականացվում է քննություն, որպեսզի նաեւ հնարավոր այլ հանցագործությունները բացահայտվեն, ինչպես այս գործով արդեն իսկ ներգրավված անձանց մասնակցությամբ, այնպես էլ՝ դեռեւս չներգրավված անձանց մասնակցությամբ»,- ասաց Սահակյանը:

Հարցին, թե տուժող կողմը ինչպե՞ս է վերաբերվում այն հանգամանքին, որ Վահագն Աբգարյանի մեղադրանքը մեղմացվել է, Սահակյանը պատասխանեց. «Զուտ Կամո Փիրուզյանի սպանության մասով մենք բավարարված ենք նախաքննության ընթացքով, իհարկե, կան որոշակի գործողություններ կատարելու, եւ դրանք մենք կփորձենք ինքներս իրականացնել արդեն իսկ դատական քննության ընթացքում, ինչ վերաբերվում է մյուս մեղադրանքներին, ապա ես մեծ հույս ունեմ, որ գործի քննության ընթացքում միգուցե թե վերաբերմունքը կփոխվի»:

Կամո Փիրուզյանը սպանվել է 2017 թվականի հունիսի 13-ին, օրը ցերեկով: Անհայտ անձը Ալավերդի քաղաքում՝ «Կատա» սուպերմարկետի հարեւանությամբ, կրակոցներ էր արձակել նրա ուղղությամբ։ Նախաքննության սկզբում փաստական տվյալներ են ձեռք բերվել, որ Կամո Փիրուզյանի ուղղությամբ Ալավերդի քաղաքի Թումանյան 20 հասցեում գտնվող խանութի մոտ «Մակարով» տեսակի ատրճանակից կրակոցներ է արձակել նույն քաղաքի մեկ այլ բնակիչ՝ ծնված 1991 թ.։ Դեպքի պահին վերջինս գտնվել է նույն հասցեում գտնվող ծաղկի վաճառքի սրահում, որտեղից էլ սկսել է կրակոցներ արձակել դրսում գտնվող Կ. Փիրուզյանի ուղղությամբ, ինչը շարունակել է ծաղկի սրահից դուրս գալուց հետո, ապա նաև՝ ոտքերով հարվածել տուժողի մարմնի տարբեր մասերին: Երիտասարդը՝ 26-ամյա Վլադիմիր Դավթյանն է, որն այս գործով կալանավորված է: Մեզ հայտնի դարձավ, որ ի սկզբանե, որպես այս սպանությանն օժանդակող, կասկածվել է նաեւ այսօր ձերբակալված Վահագն Աբգարյանի «աջ ձեռքը»՝ Արկո մականունով հայտնի Արթուր Մնացականյանը:

2017թ. սեպտեմբերի 20-ին Փիրուզյանի սպանության քրեական գործը քննիչի կողմից մեղադրական եզրակացությամբ ուղարկվել է Լոռու մարզի դատախազություն՝ մեղադրական եզրակացությունը հաստատելու եւ գործն, ըստ էության, քննելու համար առաջին ատյանի դատարան ուղարկելու միջնորդությամբ: Սակայն երեք օր անց՝ սեպտեմբերի 23-ին, քրեական գործի նախաքննության նկատմամբ դատավարական ղեկավարում իրականացնող՝ Լոռու մարզի դատախազի տեղակալի կողմից որոշում է կայացվել լրացուցիչ քննություն կատարելու համար քրեական գործը քննիչին վերադարձնելու մասին: Ինչից մի քանի օր անց ձերբակալվել են Վահագն Աբգարյանը, նրա աջ ձեռքը համարվող Արկոն, Քննչականի պետ Թաթուլ Շուշանյանը, գործը քննող քննիչը:

Սույն գործը, ըստ ամենայնի, կքննվի Լոռու մարզի ընդհանուր իրավասության դատարանում:

Տպել
7269 դիտում

Դատավորների ընդհանուր ժողովը ՍԴ դատավորի թեկնածու է ընտրել

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին